Հեռուստաաշտարակը Սաշիկն ու Միշիկը գրավել են հերիք ա, մենք գրավենք ի՞նչ անենք. Մանուկյան

«Նոր Հայաստան» հանրային փրկության ճակատի առաջնորդ Ժիրայր Սեֆիլյանի եւ մյուսների գործով «Սասնա ծռեր» խմբի անդամ Պավել Մանուկյանը այսօր մի քանի ժամ ցուցմունք տվեց:

Նա խայտառակություն որակեց Սեֆիլյանին առաջադրված մեղադրանքը, ասաց, որ գործը շինծու է, խոսեց քաղաքականությունից, Շուշիի բանտում անցկացրած իր օրերից, ինչպես նաեւ կես ժամ նկարագրեց Ժիրայր Սեֆիլյանի անցած ուղին, արցախյան պատերազմի մասին դրվագներ պատմեց`մատնանշելով հրամանատարի հերոսությունները:

Ի սկզբանե Պավել Մանուկյանն ասաց, որ պատասխանելու է միայն պաշտպանության կողմի հարցերին: Մասնավորապես Գեւորգ Սաֆարյանի պաշտպան Տիգրան Եգորյանը հարց ուղղեց Պավլիկ Մանուկյանին՝ 2015թ. եւ դրան հաջորդող ժամանակաշրջանում արդյո՞ք իրենց ծավալած գործողությունները նպատակ են ունեցել զանգվածային անկարգություններ նախապատրաստելու, իշխանության ներկայացուցիչներին զենքի գործադրմամբ վնասներ պատճառելուն, սահմանադրական կարգը բռնի ուժով տապալելուն: Մանուկյանն ասաց, որ միտինգը քաղաքապետարանի կողմից թույլատրված է եղել. «Մենք՝ Սեֆիլյանի հետ մեր ողջ երիտասարդությունը, զոհաբերել ենք հայրենիքի ինքնապաշտպանության եւ ժողովրդի համար, ինչպե՞ս թույլ կտայինք զանգվածային անկարգություններ: Այս գործը շինծու է, ուղղակի մենք վաղուց նկատել էինք իշխանության դավաճանական էությունը, կռահել էինք, թե ուր են տանելու: Ահա թե ինչի բերեց, բնականաբար, մեր ոչ մեկի բնակարանից չկարողացան որեւէ բան բացահայտել: Առավոտյան 6-ից ինձ հանել բերել էին, տենց էլ չհասկացա՝ ինչի համար եւ ինչի համար էլ բաց թողեցին, բնականաբար հասարակական ճնչում եղավ, բնականաբար ոչ մի բան չկարողացան հասկանալ, իրենք իրենց արածից ամաչեցին: Հասկանալի է, որ էս իշխանությունները, երբ ինչ ուզում են՝ նկարում են, ոնց ուզում են՝ փոխում են: Այս իշխանությունը պետական դավաճանության քաղաքականություն է վարում: Ասում է՝ մենք ոչ մի տարածք չենք կորցրել ապրիլյան պատերազմում, հետո կանգնեց ասեց՝ 800 հա բան ենք կորցրել 700 չէ: Այդ ժամանակ դուք՝ հարգելի դատարան, ինչի՞ չկանգնեցիք ասացիք՝ դուք պետական դավաճան եք, սրիկա, ինչի համար այդքան երիտասարդների արյան գնով... 160-ից ավել երիտասրադ զոհվեց 200-ն էլ դարձավ խեղանդամ, դա մի՞թե պետական դավաճանություն չէր, ինչի՞ համար պետական տարածք կորցրեցինք»,- պատասխանեց Մանուկյանը:

Հաջորդ հարցը վերաբերում էր իր համախոհների կողմից բռնի կոչեր հնչեցնելուն, թե արդյոք Մանուկյանը տեղյակ եղել է այդպիսի կոչերի մասին: Ազատամարտիկը, սակայն, հարցին հարցով պատասխանեց. նա մասնավորապես հարցրեց, թե ինչպես կարող է ազգի զինվորը բռնություն գործադրել, ասաց, որ իրենք դեմ են բռնությանը: «Ով ձեռք կբարձրացնի իմ հարազատ ժողովրդի վրա՝ անկախ դեմքից, դիրքից զբաղեցրած պաշտոնից, նա մեր ազգի թշնամին է եւ մեր պետության եւ պետականության: Սրանց մեղադրանքների մեջ հնչում է նաեւ այսպիսի բան, թե դուք ինչո՞ւ եք ձեր մարտական ընկերների հետ նստում, բա ո՞ւմ հետ էթամ, Սերժի հետ նստեմ հաց ուտե՞մ, որ ազգիս վերացնում ա: Բա մենք մեր տեսակն ունենք, անդավաճան ծառայում ենք մեր ազգին, ցանկա՜, չցանկա՜, պարոն Չիբուրաշկա»,- Մանուկյանի պատասխանը ընդհատեց նախագահող դատավոր Տաթեւիկ Գրիգորյանը եւ կոռեկտության կոչ արեց, իսկ երբ Պավել Մանուկյանը նրան դու-ով դիմեց, դատավորը հորդորեց հարգալից արտահայտվել: «Ձեզ ինչպե՞ս դիմեմ, սիրելիս: Սեֆիլյանի պես մեծությանը ամբաստանյալ ես համարում, ապա այդ դեպքում արդարադատություն եւ դատարան բառը չեմ տեսնում՝ ելենով դրանից ես շատ հարգալից եմ նույնիսկ քո հանդեպ աղջիկս»,- ասաց Մանուկյանը:

«Նախագահող դատավորին դիմում են հարգելի՛ դատարան արտահայտությամբ»,- պարզաբանեց դատավորը, ապա դիմելով Մանուկյանին, ասաց, որ այստեղ քաղաքական հարթակ չէ, այստեղ քաղաքական հարցեր չեն քննարկվում, իսկ ամբաստանյալներին դիմում է ըստ նրանց դատավարական կարգավիճակների:

Եգորյանը հարց հնչեցրեց նաեւ Պավել Մանուկյանի բնակարանում կատարված խուզարկության մասին: Պավել Մանուկյանի ցուցմունքից պարզ դարձավ, որ խուզարկությանը ընթերականեր չեն մասնակցել, նրանք միայն արձանագրության տակ ստորագրելու ժամանակ են եկել: Ինչպես նաեւ պարզվեց, որ խուզարկողները չեն պարզաբանել Պավել Մանուկյանի իրավունքները, մասնավորապես պաշտպան ունենալու մասին: Նա ասաց, որ իրենց բնակարանը խուզարկել են առավոտյան՝ նրանք մոտ 11 հոգի են եղել: Ըստ Մանուկյանի ցուցմունքի՝ ինքը խուզարկության պահին հատուկ հսկողության տակ է վերցված եղել: «Նենց տպավորություն էր, ոնց որ Էրդողանի թիկնապահները ներխուժեին»,- շարունակեց Մանուկյանը:

Նրան հարց ուղղեց նաեւ Ներսես Պողոսյանի պաշտպան Արայիկ Պապիկյանը: Նա հետաքրքրվեց, թե արդյոք Պավել Մանուկյանը տեղեկությո՞ւն ունի՝ Սեֆիլյանը դեռեւս 2014 թվականից սկած անկարգություններ կատարելուն պատրաստ խմբեր հավաքագրե՞լ է: «Ինձ էլ գրել էին առավոտ 6:30-ին ձերբակալել են հանցանքի վայրում: Ես իմ կնոջ հետ սենյակում պառկած էի, ի՞նչ հանցագործ, էդ խոսքերը մեկնաբանելու կարիք դուք տեսնո՞ւմ եք»,- այսպես պատասխանեց ազատամարտիկը:

Ապա վերջինս, պաշտպան Տիգրան Հայրապետյանի խնդրանքով նկարագրեց Սեֆիլյանի անցած ուղին, արցախյան պատերազմի մասին դրվագներ ներկայացրեց դատարանին, խոսեց Շուշիի բանտում իր անցկացարծ օրերի մասին, որը դատավորն ուշադրությամբ լսում էր: Եթե այլ դեպքերում գործի հետ ըստ էության առնչություն չունեցող հարցերը հանվում էին, ապա այս դեպքում դատավորը պաշտպանական կողմի հարցերը չհանեց եւ թույլատրեց Մանուկյանին պատասխանել դրանց: «Ինչպե՞ս կարող են մեղադրել մի մարդու, որը կյանքի 27 տարիները անվարձ նվիրել է հայրենիքին: Ժիրայր Սեֆիլյանն իմ աչքի առաջ է բազմաթիվ անգամ վիրավորվել, ինչպե՞ս կարող են որակել մի մարդու այդպիսի ստոր մեկնաբանությամբ: Ինչպե՞ս կարող են մեղադրել մի մարդու, որը ամեն մի սանտիմետր հողի համար դողում է՝ ինչպես ամեն զինվորի մայր... Մարդակերությունը վերջացրիք, անցաք աստվածակերության, դուք քար եք նետում Արարատի վրա... : Հիմա իմ ոտքերին որ կրակեցին, ինձ պետք չէին դրանք, ձեզ էին պետք: Ես իմ ամբողջ ընտանիքը դրել եմ զոհասեղանին, էլ ի՞նչ եք ուզում դնեմ, ասեք, դնեմ...»: Մանուկյանն ընդգծեց, որ զինված հեղաշրջման փորձի մասին խոսելն անհեթեթություն է:

«Ասում են՝ հեռուստաաշտարակ ենք ցանկացել գրավել, գրավենք՝ ի՞նչ անենք: Սաշիկը, Միշիկը գրավել են, հերիք ա»,- ասաց Մանուկյանը: Թեեւ Մանուկյանը նիստի սկզբում հայտարարեց, որ պատասխանելու է միայն պաշտպանական կողմի հարցերին, սակայն բացառություն արեց, նրան հարցեր ուղղեցին նաեւ մեղադրող դատախազները: Մասնավորպես մեղադրող դատախազ Հակոբ Ենոքյանը հետաքրքրվեց՝ արդյո՞ք ապրիլի 24-ին ցանկացել են փողոց դուրս գալ, որին ի պատասխան Պավել Մանուկյանն ասաց` ամեն օր էլ Հայաստանում ապրիլի 24 է. «Մենք որոշել էինք դուրս գալ ու ի նշան բողոքի՝ մնալ փողոցում»: 

Երբ Մանուկյանը վերջացրեց ցուցմունքը, դատավորը կարգադրեց ուղեկցող ոստիկաններին նրան տանել դահլիճից, ինչին ի պատասխան Մանուկյանն ասաց. «Սառցե թագուհու եւ հալից ընկած ասպետի հանդիպու՞մն էր»:

Ինչպես արդեն տեղեկացրել էինք, այսօր դատարան էր բերվել նաեւ «Սասնա ծռեր» խմբի անդամ Վարուժան Ավետիսյանը: Նա, սակայն, դատավորի հարցերին նստած պատասխանելու եւ ամբիոնին չմոտենալու համար հեռացվեց նիստերի դահլիճից: Այպիսով՝ դատավորը կասեցրեց Ավետիսյանի հարցաքննությունը:

Սույն գործով հաջորդ դատական նիստը տեղի կունենա փետրվարի 9-ին:

Տպել
4989 դիտում

Շնողի բնակիչը կորցրել է մեքենայի կառավարումը, բախվել գազատար խողովակին և կողաշրջվել․ նա տեղում մահացել է (լուսանկարներ)

Բայդեն-Պուտին հանդիպումը շարունակվում է փակ դռների հետևում. ինչ է հայտնի հանդիպման մասին

Մալիշկայում վարչապետին սպասող Տիգրանի ինքնազգացողությունը վատացել է․ Աննա Հակոբյանը տեսանյութ է հրապարակել

Գորիսի բնակիչն ադրբեջանցի ներկայանալով թրաֆիքինգի է ենթարկել պատերազմում անհետ կորած զինվորների իգական սեռի հարազատներին

Սուրճ խմելուց մինչեւ երեխաների հետ շփում. ԼՀԿ քարոզարշավը լուսանկարներով

Ընտրակաշառք բաժանելու և ստանալու համար մեղադրանք է առաջադրվել ևս 8 անձի

Ժնևում մեկնարկել է Բայդեն-Պուտին հանդիպումը

Գիշերը Տոլորսի ջրամբարն ընկած ավտոմեքենան առավոտյան դուրս է բերվել

Լիլիա Շուշանյանը մասնակցել է հանքարդյունաբերության ոլորտի աշխատանքային պայմանագրի նախագծի շուրջ աշխատաժողովին

«Էս ի՞նչ ձեւ է». Փաշինյանը շինարարական կազմակերպություններին մի քանի ժամ տվեց՝ աշխատանքը սկսելու համար

«Մոսկվա» կինոթատրոնի մոտ տեղի ունեցած սպանությունն իրականացրել էր պրոֆեսիոնալ մասնագետ. փոխոստիկանապետ

