Ցնցե՞լ իշխանական էլիտան, թե՞ հանձնվել. որը կընտրի Կարեն Կարապետյանը

Երեկ Հայաստանը ունեցավ նոր կառավարություն: Նոր, բայց հին: Ավելի ճիշտ՝ ոչ այնքան հին:

Սրանք բառախաղեր չեն: Սա վարչապետ Կարեն Կարապետյանի կառավարության «խաչն է», որը այն պետք է կրի: Ընդամենը անցած տարի սեպտեմբեր-հոկտեմբերին կազմավորված կառավարությունը ցրվում ու նույն կազմով հավաքվում է ընդամենը 7-8 ամիս անց: Եթե արտառոց բաներ չլինեն, այս կառավարությունը ՀՀ Սահմանադրության համաձայն՝ ցրվելու է 1 տարի անց:  Կարապետյանի կառավարությունը 7-8 ամսվա ընթացքում երկու ծրագիր պետք է ներկայացնի...:

Չնայած սրանք «արարողակարգային», կամ այսպես ասենք՝ ձեւական բնույթ են կրում, այդուհանդերձ գործող կառավարության «ճակատից» մի տեսակ չի իջնում «ժամանակավորի» կարգավիճակը: Ու դա  պայմանավորված չէ նոր Սահմանադրությամբ նախատեսված զարգացումներով: Խնդիրը  Կարապետյանի եւ նրա կառավարության շուրջ ստեղծված իրավիճակի մեջ է:

Երեկ ՀՀԿ ԳՄ նիստից հետո պատասխանելով լրագրողների հարցերին, ՀՀԿ խոսնակ Էդուարդ Շարմազանովը բավական տարօրինակ էր խոսում կառավարության մասին: Նա հայտարարեց, թե իրենք «ընդհանուր առմամբ դրական են գնահատում» Կարեն Կարապետյանի կառավարության գործունեությունը:

Լրագրողի դիտարկմանը, թե կառավարության կազմը գնահատելիս  բավականին զուսպ է արտահայտվել, Շարմազանովը պատասխանել է. «Զուսպը չի  նշանակում վատ, ես ասեցի, որ, ընդհանուր առմամբ, դրական ենք համարում: Հնարավորություն ենք տալիս այս կառավարությանը, քանի որ դեռ երկար ժամանակ չեն աշխատել, սակայն ունեն լուրջ ծրագրեր»:

Իրոք որ չափազանց զուսպ գնահատական է: Տպավորությունն այնպիսին է, որ ՀՀԿ վերնախավի հնաբնակները սկսել են «դիստանցիա պահել» գործող կառավարությունից: ՀՀԿ վերնախավում առկա հակասությունները արդեն ակնհայտ են բոլորին: Չնայած դրան, այդ մասին լուրերը Շարմազանովը բնականաբար հերքում է, դրանք որակելով «թվացյալ եւ շինծու հակասություններին»:   «Մեր կուսակցությունում չի կարող լինել հակասություն, մեր կուսակցությունում մեկ քաղաքական թիմ է, մեր կուսակցության մեջ չկան թիմեր, այդ քաղաքական թիմի ղեկավարը Սերժ Սարգսյանն է»,-  նշել է  Շարմազանովը:

Իրավիճակը, սակայն, մի փոքր այլ է: Կարեն Կարապետյանի կառավարության վիճակը արմատապես տարբերվում է նախորդ կառավարությունների կարգավիճակից: Ինքը՝ Կարեն Կարապետյանը, կարելի է ասել, ինքնուրույն խաղացող է: Եթե պատկերավոր արտահայտվենք, ի տարբերություն իր նախորդների, նա իր ոչ բոլոր քայլերն է համաձայնեցնում Սերժ Սարգսյանի հետ: 

Միաժամանակ նա շատ ավելի ոչ շահեկան վիճակում է իր նախորդների համեմատ զուտ տնտեսական իրավիճակի առումով: Նրա կառավարությունն  այլեւս չի կարող հույսը դնել վարկերի վրա, որովհետեւ Հայաստանը սպառել է նոր պարտքեր կուտակելու «լիմիտը»: Գործնականում միակ հաղթաթուղթը, որ նա կարող է գործարկել, օտարերկրյա ներդրումներն են:

Եթե նրան հաջողվի ներգրավել մեծածավալ ներդրումներ, եւ միաժամանակ որոշակիորեն բարձրացնի կառավարման արդյունավետությունը, կրճատի բյուջեի անիմաստ ծախսերը, ապա նրա կառավարության «ճակատից» կմաքրվի ժամանակավորի կարգավիճակը: Այդ դեպքում կտրուկ կմեծանա նրա ազդեցությունը ՀՀԿ-ում: Հաշվի առնելով Կարապետյանի ունեցած որոշակի աջակցությունը ռուսական իշխանական օղակներից, նրան կհաջողվի ներկուսակցական իշխանափոխություն իրականացնել ՀՀԿ վերնախավում եւ «սեփականացնել» կուսակցության «բաժնետոմսերի հսկիչ փաթեթը»:  Սակայն դա նրան դեռ չի հաջողվում, գոնե առայժմ:

Կարեն Կարապետյանի ակնկալած ներդրումները դեռ չեն գալիս: Կառավարման արդյունավետության բարձրացման գործողությունները շոշափելի արդյունքներ դեռ չեն տալիս: Ու դա ունի օբյեկտիվ պատճառներ: Ներդրումների ակնկալված հոսքը ապահովելու համար անհրաժեշտ է նախ ստեղծել համապատասխան պայմաններ: Դրանք որքան պարզ են, այնքան էլ գործնականում անիրականանալի: Կոռուպցիա, տնտեսության օլիգոպոլ կառուցվածք, բիզնեսի ու իշխանության սերտաճում, դատական անարդյունավետ համակարգ...: Առանց այս խոչընդոտները վերացնելու՝ ներդրումների զգալի հոսք դեպի մեր տնտեսություն անիմաստ է ակնկալել: Այդ խոչընդոտները վերացնելը զուտ քաղաքական հարց է:

Իսկ այդ քաղաքական հարցերը լուծելու բանալին գտնվում է Սերժ Սարգսյանի ձեռքում: Ինչպես կարելի է ապամոնոպոլիզացնել մեր տնտեսությունը, եթե դա չի ցանկանում Սերժ Սարգսյանը: Այստեղ անցնցում լուծումներ չկան: Նույնը բիզնեսի եւ իշխանության տարանջատման, կոռուպցիայի նվազեցման պարագայում:  Թերեւս արդեն բոլորի համար է ակնհայտ, որ Սերժ Սարգսյանի ղեկավարած «քաղաքական թիմը» չի գնալու այդ հարցերի լուծմանը: Մի խոսքով, Կարեն Կարապետյանի համար դժվար ժամանակներ են: Նա կամ պիտի գնա ներկուսակցական էլիտայում ցնցումներ առաջացնելու ճանապարհով, կամ հանձնվի:  Ո՞րը կընտրի Կարապետյանը՝ պարզ կդառնա առաջիկա ամիսներին:

Տպել
6697 դիտում

Կադրային նոր փոփոխություններ Լոռու մարզպետարանում. թափուր են վարչության ու բաժնի պետերի հաստիքներ

Արագածոտնի նախկին մարզպետ Սարգիս Սահակյանը չի կալանավորվի. դատարանը մերժեց քննիչի միջնորդությունը

Զանգել են Քաշաթաղի նախկին բնակիչներին եւ վաղը կանչել հրապարակ. «Մեզ ուզում են ներքաշել Փաշինյանի դեմ պայքարի մեջ»

Մեխակ Արզումանյանը նշանակվել է ՆԳ նախարարության համակարգում գործող ԱԻ պետական ծառայության տնօրեն

Հավաքվել են հարյուրավոր արկղեր. Վենետիկից մարդասիրական օգնություն կուղարկվի պատերազմից տուժած հայ բնակչությանը

Ասում էր՝ չվախենաս, հետ կգամ, ես քեզ սիրում եմ. մայոր Սարգիս Նավասարդյանն անմահացավ Շուշիում (տեսանյութ)

JTI ընկերությունը ճանաչվել է Լավագույն գործատու Հայաստանում

Պուտինի ու Բայդենի հեռախոսազրույցը՝ առաջատար լրատվամիջոցների ուշադրության կենտրոնում. ինչու է այն կարևոր

Ապարանը զարգացման բարձր տեմպեր է արձանագրում (տեսանյութ)

Հայ-ադրբեջանական շփման գծի ամբողջ երկայնքով օպերատիվ իրավիճակը չի փոփոխվել

Հայկ Մարությանը մասնակցել է Լենինգրադի պաշարման ավարտի 77-ամյա տարեդարձին նվիրված հանդիսավոր արարողությանը

