Ռուսաստանում արդարադատության ավելի մեծ պակաս կա, ես նստացույց կանեմ. վտարված ՀՀ քաղաքացի

ՀՀ քաղաքացի Մելիքսեթ Գաբոյանը, որ վերջին մի քանի տարիներին բնակվել է Ռուսաստանում, այս տարվա մայիսի 30-ին արտաքսվել է:  

armtimes.com-ին դիմած Գաբոյանը պնդում է, որ իր հետ կատարվածը դուրս է օրենքից: Նա արձանագրում է, որ եթե Հայաստանում օրինականություն ու արդարադատություն դժվար է գտնել, ապա Ռուսաստանն այդ առումով գերազանցում է մեր երկրին:

«Ես  9 տարի` 2004 թվականից մինչեւ 2013 թվականը, այստեղ պայքարում էի անօրինության դեմ, ոչ մի արդյունքի չհասա, իրականությունը չկարողացա բացահայտել: Ստիպված գաղթեցի, քանի որ Հայաստանում օրենքը չէր գործում, արդարադատություն չկար: Մաֆիան, պաշտպանում էր մեկը մյուսի շահերը, եւ ես հեռացա իմ հայրենիքից: Բայց Ռուսաստանի դատարանը Հայաստանի դատարանից «բեթար» թքած ուներ օրենքի եւ պետության վրա: Ես ապշեցի: Այնտեղ դատարան չկար»,- նշեց Մելիքսեթ Գաբոյանը:

Ռուսաստանում իր հետ տեղի ունեցածը ներկայացնելով` նա ասաց, որ արտաքսվել է գրանցման կնիքը ոչ վավեր լինելու պատճառաբանությամբ.

«2014 թվականի հունիսին տղայիս հետ գնացինք Ռուսաստան` քաղաք Կրասնոյարսկ: Այդ ժամանակ «պատենտով» էինք գրացվում` 3 ամսով, 6 ամսով, մինչեւ Հայաստանի` Եվրասիական տնտեսական միության կազմում ընդգրկվելը: 2015 թվականից արդեն, աշխատանքային պայմանագրի հիման վրա, մի տարով թույլատրում էին Ռուսաստանում ապրել, աշխատել, արարել»:

Հավելեց, որ վերջին այդպիսի թույլտվության ժամկետը պետք է լրանար 2017 թվականի նոյեմբերի 25-ին:

Բայց տեղի իրավապահները, հայտարարելով, թե համապատասխան կնիքը վավեր չէ, չգիտես ինչու կեղծարարին գտնելու հարցում հետամուտ չեն եղել, այլ միայն բավարարվել են իրեն արտաքսելով:

«2017 թվականի մարտին ես գնացել էի УФМС (միգրացիոն ծառայություն-խմբ.): Մարտի 20-ին հրավիրվել էի տեղակալ Պոտյոմկինի մոտ` իմ հարցով ընդունելության: Այնտեղ ինձ մոտեցան քաղաքացիական հագուստով երկու ոստիկան` ո՞վ է Պոտյոմկինի մոտ: Ասացի` ես:  Կանչեցին, մոտեցա, վկայականը ցույց տվեցին, պահանջեցին իմ փաստաթուղթը: Նկատեցի, որ ոստիկաններն իրենց հետ ունեին համակարգչից հանած իմ նկարը: Պարզ էր, որ ինչ-որ մի բան այն չէ: Ես պահանջեցի անձնագիրս վերցնելուց առաջ գրություն տալ, որ այն իրենց մոտ է: Չհամաձայնեցին: Պահանջեցի փաստաբան: Վստահեցրին, որ որեւիցե բան չկա, ընդամենը ուզում են նայել անձագիրը, որի մեջ իմ բոլոր մնացած փաստաթղթերն էին` գրանցումը, պայմանագիրը: Չուզեցա վիճաբանության մեջ մտնել, օտար հողի մեջ էի: Փաստաթղթերս տվեցի: Վերցրեցին, թե` այս կնիքը իրական չէ: Ասացի` ինչ է, դուք փորձագե՞տ եք, որ այդպես միանգամից նայելով հասկանում եք: Առաջարկեցի` գնանք Պոտյոմկինի մոտ պարզենք, պատասխանեցին, որ նրա մոտ ընդունելության կարիք ես արդեն չեմ ունենա»,- պատմեց Հայաստանի քաղաքացի Գաբոյանը:

Քաղաքացիական հագուստով ոստիկաններն, ըստ Գաբոյանի, իրեն տարել են ոստիկանության բաժանմունք` այդպես էլ իր փաստաթղթերը չվերադարձնելով ու իբր մինչեւ ավտոմեքենային հասնելը դրանք կորցնելով:

«Առանց որեւիցե հիմնավորման մի գիշեր պահեցին ոստիկանությունում: Առավոտյան ինձ բերեցին դատարան, որ պիտի դատ կայացնեն: Դատավորն իմացավ, որ անձնագիր չունեմ, որեւէ գործողություն չկատարեց»,- փոխանցեց մեր զրուցակիցը: Բայց երկու օր անց նիստ է գումարվել ու որոշվել Մելիքսեթ Գաբոյանին արտաքսել Ռուսատանի Դաշնությունից:

«Մարտի 24-ին դատական նիստ նշանակեցին դատախազի ներկայացրած ինչ-որ փաստաթղթի հիման վրա, որը ինձ անհայտ է: Ինձ թույլ էլ չեն տվել գործին ծանոթանալ, նույնիսկ խոսելու հնարավորություն չէին տալիս»,- ասաց նա:

