Նրանք մտածում են՝ ժողովուրդը չի կարող լինել այդքան հզոր, սա վիրավորանք է ժողովրդի նկատմամբ

Նիկոլ Փաշինյանը 45 կողմ, 55 դեմ ձայների հարաբերակցությամբ չընտրվեց ՀՀ վարչապետի պաշտոնում:

Մինչ քվեարկությունը, նա հանդես եկավ ելույթով, որից առաջ հայտնի էր դարձել ՀՀԿ-ի դիրքորոշման մասին՝ չքվեարկել նրա օգտին:

Նիկոլ Փաշինյանի ելույթը ներկայացնում ենք ամբողջությամբ.

«Նախ թույլ տվեք ողջունել վաղ առավոտից Հանրապետության հրապարակում կանգնած հարյուր հազարավոր քաղաքացիներին եւ արձանագրել, որ նրանց հաղթանակը որեւէ կերպ չի կարող կասկածի տակ առնվել: Ժողովուրդ ջան, խնդրում եմ Հանրապետության հրապարակում սպասել, ես շատ շուտով կգամ այդտեղ:

Ուզում եմ շնորհակալություն հայտնել նաեւ շահագրգիռ քննարկման համար: Ինձ այս ամբիոնից շատ մեղադրեցին, որ ես սպառնում եմ ոչնչացնել Հանրապետական կուսակցությանը: Ես ուզում եմ այս պահից հայտարարել պաշտոնապես, որ որեւէ այդպիսի մտադրություն չունեմ, որովհետեւ Հանրապետական կուսակցությունը, ՀՀԿ խմբակցությունն ինքն իրեն ոչնչացրեց միանգամից եւ անշրջելիորեն: Սեփական ժողովրդին պատերազմ հայտարարող ուժը ընդհանրապես չի կարող գոյություն ունենալ եւ այն, ինչ մենք հիմա տեսնում ենք, ոչ թե Հանրապետական կուսակցությոն կամ խմբակցություն է, այլ նրա ուրվականը, եւ այստեղ ուրիշ կարծիք լինել չի կարող:

Զարմանալի մի բան տեղի ունեցավ, երբ Հանրապետական խմբակցության ներկայացուցիչները իրենց գոյություն չունեցող իշխանության տեսիլքը պահպանելու համար անցան հակապետական հռետորիկայի՝ փորձելով մեր շարժմանը աշխարհաքաղաքական դավադրություն լինելու մասին ահազանգեր ուղարկել տարբեր ուղղություններով: Այդ ահազանգերը ոչ միայն ուղղված են ՀՀ ազգային անվտանգությանը, այլեւ նպատակ ունեն խաթարել Հայաստանի եւ մի շարք բարեկամական երկրների հարաբերությունները, նպատակ ունեն այնպես անել, որ բարեկամ երկրների մեջ թշնամանք առաջանա:

Ես ուզում եմ ասել պատասխանատու կերպով, ամենայն հարգանքով, որ բոլոր նրանք, ովքեր փորձում են շահարկել, որ այս ամենի մեջ ինչ-որ մութ ուժերի, օտար ուժերի ազդեցություն կա, նրանք վիրավորում են սեփական ժողովրդին: Նրանք էնքան չեն ճանաչում սեփական ժողովրդին, էնքան են կտրված սեփական ժողովրդից, մտածում են, թե կարող են հաղթել ՀՀ ժողովրդին, այդ պատճառով էլ կարծում են՝ ՀՀ ժողովուրդը չի կարող լինել այդքան հզոր, եթե այդքան հզոր է, ուրեմն օտար ուժերի ներգործություն կա այդտեղ, սա վիրավորանք է  ժողովրդի նկատմամբ: Եվ սա ցույց է տալիս, որ այս խմբակցությունը որպես ամբողջություն որեւէ կապ չունի, վաղուց կտրել է բոլոր կապերը հայ ժողովրդի հետ:

Խոսում են պայթյունավտանգ իրավիճակի մասին, սիրելիներս, ոչ մի պայթյունավտանգ իրավիճակ գոյություն չունի, որովհետեւ պայթյունավտանգ իրավիճակ կարող է լինել միայն հավասար ուժերի հարաբերակցությամբ: Այսօր Հայաստանում չկա այդպիսի հարաբերակցություն, կա ժողովուրդ՝ մի կողմից եւ Հանրապետական 20-25 պատգամավոր՝ մյուս կողմից ու ՀՀԿ վերնախավ, որն ուզում է ապացուցել, որ իրենք միասնական  են: Չկա ոչ մի պայթյունավտանգ իրավիճակ, որովհետեւ հայ ժողովուրդը միասնական է եւ կոչ եմ անում այստեղ բախումների մասին,  ցնցումների մասին, որովհետեւ ժողովրդի դեմ կագնած ուժ չկա, որ բախումը լինի հնարավոր:

