Քննություններ այլեւս չպետք է լինեն. նախարար Արայիկ Հարությունյանը կաշխատի այդ ուղղությամբ

Այսօր՝ հունիսի 12-ին, անցկացվեցին միասնական քննություններ «Հայոց լեզու եւ գրականություն» առարկայից: Մայրենիից քննություն հանձնելու համար Հայաստանում եւ Արցախում ընդհանուր առմամբ հայտագրվել է 2 508 դիմորդ: Միայն Հայաստանում՝ 2 234:

ՀՀ կրթության եւ գիտության նախարար Արայիկ Հարությունյանն այսօր առավոտյան այցելել էր Երեւանի Ա. Երզնկյանի անվան թիվ 118 ավագ դպրոցում տեղակայված քննական կենտրոն: Ի տարբերություն իրեն նախորդած առնվազն մի քանի նախարարների, Արայիկ Հարությունյանը քննական սենյակում գտնվող դիմորդների հետ ոչինչ չի խոսել, նրանց որեւէ կերպ չի դիմել: Շրջանավարտներից մեկը նկատեց, որ միասական քննությունների առաջին օրը եւս նախարար Հարությունյանը այցելել էր քննասենյակ եւ այնտեղ գտնվել մի քանի րոպե՝ դարձյալ լուռ:

Միասնական քննությունների կազմակերպչական աշխատանքներին առնչվող դժգոհություններ Արայիկ Հարությունյանը չունի: Քննությունների ընթացքը մեզ հետ զրույցում նա գնահատեց նորմալ: «Ամեն ինչ նորմալ է: Նախորդ անգամ երկու ֆեյսբուքյան գրառում էր եղել՝ քննությունների անցկացման կարգի հետ կապված: Խնդրել եմ, որ փաստերը ներկայացվեն՝ օրով, ժամով, որպեսզի ստուգենք մեր տեսախցիկներով: Փաստեր չեն ներկայացվել: Այնպես որ, ամեն ինչ նորմալ է: Հուսով եմ՝ այդպես էլ կշարունակվի»,- ասաց կրթության եւ գիտության նախարարը: Նա մանրամասնեց, որ նշված բողոքները վերաբերում էին քննությունների ընթացքի նկատմամբ թույլ վերահսկողությանը: «Հնարավոր է՝ նման դեպքեր արձանագրված լինեն, բայց կոնկրետ այս պահին փաստեր չունենք»,- հավելեց Արայիկ Հարությունյանը:

Միասնական քննությունների առաջին օրը՝ հունիսի 8-ին, երբ դիմորդների գիտելիքները ստուգվում էին կենսաբանություն, աշխարհագրություն եւ ընդհանուր պատմություն առարկաներից, մասնավորապես կենսաբանության քննություն հանձնածները, որոնց հետ մենք զրուցել էինք, նկատում էին, որ թեստերը շատ ավելի մատչելի էին, քան նախորդ տարիներինը: Կրթության եւ գիտության նախարարից հետաքրքրվեցինք, թե արդյո՞ք դրանում հատուկ միտում կա՝ հաշվի առնելով, որ այս տարի դպրոցների շրջանավարտների թիվը զգալի փոքր է, եւ բուհերն էլ ուսանողների մեծ պակաս են ունենալու՝ մոտ 4 600 դիմորդի առկայության պարագայում:

«Կարծում եմ, որ նման միտում չէր կարող լինել: Ես առաջին անգամ եմ այդ դիտարկումը լսում: Լավ սովորողների համար թեստերը հեշտ են, վատ սովորողների համար բարդ են, միջին սովորողների համար ունեն միջին բարդություն»,- պատասխանեց Արայիկ Հարությունյանը: Նախարարից հետաքրքրվեցինք, թե որն է ընդունելության քննությունների իր պատկերացրած իդեալական տարբերակը եւ արդյո՞ք կիսում է «Մխիթար Սեբաստացի» կրթահամալիրի տնօրեն, նախկին նախարար Աշոտ Բլեյանի տեսակետը, ըստ որի՝ քննություններ ընդհանրապես չպետք է լինեն:

«Ես համաձայն եմ այդ դիտարկման հետ, պարզապես այս դեպքում պետք է վստահությունը հանրակրթության նկատմամբ բարձրացվի, որպեսզի այնտեղ ստացված գնահատականները ընդունվեն բուհերի կողմից: Իսկ դրա համար աշխատանք է պետք տանել: Ամենակարեւորը՝ ավագ դպրոցի դերակատարությունը պետք է բարձրացվի: Ես չէի ցանկանա, որ այս համակարգը երկար շարունակվի, որովհետեւ նախ թեստերը իրական գիտելիքները ցույց չեն տալիս: Բուհում իմ դասավանդման փորձն էլ ցույց է տալիս, որ անգիր անելով հնարավոր է ընդունվել բուհ, բայց հետո բուհում ձախողել՝ չունենալով համապատասխան հմտություններ»,- նկատեց Արայիկ Հարությունյանը` հաստատելով, որ նախարարի պաշտոնում իր գործունեությունը միտված է լինելու է, ի վերջո, քննություններից հրաժարվելուն:

Իսկ առայժմ տարեկան երկու անգամ կկազմակերպվե՞ն բուհերի ընդունելության քննություններ, ինչը նախատեսում էին անել կրթության ոլորտի նախկին պատասխանատուները եւ համապատասխան որոշման նախագիծն էլ ներկայացվել էր կառավարության հաստատմանը: Գործող նախարարն ասաց, որ այդ հարցը դեռ չի քննարկվել. «Կքննարկենք»:

Ա. Երզնկյանի անվան թիվ 118 ավագ դպրոցում տեղակայված քննական կենտրոնում այսօր քննություն հանձնելու համար հայտագրվել է 127 դիմորդ: Բացակայել է նրանցից 7-ը: Հաջորդ միասնական քննությունը նախատեսված է ֆիզիկա առարկայից` հունիսի 15-ին: Կենսաբանություն, աշխարհագրություն եւ ընդհանուր պատմություն առարկաների միասնական քննությունների արդյունքները, ինչպես տեղեկացանք գնահատման եւ թեստավորման կենտրոնից, քննական կենտրոններում կհրապարակվեն վաղը, այսինքն՝ տվյալ քննությունից հետո հինգերորդ օրը, ինչպես նախատեսվում է կարգով:

Տպել
16945 դիտում

Նիկոլ Փաշինյանը հանձնարարել է վերջնական տեսքի բերել 2024-26 թթ․ միջնաժամկետ ծախսերի ծրագիրը

Հաագայի դատարանում մեկնարկել է Ադրբեջանն ընդդեմ Հայաստանի դատական լսումը (տեսանյութ)

Միացյալ Թագավորությունը պատրաստակամություն է հայտնել աջակցել ՆԳ նախարարությանն այն ուղղություններով, որոնք առաջնահերթ են

Ցեղասպանության տարիներին նա փրկեց հազարավոր հայ մանուկների կյանքեր․ Մարիա Յակոբսենի անվամբ փողոց է բացվել Երևանում

Կուսակցությունները կարող են դիմել օգտահաշիվ ստանալու համար անգամ առաջադրման վերջնաժամկետում․ ԿԸՀ-ն նոր կարգ է սահմանել

Վանաձորում գործող գազալցակայանում այսօր տեղի ունեցած հրդեհի փաստով նախաձեռնվել է քրեական վարույթ․ ՔԿ

ՀՀ 4 մարզում ձյուն է տեղում․ Սարավան-«Զանգեր» հատվածում մառախուղ է

ԵՄ-ն կշարունակի աջակցել արդարադատության ոլորտի բարեփոխումներին. Գրիգոր Մինասյանն ընդունել է դեսպան Անդրեա Վիկտորինին

Դատախազությունում կադրային փոփոխություններ են եղել․ Աննա Վարդապետյանը նաև պաշտոններից ազատման հրամաններ է ստորագրել

Ադրբեջանի առավելապաշտական մոտեցումները խաթարում են խաղաղությանն ուղղված ՀՀ-ի ջանքերը․ Միրզոյանը՝ ճապոնացի գործընկերոջը

Հրել է պարեկին և սպառնալիքներ հնչեցնելով՝ փորձել դիմել փախուստի․ Երևանի բնակչին մեղադրանք է ներկայացվել

Նիկոլ Փաշինյանը Վլադիմիր Պուտինի հետ քննարկել է Լաչինի շրջափակման հետևանքն ու ՌԴ կողմից անհրաժեշտ քայլերի իրականացումը

Ինչու է Դավիթ Գյուրջինյանը հայց ներկայացրել դատարան՝ կապված Բրյուսովի անվան ռեկտորի ընտրության հետ

