Երկրպագուները կարծում են, որ Աստղիկ Սաֆարյանի նոր տեսահոլովակը տարբերվող է

Երգչուհի Աստղիկ Սաֆարյանը դրական արձագանքներ է ստանում իր վերջին՝ «Ստանդարտ» երգի հիման վրա նկարահանված տեսահոլովակի վերաբերյալ: Մայիսի 8-ին լսարանի դատին հանձնած աշխատանքի մասին շատերն ասում են, որ տարբերվող է: Armtimes.com-ի հետ զրույցում երգչուհին նշեց, որ դեռ վաղ է եզրակացություններ անելու համար, սակայն դատելով եղած արձագանքներից՝ կարծում է եւ հույս ունի, որ «Ստանդարտը» հաջողություն կունենա:

«Ընդամենը մի քանի օր է՝ եթերում է, բազմաթիվ արձագանքներ եմ ստացել, մեկնաբանություններում գրում է թե իմ մշտական լսարանը, եւ թե նոր մարդիկ: Նրանք իրենց հիացմունքն են հայտնում եւ ասում են, որ տարբերվող է՝ ոչ ստանդատ, նաեւ այսպես են ձեւակերպում (ծիծաղում է): Շատ հաճելի է: Երբ աշխատանք ես անում, չես մտածում այնպես անես, որ բոլորը հավանեն, ուղղակի փորձում ես քո լավագույնն անել, լուրջ վերաբերվել, եւ երբ արդյունքը հանձնում ես լսարանին, միշտ էլ հաճելի է, որ շատերն են հավանում»,- ասաց նա:

Երգն Աստղիկ Սաֆարյանի վերջին՝ «Better Way» ալբոմից է, որը լույս էր տեսել 2016 թվականի աշնանը: Այն հարաբերություններում ստանդարտ դարձած արարքների մասին է, երբ փորձում ես քո սիրով դիմացինիդ դարձնել յուրահատուկ, սակայն նրա կողմից արժանանում ես ստանդարտ վերաբերմունքի, երբ նա ստում է, օրերով կորում է.... Երգի հեղինակն Աստղիկ Սաֆարյանն է:

Բացի «Ստանդարտից»՝ նկարահանվել է եւս 2 տեսահոլովակ: 2 երգն էլ նույն ձայնասկավառակից են: Մեկը կոչվում է «Alone», իսկ մյուսը երգչուհին չի ցանկանում բացահայտել. անակնկալ է: 3 տեսահոլովակները նկարահանվել են 2 օրվա ընթացքում: Աստղիկ Սաֆարյանը նշում է, որ նման առաջադրանք է դրել իր եւ իր թիմի առջեւ, որովհետեւ վերջին տեսահոլովակը («Լավն ես՝» դուետ «Մեծ Հայք» խմբի Նարեկի հետ), ներկայացրել էր նախորդ տարվա սեպտեմբերին:

«Սեպտեմբերից արդեն մտածում էի նոր տեսահոլովակի մասին: Մի փոքր ձգձգվեց, որովհետեւ մեծ թիմ պետք է աշխատեր, եւ չէր ստացվում հավաքվել: Ձգձգվեց, ձգձգվեց, ու իմ աշխատանքային տեմպը դադաղում էր: Եկավ մի պահ, որ խնդիր դրեցի իմ թիմի առաջ, եւ որոշեցինք, որ քանի որ այս մի քանի ամիսների ընթացքում չէր ստացվել նկարահանել, ապա պետք է 2 օրում 3 տեսահոլովակ նկարահանենք եւ բացը լրացնենք: Շնորհակալ եմ իմ մեծ թիմին, միահամուռ աշխատեցինք»,- ասաց նա:

3 տեսահոլովակի ռեժիսորն էլ Արմեն Փիրիմասիհին է: Աստղիկը դրանցում ներկայանում է 7 կերպարով, եւ բոլորի հեղինակը նա է, սակայն անկախ ժամանակի սղությունից եւ այն հանգամանքից, որ նույն ստեղծագործությունների վրա նույն թիմն է աշխատել՝ տեսահոլովակներից ամեն մեկը յուրահատուկ է ստացվել, հանգամանքները դրանց որակի վրա բացասաբար չեն անդրադարձել:

«Ուշադիր ենք եղել, որ որեւէ կերպ չանդրադառնա: Նախապես 3-ն էլ պլանավորել էինք, նախապատրաստական աշխատանքների ժամանակ յուրաքանչյուրին առանձին մոտեցում ենք ցուցաբերել»,- ասաց նա:

Տեսահոլովակները նկարահանվել են 2017 թվականի համար եւ մինչեւ տարվա վերջ կհանձնվեն լսարանին: «Ստանդարտը» ներկայացվել է հիմա, քանի որ գույներն ու տրամադրությունը գարնանայի-ամառային են: Մյուս 2-ի հերթականությունն Աստղիկ Սաֆարյանը չի որոշել:

Վերջին շրջանում երգչուհին շատ ակտիվ է նաեւ որպես դիզայներ: Իր ACO ապրանքանիշով ցուցադրություններ է ունեցել Երեւանում, Մոսկվայում: Մայիսի 12 14-ը «Yerevan Fashion Week»-ի ժամանակ հանդես կգա որպես երգչուհի: Նրա ապրանքանիշի որոշ նմուշներ էլ կցուցադրվեն վաճառքի համար: Նա կներկայացնի հիմնականում աքսեսուարներ:

Տպել
2272 դիտում

Ստեփանավանի դենդրոպարկի մուտքի մոտ սահմանափակումներ են դրվել. նախօրեին 10 000 մարդ էր այցելել այնտեղ (լուսանկարներ)

Գեղարքունիքի մարզում կորոնավիրուսի 6 նոր դեպք է հաստատվել

Մինչ այս քրեական հետապնդման մարմինների կողմից իրականացված գործողությունները եղել են ու մնում են իրավաչափ. Գոռ Աբրահամյան

Շիրակի մարզում առաջին անգամ սոյա կմշակվի. ծրագիրը փորձնական է

Անցյալի եւ ապագայի միջեւ գիծ պետք է քաշվի, պետք է հասկանալ՝ ինչ է տեղի ունեցել 1996-ին, 1999-ին, 2008-ին...Ա. Ջուլհակյան

Երևանում տերմինալներից գողություն կատարողների խումբ է բռնվել. ձերբակալվել են 22 և 26-ամյա երկու երիտասարդներ

Այգեձոր բնակավայրի «Այգեձորի գոմեր» կոչվող հանդամասում մոտ 5 հա խոտածածկ տարածք է այրվել

ՍԱՏՄ մշտադիտարկումներն ու կրկնայցերը Երեւան քաղաքում. կրկնակի խախտում է թույլ տվել 2 կազմակերպություն

Նախագահը կրթության փորձագետ Անահիտ Բախշյանի հետ խոսել է Լանզարոտի կոնվենցիայի վերաբերյալ իր մտահոգությունների մասին

Հյուրանոցային համալիրի սեփականատիրոջ կազմակերպմամբ տնօրենին զրկել են ազատությունից, ապա ունեզրկել

Ոստիկանությունում Ռուբեն Հայրապետյանին առնչվող նոր քրեական գործ է հարուցվել

Առողջապահության նախարարը հանդիպել է ՀՎԿԱԿ-ի մասնաճյուղերի տնօրեններին

Գալուստ Սահակյանի որդին ներգրավվել է որպես մեղադրյալ ՔԿ-ում քննվող քրեական գործով

Սննդի անվտանգության տեսչական մարմինը մշտադիտարկումներ է իրականացրել Երեւանում․ հայտնաբերվել են մի շարք խախտումներ

ԱԻՆ-ը շրջայց է իրականացնում ՀՀ տարածքում (Տեսանյութ)

ՀՀ վարչապետը ցավակցական հեռագիր է հղել Իսպանիայի կառավարության նախագահին

Նախագահը ստորագրել է սեռական բռնություններից երեխաների պաշտպանության մասին կոնվենցիան վավերացնելու օրենքը և վավերագիրը

Մենք գնում ենք այս ճանապարհով՝ փոխանցելով «կրիր դիմակ, փրկիր կյանքեր» ուղերձը

Կորոնավիրուսի դեմ պայքարող բուժաշխատողների վարձատրությունը 2-3 անգամ բարձրացել է. ռեանիմատոլոգների պակաս կա

Կորոնավիրուսից մահացած մոր հուղարկավորության ժամանակ վարակված աղջիկները եւս մահացել են