Արա Բաբլոյանը ընդունել է Դեմետրիս Սիլուրիսի գլխավորած պատվիրակությանը

ՀՀ Ազգային ժողովի նախագահ Արա Բաբլոյանը մայիսի 21-ին ընդունել է Կիպրոսի Հանրապետության Ներկայացուցիչների պալատի նախագահ Դեմետրիս Սիլուրիսի գլխավորած պատվիրակությանը: Հանդիպումը կայացել է ընդլայնված կազմով:

Արա Բաբլոյանը, ողջունելով հյուրերին,  նշել է, որ Հայաստանի եւ Կիպրոսի միջեւ հարաբերությունները վերջին տարիներին համատեղ ջանքերի շնորհիվ որակական նոր մակարդակի են հասել: ԱԺ նախագահը բարձր է գնահատել միջազգային կառույցներում երկու երկրների խորհրդարանների արդյունավետ համագործակցությունը:

Խորհրդարանի ղեկավարի խոսքով` երկկողմ ամուր հարաբերությունները պայմանավորված են պատմամշակութային, հոգեւոր եւ արժեհամակարգային ընդհանրություններով:

Ըստ Արա Բաբլոյանի` այս այցը փոխադարձ հետաքրքրություն ներկայացնող հարցեր քննարկելու մեծ հնարավորություն է, ինչն իր հերթին կնպաստի  բարեկամ երկրների միջխորհրդարանական եւ միջպետական հարաբերությունների առավել խորացմանն  ու զարգացմանը:

ՀՀ խորհրդարանի ղեկավարն անդրադարձել է նաեւ Հայաստան-ԵՄ Համապարփակ եւ ընդլայնված գործընկերության համաձայնագրի ստորագրմանը`  հույս հայտնելով, որ Կիպրոսի Ներկայացուցիչների  պալատը հնարավորինս սեղմ ժամկետում կվավերացնի փաստաթուղթը:

Խոսելով տարածաշրջանային խնդիրների մասին` Արա Բաբլոյանը նշել է, որ Հայաստանը եւ Կիպրոսը մշտապես սատարել են միմյանց դիրքորոշումները` Լեռնային Ղարաբաղի հակամարտության եւ Կիպրոսի խնդրի կարգավորման հարցերում: «Թեեւ մեր առջեւ դրված են տարբեր խնդիրներ, սակայն կարգավորման առումով մոտեցումը նույնն է` առանց ուժի կիրառման, բացառապես խաղաղ ճանապարհով, միջազգային իրավունքի սկզբունքների եւ նորմերի հիման վրա»,- ասել է Արա Բաբլոյանը:

Կիպրոսի Հանրապետության Ներկայացուցիչների պալատի նախագահ Դեմետրիս Սիլուրիսը, շնորհակալություն հայտնելով ջերմ ընդունելության համար, նշել է, որ  Կիպրոսն ու Հայաստանն ընդհանրություններ շատ ունեն եւ  հաշվի առնելով այդ հանգամանքը` կարելի է առավել խորացնել ու զարգացնել հարաբերությունները բոլոր ոլորտներում:

Դեմետրիս Սիլուրիսն առաջարկել է ստեղծել խորհրդարանական համագործակցության եռակողմ ձեւաչափ` Կիպրոս-Հայաստան-Հունաստան: ԱԺ նախագահ Արա Բաբլոյանը կարեւորել է հնչած առաջարկը:

Խոսելով Լեռնային Ղարաբաղի հիմնախնդրի մասին` Դեմետրիս Սիլուրիսը վերահաստատել է, որ Կիպրոսի Հանրապետությունը աջակցում է ԼՂ հիմնախնդրի խաղաղ կարգավորմանը` ԵԱՀԿ Մինսկի խմբի համանախագահների շրջանակներում եւ միջազգային տարբեր հարթակներում մշտապես աջակցել եւ աջակցելու է Հայաստանին:

Հանդիպմանը կողմերը կարեւորել են Կիպրոսի հայ համայնքի դերակատարությունը` նշելով,  որ հայերը Կիպրոսի հասարակության լիիրավ անդամներ են եւ մեծ դեր ունեն պետության զարգացման գործում:

Հայաստանի եւ Կիպրոսի պատգամավորները, անդրադառնալով  գիտակրթական,  մշակութային, տնտեսության, զբոսաշրջության եւ այլ ոլորտներում հետագա զարգացման հնարավորություններին,  ընդգծել են, որ  առկա մեծ ներուժ կա:

Կիպրոսի Հանրապետության Ներկայացուցիչների պալատի նախագահ Դեմետրիս Սիլուրիսը  գրառում է կատարել  ՀՀ Ազգային ժողովի պատվավոր հյուրերի մատյանում:

Հանդիպման ավարտին  Արա Բաբլոյանն ու  Դեմետրիս Սիլուրիսը  եղեւնի են տնկել ՀՀ Ազգային ժողովի այգում` ի նշան երկու ժողովուրդների հարատեւ բարեկամության, որից հետո  լրատվամիջոցների համար հանդես են եկել համատեղ  հայտարարությամբ :

Տպել
2381 դիտում

Հրապարակվել են ադրբեջանական ագրեսիան հետ մղելիս զոհված եւս 36 զինծառայողների անուններ

Հովիկի և Մարիամի պսակադրությունն ուղերձ է՝ ուղղված ողջ քաղաքակիրթ աշխարհին. Արայիկ Հարությունյան (լուսանկարներ)

Ադրբեջանցի գերեվարված զինծառայողի վիճակը գնահատվում է կայուն ծանր. ՊՆ խոսնակ

Կադրեր՝ անցած գիշեր հրթիռակոծված Ստեփանակերտից. կիրառվել են սմերչ հրթիռներ

Շուշիի հրթիռակոծված Ղազանչեցոց եկեղեցում հարսանիք է (լուսանկարներ, տեսանյութ)

Ավստրալիայի Ռայդ քաղաքը կոչ է անում երկրի կառավարությանը ճանաչել Արցախի Հանրապետությունը․ ԱՀ ԱԳՆ

Երբ մեզնից շատերը հանգիստ նստած են, հայերը սպանվում են Թրամփի ընկեր Էրդողանի կողմից մեր իսկ զենքերով. Շոն Պեն

Արկերի տարափի ներքո «պեչենի» համտեսող զինվորի` Գեորգի Մելքոնյանի մտքերն իր զինակից ընկերների հետ են (տեսանյութ)

Մինչ օրս ադրբեջանական ագրեսիայի հետեւանքով զոհվել է 40 խաղաղ բնակիչ, վիրավորվել՝ 120-ը

Թշնամու կենդանի ուժի և ամրակառույցների ոչնչացումը (տեսանյութ)

Հեռախոսահամարներ, սոցցանցի էջեր գնելու, տարածք նկարահանելու հայտարարություններն ադրբեջանական հետք ունեն. ԱԱԾ

Կորոնավիորւսի 2213 նոր դեպք է հաստատվել. գրանցվել է 12 նոր մահ

Երեկ երեկոյան ու գիշերը Արցախի բնակավայրերի ուղղությամբ կիրառվել են «Պոլոնեզ» տիպի հրթիռներ. Ա. Բեգլարյան

Անհետ կորածներ կան մի շարք համայնքներից, չի բացառվում, որ նրանք սպանվել կամ ենթարկվել են խոշտանգումների. ԱՀ ՄԻՊ

Մեր խմբի հիմնական մասն ադրբեջանցի չէին, այլ լեզվով էին խոսում. պատմում է ադրբեջանցի ռազմագերին (տեսանյութ)

Զոհրաբ Մնացականյանը հանդիպել է ԱՄՆ Ազգային անվտանգության հարցերով խորհրդական Ռոբերտ Օ՛Բրայանին

ՀՀ տարածքում ավտոճանապարհներն անցանելի են․ Սոթք-Քարվաճառ ավտոճանապարհը փակ է

Նոր կադրեր՝ հարավային ուղղությամբ ջախջախված հակառակորդի առգրավված զինտեխնիկայից (տեսանյութ)

Տեղային մարտեր են ընթանում ճակատային գծի ամբողջ երկայնքում. երեկոյան հրետակոծվել են խաղաղ բնակավայրերը. ՊԲ

ԱՄՆ-ը չի կարող ձեռքերը ծալած նստել. կոնգրեսական Ադամ Շիֆը կոչ է անում ճանաչել Արցախի անկախությունը