Ես ուզում եմ արձանագրել հաջորդը, որ բազմիցս եմ ասել, որ Հայաստանի Հանրապետությանն ու Արցախի Հանրապետությանը սպառնացող վտանգի դեպքում այս ողջ համազգային շարժումը լծվելու է Արցախի ու Հայաստանի պաշտպանությանը: Համաժողովրդական շարժման ամբողջ ներուժը ծառայելու է այդ գործին, բայց ես ուզում եմ ձեր ուշադրությունը հրավիրել մի բանի վրա, որ ՀՀԿ խմբակցության որոշ պատգամավորներ առավոտից Ազգային ժողովի դահլիճից տարածում են ադրբեջանական քարոզչության նյութերն ու տեղեկությունները՝ փորձելով խուճապ առաջացնել ՀՀ ժողովրդի շրջանում, սա ի՞նչ է, եթե ոչ ուղիղ գործակցությոն Ադրբեջանի հետ, եւ ի՞նչ է, եթե ոչ օգնության կանչ Ադրբեջանին ու նրա առաջին դեմք Իլհամ Ալիեւին: Ես որեւէ ուրիշ որակում չեմ կարող տալ, սա ՀՀԿ կուսակցության ինքնաոչնչացման ամենավերջին կատեգորիան է: Եթե այստեղ ՀՀԿ խմբակցության շարքերում կան դեռ մարդիկ, որոնք մտահոգված են երկրի տնտեսությամբ, կայունությամբ, ճգնաժամը լուծելու անհրաժեշտությամբ, նրանք կարող են այդ խնդիրը լուծել հեշտությամբ՝ քիչ հետո քվեարկելով ժողովրդի թեկնածուի օգտին:

Ես չեմ ուզում դիմել ՀՀԿ խմբակցությանը՝ որպես ամբողջություն, քանի որ այդ ամբողջություն այլեւս չկա, այդ պատճառով էլ ես դիմում եմ ՀՀԿ անդամներին որպես անհատներ. ձեր քաղաքական ուժը հատել է ինքնաոչնչացման այն սահմանը, որից այլեւս վերադարձ չկա: Ես ուզում եմ դիմել ձեզանից յուրաքանչյուրին. եթե դուք դեռեւս ունեք հնարավորություն այդ սահմանը չհատելու, եւ սա ասում եմ առանց սպառնալիքի, առանց որեւէ ենթատեքստի, գծեք ցանկացած սցենար, չկա այդպիսի տարբերակ, որին համաժողովրդական շարժումը չհաղթի, դուք ընդամենը խաղում եք ժամանակի հետ եւ դա արժանապատիվ չէ մի կուսակցության համար, որը վերջին 20 տարում երկրի իշխանություն է եղել եւ իրենց ասելով, առաջնորդվել բացառապես երկրի ազգային եւ պետական շահերով:

Ուզում եմ մի քանի դիտարկումներ անել՝ հասկանալու համար, թե ինչ խորը թյուրըմբռնում կա Հանրապետական կուսակցության շարքերում: Արմեն Աշոտյանն ասում է, որ ես դարձել եմ հայկական Նելսոն Մանդելա, Գեւորգ Կոստանյանն ասում է՝ ես կառավարման փորձ չունեմ եւ դա ներկայացնում է որպես փաստարկ: Ես ուզում եմ ասել, որ Նելսոն Մանդելան 20-րդ դարի ամենահեղինակավոր գործիչներից է եղել ամբողջ աշխարհում եւ համարվում է իր երկրի ու ազգի հայրը,  երկրի նախագահի պաշտոնը ստանձնել է 26 տարի բանտում մնալուց հետո, 26 տարի մարդն անցկացրել է բանտում, դուրս եկել ու մի քանի ամսից ստանձնել նախագահի պաշտոնը: Եւ պատկերացնո՞ւմ եք, Հարավաֆրիկյան երկրում չկար Կոստանյանի նման պատգամավոր, որն ասեր՝ էս ինչ աղետ եք բերում էս ժողովրդի գլխին, ինչպես կարելի է 26 տարվա ոչ միայն կառավարման փորձ չունեցող, այլ ազատազրկման փորձ ունեցող  մարդուն տալ երկրի կառավարման ղեկը:

