Երևան
20 °C
searchclose
today
menuclose
Երևան
20 °C
6-րդ գումարման Ազգային ժողովն իր աշխատանքները սկսելու է ապրիլի 27-ից, եթե մինչ այդ ընտրությունների արդյունքները չբողոքարկվեն Սահմանադրական դատարանում: Նոր խորհրդարանի առաջին նիստի ժամանակ ԱԺ որոշմամբ կսահմանվի, թե Ազգային ժողովը քանի մշտական հանձնաժողով է ունենալու: Սահմանադրությամբ դրանք 12-ից ավելին չեն կարող լինել: Գործող խորհրդարանում դրանց թիվը հենց 12 էր՝ գումարած 2 ժամանակավոր հանձնաժողով:
ՀՀ ԱԺ աշխատակազմի ղեկավար Հրայր Թովմասյանն օրերս լրագրողների հետ զրույցում հայտնել էր, որ իր կարծիքով նոր խորհրդարանում ամենաօպտիմալ տարբերակը 8-10 հանձնաժողով ունենալն է: Խոսելով հանձնաժողովների թվի կրճատման մասին՝ նա ակնարկել էր, որ կարող են կրճատվել օրինակ, Եվրոպական ինտեգրման (ղեկավարում էր Նաիրա Զոհրաբյանը) եւ Մարդու իրավունքների պաշտպանության եւ հանրային հարցերի (ղեկավարում էր Էլինար Վարդանյանը) մշտական հանձնաժողովները, քանի որ դրանց գործառույթները կարող են կատարել նաեւ այլ հանձնաժողովներ:
Եթե որոշվի, որ պետք է 10 հանձնաժողով լինի, ապա ըստ ԱԺ նոր կանոնակարգի՝ դրանցից 6-ի նախագահի պաշտոնը ՀՀԿ-ին է տրվելու, 3-ինը՝ ԲՀԿ-ին, 1-ը ղեկավարելու է «Ելք»-ը, իսկ ՀՅԴ-ն հանձնաժողովի նախագահի պաշտոն չի ունենա: Դոնթի բանաձեւի համաձայն, որով խորհրդարանական ուժերի միջեւ բաժանվում են հանձնաժողովները՝ առաջինը ՀՀԿ-ն է որոշելու, թե որ հանձնաժողովներն է ղեկավարելու, այնուհետեւ ԲՀԿ-ն, վերջում միայն «Ելք»-ը:
ԱԺ կանոնակարգ օրենքի համաձայն՝ մշտական հանձնաժողովների նախագահների եւ նրանց տեղակալների պաշտոններում թեկնածուների առաջադրման իրավունքը պատկանում է խմբակցություններին: Մշտական հանձնաժողովների նախագահների եւ նրանց տեղակալների պաշտոններում պատգամավորների կազմից թեկնածուների առաջադրման իրավունքը խմբակցությունների միջեւ բաշխվում է Ազգային ժողովի առաջին նստաշրջանի բացման օրը:
Հաշվի առնելով, որ նախորդ գումարման Ազգային ժողովի հանձնաժողովների նախագահներից շատերը չեն վերընտրվել կամ պատրաստվում են այլ պաշտոնի անցնել, սպասվում է, որ նոր Ազգային ժողովում հանձնաժողովների նախագահները նոր մարդիկ կլինեն:
Առողջապահության, մայրության եւ մանկության հարցերի մշտական հանձնաժողովի նախագահ Արա Բաբլոյանն, օրինակ, ըստ տարածված տեղեկությունների՝ Առողջապահության նախարար է նշանակվելու:
Արտաքին հարաբերությունների մշտական հանձնաժողովի նախագահ Արտակ Զաքարյանը երեկ armtimes.com-ի թղթակցի հետ զրույցում չէր հերքել, որ պաշտպանության նախարարի առաջին տեղակալ է նշանակվելու:
Գիտության, կրթության, մշակույթի, երիտասարդության եւ սպորտի հարցերի մշտական հանձնաժողովի նախագահ Արտակ Դավթյանը ՀՀԿ համամասնական ցուցակի 37-րդ տեղում է: Այս պահին դեռ դժվար է ասել՝ այդ տեղը անցողի՞կ է, թե՞ ոչ: Անցողիկ լինելու համար պետք է ինքնաբացարկ ներկայացնեն այդ ցուցակում նրան նախորդող 12 թեկնածուները: Ի դեպ, խոսվում է, որ Արտակ Դավթյանը եւս կարող է Պաշտպանության նախարարությունում պաշտոն ստանալ:
