Մարուքյանի նկարագրած ճանապարհը մի քանի անգամ տրորված է ՀՅԴ-ի եւ ՕԵԿ-ի կողմից. Ն. Փաշինյան

Այսօր #ԻմՔայլը արշավի մասնակիցները կատարել են 11 հազար 473 քայլ: Այս մասին լրագրողների հետ ճեպազրույցում ասաց ԱԺ ԵԼՔ խմբակցության ղեկավար Նիկոլ Փաշինյանը: Նա տեղեկացրեց, որ ապրիլի 13-ին հրավիրված հանրահավաքը 13-ին չի ավարտվելու, եւ իրենք համոզված են, որ եթե հարյուր հազարավոր ՀՀ քաղաքացի օգտվի իր ընձեռված հնարավորությունից, ապա կհաջողվի կասեցնել Սերժ Սարգսյանի 3-րդ ժամկետը: Հարցին, թե ինչ է սպասվում ապրիլի 13-ին եւ դրանից հետո, Փաշինյանը պատասխանեց.

«Ապրիլի 13-ին մենք կգանք Ազատության հրապարակ, եթե ստացվի, որ Երեւանի մատույցներում մեզ մարդիկ միանան, ապա միասին կիջնենք Ազատության հրապարակ: Մենք կգնահատենք իրավիճակը եւ համարժեք գործողություններ կիրագործենք: Մենք քաղաքացիական անհնազանդության բոլոր մեթոդներին կդիմենք այդ 4 օրվա ընթացքում եւ կախված քաղաքացիների թվից՝ կընտրենք տարբերակներից մեկը: Մենք ասել ենք, որ մեր գործողությունների մեջ մտնում է փողոցների, շենքերի շրջափակումը, որ կլինի բռնությունից զերծ»,- ասաց Նիկոլ Փաշինյանը:

Փաշինյանը տեղեկացրեց, որ այս չորս օրերի ընթացքում իրենք շփվում են մարդկանց հետ եւ տեսնում են, որ նրանք հիասթափված են, բայց արշավի մասնակիցների հետ շփումները նրանց տրամադրությունը փոխում են:

Այսօր Էդմոն Մարուքյանն «Առավոտ»-ում հոդված էր հրապարակել, որտեղ նշում էր, թե Ծառուկյան դաշինքը հնարավոր է դառնա իշխանություն, իսկ ընդդիմության մենաշնորհը մնալու է ԵԼՔ-ին. այս դեպքում, ըստ Մարուքյանի՝ իշխանությունը ԵԼՔ-ին պետք է զիջի Ազգային ժողովի 2 մշտական հանձնաժողովների նախագահների պաշտոններ, ինչպես նաեւ ԿԸՀ-ում, ՍԴ-ում, ԲԽԴ-ում, ՏՄՊՊՀ-ում, Կենտրոնական բանկում եւ այլ կառույցներում ընդդիմությունը պետք է անդամներ ունենա, որն էլ իշխանությանը վերահսկող այլընտրանք է: Հարցին՝ ի՞նչ եք կարծում, նման լծակներ ունենալու դեպքում ընդդիմությունը հնարավորություն կունենա՞ վերահսկել իշխանություններին, Նիկոլ Փաշինյանը պատասխանեց.

