Ընտանեկան բռնության մասին փոփոխված օրինագծով երեխան չի օտարվի ծնողից. Արփինե Հովհաննիսյան

Երեւանի «Մատենադարանում» այսօր տեղի ունեցավ Ընդդեմ կանանց ու աղջիկների նկատմամբ բռնության 16-օրյա քարոզարշավի բացման արարողությունը, որին մասնակցում էին միջազգային մի շարք կազմակերպությունների եւ Հայաստանում հավատարմագրված մի շարք դեսպանությունների ղեկավարներ: Հրավիրված էին նաեւ ՀՀ ազգային ժողովի փոխխոսնակ Արփինե Հովհաննիսյանը եւ Մարդու իրավունքների պաշտպան Արման Թաթոյանը:

Ներկայացվեց միջազգային համայնքի համատեղ հայտարարությունը, որում, մասնավորապես, ասված է. «Նոյեմբերի 25-ին աշխարհը նշում է կանանց դեմ ուղղված բռնության միջազգային օրը: Այս օրը նշանավորվում է նաեւ իրազեկվածության բարձրացման համաշխարհային քարոզարշավի մեկնարկով, որն իրենից ներկայացնում է գենդերային պատկանելությամբ պայմանավորված բռնության դեմ ուղղված 16-օրյա ակտիվ գործունեություն եւ անցկացվում է յուրաքանչյուր տարի նոյեմբերի 25-ից դեկտեմբերը 10-ը: (...) Զուգընկեր ունեցած կանանց գրեթե մեկ երրորդն ամբողջ աշխարհում հայտնում է, որ ենթարկվել է բռնության որեւէ ձեւի՝ հիմնականում իրենց մտերիմ զուգընկերոջ կողմից: Առողջապահության համաշխարհային կազմակերպության տվյալներով՝ կանանց սպանությունների մոտավորապես 40 տոկոսը կատարվում է արական սեռի զուգընկերոջ կողմից, ընդ որում՝ ամբողջ աշխարհում 3 կանանցից մեկը (35 տոկոս) իր կյանքի ընթացքում ենթարկվել է ֆիզիկական բռնության: ՀՀ քննչական կոմիտեի պաշտոնական տվյալներով՝ 2017 թվականի առաջին կեսին Հայաստանում քննվել է ընտանեկան բռնության 215 քրեական գործ: Քրեական գործերի գրեթե մեկ-երրորդը կապված է տղամարդկանց կողմից իրենց զուգընկերուհիների նկատմամբ գործադրված բռնության հետ»:

Միջազգային հանրությունն իր հայտարարության մեջ նաեւ ողջունում է Հայաստանի կառավարության պատրաստակամությունը եւ ընտանեկան բռնության վերացման ուղղությամբ ձեռնարկվող վճռական քայլերը: «Սա, անկասկած հրատապ խնդիր է: Ի լրումն ՄԱԿ-ի բնակչության հիմնադրամի վերջին զեկույցի, որում յուրաքանչյուր հարցված հարյուր տղամարդուց 17-ը խոստովանել է, որ ֆիզիկական բռնություն է գործադրել, համաշխարհային վերլուծությունը վկայում է այն մասին, որ ընտանեկան բռնության մասին օրենքներ ունեցող երկրներում ապրող կանանց ու աղջիկներին բռնության ենթարկելու ավելի ցածր հավանականություն է սպառնում, քան նման օրենսդրություն չունեցող երկրներում: Մենք խրախուսում ենք Հայաստանի Հանրապետության օրենսդիր մարմնի կողմից «Ընտանեկան բռնության մասին» օրենքի ընդունումը, որն իր հետ կբերի նոր սոցիալական պայմանագիր՝ ստեղծելով ցանկացած բռնության նկատմամբ զրոյական հանդուրժողականության մթնոլորտ»,- նաեւ ասվում է հայտարարության մեջ:

Միջոցառման ընթացքում խոսվեց բռնությունը մերժելու անհրաժեշտության մասին, դեսպանները ներկայացրին այս ոլորտում իրենց երկրների փորձը:

«Մենք՝ որպես Եվրամիության երկրներ, ուզում ենք, որ հայկական ընտանիքները լինեն ուժեղ, հաջողակ եւ երջանիկ»,- ասաց Հայաստանում Եվրամիության պատվիրակության ղեկավար Պյոտր Սվիտալսկին: Նա նաեւ ընդգծեց, որ Եվրամիությունը որեւէ արժեք չի փորձում պարտադրել գործընկերներին եւ անգամ այդպիսի մեխանիզմ չունի:

Հայտարարվեց, որ «Ընտանեկան բռնության մասին» Հայաստանի Հանրապետության օրենքի նախագիծը, որն, ի դեպ, հանրային լուրջ դիմադրության արժանացավ եւ ենթարկվեց որոշակի փոփոխությունների ու լրամշակումների, Ազգային ժողովում է եւ կքննարկվի առաջիկա օրերին:

Արփինե Հովհաննիսյանը, պատասխանելով մեր հարցին, թե օրինակ ինչ էական փոփոխություններ են կատարվել նշված օրենքի նախագծում, ասաց.