Գյուղատնտեսական եւ բնապահպանական հարցերի մշտական հանձնաժողովի նախագահ Մարտուն Գրիգորյանը ապրիլի 2-ի ընտրություններում առաջադրվել էր ՀՀԿ ռեյտինգային ցուցակով եւ պարտվել Արման Սահակյանին ու Ֆելիքս Ցոլակյանին: armtimes.com-ի տեղեկություններով իշխանությունները նրան խոստացել են Տրանսպորտի, կապի եւ տեղեկատվական տեխնոլոգիաների փոխնախարարի պաշտոնը:
Պաշտպանության, ազգային անվտանգության եւ ներքին գործերի մշտական հանձնաժողովի նախագահ Կորյուն Նահապետյանը ընտրությունների արդյունքում ԱԺ նոր կազմում ընդգրկվելու հնարավորություն ստացել է եւ եթե ոչինչ չփոխվի՝ նա հանձնաժողովի եզակի նախագահներից է, որ շարունակելու է աշխատել:
Պետական-իրավական հարցերի մշտական հանձնաժողովի նախագահ Հովհաննես Սահակյանը եւս այս անգամ այլ պաշտոնի է հավակնում: Նրան պաշտոն են խոստացել գործադիրում: Թե կոնկրետ ինչ պաշտոնի մասին է խոսքը՝ դեռ այդքան էլ հստակ չէ: Շրջանառվող տարբերակներից մեկը Վերահսկիչ պալատի նախագահի պաշտոնն է, թեեւ ՎՊ նախագահ Լեւոն Յոլյանն ընդամենը վերջերս է նշանակվել:
Սոցիալական հարցերի մշտական հանձնաժողովի նախագահ Հակոբ Հակոբյանը չի վերընտրվել: Չնայած, եթե Գեղարքունիքի մարզում ռեյտինգային ընտրակարգով հավաքած իրենց ցուցանիշներով նրան գերազանցած Կարեն Բոթոյանը կամ Ռաֆիկ Գրիգորյանը այլ պաշտոնի անցնեն՝ Հակոբյանը կկարողանա մանդատ ստանալ:
Տարածքային կառավարման եւ տեղական ինքնակառավարման հարցերի մշտական հանձնաժողովի նախագահ Ստեփան Մարգարյանը մանդատ չի ստանալու, քանի որ «ՕՐՕ» դաշինքը պարտվել է ընտրություններում:
Տնտեսական հարցերի մշտական հանձնաժողովի նախագահ Վարդան Այվազյանը եւս մանդատ չի ստանալու:
Ֆինանսավարկային եւ բյուջետային հարցերի մշտական հանձնաժողովի նախագահ Գագիկ Մինասյանը հավանաբար կշարունակի ղեկավարել այդ հանձնաժողովը:
ԱԺ-ում գործող երկու ժամանակավոր (Էթիկայի եւ ժամանակավոր հաշվիչ) հանձնաժողովները ղեկավարում էր ՀՀԿ-ական Սուքիաս Ավետիսյանը: Վերջինս թիվ 11 ընտրատարածքում ապրիլի 2-ի ընտրություններում պարտվել է Արման Սահակյանին ու Ֆելիքս Ցոլակյանին: Եվ եթե նույնիսկ Ֆելիքս Ցոլակյանը այլ պաշտոն ստանա եւ հրաժարվի մանդատից՝ մանդատ կստանա ոչ թե Սուքիաս Ավետիսյանը, այլ Մարտուն Գրիգորյանը: Այնպես որ այս հանձնաժողովը եւս նոր նախագահ է ունենալու:
Հիշեցնենք, որ ապրիլի 2-ին կայացած խորհրդարանական ընտրությունների արդյունքում ՀՀԿ-ն ստացել է 58 (55+3 ազգային փոքրամասնություն) մանդատ, «Ծառուկյան» դաշինքը՝ 31 (30+ 1 ազգային փոքրամասնություն), «Ելք» դաշինքը՝ 9, ՀՅԴ-ն 7 մանդատ:
4 գյուղի հարցի չլուծումը հնարավորություն կտա Ադրբեջանին հրաժարվել գործընթացը շարունակելու պարտավորությունից․ վարչապետ
Մեր ինքնիշխան տարածքից ոչ մի միլիմետր չի կարող զիջվել, սահմանի պահպանության մանդատը ԱԱԾ սահմանապահ զորքինն է․ վարչապետ
Վաշինգտոնում սենատոր Բեն Քարդինի հետ քննարկվել են խաղաղության գործընթացը և տարածաշրջանային զարգացումները․ Կոնջորյան
Մեր դիրքերի լեգիտիմությունը կերաշխավորի, որ Ադրբեջանը նոր պահանջներ չունենա․ վարչապետ
Առաջիկա տարիները մեր պետության համար վճռորոշ նշանակություն ունեն. վարչապետ
Պետք է հնարավորինս արագ իրականացնել սահմանազատման գործընթացը․ վարչապետն ասաց՝ ինչու
Ինչի հիման վրա է սահմանազատումն իրականացվում. Նիկոլ Փաշինյանը մանրամասնեց (տեսանյութ)
Վրաստանում իրավիճակը ծայրահեղ լարվել է․ ցուցարարները կոտրել են խորհրդարանի դարպասները (տեսանյութ)