«Այս պահին ԱԺ պետաիրավական հանձնաժողովում ունենք ներկայացուցիչ՝ ի դեմս Էդմոն Մարուքյանի եւ ի հեճուկս սրա, Հանրապետական կուսակցությանը հաջողվում է այնպիսի օրենսդրական փոփոխություններ սղցնել, որ չենք էլ հասցնում հետեւել: Պարոն Մարուքյանն իր հոդվածում հիշել էր նաեւ ՍԴ-ի մասին օրենքը, Դատական օրենսգիրքը, եւ այդ փաստերի արձանագրումը պետք է ակնհայտ դարձնի, որ Հայաստանն ընթանում է այլ ճանապարհով եւ չի կարող իշխանությունը որեւէ քայլ անի, եթե կա հասարակական ճնշում: Եթե մենք իշխանություններից զիջումներ կորզելու տրամաբանության մեջ ենք աշխատում, ուրեմն դրա համար եւս պետք է հասարակական ճնշում, եթե մենք սա ասում ենք առանց հասարակական ճնշումների, ապա սա նշանակում է իշխանության հետ կուլիսներում պայմանավորվածության տրամաբանության մասին, ինչը չի կարող ԵԼՔ դաշինքի համար ընդունելի լինել: Ես, որպես ԵԼՔ խմբակցության ղեկավար, կոչ եմ անում իմ գործընկերներին՝ զերծ մնալ նման հայտարարություններից»,- ասաց Փաշինյանը եւ ավելացրեց, որ ինքը թույլ չի տա, որ ստեղծվի տպավորություն, թե դաշինքը իշխանությունների հետ պայմանավորվածությունների մեջ է:

Լրագրողները հիշեցրին, որ ՀՀԿ խոսնակ Էդուարդ Շարմազանովը երեկ հայտարարել էր, թե ՔՊ-ի այս գործընթացը զրո արդյունք է տալու, Փաշինյանն անդրադառնալով այս խոսքերին՝ ասաց. «Եթե մեզ սպասվում է 0 արդյունք, ապա դա պետք է ուրախացնի նրան, բայց ես վերջին շրջանում նրա դեմքին ուրախության արտահայտություններ չեմ տեսնում»:

Լրագրողներից մեկի դիտարկմանն էլ, որ Մարուքյանը իր վերոնշյալ հոդվածում ընդգծել էր, որ Սերժ Սարգսյանի վարչապետ չդառնալու միայն մի տարբերակ կա, եթե Սերժ Սարգսյանը հրաժարվի, իսկ մյուս բոլոր տարբերակները մինչեւ 2022 թվականն անօգուտ են, Նիկոլ Փաշինյանը հետեւյալ խորհուրդը տվեց իր գործընկերներին.

«Ես խորհուրդ կտամ մեր գործընկերներին՝ ավելի քիչ կենտրոնանալ Սերժ Սարգսյանի վրա եւ ավելի շատ կենտրոնանալ հասարակությունից հնչող ակնկալիքների վրա»:

Լրագրողները հետաքրքրվեցին՝ ցրտից չեն վախենո՞ւմ: Նիկոլ Փաշինյանը նշեց, որ Ազգային ժողովի հարմարավետ առանձնասենյակներից դուրս գալն ու նման եղանակին Ջաջուռում գործընթաց իրականացնելը հեշտ քայլ չի:

«Սա սովորական քայլ չի եւ մենք աշխատանքային որոշ կոմֆորտ պայմաններ ունենք, եթե որոշում ենք դուրս գալ այդ պայմաններից եւ անել այս քայլը, սա մեզ համար արդեն մեծ հաղթանակ է: Խնդիրը մեր հաղթելու մեջ չէ, մենք արդեն հաղթել ենք: Գործոնը, որ կարող է սպառնալ մեր շատ հարգելի շատ գործընկերների՝ դա հարմարվողականությունն է, որովհետեւ հարմարվողականության համար միշտ էլ պատճառ կգտնվի»,- ասաց Փաշինյանը եւ շարունակեց, որ 2017 թվականին, որպես ԵԼՔ խմբակցության ղեկավար, լիազորված է եղել հայտարարել՝ եթե ՀՀԿ-ն տա Սերժ Սարգսյանի 3-րդ ժամկետի մեկնարկը, ապա ժողովուրդը կարող է դուրս գալ փողոց եւ պահանջներ դնել, իսկ հիմա Փաշինյանի խոսքով՝ իր գործընկերներն ասում են, որ ժողովուրդը ոչ մի բան չի կարող անել:

