Պատգամավորները լակոտի նման խաբեցին. խմբագրական

Անհասկանալի եւ անդուր բան տեղի ունեցավ երեկ: Ինչպես նախապես հայտարարված էր, խորհրդարանում ժամը 18.00-ին պետք է լիներ պաշտպանության եւ անվտանգության մշտական հանձնաժողովի նիստը, որի օրակարգում էր նաեւ առաջին ընթերցմամբ ընդունված «Զինվորական ծառայության եւ զինծառայողի կարգավիճակի մասին» օրենքի նախագիծը: Արդեն 4 օր տարկետման իրավունքի սահմանափակման դեմ  բողոքող ուսանողներն էլ հայտարարել էին, որ  այդ ժամին կլինեն ԱԺ շենքի մոտ՝ իրենց առաջարկությունները հանձնաժողովականներին ներկայացնելու:

18.00-ին ուսանողները տեղում էին, նույնիսկ ԱԺ ընդունարանում հանձնեցին իրենց առաջարկները: Բայց պարզվեց՝ հանձնաժողովի նիստը հետաձգվել է քվորում չլինելու պատճառով: Ուսանողները  հեռացան ԱԺ շենքի մոտից, որովհետեւ այլեւս անիմաստ էր այդտեղ մնալը, եւ տպավորություն ստեղծվեց, որ շարունակությունը տեղի կունենա երկուշաբթի: Հետո, սակայն, պարզվեց, որ պաշտպանության եւ անվտանգության  մշտական հանձնաժողովը ժամը 21.00-ին արտահերթ նիստ է հրավիրել: Ու որքան էլ տարօրինակ էր, ուրբաթ երեկոյան, այդ ժամին՝ 21.00-ին քվորում ապահովվեց եւ նիստը կայացավ:

Բնականաբար, ուսանողների ներկայացրած առաջարկներին անդրադարձ չեղավ, եթե չհաշվենք բացառիկ տաղանդավոր երեխաներին կառավարության որոշմամբ տարկետում տալու կետը, ո ավելացրել էիր նախագծում, կարճատեւ եւ սակավ ելույթների ժամանակ գովաբանեցին օրենքի նախագիծը եւ երկրորդ ընթերցմամբ դրական եզրակացություն տվեցին դրան:

Ճիշտ է, բողոքող ուսանողները այս նիստի ժամանակ էլ հասան ԱԺ շենքի մոտ, անգամ «Տարկետում Լինելու Ա» գրությամբ պաստառ փակցրին ԱԺ ճաղերին, բայց նախ՝ նրանց թիվն արդեն զգալիորեն փոքր էր, եւ հետո՝ ժամը շատ ուշ էր որեւէ այլ բան նախաձեռնելու համար:

Ի՞նչ եղավ, ո՞վ հետաձգեց ժամը 18.00-ի նիստը, եւ ինչո՞ւ 21.00-ին կրկին նիստ հրավիրվեց՝ պարզ չէ: Կարող են տարբեր վարկածներ լինել, բայց անկախ ամեն ինչից, տպավորությունն այն էր, որ մի խումբ պատգամավորներ՝ հասուն մարդիկ, երկրի օրենսդրության մշակման պատասխանատու գործը ստանձնած, ընտրողների առաջ պարտավորություններ ունեցող անհատներ, ուղղակի լակոտի նման խաբեցին 18-20 տարեկան երիտասարդներին: Խաբեցին, ասացին՝ քվորում չկա, նիստ չենք անում, եւ երբ ուսանողներն արդեն հավանաբար fridaynight-ի գինարբուքի մեջ էին, գողեգող նիստ արեցին՝ շտապ- շտապ կողմ քվեարկելով օրակարգի նախագծերին: Ավելի ամոթալի բան դժվար է պատկերացնել: Եվ երեկ ԱԺ շենքի մոտ հավաքված մի խումբ երիտասարդների ապշած աչքերը վկայում էին, որ իրենք էլ բառեր չեն գտնում կատարվածը որակելու համար: Նրանք հիշեցին միայն, որ այդ մարդիկ, ըստ ՀՀ Սահմանադրության՝ ժողովրդի  քվեն ստացած մարդիկ են, որ նման բան անելուց առաջ թերեւս պետք է երկար մտածեին:

Ինչ վերաբերում է վարկածներին, ապա չի կարելի բացառել, որ կատարվածը ներքին ինտրիգների արդյունք է: Ի վերջո մամուլը չի կարողանում գտնել հարցի պատասխանը, թե քաղաքական որ ուժն է ավելի շահագրգռված ուսանողների ընդվզումով: Գրվել է, թե շարժումը կառավարվում է Բաղրամյան 26-ից, գրվել է, որ ՀՀԿ-ում Վիգեն Սարգսյանի թշնամիներն են օգտվում իրավիճակից, Կարեն Կարապետյանի անունն է շոշափվել, Սերժ Սարգսյանի, նույնիսկ՝ Վատիկանում գտնվող նրա փեսայի:

Այն, որ որոշակի ինտրիգներ կան, կասկածից վեր է: Եվ այս լայն ներկապնակի պարագայում ԱԺ մշտական հանձնաժողովում քվորում չլինելը նույնպես կարող էր ինտրիգի մասնակից կողմերից մեկի ջանքերով լինել, թե ինչ նպատակով,  հայտնի չէ: Թեեւ չի բացառվում, որ հաշվարկի հիմքում դրված լինի այն, որ նիստի հետաձգումը ուսանողները կդիտարկեն որպես իրենցից վախենալու արդյունք, դա հաղթանակը մոտեցնող քայլ կընկալվի, ինչից շարժումն ավելի կհզորանա, ավելի մեծ թվով ուսանողներ կմիանան դրան եւ այլն: Հատկապես որ սրա համար կարծես նախադրյալներ կան, երեկ ԵՊՀ ռեկտոր Արամ Սիմոնյանից մեր թղթակիցը պարզել է, որ այս օրերին ԵՊՀ 1800 ուսանող չի ներկայանում դասերին: Սա մեծ թիվ է, ռեկտորը կարծում է, որ ուսանողներն ուղղակի հայտարարված դասադուլի առիթից օգտվում են, բողոքի ակցիաներ անող ուսանողները համարում են, որ այդպիսով իրենց ընկերները աջակցություն են հայտնում շարժմանը: Եթե 1800-ի կեսը միանա  պայքարին, ամեն ինչ ավելի կլրջանա: Իսկ ԱԺ մշտական հանձնաժողովի նիստի հետաձգման էֆեկտը եւ հաջորդող հանգստյան օրերին ավելի լավ պատրաստվելու հնարավորությունը կարող էին հանգեցնել այսպիսի զարգացումների:

Այդպե՞ս է եղել իրականում, թե ոչ, արդեն կարեւոր չէ: Դա ՀՀԿ-ի պրոբլեմն է: Կարեւորը փաստերն են, հայտարարվեց նիստ, ուսանողներն ասացին՝ կգանք: Հետո հայտարարվեց, վայ չէ ,նիստ չի լինելու, ուսանողները գնացին: Հետո հայտարարվեց՝ վայ, նիստ ամեն դեպքում լինելու է: Թե ինչպես կզարգանան իրադարձությունները հաջորդ շաբաթ, հայտնի չէ: Բողոքող ուսանողները հայտարարել են, որ այսօրվանից սկսում են քննարկումների շարք հասարակական կազմակերպությունների ներկայացուցիչների եւ գիտակրթական ոլորտից բանախոսների մասնակցությամբ:

ԱԺ մշտական հանձնաժողովին ուսանողներն առաջարկում էին. «Հաշվի առնելով պետության պահանջարկը, որը պիտի ձեւավորվի իրական հետազոտությունների հիման վրա` տրամադրել սահմանափակ քանակությամբ տարկետման տեղեր։  Հաշվի առնելով Բարձրագույն կրթության մասին օրենքի նախագծի առկայությունը` հետաձգել «Զինվորական ծառայության եւ զինծառայողի կարգավիճակի մասին» օրենքի քննարկումը եւ 2 օրենքների նախագծերը միմյանց հետ համահունչ դարձնել:  Հաշվի առնելով, որ բակալավրի կրթական աստիճանում եւ մագիստրոսի կրթական աստիճանում արդեն սովորողների մոտ առկա է լեգիտիմ ակնկալիք հետագա աստիճաններում տարկետում ստանալու հետ կապված, ապահովել նախկին տարիներով ձեւավորված տարկետման տեղերը:  Այս պահին ասպիրանտական կրթությամբ սովորողներին թեկնածուական ատենախոսություն պաշտպանելուց հետո (անկախ այն հանգամանքից, որ վերջիններիս 27 տարին չի լրացել) չզորականչել ՀՀ ԶՈՒ, քանի որ վերջիններս արդեն իսկ գիտական արդյունք ստեղծողներ են»:

Տպել
7369 դիտում

Ժաննա Անդրեասյանը ներկայացրել է Հայաստանի կինոյի հիմնադրամի նոր ղեկավարին

Խորապես տպավորված եմ ցուցադրության գեղեցկությամբ և ներդաշնակությամբ. Արշակյանն այցելել է իտալական արվեստի ցուցահանդես

Հայաստանն ու ԱՄՆ-ն համատեղ ընթացակարգեր կմշակեն, որոնք թույլ կտան ավելի մեծ թվով կանանց ներգրավել ՀՀ զինված ուժերում

ՀՀ-ում ԵՄ դիտորդական առաքելությունը հուդայա-քրիստոնեական միության պատվիրակությանն է ներկայացրել իրենց գործունեությունը

Հայաստանը գնում է տնտեսության դիվերսիֆիկացման ճանապարհով, մեր ջանքերը միտված են զարգացող երկիր ունենալուն. Գևորգ Պապոյան

Գիտական կենտրոնի բակում մեքենա է այրվել. այն ամբողջությամբ վերածվել է մոխրակույտի

Դոլարն ու եվրոն էժանացել են. ինչ փոփոխություններ է արձանագրել տարադրամի շուկան հուլիսի 24-ին

