Փաշինյանին հաջողվեց մտնել ԵՊՀ, իրազեկում են անցկացնում. թարմացվող (լուսանկար, տեսանյութ)

16:44- Այս պահին Նիկոլ Փաշինյանը եւ մյուսները գտնվում են Արամ Սիմոնյանի աշխատասենյակի մոտ: Վերջինս չի ցանկանում հանդիպել պայքարի դուրս եկածների հետ: Նիկոլ Փաշինյանը ԵՊՀ-ում հայտարարությամբ հանդես եկավ. «Ինչու՞ ենք այսօր այս ակցիա ձեռնարկել: Այս ակցիան անում ենք միայն մի պատճառով: Տարիներ շարունակ համալսարանը վեր է ածվել ՀՀԿ-ական ընտրակաշառար խմբավորման որջի: ԵՊՀ խորհրդի նախագահ հանդիսացող Սերժ Սարգսյանն այս կառույցը օգտագործում է ՀՀ քաղաքացիներին ստրկացնելու համար: Մենք այստեղ մտել ենք ի նշանավորումն այն բանի, որ ՀՀ քաղաքացիների ազատագրման ժամը եկել է եւ մենք ՀՀ քաղաքացիներին ազատագրելու ենք սերժահանրապետական ստրկությունից: ՀՀ բոլոր քաղաքացիներին կոչ ենք անում 18:30-ից գալ Ազատության հրապարակ: Սիրելի հայրենակից, արի Ազատության հրապարակ եւ տեր կանգնի քո իշխանությանը: Քայլ արա, մերժիր Սերժին: Կարծում եմ, որ այս դասը Սիմոնյանին բավական է »,- հայտարարեց Նիկոլ Փաշինյանը եւ հեռացավ:

16:23 -#ԻմՔայլը երթի մասնակիցներին հաջողվեց մտնել ԵՊՀ: Նրանք ճեղքեցին համալսարանի անվտանգության պատնեշը եւ ներս մտան:

16:09- Այժմ Նիկոլ Փաշինյանը պատրաստվում է հանդիպել ԵՊՀ-ի ՀՀԿ-ական ռեկտոր Արամ Սիմոնյանի հետ: Համալսարանի անվտանգության ղեկավարը թույլ չի տալիս, որ երթի մասնակիցները Փաշինյանի հետ եւս ներս մտնեն: Արարատ Միրզոյանն էլ հայտարարում է, որ այս պահին ֆակուլտետներում ուսանողներ կան, որոնց վրա դռները փակած են եւ թույլ չեն տալիս դուրս գալ: Նման իրավիճակ է, մասնավորապես, միջազգային հարաբերությունների ֆակուլտետում: Փաշինյանը գնում է ստուգի՝ դռներն արդյո՞ք փակ են:

15:42-Նիկոլ Փաշինյանը եւ երթի մասնակիցներն այս պահին ԵՊՀ-ի բակում են: Նրանք իրազեկում են անցկացնում՝ ուսանողներին առաջարկելով հայտարարել դասադուլ եւ միանալ Սերժ Սարգսյանի վարչապետությունը կանխող պայքարին: Այս պահին երթի մասնակիցները գտնվում են ԵՊՀ-ի կենտրոնական մասնաշենքի մոտ, սակայն դռները նրանց առջեւ փակ է: Նիկոլ Փաշինյանը պահանջում է դռները բացել եւ ռեկտորին տեղեկացնել, որ ԱԺ պատգամավոր Նիկոլ Փաշինյանը ցանկանում է իր հետ հանդիպել: Երթի մասնակիցներին հաջողվեց մտնել ԵՊՀ, այժմ իրազեկում են անցկացնում: Այս պահին նրանք նստել են համալսարանում եւ հայտարարել, որ հերթական հանգստի ժամն է:

15:20-Սերժ Սարգսյանի վարչապետության դեմ պայքարող անդամները այս պահին գտնվում են Տերյան փողոցի սկզբնամասում եւ շարժվում են դեպի Ազատության հրապարակ: #ՄերժիրՍերժին նախաձեռնության անդամ Դավիթ Սանասարյանը «Ազատություն» ռ/կ-ի հետ զրույցում նշել է, որ լավատեսություն եւ իրատեսություն առաջին օրվանից է եղել եւ ամեն մի քաղաքացու միանալուց նրանք ոգեւորվում են:

«Ազատության» հարցին՝ եթե ոստիկանությունը պատնեշ կազմի, փշալար տեղադրի եւ թույլ չտա քայլել Բաղրամյան պողոտա, ԱԺ-ի շենքը շրջափակելու համար,  ի՞նչ են անելու, Սանասարյանը պատասխանեց.