Հայաստանի քաղաքացին վերաքննիչ բողոք է ներկայացրել եւ վիճարկել Կրասնոյարկսի խորհրդային շրջանային դատարանի վճիռը: Այն, սակայն մնացել է անփոփոխ: Բայց, ինչպես նշեց, վճռաբեկ դատարանի համապատասխան որոշումն իրեն այդպես էլ չի տրամադրվել:

«Ես պահանջում էի` եթե կնիքը կեղծված է, քրեական գործ բացեք: Ես տուժող եմ, ես այստեղ մեղք չունեմ»,- զուր հորդորել է նա:

Իսկ դատական գործընթացների ընթացքում Մելիքսեթ Գաբոյանը շուրջ երկու ամիս պահվել է օտարերկրյա քաղաքացիների ժամանակավոր պահպան կենտրոնում:  

«Մարտի 24-ից ինձ մեկուսացրել են տարբեր ազգերի հետ: Ես իրենցից պահանջում էի վճիռս, որպեսզի բողոքարկեմ նաեւ Վճռաբեկ դատարանում: Մայիսի 29-ի երեկոյան, առանց վճիռը տրամադրելու, տեղեկացրին, որ վաղն ինձ արտաքսելու են:  Այդ կենտրոնից ես երկու ամիս զանգահարել եմ Ռուսաստանի Դաշնությունում Հայաստանի դեսպանատուն: Չորս-հինգ համար կա ինձ մոտ գրված, բայց ոչ մեկով Հայաստանի դեսպանատանը որեւիցե մեկը չպատասխանեց: Ապրիլի 10-ին ես այնտեղից զանգահարել եմ ՀՀ արտաքին գործերի նախարարություն, ինձ պատասխանեցին` փաստաբան վարձեք»,- ասաց Գաբոյանը:

Նա նշում է, որ Կրասնոյարսկի իշխանությունների քմահաճույքի հետեւանքով ինքը հեռացել է իր երեխաներից (զինծառայությունն ավարտելուց հետո նաեւ երկրորդ որդին էր հոր մոտ մեկնել):

«Օգնության համար դիմելու եմ անշահախնդիր մարդկանց: Հայաստանում Ռուսաստանի դեսպանատուն կդիմեմ: Թե որոշումը փոխվեց, փոխվեց, թե չէ` նստացույց եմ անելու»,- եզրափակեց Մելիքսեթ Գաբոյանը:

Տպել
2881 դիտում

«Ծննդի գրանցումը՝ ծննդատանը» ծրագիրն առաջիկայում կմեկնարկի մարզերում

Ստամբուլում ամերիկացի լրագրողի դի է հայտնաբերվել

Կանխվել է Արմավիրի բնակչի ինքնասպանության փորձը. սպառնում էր նետվել աշտարակից

Հրազդանում խաչքարի ընկնելու հետեւանքով մահացած տղամարդը Ջրառատի թաղապետն է եղել

Երևանում և մի քանի մարզում էլեկտրաէներգիայի մինչեւ 6-ժամյա պլանային անջատումներ կլինեն

Արագածոտնի մարզի Փարպի գյուղում այրվել է տան տանիք

Երկրաշարժ Աշոցք գյուղից 7 կմ հարավ-արևելք՝ 2-3 բալ ուժգնությամբ

Մեր բժշկագիտական թիմի ներուժն ու ներդրումը պետք է չանտեսվեր. «Նորք» ԻԿՀ-ից բաց նամակ ՀՀ նախագահին և վարչապետին

Քննարկվել են հեղինակային իրավունքի ոլորտում առկա խնդիրները եւ դրանք լուծելու ուղիները

Դավիթ Բաբայանը վարակվել է կորոնավիրուսով ու խնդրանքով դիմել իր հետ շփված անձանց

Սուրեն Պապիկյանը ԱԷՄԳ գլխավոր տնօրենի հետ քննարկել է Հայաստանի ատոմային էներգետիկայի բնագավառի զարգացման հարցեր

«Խաժակյանի պատմության հետ ինքներդ կարող եք համեմատություն անել». քաղաքապետի վարորդի հաստիքն ազատ է

roadpolice.am. վարորդական վկայականի հետ կապված գործողությունների համար պետք է հերթագրվել այս կայքի միջոցով (տեսանյութ)

Մարտական հերթապահության մեկնող անձնակազմի հետ անցկացվել է կրակային պատրաստության պարապմունք

Գեբելսյան սո՞ւտ է, որ ԲՀԿ-ն կարող է իշխանություն փոխել․ քաղաքական ուժերի արձագանքը ՀՀ՝ մինչեւ 2050-ի ռազմավավարությանը

Առաջին անգամ ՀՀ ՄԻՊ-ն ու ԵԽ-ն ծրագիր են իրականացնում Եվրոպայի խորհրդի տարածքում

Իսրայելի ռազմարդյունաբերական ընկերությունը 155 միլիոն դոլար է փոխանցել ադրբեջանական 2 օֆշորային ընկերությունների

Արսեն Թորոսյանը Չինաստանի դեսպանի հետ քննարկել է ՀՀ առողջապահական համակարգը նոր սարքավորումներով հագեցնելու հեռանկարները

Հրազդանում խաչքարն ընկել է 52-ամյա տղամարդու վրա. վերջինս տեղում մահացել է

Մանուել Պետրոսյանը՝ «Երևանի գավաթ» մրցաշարի հաղթող