Երևանում և Արմավիրում ամբողջությամբ դադարեցվել է գազաբենզալցակայանի, նավթամթերքի պահեստարանի գործունեությունը

Եռացրած կաթը թափվել է 1.5 տարեկան երեխայի վրա. տղան այրվածքներով տեղափոխվել է հիվանդանոց

Արայիկ Հարությունյանն ու Ժերոմ Լեյրոն ընտրական գործընթացների բարեփոխումներին և այլ ոլորտներին առնչվող հարցեր են քննարկել

Կրակոցներ Ադրբեջան-Իրան սահմանին, կան վիրավորներ. ինչ է հայտնաբերվել զինված միջադեպի վայրում (լուսանկար)

Չվերադարձնելով հեռախոսը՝ քաշքշել, հարվածել է, կինը ընկել է գետնին. նախկին ընկերոջ նկատմամբ քրհետապնդում է հարուցվել

Օդի ջերմաստիճանը կնվազի 6-8 աստիճանով. ժամանակ առ ժամանակ անձրև և ամպրոպ կլինի

Բյուջեի 2023-ի սեփական եկամուտները 39 մլրդից հասել են 64-ի, դա թույլ է տալիս իրականացնել բազմածավալ ծրագրեր. Ավինյան

Վստահ չեմ, որ իրենք ժողովրդավարության արժեքները կիսում են. Ավինյանը՝ Վազգեն Գալստանյանի շարժման մասին

Ադրբեջանը Ռուսաստանում և այլ վայրերում միշտ պատրաստ է եղել Հայաստանի հետ բանակցություններին. Հաջիզադե

Ես իշխանություն ունենալ-չունենալու անհանգստություն չունեմ. Ավինյանը՝ իր դեմ իմպիչմենթի գործընթաց սկսելու մասին

Տեղի է ունեցել հայ-ամերիկյան համատեղ զորավարժության փակման հանդիսավոր արարողությունը

Երևանի քաղաքապետարանը կառավարությանն առաջարկել է վերանայել «Վեոլիա Ջուր»-ի հետ պայմանագիրը․ Ավինյան

Աղձք բնակավայրի հարակից հատվածում կիրականացվեն պայթեցման աշխատանքներ

Տոմսային նոր համակարգին անցումը տեղի է ունենալու հունվարի 1-ից. Տիգրան Ավինյան

Հայտնի են դարձել 2030 և 2034 թվականների ձմեռային օլիմպիական խաղերի անցկացման վայրերը

Քո AMIO Visa Platinum քարտը սպասում է քեզ

Գավառում շունը հարձակվել է 6-ամյա երեխայի վրա, քույրն ու եղբայրը դժվարությամբ են փրկել աղջնակին

Տոմսերը՝ տեղերով․ նոր հնարավորություն Idram&IDBank հավելվածում

Կարևորվել է ՀՀ-ում նոր էներգաբլոկ կառուցելու նպատակով Ֆրանսիայի մասնակցության հնարավորությունը. դեսպանն այցելել է ՀԱԷԿ

Գյումրու նախկին քաղաքապետ Վարդան Ղուկասյանը, կինն ու զավակները հրավիրվել են դատախազություն

Նեպալում կործանվել է ուղևորատար ինքնաթիռ. զոհվել է առնվազն 18 մարդ (տեսանյութ)

Երևանի ոստիկանապետը Դուշանբեում մասնակցել է ԱՊՀ անդամ պետությունների խորհրդակցությանը

Մոսկվան պատրաստ է հարթակ տրամադրել Երևանի և Բաքվի ներկայացուցիչների միջև բանակցությունների համար. Զախարովա

Փոխվարչապետ Տիգրան Խաչատրյանի գլխավորությամբ կայացել է ՓՄՁ զարգացման խորհրդի հերթական նիստը

Ղազախստանը Հայաստանին է արտահանձնել զինծառայությունից խուսափած քաղաքացուն

Ոգևորված ենք՝ աջակցելու փոխնախագահին իր պատմական ձգտման մեջ․ Ջորջ Քլունին պաշտպանել է Հարիսի թեկնածությունը

ԵՄ-ն ունի իր հաշվարկները. ՌԴ ԱԳՆ-ն՝ Հայաստանի զինված ուժերին Եվրամիությունից ուղղված աջակցության մասին

Հանձնվել են փաստաթղթերն ու խորհրդանշական սպայական դաշույնները. ավարտել են ռազմական ակադեմիայի սաները (լուսանկարներ)

Արագածոտնի գյուղերից մեկի տան բակում՝ ծառից կախված վիճակում, հայտնաբերվել է տղամարդու մարմին

Երևանում թմրամիջոցների շրջանառությամբ զբաղվող խումբ է բացահայտվել. կան կալանավորվածներ

Բիձինա Իվանիշվիլիի դեմ մահափորձ է ծրագրվել

«Արարատ-Արմենիա» ֆուտբոլային ակումբը չվերթի հետ կապված հրապարակումների առնչությամբ հայտարարություն է տարածել

Հայտնաբերվել ու ձերբակալվել է Հայաստանի ծանրամարտի նախկին չեմպիոնի վրա կրակողը