«А кто ты такой», «пора взяться ум». Լեւոն Իգիթյանը՝ Զարուհի Փոստանջյանին

Երեւանի ավագանու՝ մարտի 19-ին կայացած նիստն անցավ այնպես, ինչպես կանխատեսվում էր. սուր ելույթներ, փոխադարձ վիրավորանքներ, լարված մթնոլորտ:

Նման հեռանկարը հավանական էին դարձրել նիստի օրակարգում ընդգրկված հարցերից երկուսը՝ Վուդրո Վիլսոնի անվամբ փողոց անվանակոչելու եւ Վուդրո Վիլսոնի հուշարձան տեղադրելու մասին, ինչպես նաեւ Մարտի 1-ի զոհերի հիշատակը հավերժացնող հուշարձանի տեղադրման մասին նախագծերը: Երկուսն էլ ներկայացրել էր Երեւանի ավագանու «Երկիր ծիրանի» խմբակցությունը:

Առաջարկվում էր Վիլսոնի պատվին անվանափոխել Վազգեն Սարգսյանի փողոցը, որը գտնվում է հենց Երեւանի սրտում եւ նախարարությունների նորակառույց շենքի մոտով ձգվում մինչեւ Հանրապետության հրապարակ: Նախագծին դեմ էին ավագանու մյուս երկու խմբակցությունները: Բայց մինչ միմյանց հասցեին կծու խոսքեր կշռայլեին, ԵԼՔ խմբակցության անդամ Ալեն Սիմոնյանն առաջարկեց մեկ րոպե լռությամբ հարգել տասը տարի առաջ գրեթե 2800-ամյա Երեւանի կենտրոնում գնդակահարված 10 զոհերի հիշատակը: ԵԼՔ եւ «Երկիր ծիրանի» խմբակցությունների անդամները ոտքի կանգնեցին, հանրապետականներն ու Երեւանի քաղաքապետարանի աշխատակիցները մնացին նստած:

«Ցավում եմ, որ ձեր վերաբերմունքը դա եղավ: Դա շատ բանի մասին է խոսում»,- արձանագրեց Ալեն Սիմոնյանը: «Ինձ թվում է՝ կարիք չկար նման ձեւով սկսել: Նիստի օրակարգում այլ հարցեր նույնպես կան»,- իր եւ յուրայինների քայլը պատճառաբանեց նիստը վարող քաղաքապետ Տարոն Մարգարյանը: «Ավելի լավ է ոչինչ չասեիք»,- քաղաքապետին դիմելով՝ ասաց ԵԼՔ խմբակցության անդամ Անահիտ Բախշյանը:

ԵԼՔ խմբակցության անդամները քննադատեցին Վազգեն Սարգսյանի փողոցն անվանափոխելու՝ «Երկիր ծիրանիի» նախաձեռնությունը, նախագիծը որակեցին տկարամիտ, համոզմունք հայտնեցին, որ այն Վազգեն Սարգսյանի հիշատակի ու նաեւ ԵԼՔ-ի դեմ է: Դա հաշվարկ ու շահ անվանեցին՝ ետեւում՝ տեսնելով պատվիրատուի ականջներ: Հետո ժամանակավորապես լքեցին նիստերի դահլիճը՝ չցանկանալով մասնակցել վերոնշյալ երկու հարցերի քննարկմանը: Խմբակցության ղեկավար Դավիթ Խաժակյանն այդ որոշումը հիմնավորելով՝ նկատել տվեց, որ ընդդիմադիր խմբակցության երկու առաջարկը, ի հեճուկս նախկին փորձի, քաղաքապետն այդքան արագ օրակարգ է ընդգրկել, որպեսզի ականատես լինեն երկու ընդդիմադիր ուժերի բախմանը հարցուպատասխանի եւ ելույթների տեսքով: «ԵԼՔ խմբակցությունը հայտարարում է, որ ունի այնքան քաղաքական հասունություն եւ քաղաքական մշակույթ, որ նախաձեռնված սադրանքին եւ իշխանության կողմից ստեղծված օրակարգային այս ծուղակի մեջ չի ընկնի, եւ ԵԼՔ խմբակցությունը ՀՀԿ-ԵԾ քննարկումներին չի մասնակցի»,- ասաց Դավիթ Խաժակյանն ու խմբակցության մյուս անդամների հետ միասին դուրս եկավ դահլիճից:  