«2017 թվականին նրանք կողմ են արտահայտվել, որ մեր դիրքորոշումն այն է, որ ժողովուրդը կարող է դուրս գալ փողոց ու փոխել իրավիճակը: Ես հիմա գործում եմ ԵԼՔ դաշինքի կայացրած որոշումների տրամաբանության մեջ: Էդմոն Մարուքյանի հոդվածում նաեւ կար տրորված ճանապարհների մասին, ես կարծում եմ, որ այս տրամաբանությամբ եթե գնանք, ապա այն ճանապարհը, որը նկարագրված էր նրա հոդվածում, տրորված է մի քանի անգամ: Այն տրորվել է ՀՅԴ-ի եւ ՕԵԿ-ի կողմից»,- ասաց Փաշինյանը եւ ավելացրեց, որ հույս ունի՝ Մարուքյանի այսօրվա հոդվածը հրաժարում չէ այն դիրքորոշումից, որ վերջինս դաշինքում ընթացող քննարկումների ժամանակ նշել է՝ եթե տասնյակ հազարավոր մարդիկ դուրս գան հրապարակ, ապա ինքը եւս պատրաստ է գալ եւ մասնակցել այդ գործընթացներին:

«Մենք փոփոխությունների համար մանդատ չենք ակնկալում Սերժ Սարգսյանից, մանդատ ակնկալում ենք ժողովրդից»,- եզրափակեց Նիկոլ Փաշինյանը:

Տպել
3805 դիտում

Ազգային ժողովը «проходной двор» չէ, որ երբ ուզես մտնես ու դուրս գաս. Ալեն Սիմոնյանը՝ ընդդիմադիրների բացակաների մասին

Հակոբ Արշակյանը մասնակցել է ՀԱՊԿ ԽՎ մշտական հանձնաժողովների արտահերթ նիստին

Լոռիում խորտկանոցի սեփականատերը կանանց 1000 և 5000 դրամ է տվել՝ պոռնկությամբ զբաղվելու համար (տեսանյութ)

ՀՀ նախագահն ու Ֆուկուսիմա Մասանորին մտքեր են փոխանակել հայ-ճապոնական երկկողմ օրակարգի շուրջ (տեսանյութ)

Մոսկվան Երևանում տեղի ունեցող ցույցերը Հայաստանի ներքին գործն է համարում. ՌԴ ԱԳՆ

Հայտնի է Եվրոպայի բռնցքամարտի առաջնությունում Հայաստանի հավաքականի կազմը

Երևանի Կիևյան փողոցում «Տոյոտա»-ի վարորդը վրաերթի է ենթարկել մի քաղաքացու, այնուհետ՝ բախվել այլ մեքենայի

Գնել Սանոսյանը և Իրանի նավթի նախարարը քննարկել են գազ՝ էլեկտրաէներգիայի դիմաց ծրագրով նոր պայմանագիրը

Խծաբերդում գումարտակի հրամանատարի կողմից մարտադաշտն ինքնակամ լքելու մասին քրգործն ուղարկվել է դատարան

Բողոքի ակցիաներին մասնակցել է ընդամենը 730 մարդ. Չախոյան

Թանգարանները մայիսի 18-ին անվճար կլինեն բոլոր այցելուների համար

Երևանի տարբեր հատվածներից բերման է ենթարկվել ակցիաների մասնակից 414 քաղաքացի

Ոստիկանությունը չի կարող և չպետք է լավամարդ կամ վատամարդ լինի, մենք էլ պարտավոր ենք նեցուկ լինել նրանց. պատգամավոր

ՄԻՊ-ը դատապարտում է բուժաշխատողների նկատմամբ բռնությունն ու կոչ անում բացառել ցանկացած նման դրսևորում

Քորթնի Քարդաշյանը և Թրեյվիս Բարկերը գաղտնի ամուսնությունից հետո օրինականացրել են հարաբերությունները (լուսանկարներ)

