Երևան
15 °C
searchclose
today
menuclose
Երևան
15 °C
Սերժ Սարգսյանի վարչապետացման շուրջ ՀՀ ներքաղաքական շերտերում տեղի ունեցող գործընթացների ֆոնին հանկարծ մի քանի տողանոց տեղեկություններ հայտնվեցին, որ ԱԺ-ի կողմից ՀՀ նախագահ ընտրված Արմեն Սարգսյանը գտնվում է Ղազախստանում:
Ու չնայած դա կարճ, բայց լայնորեն լուսաբանվեց հեռուստաընկերությունների կողմից, հանրությունը այցին որեւէ կարեւորություն չտվեց: Դա, անշուշտ, բնական է: Ոչ այդ այցը, ոչ այդ այցելողը հանրության համար որեւէ հետաքրքրություն չեն ներկայացնում: Ու այցից էլ հայտնի է միայն այն, որ Արմեն Սարգսյանը Ղազախստանի մայրաքաղաք Աստանայում հանդիպում է ունեցել ղազախահայ համայնքի ներկայացուցիչների հետ:
«Սարգսյանը ներկայացրել է Հայաստանի առջեւ ծառացած արտաքին ու ներքին մարտահրավերները, երկրի սոցիալ-տնտեսական զարգացման, Հայրենիք-Սփյուռք կապերի խորացման ուղղությամբ Հայաստանի իշխանությունների կողմից իրականացվող քայլերը, կարեւորել է Ղազախստանում ապրող հայերի մշակութային, լեզվական, ազգային ինքնատիպության պահպանումը: Հայաստանի ընտրված նախագահը ծանոթացել է հայազգի գործարարների, մշակութային գործիչների գործունեության հիմնական ուղղություններին ու ծրագրերին, հորդորել նրանց ամենայն ջանք գործադրել համայնքի համախմբման նպատակով, աջակցել երիտասարդներին ազգային ոգով դաստիարակելու, ժամանակակից կրթություն ստանալու գործին, ավելի սերտացնել կապերը մայր հայրենիքի հետ»,- նշված էր Արմեն Սարգսյանի գրասենյակի հաղորդագրության մեջ:
Գրասենյակի տարածած ուղիղ 58 վայրկյան տեւող տեսանյութում էլ Արմեն Սարգսյանը ասում է՝ «Շատ բաներ պետք է փոխենք, սկսած արդարությունից, մինչեւ մեր նվիրվածությունը երկրին», ու ընդամենը:
Բայց ինչն է ստիպել «Հայաստանի ընտրված նախագահին» գնալ Ղազախստան: Որքանով է Ղազախստանը հիմա կարեւոր Հայաստանի համար: Ու ինչո՞ւ մի քանի օր տեւած այդ այցից հաղորդագրություն է տարածվում, որի միակ բովանդակությունը հայ համայնքի հետ մի քանի րոպե տեւած ու բոլորովին անբովանդակ հանդիպումն է:
Պատասխանը շատ պարզ է՝ Արմեն Սարգսյանի այցը Ղազախստան խիստ մասնավոր է: Ավելի ճիշտ՝ խիստ գործնական: Ընդ որում, գործնական ոչ որպես «Հայաստանի ընտրված նախագահ», այլ գործնական՝ զուտ որպես բիզնեսմեն՝ խոշոր բիզնեսմեն:
Արմեն Սարգսյանին Ղազախստանի հետ կապում են մեծ գործեր: Հայտնի փաստ է, որ Արմեն Սարգսյանը շատ մտերիմ է Ղազախստանի նախագահ Նորսուլթան Նազարբաեւի եւ հատկապես նրա դստեր՝ Դարիգա Նազարբաեւի հետ:
Ըստ տեղական եւ արտասահմանյան մամուլի բազմաթիվ հրապարակումների, Արմեն Սարգսյանի բիզնես հետաքրքրությունները Ղազախստանում շատ մեծ են ու նշանակալից: Արմեն Սարգսյանի անունը, մեղմ ասած, կապվում է այդ երկրում նավթամթերքների, գազի, նույնիսկ մսի արտադրությամբ զբաղվող ընկերությունների հետ:
Ու հիմա հանգամանքները դնենք իրար կողքի: Արմեն Սարգսյանը Ղազախստանում ունի մեծ բիզնես շահեր, նա մի քանի օրով այցելում է Ղազախստան, այդ այցի մասին մի հաղորդագրություն է տարածվում, ըստ որի՝ նա մի քանի րոպեով հանդիպել է ղազախական հայ համայնքի ներկայացուցիչների հետ: Հենց սրանից ակնհայտ է դառնում, որ Արմեն Սարգսյանը, որը «Հայաստանի ընտրված նախագահն է», Ղազախստան է մեկնել իր գործերով ու բացառապես իր գործերով: Իսկ հայ համայնքի ներկայացուցիչների հետ ամպագոռգոռ արտահայտություններով համեմված, բայց ոչինչ չասող, անբովանդակ հանդիպումը եղել է ընդամենը ձեռքի հետ կազմակերպված մի միջոցառում: «Հայաստանի ընտրված նախագահը», այսինքն, ակտիվորեն զբաղվում է իր սիրած գործով՝ բիզնեսով: Դրա իրավունքը ունի ցանկացած մարդ, բայց ոչ բարձրաստիճան պաշտոնյան: Իր գործունեությունը խիստ գաղտնի պահող Արմեն Սարգսյանը, բնականաբար, երբեք չի խոսի այն մասին, թե կոնկրետ ինչ բիզնես շահեր ունի, բնականաբար չենք իմանա, թե որքանով է նա կախման մեջ այդ շահերից, որն է նրա համար ավելի կարեւոր՝ Հայաստանի շահը, թե իր բիզնես շահերը:
Լինելով Մեծ Բրիտանիայում ՀՀ դեսպան, Արմեն Սարգսյանը, չունենալով դրա իրավունքը, ակտիվորեն զբաղվել է բիզնեսով եւ հսկայական կարողություն է դիզել: Դառնալով «Հայաստանի ընտրված նախագահ», նրա ներկայացուցչականությունը կտրուկ բարձրանում է, եւ կարելի է պատկերացնել, թե որքանով դա կօգնի նրան իր բիզնեսը նոր մակարդակների բարձրացնելու համար: Պարզապես մի միամիտ հարց է ծագում. ինչու պետք է ՀՀ քաղաքացիները հարկերի տեսքով տարեկան միլիարդավոր դրամներ վճարեն, որպեսզի բիզնեսմեն Արմեն Սարգսյանը ունենա հսկայական ու շքեղ նստավայր Երեւանում, հսկայական աշխատակազմ, ծառայողական մեքենաներ, կարողանա թանկարժեք շրջագայություններ իրականացնել աշխարհով մեկ...: Դե հարց է, էլի, ծագում է:
Տպագրել է «Հայկական ժամանակ» օրաթերթի ապրիլի 6-ի համարում:
Նարեկ Մանասյանը հաղթել է Ադրբեջանը ներկայացնող բռնցքամարտիկին
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ Նիկոլ Փաշինյանը հանդես է եկել զեկույցով
Հրդեհ է բռնկվել ռեստորաններից մեկի ծխատարում
ԼՂ-ից բռնի տեղահանված ուսուցիչների օժանդակության ծրագրի գործողության ժամկետը երկարաձգվել է
ԱԳՆ-ում քննարկվել են Բրյուսելի եռակողմ հանդիպման ընթացքում ձեռք բերված պայմանավորվածություններին վերաբերող հարցերը
«Ակադեմիական քաղաք» ծրագիրը քննարկվել է մարզերում գործող ՀՀ պետական բուհերի ռեկտորների հետ
Բռնցքամարտի ԵԱ․ Բարեղամ Հարությունյանը եզրափակչում է
Կստեղծվի և կներդրվի թանգարանների Էլեկտրոնային տոմսերի միասնական ավտոմատացված համակարգ
Այն ինչ տեղի ունեցավ 1915-ին, չկանխվեց և պատճառ դարձավ նմանատիպ իրադարձությունների կրկնությանը շատ երկրներում․ նախագահ
Մենք «ՈՒԱԶ»-ով չենք մտել ժողովրդի մեջ, չորս տարեկան թևը կոտրած երեխա էր սպասում. հարցազրույց Տավուշի ԵԿՄ նախագահի հետ
Եգիպտոսն Իսրայելին է փոխանցել մեկ տարով հրադադարի մասին ՀԱՄԱՍ-ի առաջարկը
Երևան-Գյումրի ճանապարհին բեռնատարներ են բախվել․ «ԶԻԼ»-ը կողաշրջվել է
2․5 գյուղի ավերակների վերադարձը միակողմանի չէ, քանի որ դրա դիմաց մենք Ադրբեջանից լուրջ խաղաքարտ ենք ստանում․ Իոաննիսյան
