Շարքային Արամայիս Միքայելյան․ զոհվել է՝ ոչնչացնելով հակառակորդի բազմաթիվ գրոհայինների

Մեր ժամանակի հերոս՝ Արամայիս Միքայելյան․ Արամայիս Միքայելյանը զոհվել է Արցախի ՊԲ՝ Ջաբրայիլի զորամասի մարտական դիրքերում, թշնամուն հետ մղելու ընթացքում։

2016 թվականի ապրիլի 1-ի լույս 2-ի գիշերը արցախա-ադրբեջանական շփման գծի ողջ երկայնքով հակառակորդի զինված ուժերի ստորաբաժանումները լայնամասշտաբ հարձակումներ են կատարում։ Սկզբնապես հյուսիսարեւելյան ուղղությամբ տեղակայված հենակետային դիրքերը հրետակոծելուց հետո ադրբեջանական ուժերն անցնում են գրոհի։ Շուրջ երեք հարյուր հոգուց բաղկացած խմբերը, զինված նաեւ տանկերով, փորձում են գրավել հայկական դիրքերը։

2016թ.-ի ապրիլի 4-ին մղված թեժ մարտերի ընթացքում՝ ցուցաբերելով խիզախություն, Արամայիս Միքայելյանը ոչնչացրել է հակառակորդի բազմաթիվ գրոհայինների, զոհվել է մարտադաշտում ապրիլի 4-ին։ Նրա մահվան մասին հայտարարվել է 2016 թվականի ապրիլի 5-ին։

Արամայիս Միքայելյանը ծնվել է 1996 թվականի հուլիսի 21-ին Սյունիքի մարզի Գորայք գյուղում։ Տասը տարեկանում ընտանիքի հետ տեղափոխվել է Ոսկեհատ։ Դպրոցն ավարտել է գերազանցությամբ, ընդունվել է Երեւանի «Հայբուսակ» համալսարանի իրավաբանական ֆակուլտետ: Սովորել է նաեւ Մայր Աթոռ Ս. Էջմիածնի Հայորդաց տանը, զուգահեռ՝ ՀԲՄԸ-ի փայտի փորագրության բաժնում, Հայաստանի ԴՕՍԱՖ ռադիոկապի եւ տեղեկատվական տեխնոլոգիաների բաժնում՝ որպես ռադիոտեխնիկ։

Նա զբաղվում է քանդակագործությամբ եւ փայտի փորագրությամբ, հատկապես սիրում էր խաչքարեր քանդակել։ Նա երազում էր զորացրվելուց հետո արվեստանոց բացել: Արամայիսի երազանքներն անկատար մնացին, բայց նրա հարազատները փորձում են անել ամենը, որպեսզի այսօր բոլորն էլ հաղորդակից դառնան զինվորի աշխատանքներին:

Ապրիլյան պատերազմի հերոսի գործն այժմ շարունակում են նրա մայրն ու եղբայրը: Նրանց նախաձեռնությամբ հուլիսի 20-ին «Նարեկացի» արվեստի միությունում բացվել է Արամայիսի հեղինակային աշխատանքների ցուցադրությունը, բացի այդ տեղի է ունեցել «Քեզ հետ, բայց առանց քեզ» հուշագրքի շնորհանդեսը, որտեղ  ներկայացված են Արամայիս Միքայելյանի մոր եւ հարազատների հիշողությունները։

Բանակում ծառայելու ընթացքում Արամայիս Միքայելյանը քանդակել է Հայաստանի գերբը, որը, ցավոք, կիսատ է մնացել եւ հարազատների խնդրանքով այն տեղափոխել են Էջմիածին։ Ծառայության ժամանակ Արամայիսն ընտանիքի անդամներին խնդրել էր, որ իրեն ուղարկեն Աստվածաշունչը, Սահմանադրությունը եւ քանդակի համար իր գործիքները։ Այնտեղ խաչեր էր պատրաստում, նվիրում ընկերներին։ Նրա աշխատանքներն այնքան մանրակրկիտ եւ նուրբ են, որ կարծես ձեռք դիպած չլինի։