Մեկ անգամ էլ ուզում եմ հստակ ընդգծել, որ մեր նպատակը անցումային կառավարության, ժամանակավոր կառավարության ձեւավորումն է: Եվ այսօրվա քվեարկության արդյունքներով  պատրաստ եմ անմիջապես սկսել խորհրդակցությունների շարք, որպեսզի մենք միասին կարողանանք այս անցումային շրջանի ոչ պարզ խնդիրների լուծմանը: Միեւնույն ժամանակ, ուզում եմ հավաստիացնել, որ ինչպես նախկինում ենք ասել՝ կադրային ջարդ, կլանային մոտեցումներ, խմբային շահերի սպասարկում չի լինելու: Սա ասում եմ որպես պարտավորություն, որը ստանձնում եմ ոչ միայն խորհրդարանի առաջ, այլ ընդհանրապես այս ժողովրդի առաջ:

Մենք փակել ենք ատելության էջը, սկսվում է մի նոր փուլ, որտեղ մեզանից յուրաքանչյուրը 0-ից սկսելու եւ այս համաժողովրդական այս շարժման համահեղինակ դառնալու ճանապարհին ենք: Խնդիրն այն չէ՝ ինձ ընտրել, թե չընտրել վարչապետ, խնդիրն այլ տեղում է՝ դուք ուզու՞մ եք սեփական ժողովրդի հաղթանակը, թե չեք ուզում, ընդ որում Ժողովրդի հաղթանակը տեղի է ունենալու ամեն դեպքում, ես ձեզ կոչ եմ անում, ուղիղ կոչ՝ յուրաքնչյուր անհատի՝ միանալ համաժողովրդական զարթոնքին, լինել տոնի հեղինակն ու համահեղինակը, որովհետեւ էականն այն չէ, ով երբ է միացել, այլ այն է՝ յուրաքանչյուր միացող իր լուման է բերում, որ հայ ժողովուրդը, հայերն այս իրավիճակից դուրս գան հաղթանակած:

Վերստին ուզում եմ արձանագրել, որ ես երբեք չեմ մերժել բանակցություները, բայց ասել եմ հստակ, որ դրանք չեն կարող լինել գոյություն չունեցող թեմաների շուրջ, անհրաժեշտ է շատ հստակ հասանալ իրավիճակը, իրերի իրական դրությունը ու հասկանալ, որ բանակցությունները կարող են ընթանալ միայն իշխանության անցնցում եւ խաղաղ փոխանցման շուրջ: Եվ ըստ էության, այսօվա մեր խոսակցությունն էլ այդպիսի մի հրապարակային բանակցություն է, որով դուք կարող եք, հնարավորություն ունեք ժողովրդին հաղթանակ պարգևել այն պայմաններում, երբ չունեք հնարավորություն՝ այդ հաղթանակը խլել: Այնպես որ ես հույս ունեմ՝ քվեարկության արդյունքները միտված կլինեն ապագային, ոչ թե անցյալին:

Հիմա այլեւս պետք չէ մտածել սերժ Սարգսյանի մասին, ՀՀԿ կուսակցության կամ խմբակցության մասին, որովհետեւ հիմա այն մարդկանց թիկունքին, որոնք կանեն իրենց քայլը, կանգնած է ժողովուրդը, որը պատրաստ է օգնել, պաշտպանել յուրաքանչյուրին՝ առանձին-առանձին: եվ ես կոչ եմ անում՝ բաց չթողնել այս հնարավորությունը ու ձեր անունը ոսկե տառերով  գրել այս խորհրդարանի պատերի մեջ:

Եվ ուրեմն, կեցցե՛ազատությունը, կեցցե՛ մեր ժողովուրդը, կեցցե՛նք մենք ու մեր երեխաները, որ արդեն իսկ ապրում են ազատ հայրենիքում»:

Տպել
2992 դիտում

Տաթև-Կապան ավտոճանապարհին արգելափակումից 23 բեռնատար է դուրս է բերվել

Բարի գալուստ սպորտի, հումորի և մշակույթի կենտրոն. Տյումենից Գյումրի են ժամանել տուր-օպերատորներ և ԶԼՄ ներկայացուցիչներ

Պետական գույքը հանրային սեփականություն է, հանրությունը պիտի տեղյակ լինի՝ ինչպես է կառավարվում այն. Առնակ Ավետիսյան

ՀՀ պաշտպանության նախարար Սուրեն Պապիկյանն այցելել է «Եռաբլուր» զինվորական պանթեոն

Արցախից Երևան տեղափոխված երեխան «Սուրբ Աստվածամայր» ԲԿ-ի վերակենդանացման բաժանմունքում է. վիճակը կայուն ծանր է

ՀՀ-ում կրճատվել է միջմարզային երթուղիների թիվը. աստիճանաբար անցում կկատարվի միասնական երթուղային ցանցի

Մահացել է Հայաստանի վաստակավոր մարզիչ, միջազգային կարգի մրցավար Սամվել Հարությունյանը