Մեկնարկում է օտարերկրացի և սփյուռքահայ դիմորդների փաստաթղթերի ընդունման գործընթացը

Արցախում քրեական գործ է հարուցվել դիակը կամ թաղման վայրերն անարգանքի ենթարկելու փաստով՝ Ասկերանի օրինակով

Հայկ Չոբանյանը հանդիպել է «Ռոսկոսմոս»֊ի գլխավոր տնօրենի հետ

Գյումրիում դպրոցների տնօրենների մասնակցությամբ ուսուցիչներին փորձել են ուղղորդել. «Անկախ դիտորդ»

15 անշարժ գույք, 189 մլն դրամ, 54 հազար դոլար. Մարտուն Գրիգորյանի ունեցվածքը

Ժամանակավորապես կդադարեցվի Երևանի որոշ հասցեների, Գեղարքունիքի գյուղերից մեկի գազամատակարարումը

Պատմության ինստիտուտի տնօրենը՝ Քոչարյանին սատարող հայտարարությանը միանալու մասին

Արթուր Աբրահամը ռեանիմոբիլներ է նվիրել համալսարանական հիվանդանոցին

ՔՊ-ն ընտրակաշառքի մասին վկայող տեսանյութի համար 1000 դոլար է խոստանում. Փաշինյանը զգուշացրեց՝ «խմբերով կդատվեք»

Ոստիկանությունն արձանագրել է ընտրական իրավախախտումների 172 դեպք

Կարծում եմ՝ «Հայաստան» դաշինքն ու «Պատիվ ունեմը» կոալիցիա կկազմեն. Վարդազարյանը՝ Քոչարյանին սատարելու մասին

ՊԵԿ-ը բացահայտել է հարկը, տուրքը խոշոր չափերով չվճարելու և ակցիզային դրոշմանիշերն անօրինական օգտագործելու դեպքեր

Վերացվել է մի շարք ընկերությունների արտադրական գործունեության կասեցումը, այդ թվում՝ «ԱՐՄԻՆԱՇՈՂ»-ինը

Գեղաշեն գյուղում կատարված սպանությունը բացահայտվել է. հարուցվել է քրեական գործ (լուսանկարներ)

Սերժ Սարգսյանի եղբորորդի Նարեկ Սարգսյանը դատապարտվեց 5,6 տարվա ազատազրկման. նա կմնա կալանքի տակ

Վստահ եմ, որ հայ-չինական փոխշահավետ համագործակցությունը կշարունակի ամրապնդվել. նախագահը ուղերձ է հղել Ծինփինին

Տեսչական մարմինը ներկայացնում է թունավորումից ու վարակիչ հիվանդություններից խուսափելու քայլերը

6 ամիս անց Ջրվեժի բնակչի սպանությունը բացահայտվել է. հայտարարվել է հետախուզում

ԱԺ նիստը կրկին չկայացավ, ներկա էր 10 պատգամավոր

Արագածոտնում 25 տոննա ցորենով բարձված «Կամազը» կողաշրջվել է, ցորենը լցված է ողջ ճանապարհով

Հաստատվել է կորոնավիրուսային հիվանդության 99 նոր դեպք

Հրդեհ Արեգնադեմ գյուղում. այրվել է բնակելի տուն

Վիճաբանություն ու սպանություն Կոտայքի մարզի Գեղաշեն գյուղում գտնվող «Լույս գերեզման» սրբատեղիում

Արցախի կառավարությունում մշակվել է «Բռնազավթված տարածքների մասին» օրենքի նախագիծը. Բեգլարյան

Visa Gold 50,000 ՀՀ դրամով և Visa Platinum 500,000 ՀՀ դրամով վճարային քարտեր ստանալու հնարավորություն Ամերիաբանկից

Սևանա լճում հանգիստ նախընտրողների համար հունիսի 18-ից կգործի Ալմաստ-Շորժա էլեկտրագնացքը

UCOM-ի LEVEL UP փաթեթներով բաժանորդներն ունեն անսահմանափակ մուտք TIKTOK, SPOTIFY, COURSERA

Խորհրդատվություն Եվրահանձնաժողովի «Հորիզոն Եվրոպա» ծրագրին ներկայացվող հայտերի վերաբերյալ

Կաթողիկոսը կաթոլիկ բարեկեցության ընկերության ներկայացուցիչներին ներկայացրել է գերիների ազատմանն ուղղված քայլերը