Մայրը՝ Լիլիթ Ավագյանը, որդու մեդալը ստանալու ժամանակ լրագրողների հետ զրույցում ասել էր, թե ինչ խոսքերով է Արամայիսին բանակ ճանապարհել. «Բալես, ցավդ տանեմ, քեզ ճանապարհում եմ, մենակ խնդրում եմ՝ պարտքդ կատարիր փառքով, վերադարձիր անփորձանք: Այսօր բոլոր զգացմունքներս խառնվել են իրար՝ եւ հուզմունք, եւ ցավ, եւ խորը կսկիծ, միաժամանակ հպարտություն, որ արժանի զավակ եմ մեծացրել: Այս ցավն իմն է, չգիտեմ՝ կարող եմ հաղթահարել, թե՝ ոչ: Շատ դժվար է: Հոգիս լացում է, կարոտն է խեղդում: Կարոտ, կարոտ։ Միակ մխիթարանքս երեւի սա է, որ հերոս որդի եմ ունեցել՝ գիտակցել է, որ մահվան է գնում»:

Տպել
3123 դիտում

Ներկայացված պահանջը դուրս էր ՄԻԵԴ-ի իրավասությունից, երկրի ներքին գործերին միջամտելու շեմին է մոտենում․ Եղիշե Կիրակոսյան

Եվրոպայում կորոնավիրուսն անխնա հարվածել է ծերանոցներին. կառավարությունները մեղադրանքի թիրախում են

Ցանցի վերականգնման աշխատանքները շարունակվում են. «ՅՈՒՔՈՄ»-ը հայցում է բաժանորդների ներողամտությունը

Ստեփան Քարտաշյանը նշանակվել է Հանրապետության նախագահի ռեֆերենտ

Մարտունիում կհիմնանորոգվեն 4 մանկապարտեզների շենքեր

Թրամփից հիասթափվելու, կորոնավիրուսով վարակվելու և նախագահի թեկնածու դառնալու մասին. Քանյե Ուեսթի հարցազրույցը՝ Forbes-ին

Տավուշի մարզպետը 2019-ին վաճառել է իր ավտոմեքենան․ որքան եկամուտ է նա ստացել նույն տարում

Բնակարանային պայմանների բարելավման նպատակով Շուշիին լրացուցիչ 25 մլն ՀՀ դրամ կհատկացվի

Հավանության է արժանացել Վայոց ձորի մարզից ներկայացված սուբվենցիոն 24 ծրագիր

Հրաչյա Թաշչյանը նշանակվել է վարչապետի աշխատակազմի արտաքին կապերի վարչության պետ

Ձեռնարկվում են քայլեր Նիժնի Նովգորոդի օտարերկրացիների ժամանակավոր պահման կենտրոնում գտնվող հայերի ՀՀ վերադարձի համար

Երթևեկության կազմակերպման փոփոխություն կկատարվի Երևանի Անտառային փողոցի Լեռ Կամսար և Սարմենի փողոցների հատվածում

Կհիմնանորոգվի Ծաղկուտի համայնքային կենտրոնը

114 դպրոցի տնօրենը դատի է տվել ԿԳՄՍ նախարարությանը․ պահանջում է անվավեր ճանաչել նախարարի հայտարարած խիստ նկատողությունը

Մեծ Մասրիկում կլուսավորվի 7 փողոց

Հեռավար դասերի լավ կողմերից է ստեղծագործական ազատությունը, վատերից՝ խիտ դասացուցակը և ծնողների անհարկի միջամտությունները

Գյումրու տուն-ինտերնատի ևս 2 խնամյալ է հիվանդանոցում մահացել. կորոնավիրուսի նոր դեպքեր հաստատությունում չեն հայտնաբերվել

Տրդատ Սարգսյանը նշանակվել է «Քաղաքացիական պայմանագիր» կուսակցության աշխատակազմի ղեկավար

Կվերանորոգվի Առատաշեն համայնքի մանկապարտեզի երկրորդ մասնաշենքը. սաների թիվը կավելանա 40-ով

ՀՀ տարածքում ավտոճանապարհներն անցանելի են