Ստեփանավանում վարորդն ընկել է ինքնաբերաբար ընթացող մեքենայի տակ և մահացել

Վահրամ Դումանյանն ու Արայիկ Խզմալյանը կգործուղվեն Ֆրանսիա

Ընդհարում ընդդիմադիր ակտիվիստների և քաղաքացու միջև, որը պահանջել է բացել ճանապարհը (տեսանյութ)

Շտապ օգնության բժշկի գլխին լինգով հարվածներ հասցրած տղամարդը բերման է ենթարկվել ու խոստովանել արարքը

Մայրաքաղաքում փակ փողոցներ ու տրանսպորտային հանգույցներ չկան. ոստիկանություն

Կդադարեցվի Գեղարքունիքի և Վայոց ձորի մարզերի, Երևանի որոշ հասցեների գազամատակարարումը

Հայաստանի ներկայացուցիչները 11 ոսկե մեդալ են նվաճել հաշմանդամային բազկամարտի ԵԱ-ում

Ժաննա Անդրեասյանը մասնակցել է դպրոցների համապարփակ անվտանգությանը վերաբերող վեբինարին

Երևանի տարբեր հատվածներից ոստիկանության բաժիններ է բերման ենթարկվել ակցիաների մասնակից 286 քաղաքացի

Երևանում ողբերգական ավտովթարից մահացած երիտասարդը «Սոլո» բարի տնօրենն էր

«Հայանտառ» ՊՈԱԿ-ի ՀՅԴ-ական նախկին տնօրենը, չարաշահելով պաշտոնը, աջակցել է իր կուսակիցներին. նրան առաջադրվել է մեղադրանք

ՄԻՊ-ը հայտարարություն է տարածել Երևանի ակցիաների ժամանակ ոստիկանների գործողությունների մասին

Արարատ Միրզոյանը կնախագահի Հայաստան-ԵՄ գործընկերության խորհրդի 4-րդ նիստը. նա մեկնում է Բրյուսել

Ունեիք մեկ կրակոցի հնարավորություն ու կրակեցիք ինքներդ ձեզ վրա, դուք մոռացել եք, որ մենք հիշողություն ունենք. Ազոյան

Մայիսի 6-ից Սևանում անհետ կորած քաղաքացիների որոնողական աշխատանքները վերսկսվել են

Երևանում վերսկսվել են ընդդիմության ակցիաները. բերման ենթարկվեցին Լևոն Քոչարյանը, Նաիրա Զոհրաբյանը, Արմեն Աշոտյանը

Մի քանի ժամով կհոսանքազրկվեն Երևանի ու 6 մարզերի բազմաթիվ հասցեներ

Երևանի «Տաշիր» առևտրի կենտրոնի մոտակայքում մեքենան բախվել է ծառին․ վարորդը տեղում մահացել է

Համավարակը և պատերազմն ի զորու չեղան պարալիզացնել երկիրը, իսկ ովքեր ջանում են դա անել, կհանդիպեն օրենքի կոշտ արձագանքին

Փողոցում հնչողը մանիպուլյացիա է, թե Փաշինյանը շուտով խաղաղության պայմանագիր է ստորագրելու. քաղաքագետ

ՀԱՊԿ գագաթնաժողովի ավարտին կայացել է Նիկոլ Փաշինյանի և Վլադիմիր Պուտինի առանձնազրույցը (տեսանյութ)

Շիրակի մարզպետն արտագնա խորհրդակցություն է անցկացրել Լանջիկում

Ընդդիմությանը առաջարկվել է 6 ամսով երկարաձգել հանձնաժողովի աշխատանքը, առաջարկը ընդունել են, սակայն ԱԺ չեն գալիս. Պապոյան

Մեծամոր խոշորացված համայնքում 18 ոռոգման խորքային հոր կվերականգնվի

«Արմավիր» ՔԿՀ-ում դատապարտյալը գոգաթիակով փորձել է թմրամիջոցներ մտցնել բնակելի գոտի