«Շուն խփողի» դերը հայ-վրացական հարաբերություններում. խմբագրական

Արտաքին գործերի փոխնախարար Շավարշ Քոչարյանը երեկ Ազգային ժողովում լրագրողների հետ զրույցում չափազանց կարեւոր հայտարարություն է արել Վրաստանում Հայաստանի նոր դեսպանի նշանակման վերաբերյալ:

Հոկտեմբերի 31-ին Սերժ Սարգսյանի հրամանագրով Վրաստանում Հայաստանի դեսպան նշանակվեց Ռուբեն Սադոյանը: Սույն նշանակումը մեծ աղմուկ բարձրացրեց Հայաստանում, եւ մինչեւ օրս էլ հարցը, թե ինչու է Վրաստանի նման կարեւոր երկրում Հայաստանից դեսպան ուղարկվում մի մարդ, որը, մեղմ ասած, վիճելի թեկնածու է այս պատասխանատու պոստում, մնում է օդից կախված:

Այս օրերին լրատվամիջոցներն արդեն ուշադրություն հրավիրել են այն հանգամանքի վրա, որ լինելով  նախորդ երկու գումարման Ազգային ժողովների պատգամավոր, Սադոյանը զբաղեցրել է ամենալռակյաց պատգամավորների ցուցակի վերին պատվավոր հորիզոնականները: Նրա կենսագրության մեջ չկա որեւէ տող, որը կհիմնավորեր, թե ինչու է այս մարդը դեսպան նշանակվում. հաշվապահ, հարկային տեսուչ, էլցանցի պետ, «Կենտրոնի կանաչապատում» ՓԲԸ տնօրեն եւ այլն: Ասում են, Սադոյանը նաեւ հայտնի է, որպես «շուն խփող», որովհետեւ նրան է պատկանում «Յուքնիգրաֆ-իքս» ընկերությունը, որը զբաղվում է Երևանի թափառող շներով, եւ այս մասին երեկ նաեւ հարց է ուղղվել ԱԳՆ փոխնախարարին: Սրան էլ եթե ավելացնենք ժամանակին մամուլի այն հրապարակումները, որ Սադոյանը միլիոնների պարտքեր ունի հայաստանյան բանկերին, կստանանք որեւէ երկիր դեսպան ուղարկելու համար կատարյալ վարկաբեկված թեկնածու:

Սադոյանի կենսագրությունը գուցե լիովին բավարարում է նրան Հայաստանում որեւէ բարձր պաշտոնի նշանակելու համար, բայց նրան դիվանագիտական առաջադրանքի ուղարկելու համար, թերեւս, պետք է շատ շատ լուրջ պատճառներ ունենալ:

Մամուլում եղան տարբեր վարկածներ, թե ինչո՞ւ հատկապես Սադոյանը: Գրվեց, որ Սադոյանի համար բարեխոսել է ՀՀ տրանսպորտի եւ կապի նախկին նախարար Գագիկ Բեգլարյանը, որը Սադոյանի հետ քավոր-սանիկական հարաբերությունների մեջ է եւ նաեւ բավականին մտերիմ հարաբերություններ ունի Վրաստանի կառավարող շրջանակների հետ:

Ամբողջ խնդիրը, սակայն, այն է, որ Վրաստանի եւ Հայաստանի հարաբերությունները ներկայում լավագույն ժամանակները չեն ապրում: Իշխանությունների համար, իհարկե, խորթ չէ դեսպանների պաշտոնները «ծախելը», սակայն նման պրակտիկա կիրառվում է հիմնականում այն երկրների դեպքում, որտեղ Հայաստանը չունի ընդգծված շահեր, մարտահրավերներ կամ լուծելու խնդիրներ: Ամենամեծ ցանկության դեպքում Վրաստանը հնարավոր չէ դասել նման երկրների շարքում:

Այդ դեպքում ո՞րն էր այս նշանակման իմաստը: Ահա այս հարցին երեկ շատ կոնկրետ պատասխան է տվել փոխարտգործնախարար Շավարշ Քոչարյանը: Լրագրողի հարցին՝ ինչո՞ւ է Սերժ Սարգսյանը Վրաստանում դեսպան նշանակել դիվանագիտակյան փորձ չունեցողին, Քոչարյանը պատասխանել է. «Դուք շատ լավ գիտեք, որ դեսպանների նշանակումները լինում են քաղաքական»:

Սա նշանակում է, որ Հայաստանում քաղաքական որոշում է կայացվել հարեւան Վրաստան դեսպան ուղարկել դիվանագիտական փորձ չունեցող, էլցանցի նախկին պետ, բանկերին միլիոնների պարտքեր կուտակած, ԱԺ-ում ծպտուն չհանած եւ վերջապես որպես «շուն խփող» հայտնի մարդուն:

Կարող են, իհարկե, լինել կարծիքներ, թե Քոչարյանի հայտարարությունը ներքին սպառման համար էր՝ Չոռնի Գագոյի «մոտիկին» լավ գործի դնելն արդարացնելու նպատակով, սակայն ամբողջ խնդիրն այն է, որ Շավարշ Քոչարյանը փոխարտգործնախարար է, եւ նրա ցանկացած հայտարարության առաջին հասցեատերը արտաքին աշխարհն է, ընդ որում՝ այդ հայտարարությունները ընկալվում են որպես պաշտոնական Երեւանի դիրքորոշում: Եվ եթե մինչեւ այսօր վրացական կողմում նույնպես կարող էր չհասկացվածություն լինել դեսպանի այս ընտրության հարցում, ապա Քոչարյանի հայտարարությունը օգնում է հասկանալ, որ դա իսկապես եղել է քաղաքական որոշում, կամ ավելի ճիշտ՝ վերաբերմունքի արտահայտություն:

Իսկ Վրաստանին Ռուբեն Սադոյանի մակարդակով պատասխանելու համար Հայաստանը բազմաթիվ պատճառներ ունի: Հայ-վրացական հարաբերությունները միշտ էլ կնճիռներ ունեցել են, բայց վերջին տասնամյակում Վրաստանը հակահայ «միջոցառումներով» լուրջ հորիզոններ է գրավել՝ Բաքու-Թբիլիսի-Ջեյհան նավթամուղ, Կարս-Ախալքալակ-Թբիլիսի երկաթուղի, Միջազգային հարթակներում Ադրբեջանին բացահայտ աջակցություն, Ջավախքում մշտական ճնշումներ հայերի նկատմամբ, հայոց լեզվի եւ եկեղեցու նկատմամբ ոչ բարեհաճ վերաբերմունք... Սա ամբողջական փաթեթը չէ:

Կարծիքներ կան, որ հատկապես այս ոչ բարենպաստ իրավիճակը հաշվի առնելով, Հայաստանը պետք է այնպիսի դեսպան նշանակեր հարեւան Վրաստանում, որն ունակ կլիներ գոնե ինչ-որ չափով ինչ-որ խնդիրներ լուծել: Արդյո՞ք Հայաստանում չի գտնվել համապատասխան կադր:

Քաղաքագետ, պատմական գիտությունների թեկնածու, քաղաքական գիտություննեի դոկտոր, մի քանի գրքերի հեղինակ, Հարավային Կովկասի տարածաշրջանի անվտանգության եւ քաղաքականության մեծ գիտակ Սերգեյ Մինասյանի թեկնածությունը թերեւս հենց այս նպատակին պետք է ծառայեր: Մինասյանը հայտնի է նաեւ որպես Ջավախքի հարցով զբացվող գործիչ: Ասել է թե, եթե վրացական կողմն ընդառաջ գնար եւ հաստատեր Սերգեյ Մինասյանի ագրեմանը, դա լավ մեկնարկային կետ կլիներ հարաբերություններում առկա խնդիրների լուծման ճանապարհով գնալու համար: Բայց Վրաստանն, ինչպես հայտնի է, մերժեց Մինասյանի ագրեմանը, որից հետո, ահա, Երեւանը պատասխանեց Ռուբեն Սադոյանով: Իսկ սա իր հերթին նշանակում է, որ հայ-վրացական հարաբերությունները դեռ երկար մնալու են արտաքուստ բարեկամական, իսկ իրականում՝ ոչ այնքան: Սա, իհարկե, անթույլատրելի մեծ ճոխություն է Հայաստանի իրավիճակում գտնվող երկրի համար:

Տպել
3009 դիտում

«Պատերազմից հետո ինձ ֆիլմ հետ բերեց մաեստրո Մանսուրյանը»․ տեղի ունեցավ երկար սպասված «Զուլալիի» պրեմիերան

Բյուրեղավան համայնքում ավարտվել են ներհամայնքային ճանապարհների կապիտալ ասֆալտապատման աշխատանքները

ՅՈՒՆԻՍԵՖ-ն Արմավիրի առողջության առաջնային պահպանման կենտրոնների համար բժշկական սաքավորումներ է տրամադրել

ՔՈՎԻԴ-19-ի դեմ պատվաստված անձինք 12 անգամ ավելի քիչ են հոսպիտալացվում․ ԱՄՆ-ում իրականացված հետազոտություն

Արման Եղոյանը ԵՄ Թվինինգ ծրագրի շրջանակներում հանդիպումներ է ունեցել Իտալիայի խորհրդարանի գործընկերների հետ

Կարմիր Կատար լեռը ներառվեց բնության հուշարձանների ցանկում

Մեղրաշատ գյուղում այրվել է մոտ 40 հա խոտածածկույթ

Ես չեմ տեսնում պետականամետ ընդդիմություն, նրանք ավելի շատ ռևանշիստներ են, մուռ հանողներ, վրեժ լուծողներ․ Մհեր Արմենիա

Եվրամիությունն աջակցում է տարածաշրջանում խաղաղության ամրապնդմանը․ Արշակ Կարապետյանն ընդունել է Տոյվո Կլաարին

Ալեն Սիմոնյանը Աթենքում հանդիպել է ԵԱՀԿ խորհրդարանական վեհաժողովի նախագահ Մարգարետա Սեդերֆելթի հետ