Այնուհետեւ «Երկիր ծիրանիին» քննադատելու հերթը հանրապետականինն էր: Նրանք էլ դեմ էին Վազգեն Սարգսյանի փողոցը Վիլսոնի անունով կոչելուն: Բայց թեման պարբերաբար խաչվում էր նախորդ նիստի ժամանակ դահլիճ բերված կոյուղաջրերի սկանդալային պատմության հետ, որը հանրապետականները մարսել ու մոռանալ չեն կարողանում: Նրանցից մեկն էլ ՀՀԿ խմբակցության անդամ, արվեստագիտության դոկտոր, պրոֆեսոր Աննա Ասատրյանն էր, որն, ի դեպ, հանրության լայն շերտերին հայտնի դարձավ Տարոն Մարգարյանին նվիրված իր գիտական աշխատության շնորհիվ: Նա հայտարարեց, որ «Երկիր ծիրանին» ատում է  Հայաստանը, հայ ժողովրդին եւ, մասնավորապես, Երեւանն ու երեւանցիներին: Այդ չարությունը կապեց երեւանցիներից քիչ քվե ստանալու եւ նրանց վստահությանը չարժանանալու հետ: Աննա Ասատրյանը հիշեց նաեւ Նուբարաշենից ԵԾ-ի բերած կոյուղաջրերի նմուշների մասին եւ դա համարեց ահաբեկչություն հիշեցնող գործողություն: «Որը, փառք Աստծո, կասեցվեց, եւ մենք զոհեր չունեցանք»,- հանգիստ շունչ քաշեց նա՝ փաստորեն կարծելով, թե իր հանրապետական գործընկերներն այդքան խոցելի են՝ գարշահոտությունը նրանց համար կարող էր մահացու լինել:

Դոկտոր, պրոֆեսորը նաեւ հայտարարեց, որ «ընդդիմադիր» հասկացությունն իր համար ընդունելի չէ: Նա, թերեւս, կնախընտրեր ոչինչ չքննարկող ու համատարած համաձայնությունների մթնոլորտը: «Ես առհասարակ ընդդիմադիր հասկացությունը խիստ մերժելի եմ համարում մեզ նման մի բուռ ժողովրդի համար: Չի կարելի, մենք պառակտվում են, ջլատում ենք մեր ուժերը, մինչդեռ հայտնի փաստ է, որ հայ ժողովուրդն իր միաբանության մեջ է հզոր ու անպարտելի: Եվ ես խնդրում եմ մեր ընդդիմադիր գործընկերներին, ընդդիմադիր դաշտում որեւէ արտահայտություն կամ գործողություն կատարելուց առաջ մտածեք ում ջրաղացին եք ջուր լցնում, մեր հարեւաններին ինչ եք ապացուցում, ում պատվերն եք կատարում»,- ասաց գիտնականը:

Երեւանի ավագանու ՀՀԿ խմբակցության անդամ, ճարտարապետ Լեւոն Իգիթյանը նույնպես իր ոճի մեջ էր: Հայտարարեց, որ չարորակ քաղաքական թզուկներն իրենց հիվանդոտ երեւակայությամբ ներկաներին անընդհատ տանում են դեպի քաղաքականություն: Համոզմունք հայտնեց, որ «Երկիր ծիրանին» ու նրա ղեկավարը, որը հանդգնում է քննադատել, գնահատականներ տալ ու վիրավորանքներ հասցնել, երկրի ու ժողովրդի համար որեւէ բանով օգտակար չի եղել, իսկ ինքը ունի կենսագրություն ու ամբողջ կյանքում ծառայել է իր երկրին: «А кто ты такой», «пора взяться ум» իր ելույթը ռուսերեն բառերով համեմելով՝ ասաց Լեւոն Իգիթյանը: Ու ոչինչ, որ դրանք սխալներով էին, կարեւորը, որ ռուսերեն լինեն ու վկայեն իր ինտելեկտի մասին: «Ես որ իմ արածները էս երկրի համար վզիդ դնեմ, գրիժա կստանաս»,- սպառնաց, թե նախազգուշացրեց Լեւոն Իգիթյանը:

Երեւանի ավագանու նիստում չընդունվեց ոչ Վազգեն Սարգսյանի փողոցն անվանափոխելու հարցը եւ ոչ էլ մարտի մեկի զոհերի հիշատակին նվիրված հուշարձանի մասին նախագիծը: Վերջինս մնաց առաջինի ստվերում, ու կարգին հասկանալի չդարձան մերժելու հիմնավորումները:

Տպել
4409 դիտում

Նիկոլ Փաշինյանը ներկա կգտնվի ֆուտբոլի Եվրոպայի առաջնության Իսպանիա-Անգլիա եզրափակիչ խաղին

Առաջիկա օրերին Հայաստանի մեծ մասում անձրևները կշարունակվեն, որոշ հատվածներում կարկուտ կտեղա

Թրամփի կողմնակիցներն ու կուսակցությունը հավատացած են՝ մահափորձի հետևանքով նա հաղթելու է ընտրություններում

Բարձր ենք գնահատում Ֆրանսիայի հետևողական աջակցությունը ՀՀ ինքնիշխանությանը և տարածքային ամբողջականությանը. Գրիգորյան

Վստահ եմ՝ մեր առանձնահատուկ հարաբերությունները կշարունակեն խորանալ գալիք տարիներին. Միրզոյան

Հայտնի է Թրամփի հանրահավաքի ժամանակ կրակոցներ արձակած անձի ինքնությունը

ԱՄՆ պետքարտուղարի տեղակալը հարգանքի տուրք է մատուցել Հայոց ցեղասպանության զոհերի հիշատակին

Ադրբեջանական որևէ հող չի գտնվում Հայաստանի հսկողության ներքո, որ Ադրբեջանն ուզենա հարձակվել. Իրանի դեսպան

