Ի՞նչ սկզբունքով են կոլեգիալ ենթակայությունից հանվում ոստիկանությունը եւ ԱԱԾ-ն

Երեկ ԱԺ արտահերթ նիստում երկրորդ ընթերցմամբ քննարկվեցին Հանրային խորհրդի մասին, Անվտանգության խորհրդի կազմավորման եւ գործունեության մասին, Ներման մասին եւ այլ օրենքների նախագծերը:

Իսկ առաջին ընթերցմամբ քննարկվեցին մեծ հետաքրքրություն առաջացնող պետական կառավարման համակարգի մարմիններին եւ կառավարության կառուցվածքին ու գործունեությանը վերաբերող օրինագծերի երկու փաթեթների միասնական փաթեթը:

Օրենքների նախագիծը ներկայացրեց արդարադատության նախարար Դավիթ Հարությունյանը: Ինչպես միշտ, նմանօրինակ նախագծերի քննարկմանը բովանդակային լուրջ հարցերի մասին բարձրաձայնեցին ոչ իշխանական պատգամավորները: ԱԺ մեծամասնության ներկայացուցիչները կա՛մ հանդես եկան աջակցական ելույթով, կա՛մ աննշան եւ տեխնիկական հարցեր բարձրացրին:

Անդրադառնալով փաթեթի միասնական լինելու փաստին, ԵԼՔ դաշինքի պատգամավոր Արտակ Զեյնալյանը հետաքրքրվեց՝ «արդյո՞ք սրա փաստական կամ հետապնդվող նպատակը այն է, որ կարճ ժամանակում այս բոլորը միանգամից անցնեն»: Ի պատասխան՝ Հարությունյանը հղում կատարեց կառավարության իրավունքին, ասելով. «Քանի որ 2 փաթեթներն էլ ուղարկել էինք ԱԺ, իրավունք ունեինք նաեւ արտահերթ նիստի օրակարգում ներկայացնել օրակարգը ինչպես մենք ենք պատկերացնում»,- ապա հավելեց, որ այս քննարկումը կոծկելու նպատակ չունի:

ԵԼՔ դաշինքի պատգամավոր Մանե Թանդիլյանը հետաքրքրեց, թե ո՞րն է կառավարության նիստերը դռնփակ անցկացնելու որոշման նպատակը. «Մի ասեք, թե դա ժողովրդավարության կամ բանավեճ ապահովելու համար է, որովհետեւ այդ տրամաբանությամբ ավելի ժողովրդավար ու բանավիճող ԱԺ ունենալու համար եկեք փակենք նաեւ ԱԺ նիստերը»: Հարությունյանը բացատրեց, որ ԱԺ-ի եւ կառավարության միջեւ էական տարբերություն կա. «Օրենսդիր մարմինը երբեք չի գործում կոլեկտիվ պատասխանատվության սկզբունքով։ Դրանով է պայմանավորված դռնփակ նիստեր անցկացնելու որոշումը։ Գործադիր իշխանությունում դա ժողովրդավարական տարր է»:

ԵԼՔ խմբակցության քարտուղար Գեւորգ Գորգիսյանն էլ անդրադարձավ նախարարների՝ կառավարությունից տարբերվող դիրքորոշման արտահայտմանը. «…Կոալիցիոն կառավարության պարագայում որոշ հարցերում չե՞ն կարող կոնկրետ օրենքների կամ նախաձեռնությունների վերաբերյալ կուսակցությունները կամ համապատասխան նախարարները ունենալ տարբեր դիրքորոշումներ»: Նա նաեւ հետաքրքրվեց՝ եթե ոստիկանությունը եւ ԱԱԾ-ն ենթակա են լինելու վարչապետին, եւ ի հայտ գա վարչապետի անհամատեղելիության հարց, ո՞ր կառույցն է, որ պետք է քննի այդ հարցը: Հարությունյանը շարունակեց կոլեգիալ պատասխանատվության տրամաբանությամբ: Նա նշեց, որ հարցը վերաբերվում է նախարարների այն դիրքորոշումներին, որոնք հակասում են կառավարության ամրագրված դիրքորոշմանը: «Որեւէ մեկը չի ամրագրել օրենքում, որ նախարարը չի կարող ունենալ իր դիրքորոշումը, բայց երբ խոսքը վերաբերում է կառավարության որդեգրած դիրքորոշմանը, դրան հակառակ դիրքորոշում չի կարող արտահայտել»,-  նշեց նա: Նրա խոսքով, եթե նախարարը արտահայտում է այլ դիրքորոշում, պարտավոր է հրաժարական տալ, որովհետեւ այլեւս այդ թիմի անդամ չէ: 

