Արմեն Սարգսյանի «Երեւան իմ սեր» հիմնադրամը 5 տարի է չի կարողանում շինարարություն սկսել

ՀՀԿ-ի նախագահի թեկնածու Արմեն Սարգսյանի ստեղծած «Երեւան իմ սեր» հիմնադրամի ծրագրերից մեկը տարիներ շարունակ չի իրագործվում: Խոսքը Երեւան քաղաքի Կոնդ թաղամասում կառուցվելիք շենք-շինությունների մասին:

2013 թվականի հունվարին կառավարության որոշմամբ Կոնդ թաղամասում՝ Սուրբ Հովհաննես Մկրտիչ եկեղեցուն հարակից տարածքում 1005  քառակուսի մետր մակերեսով, 401 միլիոն դրամ արժեք ունեցող հողամասը նվիրաբերվեց «Երևան իմ սեր» հիմնադրամին: Նպատակը բարեգործական ծրագրի իրականացումն էր: Անցել է արդեն շուրջ 5 տարի, սակայն Հովհաննես Մկրտիչ եկեղեցուն հարող հատվածը ինչպես նախկինում, այնպես էլ այսօր մետաղական թիթեղներով է պատված, իսկ շինարարական աշխատանքներ չեն ընթանում, չեն էլ սկսվել:

«Երևան իմ սեր» հիմնադրամից փորձեցինք մեկնաբանություն ստանալ, սակայն մեզ հայտնեցին, որ հիմնադրամի տնօրեն Արշակ Կարապետյանը քաղաքից բացակայում է եւ միայն հունվարի 30-ին հնարավոր կլինի նրա հետ խոսել:

Նշված տարածքում նախատեսված էր կառուցել շենք-շինություններ Երեւանի կենտրոնում ապամոնտաժված հին շենքերի քարերով: Որոշ տեղեկություններով՝ ապամոնտաժողներն այդ քարերը չեն պահպանել: Բացի այդ, հիմնադրամը չի կարողանում բանակցել Կոնդի բնակիչների հետ, որպեսզի, այնուամենայնիվ, շինարարական աշխատանքներ սկսի, քանի որ բնակիչները դեմ են կառուցապատմանը՝ մտավախություն ունենալով, որ անօթեւան կմնան:

Հովհաննես Մկրտիչ եկեղեցուն հարող տարածքում շինարարություն սկսելու նպատակ հիմնադրամն ունեցել է դեռեւս 2011 թվականին: Նախատեսվում էր 2800 քառակուսի մետր տարածքում հին Երեւանի ճարտարապետությանը բնորոշ ոճով վերստեղծել ցածրահարկ շենքեր: Շենքերից մեկում պետք է անվճար գործեր կենտրոն՝ կարիքավոր ընտանիքների լսողության խնդիրներ ունեցող երեխաների համար, որի մակերեսը կկազմեր 517 քառակուսի մետր: Մյուս շենքը նախատեսված էր հանձնել միայնակ մայրերի եւ երեխաների կարիքներին (795 քմ): Երրորդ շենքը պետք է հանդիսանար եկեղեցուն օժանդակ շինություն եւ անվճար տրամադրվեր եկեղեցու հոգեւոր սպասավորներին եւ ծառայեր համայնքի հոգեւոր կարիքներին: Շենքերը կառուցվելուց հետո անվճար հատկացվելու էր Հայաստանյաց առաքելական եկեղեցուն սեփականության իրավունքով:

Նախատեսված շինություններից երկուսը

Եկեղեցու համար կառուցվելիք շինությունը

Ուսումնասիրեցինք հիմնադրամի ֆինանսական փաստաթղթերը, որոնք հրապարակվում են ամենամյա աուդիտից հետո: 2016 թվականի վերաբերյալ աուդիտորական ընկերության եզրակացության համաձայն, այդ տարվա ընթացքում շուրջ 2.5 միլիոն դոլար գումար ավանդ է դրվել «Արդշինբանկ»-ում: Որպես իրականացված ծրագիր հաշվետվություն նշվել է Սուրբ Հովհաննես Մկրտիչ եւ Սուրբ Սարգիս եկեղեցիների կից քաղաքային սոցիալ հոգեւոր ենթակառուցվածքներին զարգացումը, որի համար ծախսվել է շուրջ 251 միլիոն դրամ՝ մոտ 523 հազար ԱՄՆ դոլար: Նույն տարում հիմնադրամին ընդամենը 3 միլիոն դրամի նվիրատվություն է կատարել, որն իրականացրել է ոմն Բրներ Բալլոքը: Ֆինանսական տարում օգտագործված միջոցների չափը կազմել է 295 միլիոն դրամ:

Շինհրապարակն այսօր

Նվիրատվությամբ ստացած տարածքը Պռոշյան փողոցից

«Երեւան իմ սեր» հիմնադրամը ստեղծվել է 2009 թվականին: Հոգաբարձուների խորհրդի անդամներն են՝ Արմեն Սարգսյանը, Լեւոն Մարտիրոսյանը, Վաչե Մանուկյանը, Վիգեն Սարգսյանը, Էնթոնի Բանկերը, Դեյվիդ Լինլին, Էնզո Բենինին, Հայկ Դիդիզյանը, Արտաշես Կակոյանը, Գարեգին Բ-ն, Քեթրին Լիչը, Տարոն Մարգարյանը, Նավասարդ Կճոյանը:

Հ.Գ. «Երեւան իմ սեր» հիմնադրամի աջակցությամբ նախորդ տարի Սուրբ Սարգիս եկեղեցու հարեւանությամբ բացվեց մանկական վերականգնողական կենտրոն, որի շինարարությունը երկար տարիներ կանգնած էր:

Հոդվածը հրապարակվել է «Հայկական ժամանակ»-ի հունվարի 24-ի համարում:

Տպել
4663 դիտում

Վահրամ Դումանյանն այցելել է Ալ․ Սպենդիարյանի տուն-թանգարան

ԱՍՀ նախարարությունը միանվագ 250 հազար դրամ աջակցություն է տրամադրում թրաֆիքինգի և շահագործման ենթարկված անձանց

ՎՏԲ-Հայաստան Բանկն ապահովել է ռեկորդային շահույթ՝ 2 մլրդ ՀՀ դրամի չափով

Հայաստանում Չինաստանի դեսպանատան 100-ից ավելի աշխատակիցներ այսօր պատվաստվել են չինական «Կորոնավակ» պատվաստանյութով

Հրապարակվել են ուսուցիչների կամավոր ատեստավորման ուղեցույցները

ՄԻԵԴ-ը բավարարել է ՀԺ-ի հայցը՝ Ռուբեն Հայրապետյանի, Լեւոն Սարգսյանի եւ Սամվել Ալեքսանյանի գործով

Հունվար-ապրիլին Հայաստանը ԵԱՏՄ տարածքում ամենացածր գնաճ արձանագրած երկիրն է՝ 5.4 տոկոս

Երեկ կամրջից նետվել սպառնացած երիտասարդը այդ քայլին դիմել է 10 անգամ. նա ներկայացնում է իր պատմությունն ու դրդապատճառը

Ուկրաինան ամեն բան անում է Ղրիմը վերադարձնելու համար. Զելենսկի

Կամավոր ապահովագրության պայմանագրերը կարելի է կնքել առցանց. Ամերիաբանկի և Ինգո Արմենիայի նոր համագործակցությունը

ՏՄՊՊՀ-ն կքննարկի գովազդի միջոցով անբարեխիղճ մրցակցության դրսևորումները և դրանց կանխարգելումը

Գագիկ Բեգլարյանը գրավի դիմաց ազատ արձակվեց

Կատալոնիայի խորհրդարանը պաշտոնապես կպահանջի Ադրբեջանից ազատ արձակել հայ ռազմագերիներին. «Արմենպրես»

Նաիրա Զոհրաբյանն այլեւս ԲՀԿ ցուցակի առաջին կինը չէ. այլ փոփոխություններ եւս կլինեն