Ձեր չարչարանքի և փայլուն աշխատանքի արդյունքում պետությունը 2021-ին ստացել է 600 մլն դրամի շահույթ. Կարեն Անդրեասյան

Նազելի Բաղդասարյանը Շիրակի մարզ է հրավիրել ՀՀ էկոնոմիկայի նախարարի տեղակալին՝ ֆերմերների հետ հանդիպման

Ղազախստանը պատրաստակամ է քննարկել «Քովիդ-19»-ի դեմ իր արտադրած պատվաստանյութը ՀՀ-ին տրամադրելու հարցը

ՀՀ ոստիկանապետը 2022-ը հայտարարել է թմրամիջոցների դեմ պայքարի տարի. տեղի է ունեցել ՀՀ ոստիկանության կոլեգիայի նիստը

ՀՀ արդարադատության նախարարը նոր տեղակալ ունի

Գորիս-Սիսիան ավտոճանապարհին մեքենաներ են բախվել. կան տուժածներ

Հանրային սննդի օբյեկտներ, հյուրանոց, մարզասրահ, գրադարան, թանգարան, թատրոն ու կինո այցելելու նոր պահանջ

ԱԺ փոխնախագահն ընդունել է ԵՄ պատվիրակությանը. անդրադարձ է արվել հայ-թուրքական հարաբերությունների կարգավորման գործընթացին

Կենտրոն վարչական շրջանի տնտեսվարողները տուգանվել են պոլիէթիլենային չթույլատրված տոպրակների օգտագործման համար

Երևանի քաղաքապետարանում անցկացվող ամենշաբաթյա գործակարգավարական խորհրդակցությունները կհեռարձակվեն ուղիղ եթերով

Թաղման բյուրոյի խնդիրների ու խախտումների վերաբերյալ քննարկում է տեղի ունեցել Երևանի դատախազի տեղակալի եւ քաղաքապետի միջև

Հակոբ Հակոբյանն ու Արթուր Մանուկյանն ընտրվել են ՀՌՀ անդամ

Արցախում ավտովթարի հետևանքով ծանր վնասվածք ստացած երեխան ռուս խաղաղապահների ուղղաթիռով այսօր տեղափոխվել է Երևան

UCOM-ը զանգերի սպասարկման նոր կենտրոն կունենա Վանաձորում

Ռուսական կողմը շարունակելու է ջանքերը Հայաստան-Թուրքիա հարաբերությունների կարգավորման ուղղությամբ. Սերգեյ Կոպիրկին

Մայրը և որդին խաբեությամբ հափշտակել են անձանց անվամբ ձևակերպված վարկերի գումարները. գործը դատարանում է

Հայ խաղաղապահները վերադարձել են Հայաստան

Հայտնաբերվել է հակահամաճարակային կանոնների խախտման 18 դեպք

Այսօր ինքնասպանության փորձ կատարած աղջկա վիճակը ծայրահեղ ծանր է

Սյունիքի մարզի Գորիս-Սիսիան ճանապարհահատվածում բուք է

Լոռու մարզում արձանագրվել է բոտուլիզմի 1 դեպք. հիվանդի վիճակը գնահատվում է միջին ծանրության

Շրջակա միջավայրի նախարարի մոտ տեղի է ունեցել խորհրդակցություն անտառային ոլորտի խնդիրների վերաբերյալ (լուսանկարներ)

Վերջին 30 տարում Հայաստանի ՔԿՀ-ներում բարձրագույն կրթություն է ստացել ընդամենը 11 դատապարտյալ

Որդու գերեզմանին ինքնասպանության փորձ կատարած դպրոցի տնօրենը հիվանդանոցում մահացել է

Ռուբեն Հախվերդյանը հրապարակել է իր՝ «Աշնանային էլեգիա» ստեղծագործության տեսահոլովակը

Դոլարի փոխարժեքն աճել է. Կենտրոնական բանկը սահմանել է նոր փոխարժեքներ

«Լադանիվան» եվրոպական հեղինակավոր մրցույթի հաղթողների թվում է

Զարեհ Սինանյանը և Կարեն Ավանեսյանը կգործուղվեն Բելառուսի Հանրապետություն

Վարչապետ Նիկոլ Փաշինյանն առաջիկա օրերին ասուլիս կտա

Մեքենան բախվել է ծառին. վարորդը մահացել է

Ժնևում ընթանում են Լավրով-Բլինքեն բանակցությունները

Վարչապետն ընդունել է Եվրոպական միության պատվիրակությանը (լուսանկարներ)

Կոտայքի մարզպետարանի և Հայաստանի ֆիզիկական կուլտուրայի և սպորտի պետական ինստիտուտի միջև հուշագիր է կնքվել