Մասնավորն աշխատավարձ չի բարձրացնի՝ոլորտում մենաշնորհ է. պատգամավորը՝ Սերժ Սարգսյանին.Վիդեո

Սերժ Սարգսյանը «Արմենիա» TV-ին տված հարցազրույցում հայտարարեց, թե երկրում «շոշափելի գնաճ չկա» եւ «դրույքաչափը չի բարձրանալու, բայց աշխատավարձերի բարձրացում են լինելու»: Նա նաեւ ասաց, որ աշխատավարձերի բարձրացումն առաջանցիկ է գնաճի համեմատ: Այս հայտարարությունների շուրջ «Հայկական ժամանակ»-ի հարցերին պատասխանեց ԱԺ «Ծառուկյան» խմբակցության պատգամավոր, տնտեսագետ Սերգեյ Բագրատյանը:

- Պարոն Բագրատյան, Սերժ Սարգսյանը նշում է, որ շոշափելի գնաճ չունենք: Սրան զուգահեռ տնտեսագետները բարձրաձայնում են երկու ամիս առաջ սկսված եւ կանգ չառնող գնաճի մասին, իսկ բնակիչներն էլ նշում են, որ այլեւս չեն կարողանում դիմակայել գնաճին: Հիմա մեր երկրում գնաճը վերահսկելի՞ է, թե՞ ոչ:

- Ակնհայտ է, որ առաջին ապրանքների գնաճ ունենք: Պարզ քաղաքացու գրպանին զգացվում է եւ բոլորս էլ տեսնում ենք գնաճը: Կարագն է թանկացել, միսն է թանակացել, սպասվում է գազի, վառելիքի թանկացում, եւ բոլորն էլ հունվարի մեկից հետո կրկին թանականալու են: Մի գուցե պլաստմասե ապրանքների գինը շատ չի բարձրացել, բայց դա շատ քիչ է առնչվում մեր ամենօրյա ռեժիմին, քան առաջին անհրաժեշտության ապրանքները, որոնք թանկանում են:

- Գնաճը շարունակական կլինի՞:

- Հունվարի մեկից բենզինի ակցիզային հարկն է բարձրանալու՝ կապված ԵԱՏՄ-ի հետ ունեցած մեր պայմանագրի: Սեղմած գազն է թանկանալու՝ երեք անգամ ակցիզային հարկը բարձրանալու է: Եթե սեղմած գազի գինը բարձրանում է, տրանսպորտը ինչպե՞ս կարող է չթանկացնա: Պարզ տրամաբանությունը ցույց կտա, որ տրանսպորտը նույնպես պետք է թանկանա: Տրանսպորտը, եթե թանկանում է ապրանքների տեղափոխությունը եւս պետք է թանկանա: Տրանսպորտի ծախսը նստելու է ապրանքի գնի վրա: Համընդհանուր շղթայական թանկացման խնդիր ունենք եւ դա պարզ է:

- Այս դեպքում ու՞մ համար շոշափելի չէ գնաճը եւ ու՞մ համար է շոշափելի:

- Բնականաբար, այն շերտերը, որոնք ապահոված են, որոնք այդ երկու տոկոսի շրջակայքում են՝ մեծահարուստներ են, օլիգարխներ են, մոնոպոլիստներ են, նրանց համար գնաճը ոչինչ չի փոխելու: Պարզ քաղաքացու, թոշակառուների կյանքում շատ մեծ է գնաճը:

- Սերժ Սարգսյանի հայտարարությունը, թե շոշափելի գնաճ չկա, այսինքն՝ վերաբերվու՞մ էր միայն իր շրջապատի անձանց: Աղքատները չկայի՞ն այդ տիրույթում:

- Ես չգիտեմ, թե հանրապետության նախագահը, որ վերլուծությամբ է առաջնորդվել: Միգուցե բոլոր ապրանքատեսակների՝ միջինացված տեսքով թանկացման տոկոսը ցածր է, բայց ես խոսում եմ առաջին անհրաժեշտության ապրանքների մասին, որոնց գներն իրականում թանկացել են եւ թանկանալու են հունվարի 1-ից:

- Պարոն Բագրատյան, Սերժ Սարգսյանի խոսքով՝ 2018 թվականին, աշխատավարձի դրույքաչափը չի բարձրանա, բայց կստանանք բարձր աշխատավարձ: Սա հնարավո՞ր է:

- Սա հնարավոր է մի դեպքում, եթե մասնավոր հատվածն աշխատավարձերը բարձրացնի, քանի որ ոչ միայն աշխատավարձերը, նաեւ՝ թոշակները եւ այլ վճարներ պետական համակարգում չեն բարձրանալու: Այսինքն, եթե մասնավոր սեկտորն աշխատավարձերը բարձրացնի 10 տոկոսով, իսկ պետական սեկտորում բարձրացում չկա, ապա ընդհանուր հաշվարկով հնարավոր է բարձրացում գրանցվի: Սա դժվար հաշվելի խնդիր է, քանի որ մասնավոր ձեռնարկությունները հիմնականում աշխատավարձի շարժերը փորձում են ցույց չտալ, որ ավելորդ եկամտահարկ չվճարեն:

- Այս հարցում պետությունն ինչ-որ ներդրում անո՞ւմ է: Սերժ Սարգսյանն իր խոսքում ասում է, որ պետությունն է մասնավորին այդ հնարավորությունը տալիս:

- Պետությունը մի գործիք ունի. դա հարկերն են, որոնց միջոցով կարելի է հնարավորություն ստեղծել, որպեսզի մասնավոր սեկտորը որոշի բարձրացնել աշխատավարձերը՝ հաշվի առնելով, որ հարկերը նվազել են: Մենք հարկերի նվազում չենք նկատում, հետեւաբար՝ մասնավոր սեկտորը կարող է աշխատավարձ բարձրացնել մի դեպքում, եթե մրցակցային լինի: Այն ժամանակ կցանկանան բարձրացնել աշխատավարձը, երբ մրցակից ընկերությունը բարձրացնում է իր աշխատակիցների աշխատավարձը: Այս դեպքում մենք մրցակցություն ենք ունենում լավագույն աշխատակցին պահելու համար:  Հայաստանի տնտեսության ոլորտների 80 տոկոսը մենաշնորհային է, մրցակցություն չկա, աշխատավարձ չի բարձրանում: Մոնոպոլիստի ինչի՞ն է պետք աշխատավարձը բարձրացնել, եթե մասնագետն այլ տեղ չի կարող գնալ: Մրցակից ընկերություն չկա, որ գնա: Ասում է՝ ես քեզ վճարում եմ 100 հազար դրամ, բավարարվի, չես ուզում, գնա՝ ուրիշը կգա:

- Այս դեպքում, եթե մենաշնորհային է մասնավորը, Սերժ Սարգսյանն ինչի՞ հաշվին է ասում, որ աշխատավարձերը բարձրանալու են:

- Հաշվարկի հիմքը չգիտեմ, մեթոդոլոգիային չեմ տիրապետում, թե ինչի հիման վրա է դա ասված, բայց  նորից եմ ասում՝ մինչեւ չլինի մրցակցություն, չի կարող աշխատավարձ բարձրանալ: Սա փաստ է:

- Սերժ Սարգսյանի խոսքերը հակասո՞ւմ են մեր տնտեսության վիճակին:

- Նորից եմ ասում՝ շարժառիթը, մեթոդոլոգիային չեմ տիրապետում, թե ինչի հիման վրա է հանրապետության նախագահը վերլուծություն կատարել: Իմ վերլուծությունը, որպես տնտեսագետի այլ թվերի մասին է խոսում: Աշխատավարձերն ապրիլից հետո կբարձրանան, եթե մենք կարողանանք տնտեսական մրցակցություն ապահովել: Այս պայմաններում անհասկանալի է աշխատավարձի բարձրացումը:

Տպել
9028 դիտում

Կանադայի նորանշանակ դեսպան Էլիսոն ԼըՔլերն իր հավատարմագրերն է հանձնել ԱԳ նախարարի տեղակալին

2020 թվականի ապրիլի 5-ին ՀՀ քաղաքացին կանգնած է կարեւոր որոշում ընդունելու առաջ. Սուրեն Պապիկյան

ՊԵԿ-ը հայտնաբերել է մաքսային հսկողությունից թաքցված շուրջ 46կգ դեղամիջոց

Ամեն ինչ այս պահին աշխարհում կորոնավիրուսի հետ կապված իրավիճակի մասին. պատվաստանյութը պատրաստ է մարդկանց վրա թեստավորման

ՊՊԾ-ից գրություն ենք ստացել. Դատական դեպարտամենտի ղեկավարը բացատրում է՝ ինչու Սարգսյանը դատարան մտավ ծառայողական մուտքով

Արտակ Դավթյանի ղեկավարությամբ անցկացվել են մարտավարաշարային պարապմունքներ

Երբ չգիտես՝ ինչից խոսել, խոսիր Արցախից. Ս. Սարգսյանը կարող էր ասել՝ առավոտը արեւը թող ծագի, երեկոյան մայր մտնի. Սիմոնյան

Մեկնարկել է «Քաղաքացիական պայմանագիր» կուսակցության դրամահավաք-երեկոն (ուղիղ)

Վարդենյաց լեռնանցքը փակ է, Գեղարքունիքի մարզի Սևան-Գավառ հատվածում բուք է

Համաշխարհային բանկի փորձագետները պատրաստակամ են օգնելու Ներդրումների աջակցման կենտրոնի կայացմանը

Ողբերգական դեպք Վանաձորում. տարեց տղամարդը նետվել է կամրջից (լուսանկարներ)

Ոստիկանները կոռուպցիոն բնույթի հանցագործություն են բացահայտել Վայոց ձորում

Նիկոլ Փաշինյանը Զինաիդա Գրեչանիի հետ քննարկել է հայ-մոլդովական հարաբերությունների հետագա զարգացմանը վերաբերող հարցեր

Մարդու իրավունքների դպրո՞ց, բազմաբնակարան շե՞նք, թե՞ ռեստորան. ինչու քաղաքապետարանը հետ վերցրեց հատկացրած տարածքը

ՀՀ մարմնամարզության առաջնությանը կմասնակցեն բոլոր առաջատարները՝ բացի Ունիվերսիադայի չեմպիոնից. լուրջ վնասվածք ունի

Սարուխան գյուղի հրդեհը մարվել է. տուժածներ չկան

Թոմն ու Ջերին 80 տարեկան են

Իրանի հետ ՀՀ սահմանին այսօր կեսօրից սկսած շարժը կտրուկ նվազել է. Լիանա Եղիազարյան

Գագիկ Խաչատրյանի եղբորորդին դարձյալ կալանավորվել է. ԱԱԾ

Հայ ու ռուս մասնագետների համատեղ ջանքերով ավելի շատ փոքրիկներ կհաղթահարեն քաղցկեղը. Աննա Հակոբյան