«Իհարկե, ես հնարավորություն կունենամ այդ մասին դեռեւս բավական մանրամասն խոսելու ԱԺ պետական իրավական հարցերի հանձնաժողովի նիստում, բայց օրինակ, արձագանքելով այն մտահոգությանը, որ կար հանրության մեջ, թե երեխաներին կարող են վերցնել, տանել, օտարել ծնողներից, հստակ ամրագրվել է, որ այդպիսի բան չի կարող լինել»: Այսինքն՝ չե՞ն ստեղծվելու երեխաների համար այն հատուկ կացարանները, որոնց մասին նշված էր նախորդ օրինագծում: «Կացարանները լինելու են, բայց կացարանում երեխան կարող է տեղավորվել բացառապես իր ծնողի հետ: Դա նշված է հստակ: Եթե բռնության ենթարկողը մի ծնողն է, ապա մյուս ծնողի հետ: Օրինագծում կան նաեւ բազմաթիվ այլ փոփոխություններ, որոնց կհասցնեք ծանոթանալ»,- ասաց ԱԺ փոխխոսնակը:

Միջոցառմանը ներկաներից մեկին էլ հետաքրքրում էր, թե ինչու Հայաստանում միեւնույն կրթությունն ունեցող եւ միեւնույն աշխատանքը կատարող կնոջը վճարվում է ավելի քիչ, քան տղամարդուն: Արփինե Հովհաննիսյանն ընդգծեց, որ պետական համակարգում նման երեւույթ չկա, ինչը չի կարելի ասել մասնավոր հատվածի մասին: «Մասնավոր ոլորտում, իհարկե, կան որոշակի խնդիրներ, կարծում եմ: Բայց կարեւոր նշանակություն ունի, որ կանայք եւս իրենց չպետք է թերագնահատեն: Իմ համոզմունքն է՝ մեր հասարակության մեջ կանայք իրենց դերը, կարեւորությունը գիտակցելու խնդիր ունեն եւ հաջողության հասնելու համար նաեւ չպետք է թերագնահատեն իրենց, իրենց իրավունքներին պետք է հետեւողական լինեն»,- ասաց նա՝ պատրաստակամություն հայտնելով դիտարկել հնչած մտահոգության վերաբերյալ օրենսդրական համապատասխան փոփոխությունների ու կարգավորումների անհրաժեշտությունը:  

Տպել
3386 դիտում

Բաղրամյան պողոտայում կիրառվել են բացառապես լուսաձայնային, ոչ բեկորային նռնակներ, դրանք թուրքական չեն․ Ֆիդանյան

Մեկնարկել է Եվրո-2024-ը․ բացման հանդիսավոր արարողությունը կայացել է Մյունխենի մարզադաշտում (լուսանկարներ)

Բախման ընթացքում առաջին վնասվածքը ստացել են ոստիկանները, բացի ոստիկանական ուժերից որևէ այլ ուժ չի ներգրավվել․ Ֆիդանյան

EventHub․am-ը՝ աշխարհահռչակ Black Eyed Peas-ի Թբիլիսիի համերգի տոմսերի վաճառքի պաշտոնական ներկայացուցիչ

Կազան-2024. սամբիստ Արսեն Խանջյանը՝ բրոնզե մեդալակիր

Այսօրվա մայրամուտը Սևանում (լուսանկար)

Քաղաքական առաջնորդ Գարեգին Բ-ն պետք է հեռանա, նա նախկին քրեաօլիգարխիկ իշխանության շարունակությունն է. Էդգար Առաքելյան

ՊՆ-ն 18-27 տարեկան աղջիկներին և կանանց հրավիրում է պարտադիր 6-ամսյա ժամկետային ծառայության (տեսանյութ)

Ալավերդի-Այրում վնասված երկաթգիծը շահագործվել է․ բեռնատար գնացքն անցել է նորոգված հատվածով (տեսանյութ)

«Կրթությունից աշխատանք՝ մեկ քայլ». «Ապագա» հիմնադրամը նոր ծրագիր է սկսում (տեսանյութ)

Զելենսկին ժամանել է Շվեյցարիա․ նա մասնակցելու է խաղաղության գագաթնաժողովին

Իր արած գրառումը սեփական գրպանին կպավ, մարդիկ դադարում են օգտվել «Ջիջի»-ի ծառայությունից. Միսկարյանը ևս բոյկոտում է