Ազգային ժողովը Ռուսաստանի Դաշնությունից նամակ չի ստացել
Դանիական պատվիրակությունը Գորիսում ԵՄ դիտորդական առաքելության հետ պարեկություն է իրականացրել
Ժողովուրդը շատ լավ է հասկանում, թե իր շուրջն ինչ է տեղի ունենում, փողոցում գտնվողները արդյունքի չեն հասնելու. Մկրտչյան
«Օրենքով գող»-ը ակումբներից մեկում վիճաբանել, հայհոյել է, հարվածներ հասցրել մեկ անձի․ նրան մեղադրանք է ներկայացվել
Աբովյանի կամրջի հարևանությամբ մեքենաներ են բախվել
Ռուբեն Վարդանյանը դժկամությամբ, բայց համաձայնել է ընդհատել հացադուլը․ նրան թույլ են տվել խոսել կնոջ հետ
Սանոսյանն ու Կոպիրկինը ԱԷԿ-ի 2-րդ էներգաբլոկի շահագործման երկարաձգման աշխատանքների վերաբերյալ հարցեր են քննարկել
Ալեն Սիմոնյանն ու Դըվինազը մտքեր են փոխանակել անվտանգային և տնտեսական դիվերսիֆիկացման հնարավորությունների շուրջ
Ալագյազում Մալխաս և Ռոման Ամոյանների անվան նոր մարզադպրոց կկառուցվի
Փոխվարչապետն ու Իրանի դեսպանն անդրադարձել են սահմանազատման գործընթացի վերջին զարգացումներին
Նոյեմբերյան-Բագրատաշեն ճանապարհը փակած ակցիայի մասնակիցը ձերբակալվել է․ վերջինս հետախուզման մեջ է եղել
Զինծառայողը ականապայթյունային վնասվածք է ստացել
Միրզոյանը Սերբիայի ԱԳ նախարարի հետ հեռախոսազրույցում ընդգծել է Հարավային Կովկասում հարատև խաղաղության կարևորությունը
Կորոնավիրուսի ժամանակ 829 կեղծ պատմագրի հիման վրա Առողջապահության նախարարությունից հափշտակվել է 263 մլն 480 հազար դրամ
Ռեստորանի մոտ մեքենաներ են բախվել․ դրանցից մեկը դուրս է եկել երթևեկելի գոտուց, բախվել օբյեկտներից մեկի պատին
Հիմա հեշտ է պառկել ասֆալտին ու ցույց տալ, թե փրկում եք հայրենիքը․ Սաֆարյանը՝ ԱԺ նախկին գործընկերներին
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 20 սահմանային սյուն է տեղադրվել
ԱԺԲ-ի հանրահավաքի ժամանակ բռունցքով ոստիկանության ծառայողի գլխին հարվածած կինը ձերբակալվել է
Հակոբ Արշակյանը Սիրիայի Ժողովրդական ժողովի փոխնախագահին է ներկայացրել «Խաղաղության խաչմերուկ» նախագիծը
Պապոյանն ու ՌԴ դեսպանը քննարկել են Վերին Լարսով Վրաստանից Ռուսաստան տանող ճանապարհով բեռնափոխադրումների խնդիրները
Տաքսու մեջ ծխելու հետ կապված վեճի ժամանակ ուղևորը քիմիական նյութ է փչել վարորդի դեմքին․ վերջինս այրվածքներ է ստացել
Հնդկաստանի ԱԳՆ-ն արձագանքել է Հայաստանին զենք մատակարարելու վերաբերյալ Ադրբեջանի քննադատությանը
ՄԻՊ արագ արձագանքման խմբեր են մեկնել Ոստիկանության բաժիններ՝ այսօր բերման ենթարկված անձանց տեսակցելու համար
Դոլարն էժանացել է․ ինչ փոփոխություններ է արձանագրել տարադրամի շուկան ապրիլի 25-ին
«Խաղաղության խաչմերուկը» Հայաստանի տեսլականն է դեպի խաղաղություն. Սիմոնյանը՝ Սիրիայի խորհրդարանի փոխխոսնակին
Ռուսաստանի, Հայաստանի և Ադրբեջանի միջև եռակողմ պայմանավորվածությունները շարունակում են մնալ արդիական. Զախարովա
Կարծում եմ՝ պետք է քննարկենք այդ հարցը․ Ալեն Սիմոնյանը՝ Ադրբեջանից Հայաստան գազ ներկրելու՝ Իլհամ Ալիևի առաջարկի մասին