Ֆրանսիայի Սենատի փոխնախագահն Ալեն Սիմոնյանին է փոխանցել Սենատի նախագահի հրավերը՝ այց կատարելու Ֆրանսիա

Ռուստամ Բադասյանը և Իրանի մաքսային ծառայության ղեկավարը կարևորել են Մեղրիի սահմանային անցակետի արդիականացումը

Կորոնավիրուսից մահացել է Տիգրան Կարապետյանը

Տրամադրվել է առաջին լիցենզիան՝ Տիեզերական գործունեություն իրականացնելու համար

Ալեն Սիմոնյանը բարձր է գնահատել Սլովենիայի հավասարակշռված մոտեցումը ԼՂ հիմնահարցում

Բադասյանը և Ռուսլան Դավիդովն արձանագրություն են ստորագրել. կարդիականացվի մաքսային ոլորտի իրավապայմանագրային դաշտը

Միրզոյանը և ԱՄՆ պետքարտուղարի եվրոպական և եվրասիական հարցերով տեղակալը քննարկել են տարածաշրջանային անվտանգության հարցեր

Մեկ բնակարան, մեկ հողամաս և մեկ մեքենա. ինչ ունեցվածք ունի Շիրակի մարզպետը

Արտակարգ դեպք Արմավիրի մարզում. 19-ամյա զինվորը տեղափոխվել է հիվանդանոց. shamshyan.com

Սկսում ենք կրկնակի դիպլոմների շնորհման գործընթացը․ Հայաստանի եվրոպական համալսարանը նշում է հիմնադրման 20-ամյակը

ՀՀ քաղաքացիություն ստանալու դիմումների քննարկման ժամկետը 6 ամսվա փոխարեն կսահմանվի 90 աշխատանքային օր. ԱԺ (լուսանկարներ)

ՔՊ-ն հեղափոխական իր ամենակարևոր խոստումը պահել է՝ մենք ընտրությունները թողնում ենք ժողովրդին. Արմավիրի համայնքապետ

Արշակ Կարապետյանը ՆԱՏՕ-ի ներկայացուցչի հետ հանդիպմանը նշել է 44-օրյա պատերազմում ՆԱՏՕ-ի անդամ երկիր Թուրքիայի դերի մասին

Շվեյցարիան աջակցում է ՀՀ-ի հակակոռուպցիոն ջանքերին․ նախարարն ընդունել է Շվեյցարիայի Գործերի ժամանակավոր հավատարմատարին

Արարատ Միրզոյանը Տոյվո Կլաարի հետ քննարկել է տարածաշրջանային անվտանգության ու կայունության հարցերը (լուսանկարներ)

Տարածաշրջանում կան խնդիրներ, որոնք սպասում են իրենց լուծմանը․ վարչապետն ընդունել է Խավիեր Կոլոմինա Պիրիսին

ԱԺ նախագահը ԵԽ գլխավոր քարտուղարի հետ զրույցում անդրադարձել է Ադրբեջանի կողմից ռազմագերիներին պատանդության մեջ պահելուն

Բարեկամական կապերի խորացման գործում իր ներդրումն ունի Ֆրանսիայի հայկական համայնքը․ կաթողիկոսն ընդունել է Անն Լույոյին

Միրաք գյուղում այրվել է մոտ 660 հակ կուտակած անասնակեր

ԵՄ-ն հանձնառու է խորացնելու գործընկերությունը ՀՀ-ի հետ. վարչապետն ընդունել է ԵՄ հատուկ ներկայացուցչին (լուսանկարներ)

Հայաստանը համարվում է Հյուսիսատլանտյան դաշինքի վստահելի գործընկերը․ Արարատ Միրզոյանն ընդունել է Խավիեր Կոլոմինա Պիրիսին

Մուշեղ Բաբայանը նշանակվել է Հակակոռուպցիոն կոմիտեի նախագահի տեղակալի պաշտոնակատար

Սպանության փորձ մոր նկատմամբ. 56-ամյա գյումրեցին, մորը հատակին գցելով, ձեռքից վերցրել է ձեռնափայտը և հարվածել. ՔԿ

Քրեակատարողական նոր օրենսգրքի նախագծի հանրային քննարկմանը ԱՄՆ դեսպանատան ներկայացուցիչները ևս մասնակցել են

Օրակարգում Հայաստանում ռուսական դպրոցներ բացելու հարց չկա. Դումանյան

Զորամասերից մեկը մարտավարական զորավարժություն է անցկացրել (լուսանկարներ)

5 կողմ, 4 ձեռնպահ. ԱԺ հանձնաժողովը հավանություն տվեց հունվարի 2-5-ը և 7-ը աշխատանքային դարձնելու նախագծին

Հայաստան է ժամանել Լեհաստանի Մրցակցության և սպառողների շահերի պաշտպանության գրասենյակի երկրորդ պատվիրակությունը

996 ուսուցչից 468-ն է անցել կամավոր ատեստավորումը. ամենաբարձրը մաթեմատիկա առարկայի արդյունքներն են

ՆԱՏՕ-ն արժևորում է Հայաստանի հետ համագործակցությունը. Խավիեր Կոլոմինա Պիրիզը ՀՀ նախագահին (լուսանկարներ)