Սեր Դիլիջանի երկնքում․ Գագիկ Սուրենյանը լուսանկար է հրապարակել

Պաշարները կշարունակեն փոքրիկների կյանքեր փրկել․ Երևանի փոխքաղաքապետը և առողջապահության վարչության պետը արյուն են հանձնել

Մխիթար Հայրապետյանը Վաշինգտոնում այցելել է Starlink-ի գրասենյակ․ համագործակցության հարցեր են քննարկվել

Երևանում իրանական առևտրի տուն է բացվելու․ Հայաստանը մտադիր է նման կենտրոն ունենալ Թեհրանում

Կայացել է սուբվենցիոն հայտերի գնահատման հանձնաժողովի նիստը․ համայնքներից ստացված 49 ծրագիր է քննարկվել

Խուզարկություններ են արվել, ՀՅԴ 10 ղեկավար անդամ է ձերբակալվել․ Սաղաթելյան

Երևան-Քիշնև ինքնաթիռը չնախատեսված վայրէջք է կատարել Բուխարեստում․ ինչ են հայտնել Մոլդովայի իշխանությունները

Երկուսս էլ առանց անուն տալու հասկացանք՝ ով է այն տերտերը, որի առջև դրախտի դարպասները հաստատ փակ են լինելու․ Կոնջորյան

Հայաստանում կիրականացվի 130 մլրդ դրամի ներդրում, կստեղծվի մոտ 1000 աշխատատեղ․ Գևորգ Պապոյանը խոսել է առաջիկա ծրագրերից

Կոմիտասի շենքերից մեկում հրդեհ է բռնկվել, կրակը տեսանելի է մի քանի հարյուր մետրից․ ըստ տանտիրոջ՝ պայթել է գազաբալոնը

5 հա և ավելի մակերեսով գյուղատնտեսական նշանակության հողերի միավորման դեպքում կտրամադրվի պետական աջակցություն

Գյուղի սկզբնամասում դարանակալել, հետո կրակել է․ Ամբերդի բնակչի սպանության կասկածանքով ձերբակալվել է համագյուղացին

Վարչապետը օտարերկրյա պետություններում Սփյուռքի գործերի հանձնակատար է նշանակել

Մեկ ամիս առանձին ժամերի միակողմանի փակ է լինելու Էրեբունու փողոցից Այվազովսկի ճանապարհահատվածը

Հայ-ադրբեջանական սահմանում արտառոց տեղաշարժ կամ միջադեպ չի նկատվել․ ԵՄ դիտորդական առաքելություն

Ոստիկանության բաժանմունքում կանայք հարձակվել են օպերլիազորի վրա, հարվածել, հայհոյել․ մեկի մոտ դանակ է հայտնաբերվել

ՌԴ-ն պատրաստ է «հենց վաղն» էլ նստել բանակցության սեղանի շուրջ․ Պուտինը հայտնել է Ուկրաինայի հետ խաղաղության պայմանները

ԱԳՆ շենքի դիմաց Գալստանյանի ակցիայի ժամանակ խուլիգանության դեպքի վարույթով նախաքննությունը, երեք անձի մասով, ավարտվել է

Գերմանիայում ռեկորդային քանակով՝ 35 տոննա կոկային է առգրավվել․ արժեքը գնահատվում է 30 միլիարդ եվրո

Քարկոփը Մ-6 ավտոճանապարհին միացնող հետիոտնային կամրջի աշխատանքներն ավարտվել են

Ռուսաստանից տուրիստական հոսքը կրճատվել է․ որ երկրներից են ավելի շատ զբոսաշրջիկներ այցելել Հայաստան

Երկրի ապագայի մասին մտածող ղեկավար ունենալու մաղթանք հղողն ինքը պետք է սեփականն ունենա․ ԱԳՆ բողոքի նոտան Բելառուսին

Պետք է հետևենք զարգացած երկրների օրինակներին․ Ավանեսյանն ու տարբեր գերատեսչությունների աշխատակիցներ արյուն են հանձնել

Որոշ գյուղատնտեսական արտադրատեսակների արտահանման նկատմամբ վեցամսյա արգելք է սահմանվել

Նախարարության քրգործերի բովանդակության մեջ խորանալու ժամանակ ու ցանկություն չի եղել, թիմը լավ է աշխատում․ Պապոյան

Բերման են ենթարկվել ՀՅԴ Վայոց ձորի կառույցի ղեկավար մարմնի անդամներ․ Լիլիթ Գալստյան

Հայտնաբերվել է հրազենային վնասվածքով պայմանագրային զինծառայողի դի․ ՊՆ

Կարելի է արձանագրել, որ Հայաստանի Հանրապետության քաղաքացին կայացել է․ Հովիկ Աղազարյան