ՀՀ վարչապետը տեսանյութ է հրապարակել տիկնոջ և կրտսեր դստեր հետ ուղևորությունից

Փրկարարները դուրս են բերել Դիլիջանում ձորն ընկած քաղաքացուն

40 տարվա մեջ առաջին անգամ Օլիմպիական խաղերը չեն ցուցադրվի Ռուսաստանում

Դանակահարություն Ջրվեժում. հիվանդանոց է տեղափոխվել 2 երիտասարդ

Ժիրայր Շաղոյանը տեղափոխվել է հունգարական Դեբրեցեն

10-12 ժամ ջուր չի լինի Երևանի որոշ հասցեներում ու մի շարք համայնքներում

Մարգարա-Վանաձոր-Տաշիր-ՀՀ սահման միջպետական նշանակության ճանապարհի մի հատվածը 2 ժամ փակ կլինի

Շնորհակալ եմ Հայաստանի առջև ծառացած մարտահրավերների ժամանակ մեր կողքին կանգնելու համար. Փաշինյանը՝ Մակրոնին

Մ-6 ավտոճանապարհից Դսեղ գյուղ տանող հատվածը փակ է

Վիգեն և Ժանեթ Քեշիշեաններն արժեքավոր ձեռագրեր են փոխանցել դեսպան Մակունցին՝ որպես նվիրատվություն Մատենադարանին

Թրամփի դեմ մահափորձ է իրականացվել, նա հեռացել է արնահոսող ականջով, կրակողը՝ ոչնչացվել (տեսանյութ, լուսանկարներ)

Այս վանքի նման վայրերի պահպանումը կարևոր դեր է խաղում ապագա սերունդների համար. Ուզրա Զեյան այցելել է Հաղպատ

Տավուշում հրդեհի վայրում հայտնաբերվել է 85-ամյա կնոջ մարմինը

Վարչապետ Փաշինյանն ընդունել է Պետքարտուղարի տեղակալ Ուզրա Զեյային

Այսօր պատգամավոր Մարիամ Պողոսյանի հարսանիքն է. ներկա են եղել նաև վարչապետն ու նրա տիկինը (տեսանյութ)

20-ամյա հղի կնոջ կրծքագեղձերը անբնական մեծացել են, հեռացվել է 20 կգ ուռուցք. բացառիկ վիրահատություն (լուսանկարներ)

Գրետա Վարդանյան. ով է Փարիզ 2024-ի պարալիմպիկ խաղերի ուղեգիր նվաճած առաջին հայ պարածանրորդը

Վրաստանի վարչապետը երկրի անդամակցությունը ՆԱՏՕ-ին իրատեսական է համարում

Բախվել են ավտոմեքենան ու մոպեդը. վերջինը կողաշրջվել է, օտարերկրացի մոպեդադավարը տեղափոխվել է հիվանդանոց

ՀՀ ԱԳՆ-ն Չեռնոգորիայի Պետականության օրվա առթիվ շնորհավորական ուղերձ է հղել

28-ամյա քաղաքացու ինքնասպանության փորձը կանխվել է

ԱՄՆ ՄԶԳ Եվրոպայի և Եվրասիայի բյուրոյի ղեկավարին է ներկայացվել կոռուպցիայի կանխարգելման թվային օրակարգը

Նիգերիայում դպրոց է փլուզվել. փլատակների տակ է մնացել 154 աշակերտ, կան զոհեր

Ինչ է կատարվել հայ-իրանական սահմանային անցակետում. ՆԳՆ-ն մեկնաբանել է Իրանի քաղաքացուն ծեծի ենթարկելու լուրերը

Ժաննա Անդրեասյանն Արարատում հետևել է դպրոցների շինաշխատանքներին. արձանագրված խնդիրների առնչությամբ հանձնարարական է եղել

Հայաստան-Չեռնոգորիա հարաբերությունները զարգացման և խորացման մեծ ներուժ ունեն. նախագահը ուղերձ է հղել Յակով Միլատովիչին

Սեփական տան ննջասենյակում տղամարդու դի է հայտնաբերվել, կողքին՝ որսորդական հրացան

Հայտնաբերվել են Մոսկվայի մարզում կործանված «Սուպերջեթ 100» ինքնաթիռի անձնակազմի մարմինները

Մեկնարկում են Տավուշի և Լոռու մարզերում ջրհեղեղից տուժածների աջակցության ծրագրերը. ովքեր և ինչպիսի փոխհատուցում կստանան

Իրանը կողմ է ուժեղ տարածաշրջանի ստեղծմանը, ողջունում է լարվածությունը նվազեցնելու անկեղծ ջանքերը. Մասուդ Փեզեշկիան

Առանց երկար, արհեստական եղունգների և ոչ միայն. ինչպես պետք է ներկայանա պացիենտի հետ անմիջական շփում ունեցող բուժաշխատողը

Առաջիկայում մեկնարկելու են Հայաստան-Չինաստան ուղիղ թռիչքներ. վարչապետը հրաժեշտի հանդիպում է ունեցել դեսպան Ֆան Յոնի հետ