Հեքիաթներ մրցակցության մասին՝ միամիտների համար. խմբագրական

Կարելի է արձանագրել, որ Սերժ Սարգսյանը այս տարին սկսեց գնաճի թեմայով: Ի հեճուկս այլ բարձրաստիճան պաշտոնյաների, որոնք պնդում են, թե Հայաստանում գնաճի մակարդակը ընդամենը 2.6 տոկոս է, եւ սա շատ ցածր մակարդակ է, Սերժ Սարգսյանը, կարծես թե, ուրիշ համոզման է:

Անցած շաբաթ նա հրավիրեց մի խորհրդակցություն, որի մասնակիցների կազմը իր ներկայացուցչականությամբ թերեւս չէր զիջում կառավարության նիստի ներկայացուցչականությանը: Երեկ էլ նա հանդիպել է Տնտեսական մրցակցության պաշտպանության պետական հանձնաժողովի նախագահ Արտակ Շաբոյանի հետ, ու կրկին խոսել են գների մասին: «Հանձնաժողովի նախագահ Արտակ Շաբոյանը Հանրապետության նախագահին ներկայացրել է առանձին ապրանքատեսակների գների բարձրացման եւ դրա հետեւանքների հնարավոր մեղմման վերաբերյալ նախագահի մոտ օրերս կայացած խորհրդակցության ժամանակ տրված հանձնարարականների կատարման ընթացքը, այդ թվում` բարձր կենտրոնացվածություն ունեցող սոցիալական շուկաների մշտադիտարկման ուղղությամբ իրականացվող աշխատանքը»,- նշված է այդ հանդիպման մասին տարածված պաշտոնական հաղորդագրությունում:

Եվ ուրեմն, ի՞նչ է պատահել: Ինչու է Սերժ Սարգսյանը այդքան «մտահոգված» գների տատանումներով: Եվ ինչու է այդ համատեքստում հանդիպում հատկապես ՏՄՊՊՀ նախագահի հետ: Խնդիրն այն է, որ ով ով, բայց Սերժ Սարգսյանը ամենալավը գիտի, որ Հայաստանում գները ձեւավորվում են ոչ թե շուկայական գործոնների ազդեցության տակ, այլ իր ամենամտերիմ, ամենանվիրված օլիգարխների ախորժակի հիման վրա:

2014 թվականին Չեխիայում տեղի հայ համայնքի ներկայացուցիչների հետ հանդիպման ժամանակ Սերժ Սարգսյանը հրահանգել էր դահլիճից հանել տեսաձայնագրող սարքերը եւ սկսել էր պատասխանել ներկաների հարցերին: Ներկաներից մեկը՝ Արսեն անունով գործարարը, հարցրել էր, թե «ինչո՞ւ է շաքարը երկրում մեկ մարդ ներկրում»: Պատասխանը ուղղակի ցնցող է. «Բա ի՞նչ ես ուզում, մի փոքր երկրում տասը հոգով շաքար ներկրե՞ն»,- ասել էր Սերժ Սարգսյանը:

Տնտեսության ու մրցակցության մասին այսպիսի պատկերացումներ ունեցող Սերժ Սարգսյանը վերջին շրջանում չափազանց հաճախ է խոսում մրցակցությունը խթանելու մասին: «Մենք պարտավորություն ունենք միջավայր ձեւավորելու՝ մրցակցային միջավայր, որը երեւի հիմնական գործոններից մեկն է գների արդարացի կարգավորման գործում»,- հայտարարել էր Սերժ Սարգսյանը գնաճի վերաբերյալ հրավիրած վերոհիշյալ խորհրդակցության ժամանակ:

Լավատեսները, իհարկե, կարող են Սերժ Սարգսյանի՝ մրցակցության վերաբերյալ այսքան մտահոգ լինելու մասին հայտարարություններից գալ եզրահանգման, որ նա ի վերջո սրտանց ուզում է որ Հայաստանում վերջապես հաստատվի մրցակցային միջավայր (ի դեպ, ըստ Համաշխարհային բանկի վերլուծությունների, Հայաստանի տնտեսությունը ամենամոնոպոլիզացվածն է տարածաշրջանում եւ նախկին ԽՍՀՄ երկրներում): Որքանո՞վ իրականությանը մոտ կլինեն այսպիսի կարծիքները:

Խոսենք փաստերով: Այն, որ շաքարի շուկան լիարժեքորեն վերահսկող Սամվել Ալեքսանյանը Սերժ Սարգսյանի ամենասիրելի օլիգարխն է, թերեւս բոլորը գիտեն: Չեխիայում Սերժ Սարգսյանի արած հայտարարությունն էլ խոսում է այն մասին, որ Ալեքսանյանի բիզնեսը գտնվում է Սերժ Սարգսյանը «բարձր հովանու» ներքո: Պաշտոնական տվյալներով, անցած տարվա դեկտեմբերին շաքարավազը Հայաստանում արժեր 350-370 դրամ, Ռուսաստանում՝ 240-260 դրամ: Եթե որեւէ մեկը կարողանա բացատրել, թե ինչպես է ստացվում, որ միեւնույն տնտեսական տարածքում գտնվող երկու երկրներում արագ չփչացող, հեշտ տեղափոխվող, լայն սպառում ունեցող այդ ապրանքի գները ինչու են իրարից տարբերվում 25 տոկոսով, ուրեմն կարող է նաեւ հիմնավորել, որ Սերժ Սարգսյանը իրոք սրտանց, հոգու ողջ ուժով ցանկանում է, որ Հայաստանում լինի իրական տնտեսական մրցակցություն: Բայց ամբողջ խնդիրն այն է, որ ոչ ոք չի կարող տնտեսագիտության շրջանակներում նման բացատրություն տալ: Միակ բացատրությունն այն է, որ շաքարի շուկան փակ է, այդտեղ մրցակցություն չկա, մանրածախ առեւտուրը մեծամասամբ վերահսկում է նույն շաքարի շուկան վերահսկող Սամվել Ալեքսանյանը, եւ ուրիշ ոչ ոք չի կարող ազատորեն շաքար ներկրել: Եթե ներկրի էլ, չի կարող վաճառել: Իսկ եթե ներկրի ու փորձի ցածր գնով վաճառել, անկանխատեսելի ճակատագիր կունենա: Ընդամենը: Ու այդպես բազմաթիվ ու բազմատեսակ այլ ապրանքներ:

Հիմա թերեւս բոլորն են հասկանում, որ մեր տնտեսության մեջ իրական մրցակցության բացակայությունը այն հիմնական, եթե ոչ միակ խոչընդոտն է, որը արգելակում է մեր տնտեսության աճին: Ու թերեւս բոլորն են արդեն հասկանում, որ այդ մրցակցության բացակայությունը երաշխավորում է հենց Սերժ Սարգսյանը իր սնած ու աճեցրած օլիգարխների միջոցով: Հիմա թերեւս բոլորն են հասկանում, որ  մոնոպոլիաների այս կուռ համակարգը ստեղծել է հենց Սերժ Սարգսյանը, եւ դրա նպատակը երկրի ֆինանսական ռեսուրսների նկատմամբ լիակատար հսկողություն սահմանելն է: Հենց այդ մոնոպոլիաների շնորհիվ է նրա ղեկավարած ՀՀԿ-ն տարեցտարի ավելի ու ավելի շատ ձայն հավաքում ընտրությունների ժամանակ:

Այլ կերպ ասած, մրցակցությունը այն ամենակարեւոր թեմաներից է, որը այսօր հետաքրքրում է առաջին հերթին գործարար աշխարհին: Եվ առաջիկայում վարչապետի պաշտոնը ստանձնելուց առաջ Սերժ Սարգսյանը փորձում է դրական մեսիջներ ուղարկել: Հայերեն ասած՝ «կտեր է» տալիս: Ոմանք, իհարկե, կուտեն այդ խայծը: Բայց մրցակցության խթանման մասին Սերժ Սարգսյանի ինտենսիվ ելույթները լուրջ ազդեցություն չեն կարող ունենալ: Իրական մրցակցության հաստատման պարագայում Սերժ Սարգսյանի հովանավորյալ «տնտեսվարողները» ժամանակի ընթացքում ուղղակի դուրս կշպրտվեն շուկաներից, քանի որ սովոր չեն մրցակցության պայմաններում «աշխատել»: Իսկ նրանց տեղը զբաղեցրած գրագետ գործարարները մատները մատներին չեն տա ՀՀԿ-ի, կամ որ նույնն է՝ Սերժ Սարգսյանի համար ձայն հավաքելու ու շուտով, շատ շուտով ՀՀԿ-ն կդադարի գոյություն ունենալ: Կդադարի նաեւ Սերժ Սարգսյանի 30- ամյա քաղաքական կարիերան: Կա՞ն միամիտներ, որ կմտածեն, թե Սերժ Սարգսյանը իրոք ցանկանում է մրցակցային միջավայր ստեղծել մեր տնտեսությունում:

Տպել
4429 դիտում

Սև լիճ տեղանքում ադրբեջանական գործողություններն անհանդուրժելի են, դա ոտնձգություն է ՀՀ տարածքի նկատմամբ. Նիկոլ Փաշինյան

Շնորհակալություն, որ անաչառ եք. Շիրակի մարզպետն ամփոփեց աշխատանքային 100 օրը

Արբեջանական զինվորականների ներկայությունը Սև լճի տարածքում կոպտորեն խախտում է ՀՀ սահմանային բնակիչների իրավունքները․ ՄԻՊ

ВАЗ 2107 մակնիշի ավտոմեքենան մխրճվել է ՊՆ-ին պատկանող բեռնատարի մեջ․ կան վիրավորներ․ Shamshyan

Գազայում ավերվել է 16-հարկանի երկնաքերը. պաղեստինա-իսրայելական հրթիռակոծությունները չեն դադարում (տեսանյութ, լուսանկար)

Նիկոլ Փաշինյանի գլխավորությամբ տեղի է ունենում Անվտանգության խորհրդի նիստ

Տավուշում հանգիստ է․ Ստյոպա Սաֆարյանը գտնվել է «թուրքի պոստից» 300-500 մետր հեռավորության վրա

Ոսկեպար-Բաղանիս-Ոսկեվան սահմանային հատվածում կրակահերթեր տեղի չեն ունեցել. Info chechk

Դուք վստա՞հ եք, որ վառելիք չկար. եթե «Երեւանի ավտոբուս» ՓԲԸ-ն պարտքը չտա, «ՍԻՓԻԷՍ ՕԻԼ» ՍՊԸ-ն կդիմի դատարան

Սյունիքի մարզպետարանը հորդորում է մարզպետին չվերագրել խոսքեր, որոնք իրականում նա չի ասել

Հայտնի են Չեմպիոնների լիգայի և Եվրոպայի լիգայի եզրափակիչների մրցավարական կազմերը

Նիկոլ Փաշինյանը դատապարտելի է համարել Ադրբեջանի կողմից եռակողմ հայտարարությունների խախտման փորձերը

Սերգեյ Շոյգուն բանակցություններ է վարել Հայաստանի պաշտպանության նախարարի հետ

Երկրորդ զորամիավորումում մեկնարկել են հրամանատարաշտաբային զորավարժություններ

Աչքերս փակ, թե բաց, միշտ բարի լույս եմ ասելու իմ քաղաքին. Գյումրին հրաժեշտ տվեց Հասմիկ Կիրակոսյանին (լուսանկարներ)

Ադրբեջանցիների կողմից մեր ջուրը թունավորելու մասին լուրերը կեղծ են. Սիսիանի ԲԿ տնօրենը՝ վարակի հարյուրավոր դեպքերի մասին

ՄԻԵԴ Մեծ պալատը կքննի Հայաստանի և Ադրբեջանի փոխադարձ բողոքները

Ծանրամարտի երիտասարդների աշխարհի առաջնությունում Հայաստանի 7 ներկայացուցիչ հանդես կգա

Արարատ Միրզոյանի գլխավորած պատվիրակությունը հանդիպել է Լիտվայի վարչապետ Ինգրիդա Շիմոնիտեին

Կառավարությունը ԱԱԾ-ին Կապանում եւ Գորիսում հողամասեր կհատկացնի պաշտպանության ամրապնդման համար

Քիչ առաջ եմ իջել Սեւ լճից. ադրբեջանցիները մտածված եկել, սահմանը խախտել են, հիմա պիտի գնան իրենց տեղերը. Սյունիքի մարզպետ

«Ձեր ներկայությունը մեզ ուժ է տալիս». քաղաքապետը Աղվան Չատինյանին հանձնել է Երևանի պատվավոր քաղաքացու կոչումը

Հայաստանի և Վրաստանի ԱԳ նախարարներն անդրադարձել են տարածաշրջանային անվտանգության և փոխկապակցվածության հարցերի

«Դոն Պիպոյի» թիկնապահի սպանության գործով խուզարկություն Այգեշատի գյուղապետի տանը, հայտնաբերվել է թմրանյութ.shamshyan.com

Ժողովուրդը պետք է հստակ ասի «ոչ» բոլոր ժամանակներում երկիրը ապականած և ապագան վիժեցրած ուժերին․ Նորայր Նորիկյան

5-րդ զորամիավորումում հայտարարվել է ուսումնական տագնապ․ ՊՆ

Քաղաքական հայտ ներկայացրած բանդան պետության ներսում կազմակերպված մեդիաօպերացիա է իրականացնում ժողովրդի դեմ. Հովհաննիսյան

Առաջարկվում է աշխատողին արձակուրդ տրամադրել նաեւ մինչեւ վեց ամիս լրանալը, արձակուրդ չտրամադրելու դեպքում տուժանք վճարել

Տիգրան Ուրիխանյանը և Արա Աբրահամյանն այսօր հուշագիր կստորագրեն․ Աբրահամյանը «Ալյանս» կուսակցության ցուցակո՞ւմ կլինի

Վրաստանի վարչապետ Իրակլի Ղարիբաշվիլին Տիգրան Ավինյանի հետ այցելել է Ծիծեռնակաբերդ

ԶՈՒ ԳՇ պատվիրակությունը Մոսկվայում մասնակցել է զորավարժության նախապատրաստման բանակցություններին

Կենտրոն վարչական շրջանը ղեկավար չունի. թաղապետին փոխարինողը ձերբակալված է, իսկ թաղապետն արձակուրդից չի վերադառնում

Մեղրաձոր համայնքի նախկին ղեկավարը չարաշահել է պաշտոնեական դիրքը․ քրեական գործն ուղարկվել դատարան

Առկա ամբողջ արտադրանքը կարտահանվի ԱՄՆ. Վահան Քերոբյանն այցելել է չրագործական ընկերություն և պիստակի այգի

Հայաստանի հետ սահմանին ադրբեջանցի է պայթել ականի վրա

Հայ-վրացական գործընկերությունը մեր տարածաշրջանում կայունության ապահովման կարևորագույն երաշխիքներից է. Նիկոլ Փաշինյան

«Իրազեկ քաղաքացիների միավորումը» ներկայացնում է նոր նախագիծ՝ Reforms.am կայքը

Արա Այվազյանն իր ռուս գործընկերոջը տեղեկացրել է Հայաստանի պետական սահմանին տեղի ունեցած վերջին միջադեպի մասին

Պետք է աջակցենք իրար մեր պետությունների զարգացումն ապահովելու գործում. Փաշինյանի և Ղարիբաշվիլիի առանձնազրույցը

«Քաղաքացիական պայմանագիր» կուսակցության Շիրակի մարզային շտաբը կղեկավարի Շիրակի մարզպետը. ի՞նչ պահանջներ են առաջադրված