«Մենք ամեն դեպքում շարժվելու ենք առաջ: Բոլորը խաղաղ պայքարի են պատրաստվում, ոստիկանությունը չի կարող մի բան գտնել, որ ատելություն ենք քարոզում կամ ձեռքներիս զենք կա եւ այլ: Մենք խաղաղ, բայց վճռական քայլերով գնալու ենք դեպի հաղթանակ: Մտավախություն չունեմ՝ փշալար լինի, մեքենա լինի անցնելու ենք»:

14:36-Նիկոլ Փաշինյանը լրագրողների հետ զրույցում նշել է #ԻմՔայլը արշավի մասնակիցները երթի առաջին օրվանից մինչեւ Ազատության հրապարակ հասնելը ոտքով անցել են 214 կմ: Նա նաեւ նշել է, որ պատրաստվում է Ազատության հրապարակում ծավալուն ելույթով հանդես գալ, որից հետո կլինեն ծավալուն գործողությունները: Արշավի մասնակիցները «Քայլ արա, Մերժիր Սերժին» վանկարկումներով անցնելով Ազատության պողոտայով քայլում են դեպի Ազատության հրապարակ:

13:00-Մեկնարկում է Քաղաքացիական պայմանագիր կուսակցության 14+4 պայքարի ճանապարհային քարտեզի երկրորդ փուլը: Նիկոլ Փաշինյանը եւ իր թիմը #ԻմՔայլը արշավի շրջանակներում շրջելով Հայաստանի խոշոր քաղաքներով եւ անցնելով 200 կմ ճանապարհ՝ այսօր արդեն Երեւանում են: Մայրաքաղաքի Հյուսիսային ավտոկայանի մոտ #ԻմՔայլը արշավի մասնակիցներին դիմավորել են նրանց համակիրները եւ այժմ շարժվում են դեպի Ազատության հրապարակ, որտեղ 18:30-ից մեկնարկելու են շուրջօրյա հանրահավաքները: 

Նիկոլ Փաշինյանը, անդրադառնալով իշխանության եւ ոստիկանության այն կոչերին, որ ԱԺ-ի մուտքերը փակելն անօրինական է, ասաց. «Իրենք ինձ են կոչ անում, ես էլ իրենց եմ կոչ անում, տեսնենք՝ ում կոչն արդյունքում տեղ կհասնի: ՀՀ քաղաքացիներն ունեն առանց զենքի, առանց բռնության խաղաղ պայմաններում քաղաքացիական անհնազադնության ակցիաներ իրականացնելու իրավունք»,- լրագրողների հետ զրույցում ասաց Նիկոլ Փաշինյանը:

Վաղը ՀՀԿ խորհրդի նիստն է, որտեղ Սերժ Սարգսյանի վարչապետության հարցն է որոշվելու. ի՞նչ ունի Փաշինյանը խորհրդի անդամներին փոխանցելու, լրագրողի այս հարցին, Նիկոլ Փաշինյանը պատասխանեց. «Ես կփորձեմ հանդիպել նրանց»: Լրագրողի ճշտող հարցին՝ պատրաստվում են ՀՀԿ գրասենյակը եւս շրջափակե՞լ, Նիկոլ Փաշինյանը պատասխանեց. «Այս բոլոր սցենարների մասին, ըստ էության, ասվել է, եւ այս սցենարների իրագործումը կախված է քաղաքացիների ակտիվությունից: Ամեն ինչ պետք է տեղի ունենա եւ դրա տեղի ունենալու գրավականը քաղաքացիների ակտիվությունն է»,- նշեց Նիկոլ Փաշինյանը:

Նիկոլ Փաշինյանը հայտարարեց, որ 14 օր իրենց տանը չի գիշերել եւ մինչեւ հանգուցալուծում չլինի, մնալու է Ազատության հրապարակում: Հարցին՝ ինչպե՞ս են պատրաստվում դրսում գիշերել, քանի որ Տարոն Մարգարյանը թույլ չի տվել, Փաշինյանն պատասխանեց.

«Եթե մենք Տարոն Մարգարյանենց բակում գիշերելու լինեինք, ապա իր թույլտվությունը կհարցնեինք, բայց մենք պատրաստվում ենք մեր մայրաքաղաքի հանրային տարածքներում գիշերել»,- ասաց նա:

ՀԺ-ի լրագրողի նկատառմանը՝ վրան տեղադրելու թույլտվություն եւս չկա քաղաքապետարանից, Նիկոլ Փաշինյանը կատակեց. «Ես միայն գլխարկ դնելուց կհարցնեմ՝ դնե՞մ, թե՞ ոչ: Ես այնպիսի մարդու տպավորություն եմ թողնո՞ւմ, որ պետք է այս քաղաքական գործընթացն իրականացնելիս իշխանություններից թույլտվություն ունենամ: Իմ թույլտվությունը ես ստացել եմ ժողովրդից»,- ասաց նա:

Տպել
6667 դիտում

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Ռեստորանում «Ջերմուկ»-ի շիշը կոտրվել է, ապակյա բեկորը վնասել է 32-ամյա երիտասարդի աչքը

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան

2 զոհ, 7 վիրավոր. վթար Մարգարա-Վանաձոր-Տաշիր ճանապարհին

Գագիկ Սուրենյանը սպասված նորություն է հայտնել