Ֆինանսների փոխնախարարը Զարգացման ֆրանսիական գործակալության պատվիրակության հետ քննարկել է համագործակցության հարցեր

Իրենց իսկ շահերից է բխում ժողով չանցկացնել. ՀՖՖ գլխավոր տնօրենը՝ նոր կանոնադրության և 9 անդամների ժողով հրավիրելու մասին

31-ամյա ջաղացաձորցին գողացած հեռուստացույցը նվիրել էր զոքանչին. հարուցվել է քրեական գործ (տեսանյութ)

«Հավանաբար արդեն բժշկի կարիք կա». քաղաքագետները եւ պատգամավորները՝ Վազգեն Մանուկյանի երեկվա հայտարարությունների մասին

Խեղճ կնոջը հասցրել են ինքնասպանության․ նախկին պատգամավորը՝ հարսի ինքնասպանության հնարավոր պատճառների մասին

Հայտնի է Հայաստանի, Ռուսաստանի և Ադրբեջանի փոխվարչապետների հանդիպման օրը

Արտեմ Հարությունյանը նշանակվել է ԱՀ ՆԳՆ ոստիկանության պետ

Շրջակա միջավայրի նախարարությունը և Ագրարային համալսարանը համագործակցության հուշագիր են կնքել

«Путешествую без COVID-19». ԱԳՆ-ն ներկայացրել է ՌԴ այն քաղաքների ցանկը, ուր հնարավոր է մեկնել

Երիտասարդության ռազմավարությունը պետք է մշակվի  երիտասարդների ձանը լսելով. ԿԳՄՍ նախարարի տեղակալ

Իրականացվել են մարտական հերթապահության հերթափոխի նախապատրաստական աշխատանքներ

Տիգրան Հարությունյանը նշանակվել է ԱԱԾ տնօրենի տեղակալ

Ջավախքում մեկ օրում երկու ինքնասպանություն է տեղի ունեցել․ մանրամասներ

Հայ-ֆրանսիական բարեկամության ամրապնդման ևս մեկ վկայություն. Ֆրանսիական կրթահամալիրում նոր դասասենյակ է բացվել

Արմելլա Շաքարյանը նշանակվել է Մեքսիկայի Միացյալ Նահանգներում Հայաստանի Հանրապետության արտակարգ և լիազոր դեսպան

ՊԵԿ հարկային տեսուչները կաշառք են պահանջել, ստացել ու բռնվել (տեսանյութ)

ԿԳՄՍ նախարարը հաղթող թեկնածուներից ոչ մեկին դպրոցի տնօրեն դեռ չի նշանակել․ բողոքներն առայժմ քննում են

Ստուգումներ են անցկացվել մարտական հենակետերում

9 մարզի 101 հիմնական ու միջնակարգ դպրոցում հեռավար ձևաչափով ուսուցումն իրականացնելու հնարավորություն է ստեղծվել

Սյունիքի և Գեղարքունիքի մարզերի բոլոր ավտոճանապարհներին առկա է մերկասառույց

Սուրեն Պապիկյանն ընդունել է Զարգացման ֆրանսիական գործակալության փոխտնօրեն Բերտրան Վալկենարին

Հայագիտական կենտրոնների թիվը կավելանա եւս երկուսով

Վարչական վարույթներ են հարուցվել Գեղարքունիքի և Կոտայքի մարզերի որոշ դպրոցներում

Լարված ու անելանելի պայմաններում արագ կողմնորոշվելու շնորհիվ առաջադրված մարտական խնդիրները բարձր մակարդակով են կատարել

Արա Այվազյանը Լավրովի հետ հեռախոսազրույցում ընգծել է ռազմագերիների, պատանդների, պահվող այլ անձանց վերադարձի մասին

Դուրս եմ եկել Covid-ի հետ կապված քննիչ հանձնաժողովի կազմից․ Արտակ Մանուկյան

Փետրվարի 1-ից ՌԴ մուտք գործելու համար հնարավոր է թեստ հանձնել առայժմ միայն երկու լաբորատորիայում, գինը՝ 15 հազար դրամ

Զինծառայողներն արյուն են հանձնել

Վահան Քերոբյանը և Անդրեա Վիկտորինը քննարկել են համագործակցության հետագա խորացման հնարավորությունները