Արցախում ընդունված չէ վուլգար հագուկապը. Արցախի մշակույթի նախարար

Լուսանկարում՝ Արցախի մշակույթի նախարար Սերգեյ Շահվերդյանը եւ Ասյա Խաչատրյանը

Օրերս մեծ աղմուկ հանած ՀՀ քաղաքացի Ասյա Խաչատրյանի եւ Արցախի ոստիկանների միջեւ տեղի ունեցած միջադեպի շուրջ քննարկումները շարունակվում են: Հայաստանից Արցախ գնացած Ասյան մի քանի օր որպես մատուցողուհի աշխատելուց հետո՝ Ստեփանակերտում ծխախոտը ձեռքին զբոսնելիս է եղել, եւ, մեղմ ասած, հայտնվել ոստիկանության «ուշադրության կենտրոնում»:

Ասյա Խաչատրյանի հայտարարություններին ու տեղի ունեցածին տրվում են բազմապիսի գնահատականներ: Այսօր մեզ հետ զրույցում տեղի ունեցածին անդրադարձել է նաեւ Արցախի մշակույթի նախարար Սերգեյ Շահվերդյանը:

Սերգեյ Շահվերդյանի կարծիքով՝ Ասյա Խաչատրյանի կողմից նման հայտարարություններն ու դեպքի մասին մեկ ամիս անց բարձրաձայնելը բոլորովին այլ նպատակ է հետապնդում: Արցախի մշակույթի նախարարը կարծում է, որ սա դիտավորությամբ արված քայլ է՝ հանուն նրա, որ «հայաստանցի», «արցախցի» տարբերակում մտցվի:

Սերգեյ Շահվերդյանը մեզ հետ զրույցում իր մտահոգությունը հայտնեց կատարվածի շուրջ, ասելով. «Արցախն ու Հայաստանը մեկ պետություն են եւ կապ չունի, որ ինչ-ինչ հանգամանքներից դրդված մենք ստիպված առանձին պետություն ենք համարվում, ինչը, սակայն ժամանակավոր բան է: Այսօր մեր միակ եւ գերագույն նպատակն է՝ վերամիավորվել Հայաստանին, եւ պետք չէ ոչ մի ձևով տարանջատել այնտեղի եւ այստեղի հասարակությանը»:

Մեր հարցին, թե ինչպես է վերաբերվում կատարվածից հետո սկսված միջանձնային կռիվներին արցախաբնակների եւ հայաստանաբնակների միջև, Սերգեյ Շահվերդյանն ասաց, որ ժամանակավոր բան է եւ պետք չէ դրանք լուրջ ընդունել:

Ինչ վերաբերում է Ասյա Խաչատրյանի այն բողոքներին, որ Արցախում ոստիկաններն իրեն հայհոյել են, ապտակել եւ ստորացրել՝ պատճառաբանելով աղջկա մազերի գույնն ու կասկածելի արտաքինը, Շահվերդյանն ասաց, որ չի կարող մեկնաբանություն տալ մի բանի մասին, որի իսկությունը չգիտի: «Որևէ ձևով դեռ դա հաստատված չէ, մեզ մոտ սկսել են քննություն իրականացնել, ծառայողական քննությունը, ի վերջո, ինչ-որ եզրակացության կհանգի: Ես չեմ կարող մի հոգու հայտարարությունների հիման վրա մեկնաբանություն տալ»:

Ասյա Խաչատրյանին ուղղված Արցախի ոստիկանների այն արտահայտությունը, թե՝ «օրենք կգնաս Հայաստանում կպահանջես», Սերգեյ Շահվերդյանը չմեկնաբանեց: Նախարարն ընդամենը նշեց. «Միայն կարող եմ ասել, որ շատ տխուր եմ, որ հայտարարությունները եւ մթնոլորտն այս ենթադրյալ միջադեպի վերաբերյալ վեր է ածվել հայկական աշխարհի երկու տարբեր մասերի միջև հակասությունների: Եթե տեղի է ունեցել ոստիկանական սխալ մոտեցում, դա կարող էր տեղի ունենալ թե՛ Արցախում, թե՛ Սյունիքում եւ թե՛ մեկ այլ տեղ»:

Մեր հարցին՝ համարում եք, որ Արցախում ոստիկանների կողմից սխալ մոտեցում է եղե՞լ, Շահվերդյանը չպատասխանեց՝ ասելով, որ ընդամենը տեսնում է մի անձի հայտարարություն՝ առանց որևէ հիմնավորման. «Ես չեմ կարող ասել՝ եղել է, թե՝ ոչ, իսկ ինչ վերաբերվում է ոստիկաններին, ոստիկան են էլի, ի՞նչ կապ ունի՝ այստեղ, թե՝ այնտեղ»:

Սերգեյ Շահվերդյանը վստահեցրեց, որ Ստեփանակերտում բոլորն ազատ շրջելու հնարավորություն ունեն, մարդիկ այստեղ կաշկանդված չեն ինչ-որ սահմանափակումներով եւ հատկապես արտաքին տեսքի սահմանափակումներով, սակայն ընդգծեց, որ Արցախում կան հատուկ պահպանված մշակութային առանձնահատկություններ, որոնք պետք է հաշվի առնի Արցախ գնացող յուրաքանչյուր ոք:

«Ստեփանակերտի նման փոքր քաղաքում ընդունված չէ փողոցներում վուլգար տեսքով քայլել»,- ասաց Շահվերդյանը՝ հավելելով, որ երբ անձը գնում է որևէ երկիր, տեսնելով այդտեղի հագուկապը, պետք է փորձի իրենն էլ որևէ ձևով համապատասխանեցնել տվյալ գյուղի կամ քաղաքի հագուկապի հետ, ինչն այս պարագայում Ասյա Խաչատրյանը չէր արել:

Աղունիկ Հովհաննիսյան

Տպել
10931 դիտում

Ադրբեջանի նախապայմաններն ու Հայաստանի մերժումը. ինչ է քննարկվել 3 ժամ՝ ԱԳ նախարարների հանդիպմանը

Մենք բոլորս պետք է մի լեզվով խոսենք ու նույն նպատակները պետք է հետապնդենք. Կարեն Բրուտյանը

Մեր երկրում տարվում է ուղղորդված պայքար ապօրինի անտառահատումների դեմ. Էրիկ Գրիգորյան

Իրաքում հայտարարել են ԻՊ նախկին առաջնորդի տեղակալին ձերբակալելու մասին

Վարչապետը ՏՏ ոլորտում համաշխարհային ներդրման համար ՀՀ պետական մրցանակ է հանձնել ճապոնացի գիտնական Տակեո Կանադեին

Վիճակագրական տվյալներն առավել քան խոսուն են, փրկված ճակատագրերը՝ անթիվ. Մխիթար Հայրապետյան

Շոտլանդական գետում հայտնաբերվել է Մեծ Բրիտանիայի ամենամեծ ոսկե բնական կտորը. CNN

Լեռնային Ղարաբաղի հակամարտության սրման իրական սպառնալիք կա. ԵԱՀԿ նախագահ

Ամանորին երեք օրը երկուսով անցկացնելը կարժենա 4 հազարից 300 հազար դրամ. առավել մատչելի են հյուրատները

Վարդենյաց լեռնանցքը փակ է բեռնատարների համար, մյուսների համար՝ դժվարանցանելի. ԱԻՆ

Բագրատաշենի սահմանային անցակետից խարդախության մեղադրանքով հետախուզվող է բերման ենթարկվել

60 վերապատրաստող-մենթորներ ներառական կրթության վերապատրաստումներ կանցկացնեն տարբեր դպրոցներում

Ադրբեջանի խորհրդարանն արձակվեց. արտահերթ խորհրդարանական ընտրություններ կլինեն փետրվարի 9-ին

Զոհրաբ Մնացականյանը մասնակցել է ՀԱՊԿ անդամ-պետությունների ԱԳ նախարարների հանդիպմանը

ՀՀ Պաշտպանության նախարարությունը խոհեմության կոչ է անում (տեսանյութ)

«Ֆուդ Ամ» ՍՊԸ պահածոների արտադրամասի գործունեությունը կասեցվել է

Ընտանիքում բռնության ենթարկված անձանց տրամադրվող ծառայությունների եւ աջակցության հնարավորությունները կավելանան

Պարոն Մելքումյան, դուք այնպիսի մունաթով եք խոսում, որ մեզ թվում է, թե այս եղած խնդիրների պատճառը մենք ենք. Թունյան

ՀՖՖ նախագահի թեկնածու Թովմաս Գրիգորյանը՝ ծրագրերի, Ռուբեն Հայրապետյանի հետ աշխատելու եւ իր անվան շուրջ աղմուկի մասին

Բաղրամյան գյուղի մոտ ավտոմեքենան դուրս է եկել ճանապարհի երթեւեկելի հատվածից եւ հայտնվել դաշտում. տուժածներ չկան