«Ինքնիշխան Հայաստանը» քարոզարշավ չի իրականացնում, եկել ենք առաջնագիծ ու այստեղ ենք լինելու որքան որ պահանջվի. Սանասարյան

ԵԽԽՎ զեկուցողը ԼՂ հակամարտության հումանիտար հետևանքներն ուսումնասիրելու նպատակով կայցելի Հայաստան. «Արմենպրես»

Մարտունի գետում կնոջ դի է հայտնաբերվել. shamshyan.com

ՄԱԿ-ը դրամական օգնություն է տրամադրում Արցախից տեղահանված և Հայաստանում բնակվող անձանց

Տեղեկությունը, թե «ադրբեջանական ԶՈՒ-երը դիրքերն առաջ են տվել նաև Արցախում, իրականությանը չի համապատասխանում». Արցախպրես

Կառավարությունը կգործադրի բոլոր ջանքերը՝ ազատ, թափանցիկ, արդար ընտրությունների անցկացման համար. Արսեն Թորոսյան

Խծաբերդի մարտերում զոհված ինը զինծառայող հետմահու պարգևատրվել է «Արիության» մեդալով

Մոսկվա-Երևան չվերթի ինքնաթիռի ժամանումից հետո 28-ամյա հետախուզվող է բերման ենթարկվել

«Հայերը մեր ընկերներն են, և մենք պատրաստ չենք ընդունել թուրքերի օգնությունը». պաղեստինցիներ

ՀՀ-ն պատրաստակամ է անցկացնել արդար ընտրություններ. Ապիտոնյանն ընդունել է ԵԱՀԿ դիտորդական առաքելության հիմնական կազմին

Ուժեղ, ինքնիշխան պետությունը պետք է ունենա ուժեղ հետախուզական ծառայություն. Սերգեյ Նարիշկին

Արցախում հրետակոծությունից վնասված 7064 շենք-շինություն է հաշվառվել

Այսօր զինամթերքի վնասազերծման աշխատանքներ են նախատեսված Արցախի 4 քաղաքներում

Իսրայելը հրադադարի ռեժիմ չի հաստատի մինչև հինգշաբթի

Երևանի Մամիկոնյանց փողոցում ծառը տապալվել է մեքենայի վրա

Թուրքիայի նախագահ Էրդողանն անիծել է Ավստրիայի կառավարությանը

«Քարաշամբի գավաթը․ պատմության քառասունդարյա վկան». անիմացիոն հոլովակ Հայաստանի պատմության թանգարանում

Վաղը ժամանակավորապես կդադարեցվի Գեղարքունիքի մարզի Գեղհովիտ համայնքի մի հատվածի գազամատակարարումը

Վահրամ Դումանյանը շնորհավորական ուղերձ է հղել Թանգարանների միջազգային օրվա առթիվ

Բանկերը եւ վարկային կազմակերպությունները 2.5 մլրդ դրամի վարկ են ներել զոհվածներին, նրանց ընտանիքի անդամներին. ԿԲ նախագահ

Թաթոյանը ԵԽ-ի եւ МГИМО-ի բարձրաստիճան միջոցառմանը ներկայացրել է համավարակի ընթացքում աշխատանքի առաջատար փորձը

Ադրբեջանցիների թիկունքային ապահովման փորձերը կանխվում են. լիարժեք հանգուցալուծման շուրջ բանակցություններ կլինեն վաղը. ՊՆ

Օգտագործելով պաշտոնը, փոխնախարարը խոչընդոտել է դիզվառելիքի ներկրմանը. գործն ուղարկվել է դատարան

Հաստատվել է կորոնավիրուսային հիվանդության 212 նոր դեպք. գրանցվել է 17 մահ

ԱՄՆ նախագահի խորհրդականը Ալիևի հետ զրույցում անպատասխանատու և սադրիչ է անվանել սահմանին տեղաշարժերը

«Զվարթնոց» օդանավակայանից ձերբակալվել է Գագիկ Բեգլարյանը. նա ներկայացվել է ԱԱԾ