Մանկապարտեզներում բուժքույրերի հաստիքային միավորները նվազել են, փոխտնօրեններինը՝ ավելացել

Հայաստանում գործող նախադպրոցական ուսումնական հաստատությունների օրինակելի հաստիքացուցակում կատարվել են փոփոխություններ: Դրանք հիմնականում կրճատումների տեսքով են:

ՀՀ կրթության եւ գիտության նախարարի հրամանով սահմանվել է, մասնավորապես, հետեւյալը. նախկինում 3-7 խումբ ունեցող մանկապարտեզներում նախատեսվում էր բուժքրոջ 1 հաստիք, այժմ 3 եւ 4 խմբերի պարագայում այդ հաստիքային միավորը նվազեցվել է 0.75-ի: 8-12 խումբ ունեցող մանկապարտեզում բուժքրոջ 1.5 հաստիք կար: Հիմա պահպանվելու է միայն 1-ը:

Նվազեցվել է նաեւ մանկապարտեզների գլխավոր հաշվապահի հաստիքային միավորների քանակը: Նոր հրամանի համաձայն, մինչեւ 4 խումբ (4-րդը ներառյալ) ունեցող մանկապարտեզներում կարող են գլխավոր հաշվապահներն աշխատել միայն 0.5 դրույքով: Նախորդ հաստիքացուցակով դա չէր վերաբերում 4 խումբ ունեցող մանկապարտեզներին եւ այս դեպքում սահմանված էր գլխավոր հաշվապահի մեկ հաստիք:

Նախադպրոցական ուսումնական հաստատություններում, նոր հաստիքացուցակի համաձայն, հաշվետար-գանձապահներ չեն լինի: Նախորդ հաստիքացուցակով 0.5-1 հաստիք էր սահմանված՝ պայմանավորված մանկապարտեզում առկա խմբերի քանակով:

Նվազեցվել են տնտեսավարի հաստիքային միավորները: Եթե նախկինում մինչեւ 3 խումբ ունեցող մանկապարտեզներում կարող էին տնտեսվարներն աշխատել 0.5 հաստիքով, հիմա 1 եւ 2 խմբերի դեպքում այդ թիվը կլինի 0.25: 4, 5, 6 խումբ ունեցող մանկապարտեզներում 1 հաստիքի փոխարեն 0.5 հաստիք է պահպանվելու:

Կրճատվում, իսկ մինչեւ չորս խումբ ունեցող մանկապարտեզներում ընդհանրապես վերացվում է գործավարի հաստիքը:  

Եթե նախկինում մինչեւ երեք խումբ ունեցող մանկապարտեզներում նախատեսված չէր մեթոդիստ-ուս. գծով տնօրենի տեղակալի հաստիք, ապա այժմ մեկ եւ երկու խումբ ունենալու դեպքում առկա է 0.25 հաստիք, երեք խմբի դեպքում՝ 0.5: Չորս խումբ ունեցող մանկապարտեզներում, ի տարբերություն նախկին 0.5 հաստիքի, այժմ փոխտնօրենի մեկ ամբողջ հաստիք է նախատեսված: Խմբերի ավելի մեծ քանակի պարագայում հաստիքային միավորը պահպանվում է՝ հասնելով 1.25-ի:

Նյութը տպագրվել է «Հայկական ժամանակ» օրաթերթի հունվարի 31-ի համարում:

Տպել
24264 դիտում

Ելփին գյուղում բռնկված հրդեհը մեկուսացված է. մարզային փրկարարական վարչությունում հայտարարվել է հավաք

Այսօրվա գործողությունները պետք է միտված լինեն 2050թ-ի ՀՀ-ին. Արման Բոշյան (տեսանյութ)

«Կան անհերքելի փաստեր». մահացած ծննդկանի հարազատները նշում են, որ չեն նահանջելու, ԲԿ-ից պնդում են՝ բժիշկը մեղավոր չէ

«Արարատը» այլևս ստիպված չի լինի խաղադաշտեր վարձակալել․ նորոգվում են Ձորաղբյուրի մարզաբազայի խաղադաշտերը

Փայտե մահակներ, երկաթյա ձողեր, քարեր. Գնդեվազում կան բերման ենթարկվածներ ու ձերբակալվածներ (տեսանյութ)

ՀՀ քննչական կոմիտեի նախագահ Հայկ Գրիգորյանն ընդունել է ՀՀ-ում Իտալիայի արտակարգ և լիազոր դեսպանին

Նախկին համակարգի քաղաքական ուժերը չեն կարող առաջնորդել ընդդիմությանը. Արման Բոշյան (տեսանյութ)

Վարազդատ Հարոյանը հեռացել է «Ուրալից». պատճառը՝ խաղային պրակտիկայի բացակայությունն է

Երևանում մանկատան սաները պարբերաբար բռնության են ենթարկվել, զրկված եղել կեցության նվազագույն պայմաններից (տեսանյութ)

«Տրակտորիստի աղջիկը». պատգամավորի անեկդոտը՝ «Դոսյե»-ի թեմայով (տեսանյութ)

Հնդկաստանին և Հայաստանին միավորում են ջերմ և բարեկամական կապերը. Արմեն Սարգսյանին շնորհավորել է Հնդկաստանի նախագահը

Բարձր տեխնոլոգիաների ոլորտում աճել է շրջանառությունը, աշխատողների թիվը, կազմակերպությունների քանակը. ՀՀ վարչապետ

Ո՞վ կդառնա Վճռաբեկ դատարանի նախագահ. թեկնածուների ցանկը ԲԴԽ-ին կներկայացվի առաջիկա երկու օրերին

Հայ զինծառայողները մասնակցել են «Կովկաս -2020» զորավարժությունների բացման արարողությանը

Երևանի քաղաքապետարանը սկսել է հետիոտնային անցումների լուսավորման ծրագիրը. կլուսավորվի շուրջ 100 անցում

Որտեղ թիմը տեսնի ինձ, այնտեղ էլ կլինեմ. Արեն Մկրտչյան (տեսանյութ)

Դավիթ Տոնոյանի և Զոհրաբ Մնացականյանի գլխավորությամբ խորհրդակցություն է անցկացվել

Այգեհովիտում հայտնաբերված ականը տեղափոխվել է անվտանգ տարածք

Անկախության տոնի առթիվ նախագահ Արմեն Սարգսյանին շնորհավորական ուղերձ է հղել Թագուհի Եղիսաբեթ Երկրորդը

ՀՀ և ՌԴ սննդամթերքի անվտանգության գերատեսչությունների ղեկավարները ոլորտային խնդիրներ են քննարկել