Տարեշրջանի բացում Երևանի կենդանաբանական այգում․ գործարկվել է նաև անվճար երթուղին (տեսանյութ)
Իրավիճակի էլ ավելի լարումը կարող է «Մայդանի» կրկնությանը բերել. ինչի մասին է իրականում Վրաստանում աղմուկ հանած նախագիծը
«Լեքսուս»-ը շրջվել է․ ըստ տեղեկությունների՝ այն անչափահաս է վարել, ընտանիքի 4 անդամ, այդ թվում 2 երեխա, հիվանդանոցում են
ՏԿԵ նախարարությունը, ԵՄ-ն, Գերմանիայի ՏՀԶՆ-ն 12,3 մլն. եվրո արժողությամբ ծրագիր են մեկնարկել․ այն կիրականացվի 4 մարզում
Ընդգծում ենք հայ-ադրբեջանական սահմանին էսկալացիայից խուսափելու կարևորությունը․ Հունաստանի ԱԳՆ
Վրաստանի խորհրդարանը երկրորդ ընթերցմամբ ընդունել է «օտարերկրյա գործակալների մասին» օրենքը
էս ինչ հաճույք ա, ուստա, սրանից լավ բան չկա․ Արգենը Արցախյան առաջին պատերազմից 30 տարի անց քայլում է (տեսանյութ)
Արդարացնում են բռնություն գործադրողին, թե «եկեղեցին է պաշտպանել», պետք է հստակ ասել՝ ոչ, դու խուլիգան ես. Ռուբեն Բաբայան
Թուրքիան որոշել է միանալ Իսրայելի դեմ Հարավաֆրիկյան Հանրապետության հայցին
Մի խումբ անձանց միջև վիճաբանությունը վերածվել է ծեծկռտուքի․ իրավապահները կանխել են «վենդետան», կան վիրավորներ
«Օտարերկրյա գործակալների մասին» օրենքը կարագացնի Վրաստանի եվրաինտեգրումը․ Կոբախիձե
Հաղարծին բնակավայրում վաղը էլեկտրական շչակ է գործարկվելու
Կոթի գյուղում 2 դիրք հանձնելու վերաբերյալ լուրերը կեղծ են. ՊՆ
Ինչ գործընթաց է սպասվում մոտակա օրերին Կիրանցում․ Նիկոլ Փաշինյանը հարցազրույց է տվել
Փարիզում անկարգություններ են․ ոստիկանությունը մահակներ և արցունքաբեր գազ է կիրառել ցուցարարների դեմ (տեսանյութ)
Հրդեհ է բռնկվել Ջրառատի տներից մեկի բակում․ այրվածքներ ստացած քաղաքացին հոսպիտալացվել է
Վարշավայում անհայտ անձինք փորձել են հրկիզել սինագոգը
Լևոն Քոչարյանի օգնական Արթուր Սուքոյանը ձերբակալվել է
Որևէ արխիվային նյութ չի ոչնչացվել․ Կադաստրի կոմիտեն հերքել է Տիգրան Աբրահամյանի հայտարարությունը
Ասես՝ հատուկ նպատակ կա ապացուցելու, որ ՀՀ-ն էլ Ադրբեջանից պակաս բռնապետություն չէ. Սաֆարյան
Երևանի շատրվանները գործարկվել են (լուսանկարներ)
Լոռու մարզի տարբեր բնակավայրերի բազմաթիվ հասցեներում ջուր չի լինի
Քննարկվել են ՀՀ-ՆԱՏՕ ռազմական համագործակցության ընթացիկ ծրագրերը և դրանց ընդլայնման հնարավորությունները
Քելբաջարում բեռնատար է շրջվել. կա զոհ
14-ամյա տղան դաշտում սինդրիկ հավաքելիս վնասվածքներ է ստացել և տեղափոխվել հիվանդանոց․ պատճառը պայթյունն է եղել
Ստամբուլի ոստիկանությունն արցունքաբեր գազ է կիրառել մայիսմեկյան ցուցարարների դեմ․ կան բերման ենթարկվածներ
ՊՆ շարժական դաշտային հոսպիտալը մասնակցում է ՆԱՏՕ-ի ռազմաբժշկական գերազանցության կենտրոնի զորավարժությանը
Դոլարն ու եվրոն էժանացել են․ ինչ փոփոխություններ է արձանագրել տարադրամի շուկան մայիսի 1-ին
Դրական միտումներ կան, գնում ենք դեպի խաղաղություն․ Ալիև
Բորելը խիստ դատապարտել է Վրաստանում ցույցերը ցրելու համար ուժի կիրառումն ու հիշեցրել ԵՄ անդամի թեկնածու լինելու մասին
ՀՀ ՊՆ-ից հերքում են Գեղարքունիքի մարզի վերաբերյալ մամուլում տարածվող լուրերը
ԱԺԲ ակցիայի վայրից բերման ենթարկված բոլոր անձինք ազատ են արձակվել
