«Օգնիր մանկապարտեզիդ» ծրագիրը կասեցվել է. կամավոր-պարտադիր դրամահավաքն արմատախի՞լ է արվում

Երեւանի ավագանու ԵԼՔ խմբակցության անդամ Արայիկ Հարությունյանը ֆեյսբուքյան իր էջում անդրադարձել է քաղաքապետարանի ենթակայությամբ գործող մանկապարտեզների տնօրեններին հասցեագրված շրջաբերականին, որն ըստ էության, ապօրինությունների եւ ստվերային գործունեության մղելու նպատակ ունի:   

Շրջաբերականի հեղինակը հանրակրթության վարչության նախադպրոցական բաժինն է, եւ ինչպես ավելի ուշ տեղեկացանք, այն ուղարկվել է վարչական շրջանների համապատասխան աշխատակազմին: Շրջաբերականում ասվում է.

«Հարգելի գործընկերներ, խնդրում ենք տեղեկացնել մանկապարտեզների տնօրեններին՝ վերանայել «Օգնի՛ր մանկապարտեզիդ» ծրագրի կայքում տեղադրված տեքստերը եւ ձեռքբերումների հաշվետվությունները՝ չներառելով ջեռուցման, էլեկտրաէներգիայի, ջրի եւ շենքի պահպանման այլ ծախսերի դիմաց կատարված վճարումների տեղեկատվությունը: Կայքում տեղադրել միայն այն ձեռքբերումները, որոնք նպաստում են երեխաների կրթադաստիարակչական գործընթացին, միջոցառումների կազմակերպմանը եւ այլ նպատակային ծախսերը»:

«Ուզում եմ հասկանալ՝ եթե ջեռուցման ծախսն արդեն արել ես, ո՞նց ես վերախմբագրում։ Հենց այսպես էլ ապրում ենք։ Հարգելի տնօրեններ, սրանով Ձեզ դնում են լուրջ հարվածի տակ, եթե Դուք իրոք վերախմբագրել եք արված գործերը, դրանք հայտնաբերելու դեպքում պետք է պատասխան տաք ԴՈՒՔ»,- նկատել է Արայիկ Հարությունյանը:

«Օգնիր մանկապարտեզիդ» կայքը գործարկվել է 2011 թվականին, որի հայտարարված նպատակն էր հրապարակային ու թափանցիկ դարձնել մանկապարտեզների համար հանգանակված կամ այդ հաստատություններին նվիրաբերված միջոցների ու դրանց տնօրինման մասին տեղեկատվությունը: Կայքում նշվում է, թե որքան գումար է ստացվել, որքանն է ծախսվել եւ ինչ նպատակով:

Այդ տեղեկատվությունը ուսումնասիրելով պարզ է դառնում, որ մանկապարտեզների ստացած գումարները, ի թիվս այլ նպատակների, ծախսվել են կոմունալ վճարումների, տնտեսական պարագաներ ու նաեւ սնունդ ձեռք բերելու համար: Օրինակ, N1 մանկապարտեզում ստացված նվիրատվության 135 860 դրամով նախորդ տարեվերջին գնվել են տնտեսական ապրանքներ: N4 մանկապարտեզը 2015 թվականի մարտին 155 000 դրամ է ծախսել՝ տնտեսական ապրանքներ, սպասք, գրենական պիտույքներ ձեռք բերելու համար: N6 մանկապարտեզին նվիրաբերված գումարից նախորդ տարվա հոկտեմբերին «Վեոլիա ջուր» ընկերությանն է վճարվել 45 000 դրամ՝ ջրամատակարարման համար: N10 մանկապարտեզը հաշվեհամարին փոխանցված գումարի գրեթե 170 000 դրամը նախորդ տարվա ընթացքում հատկացրել է տնտեսական նյութեր գնելուն, 464 000 դրամով ձեռք է բերվել սնունդ: N11 մանկապարտեզում 23 հազար դրամով 2017-ի ապրիլին վճարել են էլեկտրաէներգիայի վարձը: N19 մանկապարտեզում նախորդ տարվա փետրվարին ձեռք է բերվել սննդամթերք՝ 330 000 դրամով: N20 մանկապարտեզը նվիրատվությամբ ստացված գումարից 2015 թվականին երկու անգամ գազի վարձ է մուծել եւ այլն:

Վերը նկարագրված պատկերից հարց է բխում` արդյոք քաղաքապետարանը չի՞ հոգում կամ ոչ բավարա՞ր է հոգում մանկապարտեզների բոլոր կարիքները: Տնօրենները, որոնց դիմեցինք, պնդում էին, որ անհրաժեշտ միջոցները տրամադրվում են:

N10 մանկապարտեզի տնօրեն Ռուզաննա Մեժլումյանը վստահեցրեց, որ սնունդ եւ տնտեսական պարագաներ իրենք ձեռք չեն բերել: Իսկ թե ինչու է նման տեղեկություն հրապարակվել «Օգնիր մանկապարտեզիդ» կայքում, ասաց՝ չգիտի, քանի որ այդ տվյալներն իրենք չէ, որ տեղադրում են: Տնօրենը նաեւ նշեց, որ չի հետեւել կայքում հրապարակված տեղեկատվությանը, դրա համար էլ վերադաս մարմիններին չի դիմել՝ սխալը շտկելու համար: Պատճառաբանելով կայքի նկատմամբ անտարբերությունը՝ Ռուզաննա Մեժլումյանն ասաց, որ այն, ըստ էության, դադարել է գործել: «Գումարներ չեն լինում, երեւի չեն էլ լինի»,- հավելեց նա:

N19 մանկապարտեզի տնօրեն Մարինե Զալինյանը, պատասխանելով մեր հարցին, ասաց, որ հաշվապահը մեկ անգամ առաջացած խնդրի պատճառով սննդամթերքի համար վճարել է նվիրաբերված գումարից: Իսկ ընդհանրապես քաղաքապետարանը հոգում է բոլոր կարիքները: N6 մանկապարտեզի տնօրեն Քրիստինա Հունանյանն առաջարկեց խոսել ավելի ուշ, իսկ հետո այլեւս հնարավոր չեղավ նրա հետ կապ հաստատել:

Երեւանի քաղաքապետարանի տեղեկատվության եւ հասարակայնության հետ կապերի վարչության պետ Արթուր Գեւորգյանը մեզ հետ զրույցում հերթական անգամ հավաստիացրեց, որ քաղաքապետարանը մանկապարտեզներին անհրաժեշտ գումարը հատկացնում է ինչպես կոմունալ ծախսերի, այնպես էլ սննդի, տնտեսական պարագաների եւ այլնի համար: Իսկ թե այդ դեպքում մանկապարտեզներն ինչու պետք է իրենց հաշվեհամարին փոխանցված գումարներն ուղղեին վարձերը մուծելուն կամ սննդամթերք ձեռք բերելուն, Արթուր Գեւորգյանն առաջարկեց կոնկրետ օրինակների մասին ներկայացնել գրավոր հարցում, որը կուսումնասիրվի եւ կտրամադրվի սպառիչ պարզաբանում:

Երեւանի ավագանու ԵԼՔ խմբակցության անդամ, կրթության, մշակույթի եւ սոցիալական հարցերի մշտական հանձնաժողովի նախագահ Արայիկ Հարությունյանն էլ, անդրադառնալով խնդրին, հիշեցրեց, որ համայնքային բյուջեից մանկապարտեզներին ամսական հատկացվում է 650 000 դրամ միանվագ գումար, ինչպես նաեւ 22 500 դրամ՝ յուրաքանչյուր երեխայի համար: «Իմ հաշվարկներն ու հետազոտությունները ցույց են տալիս, որ դա միանգամայն բավարար է այդ ծախսերը հոգալու համար»,- ասաց նա: Նաեւ կարծիք հայտնեց, որ «Օգնի՛ր մանկապարտեզիդ» ծրագիրը հաճախ հետապնդում է ապօրինի հանգանակություններն օրինականացնելու նպատակ, եւ մանկապարտեզի հաշվեհամարին փոխանցումները հիմնականում կատարվում են պարտադրված:

«Իմ ամբողջ բարձրաձայնումներից հետո (դրա վերաբերյալ ելույթ եմ ունեցել նաեւ ավագանու նիստի ժամանակ) «Օգնի՛ր մանկապարտեզիդ» ծրագրով փոխանցումները սառեցվել են: Համենայնդեպս, ինձ մի քանի տնօրեն դրա մասին ասել են»,- նշեց Արայիկ Հարությունյանը՝ համոզմունք հայտնելով, որ այդ դադարը քաղաքապետարանի պահաջով է, ոչ թե մանկապարտեզների նախաձեռնությամբ. «Մանկապարտեզների տնօրենները գրեթե ոչ մի բան իրենց նախաձեռնությամբ չեն անում: Ամեն ինչ արվում է այսպիսի շրջաբերականներով, ընդ որում, երբեմն լինում են նաեւ բանավոր ցուցումներ, որոնք տնօրենները կատարում են, բայց հետո պարզվում է, որ այդ ցուցումների տակ օրենսդրական հիմք, որոշումներ չկան, եւ այդ ապօրինի ցուցումները կատարելու ամբողջ պատասխանատվությունը մնում է տնօրենների վրա» (ի դեպ, մենք էլ մանկապարտեզների տնօրեններից տեղեկացել էինք, որ նվիրատվությամբ ստացված դրամներն իրենք ծախսում են միայն այն ուղղությամբ, որով քաղաքապետարանը թույլատրում է): 

Երեւանի ավագանու կրթության, մշակույթի եւ սոցիալական հարցերի մշտական հանձնաժողովի նախագահ Արայիկ Հարությունյանը դժվարացավ ասել, թե արդյոք մանկապարտեզներն իրականում ստանո՞ւմ են համայնքային գումարները, որոնք երեւում են փաստաթղթերում: Նշեց, որ համենայնդեպս, որեւէ տնօրեն հակառակի վերաբերյալ բողոք չի արտահայտել: Ամեն դեպքում, ըստ Հարությունյանի, մանկապարտեզներում նախատեսված ստուգումների ընթացքում կփորձեն ստանալ նաեւ այդ հարցի պատասխանը:

Հոդվածը տպագրվել է «Հայկական ժամանակ» օրաթերթի մարտի 16-ի համարում:

Տպել
6940 դիտում

Երևանին և Բաքվին հաջողվել է մերձեցնել դիրքորոշումները ապաշրջափակման որոշ հարցերի շուրջ․ Մհեր Գրիգորյան

ՀՀ ԶՈՒ ստորաբաժանումներն ադրբեջանական դիրքերի ուղղությամբ կրակ չեն բացել

Կամենեց Պոդոլսկիի հայկական եկեղեցում Սուրբ պատարագ է մատուցվել

Ստեփանծմինդա-Լարս ավտոճանապարհը կրկին փակ է բոլոր տեսակի տրանսպորտային միջոցների համար

Մեղավոր ենք, որ անընդունակ եղանք սրան ու իր նման բեդովլաթ պորտաբույծներին կոխեինք համապատասխան ծակը. Բաբաջանյան

Երևանում և Կապանում 2 օրում 6 ահազանգ է եղել օձերի առկայության մասին

Հունիսի 29-ը Անհետ կորած ազատամարտիկների հիշատակի օրն է. ԵԿՄ նախագահը ուղերձ է հղել

Էջմիածին քաղաքում խանութ է հրդեհվել

Գեղարքունիքի գյուղերից մեկում հայրը գոմում հայտնաբերել է 15-ամյա որդու կախված դին

Գործարկվել են ծնողների համար նախատեսված նոր հարթակ ու բջջային հավելված  

Ինչ առավելություններ է ընձեռում Մոսկվայի բորսայի արժութային շուկայում դրամով առքուվաճառքը. մանրամասնում է տնտեսագետը

Մեկնարկել է «Քայլ դեպի տուն» ուսումնաճանաչողական ծրագրի առաջին փուլը

«Արմավիր» ՔԿՀ-ի խցերից մեկի պատուհանից և լվացարանից ասեղով ներարկիչներ են հայտնաբերվել