Ինչ վերաբերվում է վարչապետի անհամատեղելիությանը, նախարարը նշեց, որ հենց դրանով է պայմանավորված ԱԱԾ-ի եւ ոստիկանության ծառայություն լինելը: «Նրանք քաղաքական որոշումների կատարմանը չեն մասնակցում», - ասաց նա: Ապա նշեց, որ գործընթացի պատշաճ իրականացման համար կա «համապատասխան հսկողություն իրականացնող կառույց՝ դատախազությունը»:

ԵԼՔ դաշինքի պատգամավոր Արարատ Միրզոյանը հարցրեց, թե ի՞նչ սկզբունքով են կոլեգիալ ենթակայությունից հանվում ոստիկանությունը եւ ԱԱԾ-ն եւ դրվում միայն մեկ անձի ենթակայության տակ, «չե՞ք կարծում, որ սրանով սուպերվարչապետական միահեծան կառավարման համակարգ է ստեղծվում»: Հարությունյանը պատասխանեց, որ պատճառը այդ մարմնի գործունեության համար ավելի արտահայտված եւ ընգդծված քաղաքական պատասխանատվություն ունենալն է: «Ավելին, ես արդեն նշեցի, որ ըստ իս, մեր քաղաքականությունը պետք է տարվի այն ուղղությամբ, որ, բացառությամբ տեսչությունների, որոնք չեն կարող լինել կոնկրետ անձի քաղաքական պատասխանատվության ներքո, ի վերջո բոլոր մարմինները ռեֆորմների արդյունքում պետք է ենթակա լինեն այս կամ այն անձի անհատական պատասխանատվության ներքո», - նշեց նա:

Ընդդիմադիր պատգամավորները շարունակեցին նախագծի հետ կապված իրենց մտահոգությունները հայտնել: Մասնավորապես Գ. Գորգիսյանը նշեց, որ այս օրենքով բոլոր կարեւորագույն օղակները դրվում են վարչապետի ենթակայության տակ: «Ամեն ինչ կախված է լինում մեկ անձի որոշումներից, ի վերջո, ունենում ենք վարչապետ, որը վեր է բոլոր տեսակի վերահսկողություններից»:

Ա. Միրզոյանը լուրջ վտանգներ է տեսնում ուժային կառույցների՝ միայն վարչապետի ենթակայությանը փոխանցելու մեջ:

«Վերցնում եք չորս էական կառույցներ ԱԱԾ, ոստիկանություն, վերահսկողություն եւ պետական պահպանություն, հանում եք կոլեգիալ պատասխանատվությունից եւ դնում եք միայն վարչապետին ենթակա մարմին: Ասում եք, որ սա ուժեղացնում է պատասխանատվությունը…», - նշեց նա:

Նրա կարծիքով, ստացվում է, որ կառավարության կոլեգիալ պատասխանատվության տակ թողնված մարմիններն անկարեւոր են եւ ուղիղ պատասխանատվության անհրաժեշտություն չունեն:

Արարատ Միրզոյանի խոսքով՝ ուժային կառույցների «սեփական անձի շահերին ծառայեցնելու, ուզուրպացման եւ ենթակայացման հավանականությունը ավելի փոքր է, երբ դրա վերաբերյալ որոշումները կայացնում է կոլեգիալ մարմինը, քան երբ որոշումները կայացնում է մեկ անձ»:

Իր խոսքը նա եզրափակեց հետեւյալ կերպ. «Մեխն էլ է ձեր ձեռքը, մուրճն էլ, խփե՛ք, բայց մի օր կա՛մ մեխը կկոտրվի, կա՛մ մուրճը»:

Իշխանական ուժի շատ ներկայացուցիչներ նիստի ընթացքում բերեցին Մեծ Բրիտանիայի օրինակը, ինչը խորհրդանշական է՝ այն թեեւ սահմանադրական, սակայն միապետություն է: Բացի այդ, ստեղծվում է տպավորություն, որ նրանք զբաղված են «այլ երկրների» ուսումնասիրությամբ եւ կտրված են իրականությունից: Ինչեւէ, այս նիստից եւ զեկուցողի պատասխաններից կարող ենք ենթադրել, որ անգամ կառավարությունը դեռ չի կողմնորոշվել, որն է, ի վերջո, ավելի հարմար տարբերակ՝ կոլեգիալ քաղաքական պատասխանատվությունը, թե «ռեֆորմների արդյունքում այս կամ այն անձի անհատական պատասխանատվության ներքո» պետական մարմինները տեղավորելը:

Տպել
3612 դիտում

ԱՄՆ պետքարտուղարի տեղակալը հարգանքի տուրք է մատուցել Հայոց ցեղասպանության զոհերի հիշատակին

Ադրբեջանական որևէ հող չի գտնվում Հայաստանի հսկողության ներքո, որ Ադրբեջանն ուզենա հարձակվել. Իրանի դեսպան

ՀՀ վարչապետը տեսանյութ է հրապարակել տիկնոջ և կրտսեր դստեր հետ ուղևորությունից

Փրկարարները դուրս են բերել Դիլիջանում ձորն ընկած քաղաքացուն

40 տարվա մեջ առաջին անգամ Օլիմպիական խաղերը չեն ցուցադրվի Ռուսաստանում

Դանակահարություն Ջրվեժում. հիվանդանոց է տեղափոխվել 2 երիտասարդ

Ժիրայր Շաղոյանը տեղափոխվել է հունգարական Դեբրեցեն

10-12 ժամ ջուր չի լինի Երևանի որոշ հասցեներում ու մի շարք համայնքներում

Մարգարա-Վանաձոր-Տաշիր-ՀՀ սահման միջպետական նշանակության ճանապարհի մի հատվածը 2 ժամ փակ կլինի

Շնորհակալ եմ Հայաստանի առջև ծառացած մարտահրավերների ժամանակ մեր կողքին կանգնելու համար. Փաշինյանը՝ Մակրոնին

Մ-6 ավտոճանապարհից Դսեղ գյուղ տանող հատվածը փակ է

Վիգեն և Ժանեթ Քեշիշեաններն արժեքավոր ձեռագրեր են փոխանցել դեսպան Մակունցին՝ որպես նվիրատվություն Մատենադարանին

Թրամփի դեմ մահափորձ է իրականացվել, նա հեռացել է արնահոսող ականջով, կրակողը՝ ոչնչացվել (տեսանյութ, լուսանկարներ)

Այս վանքի նման վայրերի պահպանումը կարևոր դեր է խաղում ապագա սերունդների համար. Ուզրա Զեյան այցելել է Հաղպատ

Տավուշում հրդեհի վայրում հայտնաբերվել է 85-ամյա կնոջ մարմինը

Վարչապետ Փաշինյանն ընդունել է Պետքարտուղարի տեղակալ Ուզրա Զեյային

Այսօր պատգամավոր Մարիամ Պողոսյանի հարսանիքն է. ներկա են եղել նաև վարչապետն ու նրա տիկինը (տեսանյութ)

20-ամյա հղի կնոջ կրծքագեղձերը անբնական մեծացել են, հեռացվել է 20 կգ ուռուցք. բացառիկ վիրահատություն (լուսանկարներ)

Գրետա Վարդանյան. ով է Փարիզ 2024-ի պարալիմպիկ խաղերի ուղեգիր նվաճած առաջին հայ պարածանրորդը

Վրաստանի վարչապետը երկրի անդամակցությունը ՆԱՏՕ-ին իրատեսական է համարում

Բախվել են ավտոմեքենան ու մոպեդը. վերջինը կողաշրջվել է, օտարերկրացի մոպեդադավարը տեղափոխվել է հիվանդանոց

ՀՀ ԱԳՆ-ն Չեռնոգորիայի Պետականության օրվա առթիվ շնորհավորական ուղերձ է հղել

28-ամյա քաղաքացու ինքնասպանության փորձը կանխվել է

ԱՄՆ ՄԶԳ Եվրոպայի և Եվրասիայի բյուրոյի ղեկավարին է ներկայացվել կոռուպցիայի կանխարգելման թվային օրակարգը

Նիգերիայում դպրոց է փլուզվել. փլատակների տակ է մնացել 154 աշակերտ, կան զոհեր

Ինչ է կատարվել հայ-իրանական սահմանային անցակետում. ՆԳՆ-ն մեկնաբանել է Իրանի քաղաքացուն ծեծի ենթարկելու լուրերը

Ժաննա Անդրեասյանն Արարատում հետևել է դպրոցների շինաշխատանքներին. արձանագրված խնդիրների առնչությամբ հանձնարարական է եղել

Հայաստան-Չեռնոգորիա հարաբերությունները զարգացման և խորացման մեծ ներուժ ունեն. նախագահը ուղերձ է հղել Յակով Միլատովիչին

Սեփական տան ննջասենյակում տղամարդու դի է հայտնաբերվել, կողքին՝ որսորդական հրացան

Հայտնաբերվել են Մոսկվայի մարզում կործանված «Սուպերջեթ 100» ինքնաթիռի անձնակազմի մարմինները

Մեկնարկում են Տավուշի և Լոռու մարզերում ջրհեղեղից տուժածների աջակցության ծրագրերը. ովքեր և ինչպիսի փոխհատուցում կստանան

Իրանը կողմ է ուժեղ տարածաշրջանի ստեղծմանը, ողջունում է լարվածությունը նվազեցնելու անկեղծ ջանքերը. Մասուդ Փեզեշկիան

Առանց երկար, արհեստական եղունգների և ոչ միայն. ինչպես պետք է ներկայանա պացիենտի հետ անմիջական շփում ունեցող բուժաշխատողը

Առաջիկայում մեկնարկելու են Հայաստան-Չինաստան ուղիղ թռիչքներ. վարչապետը հրաժեշտի հանդիպում է ունեցել դեսպան Ֆան Յոնի հետ

Պարեկները ոչ տեսանելի վայրում հայտնաբերել են դանակահարված, անօգնական ու արնաքամ լինող երիտասարդի

Հուսով ենք, որ մոտ ապագայում Ադրբեջանի և Հայաստանի միջև կայուն խաղաղություն ձեռք կբերվի. Էրդողան

Օդի ջերմաստիճանը կնվազի 2-4 աստիճանով. կարճատև անձրև և ամպրոպ կլինի

ՀՀ-ում ԱՄՆ դեսպանն ու Սյունիքի մարզային գրադարանի տնօրենը փոխըմբռնման հուշագիր են ստորագրել

Գիշերը հրդեհ է բռնկվել Պուշկինի փողոցում գտնվող De angelo սրճարանի բացօթյա հատվածում (տեսանյութ)

19 հողամասի ապօրինի օտարում, 6 մլրդ 200 մլն-ի վնաս, փողերի լվացում. ՊՆ նախկին պաշտոնյայի մասով նախաքննության ավարտ