Հայրը սպանել է դստերը, որն առանց ամուսնանալու հղիացել է. գլխավոր դերում Լիլի Էլբակյանն է

Վերջերս Ազգային կինոկենտրոնի գեղխորհուրդը որոշեց ֆինանսական աջակցություն տրամադրել անավարտ մնացած երկու ֆիլմի, որոնցից մեկն է Արամ Շահբազյանի «Չնչիկը»-ը ֆիլմը: Ֆիլմն արտադրություն է մտել 2008 թվականից, սակայն ֆինանսական պատճառներով արդեն տասը տարի է՝ ավարտին չի հասցվում: «Հայկական ժամանակ»-ը զրուցել է ֆիլմի ռեժիսոր Արամ Շահբազյանի հետ:

Արամ Շահբազյանի «Չնչիկ» ֆիլմը պատմություն է մի խենթ աղջկա մասին, որն ապրում է փակ հասարակությունում: Ֆիլմի հիմքում իրական մի դեպք է, որը պատահել է Հայաստանի գյուղերից մեկում: Երիտասարդ աղջկա հայրը սպանել էր իր դստերը, որը համարձակվել էր առանց օրինական ամուսնանալու հղիանալ:

Վախենալով, որ իր ընտանիքը կարող է ադաթով ապրող համագյուղացիների մոտ ծիծաղի արժանանալ, ընտանիքի հայրը գերադասել էր առանց ավելորդ աղմուկի «ջնջել» իր դստեր հետքը: Ֆիլմում ներկայացվում է, թե ինչպես է կարծրատիպերով ապրող հասարակությունը մեկուսացնում տարբերվող անհատին, պարտադրում իր կանոնները եւ իրավունք վերապահում դատել ու վճռել անհատի ճակատագիրը: Մարդն իր աշխարհով եւ ցանկություններով մնում է անպաշտպան: Ֆիլմը չորս երկրի համարտադրություն է՝ Շվեյցարիա, Գերմանիա, Հոլանդիա, Հայաստան:

- Պարոն Շահբազյան, Ազգային կինոկենտրոնի տնօրեն Շուշանիկ Միրզախանյանը ՀԺ-ի հետ զրույցում ասել էր, որ քվեարկության միջոցով որոշվել է անավարտ մնացած երկու ֆիլմի տրամադրել ֆինանսական աջակցություն, ընդ որում ֆիլմերից մեկը՝«Չնչիկը», ձեր ֆիլմն է: Ֆիլմն ավարտին հասցնելու համար պետության կողմից լրացուցիչ գումարը ե՞րբ է տրվելու եւ արդո՞ք արդեն աշխատանքներ են արվում այդ ուղղությամբ:

- Աշխատանքները սկսվել են, խոստացել են, որ առաջիկա եռամսյակում կիրականացվեն բոլոր աշխատանքները եւ ֆիլմը վերջապես պատրաստ կլինի: Ազգային կինոկենտրոնը մեզ տրամադրելու է մոտավորապես 16-17 միլիոն դրամ: Մոտավորապես նույն չափի գումար էլ պահանջվում է, որպեսզի ֆիլմն ավարտվի: Մենք ավելի շուտ էինք դիմել Ազգային կինոկենտրոն, բայց քանի որ նախարար փոխվեց, կինոկենտրոնի տնօրենը եւ այլ աշխատակիցներ փոխվեցին, արդյունքում մենք մի տարի կորցրեցինք:

- Նախապես Ազգային կինոկենտրոնը որքա՞ն գումար էր ձեզ տրամադրել:

- Կինոկենտրոնը տարբեր տարիների մեզ 52 միլիոն դրամի չափով գումարներ է հատկացրել, սակայն դա ֆիլմի համար նախատեսված գումարի ընդամենը 15 տոկոսն է եղել: Եթե Հայաստանը տրամադրած լիներ բյուջեի երեսուն տոկոսը, ֆիլմը վաղուց ավարտված կլիներ: 

- Ինչո՞ւ է ֆիլմը մնացել անավարտ. որքան գիտեմ, շահել է մի քանի միջազգային դրամաշնորհ, ստացել է պետության աջակցությունը եւ չի ավարտվել

- 2010-ին ֆիլմը մտավ հետարտադրական փուլ: Կատարվեց ֆիլմի մոնտաժը, դերասանների ձայնագրման աշխատանքները, բայց հետարտադրական մյուս աշխատանքները, ֆինանսական պատճառներով, մնացին անավարտ: Վերջնական ավարտին հասցնելու համար մնացել է հնչյունային ձայնագրությունը եւ գունաբաժանումը: Նախագիծը մասնակցել է կինոնախագծերի զարգացման համակովկասյան շվեյցարական ԱՎԱՆՏԻ ծրագրին (SDC-Swiss Development Agency-AVANTI) և շահել է դրամաշնորհ՝ 75 000 $: Երբ սցենարը վերջնական պատրաստ էր, նախագիծը շքերթային հաջողություն ունեցավ եվրոպական մի շարք կինոֆոնդերում, ստացավ 10000 € դրամաշնորհ ՀՅՈՒԲԵՐԲԱԼՍ ֆոնդից (HBF-The Netherlands) սցենարի զարգացման համար: Ապա նախագիծը մասնակցեց Ռոտերդամի կինոփառատոնին կից կինոշուկային: Շուկայի մրցույթն անցնելուց հետո Հյուբերբալս ֆոնդից ստացավ արտադրական դրամաշնորհ 50000 €, այդ տարի շուկան երկու նախագծի տվեց արտադրական դրամաշնորհ, որից մեկը «Չնչիկն» էր: Եվս մեկ դրամաշնորհ՝ 50000 € նախագիծը ստացավ ՎՈՐԼԴՍԻՆԵՄԱ ֆոնդից (WCF-Germany): Այսինքն, այս նախագիծը ի սկզբանե եվրոպական արտադրողների ուշադրության կենտրոնում է եղել: 
Ֆիլմի բյուջեի 30 տոկոսը կազմում էր մոտ 200 հազար դոլար, դա այն գումարն էր, որ նախագիծը ակնկալում էր հայկական կողմից: Ազգային կինոկենտրոնը սովորաբար բոլոր նախագծերին բյուջեի առնվազն 30 տոկոսը տրամադրում էր: 200 000 դոլարի փոխարեն տրվել էր 100 000 դոլար: 
- Ֆիլմը նկարահանել եք 10 տարի առաջ, արդյո՞ք այսօր կան դրվագներ, որ կուզենայիք այլ ձևով նկարված լինեին:

- Այս Ֆիլմում ոչ մի կադր, ոչ մի բան չի հնացել, չկա մի դրվագ, որ ես նայեմ ու ասեմ. այս մի բանը կփոխեի, այս մի բանը կվերանայեի: Ֆիլմի նկարահանումը 36 տարեկանում եմ ավարտել, այդ տարիքի մտածողությունս, պրոֆեսիոնալ եփվածությունս բոլորովին այլ էր, հիմա՝ այլ: Հիմա ֆիլմը վերջացնում եմ սկսելուց մոտավորապես տասը տարի հետո, բայց կոնկրետ այս ֆիլմի հետ կապված ոչինչ չի փոխվել:

 - Ինչու՞ որոշվեց ֆիլմը անվանել «Չնչիկ»:

- Չնչիկ նշանակում է ոչինչ, չնչին բառի բարբառային տարբերակն է, հիշում եմ, որ բացեցինք բարբառային բառարանը եւ գտանք հենց ոչինչ բառին համարժեք այդ բառը:

Մարդուն դատելու մասին է ֆիլմը: Ֆիլմը պատգամ ունի իր մեջ, առանձնապես չեն երևում հասցեներ, տեղանք, դա լոկալ մի տարածք է, որտեղ ապրող մարդիկ իրենց վրա են վերցնում մարդուն դատելու իրավունքը: Ազգային պատկանելիություն չունեցող սյուժե ունի, որը նույն հաջողությամբ կարող էր նկարվել ցանկացած այլ երկրում:

Հայաստանի ո՞ր տարածաշրջաններում է նկարահանվել ֆիլմը:

- Մեծ մասամբ նկարահանվել է Լոռիում, նկարահանումներ են եղել Լոռու Չկալով գյուղում, մի քանի դրվագ նկարվել է Ապարանում: Օգտագործվել են կինեմատոգրաֆիայի համար բոլոր դժվար բաները:

Մեր ֆիլմում կան շատ մասսայական տեսարաններ, տեսարան կա, որտեղ մոտ հարյուր դերասան է ընդգրկված: Տարբեր կենդանիներ ենք նկարել՝ անգղ, գայլ եւ այլն:

Տարբեր տրանսպորտային միջոցներ՝ գնացք, ուղղաթիռ: Այն ամենը, ինչ կինեմատգրաֆիայի համար ամենաբարդ ռեալիզացվող բաներն են այս ֆիլմում կան՝ չորս սեզոն, գիշերային անձրևի տեսարաններ եւ այլն:                   

Աղունիկ Հովհաննիսյան

Տպել
5296 դիտում

Թուրքական օդուժը Իրաքի հյուսիսում թիրախավորել է բնակավայրեր. կա 2 զոհ

Հրետանավորներն անցկացրել են մասնագիտական պարապմունքներ. ՊՆ

Թրամփն ու ընտանիքը տեղափոխվել է ստորգետնյա բունկեր. ԱՄՆ-ում ցույցերի հետեւանքով 20 զոհ, 4 000 բերման ենթարկված կա

Հաշմանդամություն ունեցող երեխային պետք է սովորեցնել ինքնուրույն կյանք վարելու հմտություններ. ՄԻՊ (լուսանկարներ)

13-ամյա Նազելիի խնամակալությունը կստանձնի Գյումրիում ապրող հորաքույրը. կապրեն այլ հասցեում

Սահմանամերձ Բարեկամավանի միակ շրջանավարտի ավարտական երեկոն․ մի կողմից հակառակորդի հետ սահման, մյուսից՝ անտեսանելի թշնամի

Ամենահաճախակի խախտումները՝ գեղեցկության սրահներում, դեղատներում եւ ստոմատոլոգիական կենտրոններում․ ԱԱՏՄ

Սահմանադրական փոփոխությունների մասին քվեարկությունը ՌԴ-ում կանցկացվի հուլիսի 1-ին

Ակնկալվում է մի քանի անգամ մեծացնել Հայաստան ներմուծվող գազի և Իրան ներմուծվող էլեկտրաէներգիայի ծավալները

Լացող փոքրիկներ, մարզերից եկած հուսախաբ երեխաներ. հունիսի մեկն առանց ատրակցիոնների առաջվանը չէր

ՄԻԵԴ-ի պատասխանից առնվազն պետք է մտահոգվեն այն մարդիկ, որոնք ուղղել են հարցերը․ Վլադիմիր Վարդանյան

Եվրոպայում ֆուտբոլասերներին աստիճանաբար վերադարձնում են խաղադաշտ

ՍԱՏՄ-ն Կենտրոն վարչական շրջանում կասեցրել է կրկնակի խախտում կատարած երկու հանրային սննդի օբյեկտների աշխատանքը 48 ժամով

Օդային հաղորդակցության վերաբացումը կթույլատրվի հուլիսի կեսից. քննարկումն ու ժամկետը նախնական է

22-ամյա երիտասարդը աղջկա մերկ լուսանկարները չտարածելու դիմաց 3 միլիոն դրամ էր պահանջել. երիտասարդը ձերբակալվել է

Վարչապետին ծննդյան օրվա առթիվ շնորհավորական ուղերձ է հղել Ղազախստանի նախագահը

Վաղը հայկական արտադրության թեստերի առաջին խմբաքանակը՝ 350 հատ, կհանձնվի ՀՎԿԱԿ-ին. Տիգրան Ավինյան

Սահմանին գազի ներկա գնի պահպանման պարագայում, կարծում եմ, ՀԾԿՀ-ի հաշվարկները ողջամիտ են․ փոխվարչապետ

Ռեանիմացիոն եւ ինտենսիվ թերապիայի մահճակալային ֆոնդը կհամալրվի մոտ 120 մահճակալով

Տեղից չի շարժվել «Հարսնաքար»-ի սպանության գործը, ինչը դրա հեղինակներին դրդել է նորանոր հանցագործությունների․Բաբաջանյան