Աննա Հակոբյանը Մոնակոյում հանդիպել է «Երեխաներ և ապագա» հիմնադրամի ղեկավարի հետ

Իղձերդ կկատարվեն, երբ առանց հանգստանալու աշխատես. Մինասյանը՝ ՀՀ-ում օր օրի տեղադրվող՝ տարբեր բարձրության խաչերի մասին

«Ղարաբաղ տելեկոմի» ցանցում ռոումինգի սակագները վերականգնվում են

Շիրակի մարզպետը Կառավարության պատվիրակության կազմում Լիոնում մասնակցում է հայ-ֆրանսիական համագործակցության համաժողովին

Ինչ ունեցվածք է հայտարարագրել ՔՊ նախկին պատգամավոր Արթուր Դավթյանը

ԱԽ քարտուղարը Իզաբել Դյումոնին է ներկայացրել հայկական կողմի տարածաշրջանային խաղաղության հաստատման օրակարգը

«Քաղաքացիական պայմանագիր»-ը որոշում է կայացրել պաշտոնազրկման գործընթաց սկսել Իշխան Սաղաթելյանի և Վահե Հակոբյանի նկատմամբ

Բողոքներ կային, որ շտապօգնությունում զանգերին չեն պատասխանում․ ծառայությունը հետադարձ կապ է հաստատում քաղաքացիների հետ

Տնտեսության զարգացումն ապահովող կարևոր ոլորտների ընկերությունները դժվար կացության մեջ են հայտնվել. Վահան Քերոբյան

ԱԻ նախարարն այցելել է Շիրակի մարզային փրկարարական վարչություն և ենթակա ստորաբաժանումներ

Փարիզում Արմեն Գրիգորյանը հանդիպել է Ֆրեդերիկ Մոնդոլոնիի հետ

Քրեական ոստիկանության ծառայողները թմրամիջոցների իրացման դեպքեր են բացահայտել․ մեկ անձ կալանավորվել է

Երեկոյան ժամերին սպասվում է կարճատև անձրև. առաջիկա օրերի եղանակային կանխատեսումը

ՇՄ նախարարությունը պարզաբանում է ներկայացրել բեզոարյան այծի որսի վերաբերյալ տարածվող տեսանյութի մասին

Գագիկ Բեգլարյանից և մյուս անձանցից 16.8 մլրդ դրամի ապօրինի ծագման գույքը բռնագանձելու հայցադիմումը վարույթ է ընդունվել

Արսեն Թորոսյանը հանդիպել է Հայաստանում Լիտվայի արտակարգ եւ լիազոր դեսպանին

Ռուսաստանը պատժամիջոցներ է սահմանել ԱՄՆ 25 քաղաքացու, այդ թվում՝ Բայդենի ընտանիքի անդամների նկատմամբ

Դոլարն ու եվրոն կրկին արժեզրկվել են. ՀՀ կենտրոնական բանկը հրապարակել է նոր փոխարժեքներ

Արարատ Միրզոյանը հեռախոսազրույց է ունեցել Կանադայի ԱԳ նախարար Մելանի Ժոլիի հետ

«Յանդեքսի» որոշ վարորդներ ակցիա են իրականացրել, որոշել՝ կաթվածահար անել ոլորտը. ընկերությունը թանկացրել է միջնորդավճարը

Ռուբեն Ռուբինյանը հանդիպել է Լեհաստանի ԱԳ նախարարի տեղակալի գլխավորած պատվիրակության հետ

Փրկարարները մարել են ասֆալտի գործարանում բռնկված հրդեհը

Արամ Մանուկյանի անվան վարժարանում մեկնարկել է մարզառազմական ճամբարը

Լարսի ճանապարհը ռուսական կողմից փակ է բեռնատարների համար

Արմեն Գրիգորյանը և Բրիս Ռոքվոյն ընդգծել են ԵԱՀԿ ՄԽ հովանու ներքո ԼՂ հիմնախնդրի համապարփակ կարգավորման անհրաժեշտությունը

Արդարադատության փոխնախարար Երանուհի Թումանյանցը ներկայացրել է ՏԻՄ ոլորտում հակակոռուպցիոն միջոցառումները

Ծնվել է 44-օրյա պատերազմում զոհված ոստիկանության զորքերի սպաներ Գևորգ և Կարեն Գևորգյանների եղբայրը