Նիկոլ Փաշինյանը հանձնարարել է մշակել համապարփակ ռազմավարություն․ ներկայացվել է Ջրային կոմիտեի 2022թ. հաշվետվությունը

Բրյուսովի չհաստատված ռեկտորը չգիտի, թե որն է հայհոյանք, բայց պնդում է՝ իր խորհրդականը չի հայհոյել

Հայկական կողմին փոխանցված զինծառայողի աճյունի մոտ փաստաթղթեր են եղել․ Գոռ Աբրահամյան

Կայացել է հայ-իրանական միջկառավարական հանձնաժողովի 17-րդ նիստի պայմանավորվածությունները մշտադիտարկող հանձնախմբի նիստը

ԼՂ-ում ՀՀ զինված ուժերի ստորաբաժանումներ չկան. Արման Եղոյանը հակադարձել է ՄԱԿ-ում Ադրբեջանի ներկայացուցչի մեղադրանքներին

Հանրապետության հրապարակին հարող շենքերի լուսավորության համակարգերն արդիականացվել են

Կտրոնային համակարգի ներդրումն Արցախում փոքր-ինչ մեղմել է պարենային խնդիրը, դիզվառելիքի շուկայում կա պաշարների սղություն

Նախորդ տարվա համեմատ աճել են ՀՀ արտաքին առևտրաշրջանառությունը, տնտեսական ակտիվության ցուցանիշը

Իգոր Նիկոլաևը հոսպիտալացվել է. նա սրտի կաթված է ստացել

Կրթական և ակադեմիական բարեփոխումներն ու ծրագրերը քննարկել են ՀՀ նախագահն ու ԵՊՀ ռեկտորը

Մարտաֆիլմ հիշեցնող հետապնդում Երևանում․ պարեկները վնասազերծել են փախուստի դիմած, մարտական նռնակով զինված վարորդին

Արցախի ՄԻՊ-ը «Ouest France»-ին ներկայացրել է Ադրբեջանի կողմից Արցախի շրջափակման հետևանքով առաջացած հումանիտար իրավիճակը

Երթևեկության կանոնները խախտած վարորդներից բազմաթիվ անգամներ կաշառք են ստացել. ձերբակալվել է ՃՈ 3 տեսուչ

Վաղը կդադարեցվի «Մալաթիա» տոնավաճառի գործունեությունը

Բրյուսովի անվան համալսարանի ռեկտորի լիազորությունները կկատարի պրոռեկտորը․ ԿԳՄՍՆ-ն պարզաբանում է՝ ինչու է այդպես որոշվել

Հայտնի են «Եվրատեսիլ 2023»-ի կարգախոսն ու տարբերանշանը

Ադրբեջանի ԱԳՆ-ն հորդորում է խուսափել Իրան մեկնելուց, իսկ արդեն այնտեղ գտնվողներին՝ լինել խիստ զգուշավոր

Ավանեսյանն ու Հեբրեյեսուսը քննարկել են Լաչինի միջանցքի փակման հետևանքով Արցախում ստեղծված ներկայիս իրավիճակը

Աշխարհահռչակ դերասան Մել Գիբսոնն այցելել է Գլենդեյլի հայկական եկեղեցի

Զենքի մատակարարմամբ զբաղվող Դավիթ Գալստյանը կրկին ձերբակալվել է

Կարմիր խաչի ուղեկցությամբ Արցախից 3 հիվանդ է տեղափոխվել Հայաստան

ՄԱԿ-ի մանդատակիրները սեպտեմբերյան ագրեսիայի ընթացքում Ադրբեջանի վայրագությունների հարցով նամակ են հղել Ալիևի ռեժիմին

Կենտրոնական բանկը վերաֆինանսավորման տոկոսադրույքը թողել է անփոփոխ

Կարեն Գիլոյանը մասնակցել է Արարատի մարզի Աբովյան գյուղի միջնակարգ դպրոցի՝ նոր վերանորոգված մարզադահլիճի բացմանը

Աշտարակի տարածաշրջանի ավտոճանապարհները չմաքրելու հետևանքով երթևեկությունը խաթարվել է. կազմակերպությունը կպատժվի

Հայաստանը մասնակցում է Թեհրանի «Ֆաջր» միջազգային թատերական փառատոնին

Բևեռլի Հիլզի քաղաքապետը դատապարտել է հայերի դեմ ուղղված ատելության խոսքով թռուցիկների տարածումը