Ենթադրում եմ, որ կառավարությունը լսումները անհետեւանք չի թողնի․ Բագրատյան

Փետրվարի 16-ին ԱԺ-ում տեղի ունեցավ ԵԼՔ խմբակցության նախաձեռնած արտահերթ նիստը, որին միացել էր նաեւ Ծառուկյան խմբակցությունը։ ԵԼՔ խմբակցության նախաձեռնած «Հարկային օրենսգրքում փոփոխություններ ու լրացումներ կատարելու մասին» օրենսդրական նախագիծը չընդունվեց: Ի՞նչ արդյունք տվեց արտահերթ նիստը եւ ի՞նչ են պատրաստվում հետագայում անել ԵԼՔ եւ Ծառուկյան խմբակցությունները, պատասխանեցին ԵԼՔ-ից եւ Ծառուկյան խմբակցությունից։

ԵԼՔ խմբակցության պատգամավոր Արարատ Միրզոյանը մեր հարցին՝ թե ի՞նչ արդյունք տվեց արտահերթ նիստը, պատասխանեց. «Գիտեք, որ չի ընդունվել, ընդհանուր առմամբ արդյունքն այն էր, որ հանրապետականներն առանց հասարակական ճնշման ոչ մի զիջման էլ չեն գնալու»։

Դիտարկմանը, թե՝ կարծես թե, այս անգամ ձայների տարբերությունը փոքր էր, ընդամենը 3 ձայն, Միրզոյանը պատասխանեց. «Կառավարությունը կարող է պահանջել բյուջեի վրա ազդեցություն ունեցող օրենքները քննարկել այնպիսի ռեժիմով, որ օրենքն ընդունված համարվի պատգամավորների ընդհանուր թվի մեծամասնությամբ, այսինքն՝ ոչ թե ներկաների թվի, այլ ընդհանուր թվի մեծամասնության»։

Հարցին, թե ի՞նչ է պատրաստվում ԵԼՔ-ն անել, ասաց, որ «ԵԼՔ-ի օրակարգում հարցերի լայն հավաքածու կա, թանկացումները, սահմանադրական օրենքները, հետագա կառավարման համակարգը որոշող օրենքներն են։ Եւ նաեւ ընդհանուր ռազմավարություն, թե ինչ է պետք անել, որպեսզի կանխել Սերժ Սարգսյանի վարչապետացումը»։

Հարցին թե, նորից երթե՞ր հնարավոր է լինեն, Միրզոյանը պատասխանեց, որ ամեն ինչ էլ հնարավոր է, դեռ հստակ որոշված չէ։

Ծառուկյան խմբակցության պատգամավոր Սերգեյ Բագրատյանն էլ մեր հարցին, թե հիմա, երբ արտահերթ նիստը արդյունք չտվեց, ի՞նչ է պատրաստվում անել Ծառուկյան խմբակցությունը, պատասխանեց. «Դա դեռ պետք է քննարկել, հասկանալ, կառավարությունը, եթե որեւէ կերպ չարձագանքի այդ ժամանակ կփորձեն լուծումներ գտնել։ Ենթադրում եմ, որ կառավարությունը լսումները անհետեւանք չի թողնի»։ Դիտարկմանը, թե ոչ մի հստակ քայլ չի՞ պլանավորել Ծառուկյան խմբակցությունը, Բագրատյանը ասաց, որ դեռ սպասում են Տնտեսական հանձնաժողովի նիստին։ «Կամ մեր առաջարկը պիտի ընդունեն, կամ իրենց առաջարկը պիտի անեն։ Հիմա, եթե մեր առաջարկը չընդունեցին, պետք է իրենք առաջարկեն այլ լուծում, դրանից հետո արդեն հստակ կորոշենք մեր քայլերը»։

                                                                Նիկոլայ Ավետիսյան

Նյութը տպագրվել է «Հայկական ժամանակ» օրաթերթի փետրվարի 20-ի համարում:

Տպել
1874 դիտում

Հայաստանի ֆուտբոլի հավաքականն ընկերական խաղ կանցկացնի Քուվեյթի հետ

Մխիթարյանը «Ռոմայում» 22 խաղում 8 գոլ է խփել՝ միջինում ավելի շատ, քան «Արսենալում»

«ՀԷՑ»-ի տեսուչների կողմից էլեկտրաէներգիայի հավելագրումները եղել են 1-10, երբեմն էլ՝ ավելի քան 200 կՎտ/ժ. ՀԾԿՀ

ֆինանսական ընկերության տնօրենը վեճի ժամանակ գազային ատրճանակով վնասել է 53-ամյա քաղաքացու աչքը. քննություն է տարվում

Իտալիան արգելել է 13 երկրի, այդ թվում՝ ՀՀ քաղաքացիների մուտքը

Հրդեհ Գորիս քաղաքում. այրվել է տան տանիք եւ կենցաղային իրեր

Հայաստանի տարածքում հրդեհավտանգ իրավիճակ է. ԱԻՆ-ը հորդորում է զգոն լինել

Արցախում կորոնավիրուսի 3 դեպք է հաստատվել Ստեփանակերտում, եւս մեկը՝ Մարտակերտում

Նիդերլանդները 200.000 եվրո կհատկացնի Հայաստանին՝ կորոնավիրուսի դեմ պայքարի համար սարքավորումներ գնելու նպատակով

«ՔոնթուրԳլոբալ Հիդրո կասկադ» ՓԲԸ-ն հայտարարում է մրցույթ

Խոշոր վթար Ստեփանակերտ-Ասկերան ճանապարհին. 5 տուժածի թվում 13-ամյա երեխա կա (լուսանկարներ)

Արմեն Սարգսյանը հեռախոսազրույց է ունեցել ԲԴԽ նախագահի հետ

557 նոր դեպք և 709 առողջացած. 1 օրում կորոնավիրուսից 11 մարդ է մահացել, եւս 7 մահ է գրանցվել այլ հիվանդությունից

Մահացել է «Առաջատար տեխնոլոգիաների ձեռնարկությունների միության» գործադիր տնօրեն Կարեն Վարդանյանը

ՌԴ-ից ՄԻՊ-ի աջակցությամբ Հայաստան են վերադարձել արտակարգ դրության պատճառով ծնողներից բաժանված երեխաները

Հրազդան գետից դուրս է բերվել ինքնասպանություն գործած 60-ամյա քաղաքացու դին

Վթարի պատճառով 12 ժամ ջուր չի լինելու Էրեբունիում

ԱՄՆ կոնգրեսականը կոչ է արել շարունակել Արցախի ականազերծման ծրագրին հատկացվող ֆինանսավորումը

Դենիս Ջորկաեֆը եւ Հակոբ Սիմիդյանը նշանակվել են ՀՖՖ նախագահի խորհրդականներ

Այրվել է մետ 12 հա խոտածածկույթ