Միասնական քննություն. երկվորյակ քույրերը համաչափ կարդալով համեմատում են թեստի պատասխանները

Հայաստանում այսօր մեկնարկեցին միասնական քննությունները: Դիմորդների քանակն այս տարի գրեթե կրկնակի պակաս է: Բուհ ընդունվել պատրաստվում է ավելի քան 4 600 հոգի: Նախորդ տարի նրանց քանակը եղել է 9 700-ից ավելի: Առկա տարբերությունը պայմանավորված է շրջանավարտերի փոքր թվով, ինչն էլ իր հերթին պատճառ է 12-ամյա կրթակարգին անցնելու ընթացքում տեղի ունեցած օրինաչափության խախտման:

Քննությունների առաջին օրը դիմորդների գիտելիքները ստուգվել են երեք առարկայից՝ «Կենսաբանություն», «Աշխարհագրություն» եւ «Ընդհանուր պատմություն»: Երեւանում այս բոլորի համար գործել է մեկ քննակենտրոն: Կենտրոնի ղեկավար, Գնահատման եւ թեստավորման (ԳԹԿ) կենտրոնի փոխտնօրեն Կարո Նասիբյանից տեղեկացանք, որ «Կենսաբանություն» առարկայից քննություն հանձնելու համար հայտագրվել է 189 դիմորդ, «Աշխարհագրությունից»՝ 15, իսկ «Ընդհանուր պատմությունից»՝ 3: Վերջիններից, սակայն, քննությանը ներկայացել է միայն մեկը: Արդյունքում ամբողջ Երեւանում ընդհանուր պատմություն առարկայից քննություն է հանձնել մեկ շրջանավարտ: Կարո Նասիբյանն ասաց, որ աղջիկը թեստային առաջադրանքները կատարել է մեկ-մեկուկես ժամվա ընթացքում՝ նախատեսված երեք ժամի փոխարեն:

Կենտրոնի ղեկավարը նշեց, որ քննությունների ընթացքում խնդիրներ չեն ծագել: Միայն «կենսաբանություն» առարկայից քննություն հանձնող մի դիմորդ կարծիք է հայտնել, որ խնդիրներից մեկում վրիպակ կա, ու «վերտեսակային» բառի փոխարեն պետք է լիներ «ներտեսակային»: «Բնականաբար, ասացի երեխաներին՝ եթե հանկարծ գնահատման եւ թեստավորման կենտրոնը վրիպակ է թույլ տվել, այդ տարբերակը գրող անխտիր բոլոր դիմորդների պատասխանը կհամարվի ճիշտ: Մեր կարգն այսպես է, եթե մենք թեստի մեջ սխալ ունենք, ոչ թե այդ մեկի, այլ բոլորի պատասխանը համարում ենք ճիշտ: Այսինքն՝ իրենք որեւէ խնդիր պիտի չունենան, եթե մենք սխալվում ենք»,- ասաց Կարո Նասիբյանը:

Նա անդրադարձավ նաեւ բուհի ընդունելության քննության առանձնահատկություններից մեկին: «Արտառոց ոչ մի բան չկա, միայն՝ քննության առաջին ժամուկեսն անցնում էր նորմալ, հանգիստ, երկրորդ ժամուկեսից սկսած երեխաները արդեն սկսում են կողքերը նայել, այսինքն՝ սկսում են թեստի բարդ առաջադրանքները կատարել: Հիմա մեզ մոտ քննության այդ փուլն է»,- ժպիտով նկատեց կենտրոնի ղեկավարը եւ հավելեց, որ ընկերներից կամ ուսուցիչներից հուշում սպասելը դպրոցից եկող սովորություն է, բայց արդեն երկրորդ քննությունից սկսած ամեն ինչ իր տեղն է ընկնում:

«Կենսաբանության» քննությունից առաջինը դուրս եկած դիմորդներից էին երկվորյակ քույրերը՝ Սելին եւ Միլեն Մարգարյանները: Նրանց հանդիպեցինք, երբ ձեւաթղթում նշված պատասխանները համեմատում էին՝ թվերը բարձրաձայն ու համաչափ կարդալով (տեսանյութը՝ ստորեւ): Պարզվեց, երկուսին էլ թեստի նույն տարբերակն էր բաժին ընկել: Երկուսն էլ դիմել են Երեւանի Մխիթար Հերացու անվան պետական բժշկական համալսարան՝ ընդհանուր բժշկության ֆակուլտետ: Մինչ այդ, երկուսն էլ սովորել են նույն դպրոցում, նույն վարժարանում ու նույն դասարանում. «Ամեն տարվա քննություններին մենք պատահաբար քաշում ենք նույն լսարանը, նույն թեստի համարը: Չգիտեմ ոնց՝ միշտ այդպես ստացվում է մեզ մոտ: Թեստն էլ նոր իմացանք, որ երկուսս էլ երրորդ տարբերակ ենք վերցրել»: Սելին եւ Միլեն քույրերն ասացին, որ կրկնուսույցի մոտ չեն պարապել, որովհետեւ «Քվանտ» վարժարանում ստացել են բավարար գիտելիքներ: Թեստային առաջադրանքների ու քննության կազմակերպվածության հետ կապված դժգություններ չունեին: Նկատեցին, որ այս տարվա թեստերը նախորդների համեմատ ավելի մատչելի են: Կարծիք հայտնեցին, որ 16 ու նույնիսկ 18 միավոր կստանան: Նրանց պատասխանների համեմատությունը ցույց էր տվել, որ 80 տոկոսը համընկնում են:

Դարձյալ կենսաբանության քննությունից դուրս եկած մեկ այլ դիմորդ՝ Արին Ավանուսյանը, նույնպես նկատեց, որ այս տարվա թեստերը համեմատաբար հեշտ էին: «Քննությունը շատ հաջող անցավ: Կարծում եմ՝ համեմատաբար ավելի թեթեւ պետք է լինի ընդունելությունը, ավելի մեղմ պետք է վերաբերվեն, քանի որ այս տարվա շրջանավարտները քիչ են, նամանավանդ՝ դիմորդները»,- ասաց երիտասարդը: Նա «Հերացի» ավագի դպրոցի շրջանավարտ է եւ դիմել է ԵՊՀ քիմիայի ֆակուլտետ: Ընտրել է այն մասնագիտությունը, որն ավանդաբար պահանջված չի լինում եւ հաճախ մնում են բազմաթիվ թափուր տեղեր: «Ինձ հիմնականում գրավում է հենց այդ ասպարեզը՝ գիտական ասպարեզը: Եվ կարծում եմ՝ Հայաստանում լինելով ուսանող, ով կդիմի քիմիայի ֆակուլտետ ու կցուցաբերի հետաքրքրություն քիմիայի ասպարեզում ու լինելով փոքրամասնության անդամ, կկարողանա որեւէ փոփոխության բերել եւ հետաքրքրություն առաջացնել մնացածի մոտ: Սա նաեւ իմ նախասիրությունների մեջ է մտնում»,- մասնագիտության ընտրությունը պատճառաբանեց դիմորդ Արին Ավանուսյանը: 

Տպել
7683 դիտում

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը փակ է բոլոր տրանսպորտային միջոցների համար

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն