«Թայմ աութ» Սարգսյան-Պուտին հանդիպումից առաջ. պատերազմը անորոշ ժամանակով սառեցված է

Մտավախությունը, թե մինչեւ ապրիլի 2-ի խորհրդարանական ընտրություններ ղարաբաղյան ճակատում կարող էին լայնածավալ ռազմական գործողություններ տեղի ունենալ, այլեւս ժամանակավրեպ է: Դժվար է ասել ինչ տեղի ունեցավ, Հայաստանի, Ռուսաստանի եւ Ադրբեջանի միջեւ ինչպիսի նոր պայմանավորվածություն ձեռքբերվեց, բայց ակնհայտ է, որ  թայմ աութ է հայտարարվել:

Վերջին մեկ ամսվա ընթացքում ռազմական եւ դիվանագիտական դաշտում իրավիճակը ծայրահեղ լարվել էր, տպավորություն կար նույնիսկ, որ ապրիլի 2-ի ընտրությունները հայտնվել են ուղիղ վտանգի առաջ, եւ իրադարձությունների որոշակի զրագացման դեպքում կարող են անգամ չեղյալ հայտարարվել:

Երկու ուղղություններով էլ սակայն եղան կուլմինացիոն պահեր, որոնք լիցքաթափող ազդեցություն ունեցան: Շփման գծում լարվածության կուլմինացիան փետրվարի 25-ի իրադարձություններն էին: Ըստ պաշտոնական տեղեկատվությունների փետրվարի լույս 26-ի գիշերը ադրբեջանական կողմը հարձակման փորձ էր նախաձեռնել շփման գծի երկու ուղղություններով, որոնք հաջողությամբ պսակվելու դեպքում կվերածվեին ապրիլյան քառօրյային համարժեք պատերազմական գործողությունների: Հայկական կողմը, սակայն, կասեցրեց ադրբեջանական ուժերի առաջընթացը, իսկ չեզոք գոտում Ադրբեջանը վեց դի թողեց: Հրապարակվեցին նաեւ տեսագրություններ: Հաջորդող երկու օրերի ընթացքում կրկին պաշտոնական տեղեկատվություն էր գալիս առանձին առճակատումների մասին, հայկական կողմը նույնպես զոհերի մասին հաղորդեց: Սակայն ամբողջական պատկեր, այդպես էլ չունեցանք:

Դատելով միջազգային արձագանքի աշխարհագրությունից եւ ծավալից, կարող ենք ենթադրել, որ հանրությանը մատուցվեց շփման գծում կատարվածի միայն շատ չնչին տոկոսը: Միջադեպին անդրադարձան Իրանի ԱԳՆ-ն, Թուրքիայի վարչապետը, ՄԱԿ-ի գլխավոր քարտուղարը, ԵԱՀԿ ՄԽ համանախագահող պետությունները, Եվրոպական կկառույցների ղեկավարները, առանձին եվրոպական երկրների դեսպաններ: Հայաստանի ՊՆ հրավիրվեցին ՀՀ-ում հավատարմագրված պետությունների ռազմական կցորդներ:  Կատարվածի մասին պաշտոնական տեղկատվությունն ու այս ներկայացուցչական աժիոտաժը, այնքան էլ  համարժեք չէին: Ամեն դեպքում հինգ օր տեւած «հետցնցումներից» հետո իրավիճակը հանդարտվեց, եւ մարտի 3-ից շփման գծում արձանագրվող հրադադարի խախտումները հայտնվեցին նորմայի սահմաններում:

Դիվանագիտական հարթակում կուլմինացիան Հայաստանի ռազմաքաղաքական ղեկավարության հայտարարությունն էր, որ նոր ռազմական էսկալացիայի դեպքում Հայաստանը չի հապաղի կիրառել «Իսկանդեր» հրթիռահրետանային համալիրները: Թե ինչ մեծ հակազդեցության արժանացան այդ հայտարարությունները, արդեն գրել ենք: Եւ այնուամենայնիվ, դրանք ըստ երեւույթին համոզիչ թվացին Հայաստանի ռազամավարական դաշնակցին, որն այս փուլում անթաքույց հովանավորում է Ադրբեջանին:

Հետագա օրերին Ռուսաստանից պատվիրակների տարբեր խմբեր այցելեցին Երեւան, իսկ Կրեմլի պաշտոնական քարոզչությունը պաշտպանվողի եւ արդարացողի դերում հայտնվեց: Հանգուցալուծումը տեղի ունեցավ մարտի 6-ին: Այդ օրը Մոսկվայում կայացավ Ադրբեջանի ԱԳ նախարար Էլմար Մամեդյարովի  հանդիպումն իր ռուս բարեկամի`Սերգեյ Լավրովի հետ: Միեւնույն ժամանակ Երեւանում Սերժ Սարգսյանն ընդունեց  ՌԴ անվտանգության խորհրդի նախագահ Նիկոլայ Պատրուշեւին:

Լավրովի հետ համատեղ մամուլի ասուլիսում Մամեդյարովը  դեռ տաք տաք ինչ-որ բաներ ասում էր, օրինակ, որ Վիեննայի եւ Սանկտ Պետերբուրգի պայմանավորվածությունները պետք է կյանքի կոչվեն բանակցությունների առարկա հարցերի կարգավորմանը զուգահեռ, Ադրբեջանի տարածքները պետք է վերադարձվեն եւ այլն: Բայց արդեն Ռուսաստանի Դիվանագիտական ակադեմիայում ունեցած իր ելույթում նա հայտարարեց, որ Հայաստանի հետ բանակցություններն այս պահին կասեցված են: «Ապրիլի 2-ին Հայաստանում խորհրդարանական ընտրություններ կանցկացվեն: Մենք առաջարկել ենք բանակցությունները շարունակել այդ ամսաթվից հետո»,-ասաց նա:

Մամեդյարովի հայտարարությունը իրականում բանակցություններին չի վերաբերվում: Հայաստանի հետ բանակցությունները կասեցվել են հուլիսին Երեւանում ՊՊԾ գնդի գրավումից հետո: Խոսքը Հայաստանին բանակցությունների վերադարձնելու ջանքերը կասեցնելու մասին է, իսկ այդ ջանքերը բազմակողմանի էին` դիվերսիոն հարձակումներից մինչեւ նոր լայնածավալ ռազմական գործողությունների նախապատրաստություն, դիվանագիտական, քարոզչական հնարքներ, եւ Հայաստանի ռազմավարական դաշնակցի միջոցով ամենատարբեր ճնշումներ:

Ինչ վերաբերում է Սերժ Սարգսյանի եւ Նիկոլայ Պատրուշեւի հանդիպումին, շատ մանրամասներ հայտնի չեն, բացի այն որ «հանդիպմանը քննարկվել են աշխարհում արագ փոփոխվող իրավիճակն ու ժամանակակից մարտահրավերները, Լեռնային Ղարաբաղի խնդրի կարգավորման ներկայիս վիճակը»: Ակնհայտ է սակայն, որ տեղի է ունեցել զուգահեռ խոսակցություն, ճշտվել են թայմ աութի պայմաններն ու ժամկետները, համաձայնություն է ձեռքբերվել, ինչն էլ հիմք է տվել Մամեդյարովին խասել գործընթացների կասեցման մասին, իսկ Սերժ Սարգսյանին` «FrancePress»-ին տված հարցազրույցում հայտարարել, թե ինքը չի կիսում այն կարծիքը, որ մոտ օրերս կարող են ռազմական գործողություններ վերսկսվել:

Սպասվում էր, որ իրավիճակի հանգուցալուծումները պետք է քննարկվեն Սարգսյան-Պուտին առաջիկա հանդիպման ժամանակ: Այն որ, որոշ հարցեր կարգավորվեցին մինչեւ այդ հանդիպումը, անակնկալ էր: ՌԴ նախագահն, ըստ ամենայնի, չցանկացավ մանր մունր դիվերսիաների եւ ձախողված հարձակումների մասին խոսել: Հիմա արդեն դրա կարիքը չի լինի, եւ նրանք միանգամից կանցնեն բուն թեմաներին, որոնց շուրջ փոխըմբռնման աստիճանից էլ կախված կլինի, թե մարտի 6-ին հայտարարված թայմ աութը որքան կտեւի:

Տպել
18255 դիտում

Նավալնիին կալանավորելու որոշում է կայացվել տարօրինակ պայմաններում. նիստը ոստիկանական բաժանմունքում էր

ՃՏՊ Գյումրի-Ազատան ավտոճանապարհին․ կան տուժածներ

Մանկատան շրջանավարտներին բնակարանի գնման վկայագրի գործողության ժամկետը երկարաձգվել է

Հայաստանում համավարակի պայմաններում առկա ուսուցումը հիմնական ծավալով վերականգնված է

Վարդենյաց լեռնանցքը մերկասառույցի պատճառով դժվարանցանելի է բոլոր տրանսպորտային միջոցների համար

Երեւանի համար 20 և 21 մանկապարտեզներն ամբողջապես նորոգված և նոր կահավորմամբ իրենց դռներն են բացել փոքրիկների առջև

Երկրաշարժ Ջերմուկ քաղաքից 10 կմ արևմուտք․ էպիկենտրոնային գոտում ստորգետնյա ցնցման ուժգնությունը կազմել է 2-3 բալ

Ասկերանի շրջանային բաժնի պետն այցելել է անցակետեր

Կառավարության որոշումներով աճուրդի դրված պետական գույքերի համար դեռեւս գնորդներ չեն հայտնվել․ Բաբայան

Ապարան-Քուչակ ավտոճանապարհին տեղ-տեղ առկա է մերկասառույց․ Գեղարքունիքում եւ Սյունիքում ձյուն է տեղում

ՃՈ-ն ուժեղացված ծառայություն է անցկացրել Երևանում, Արարատի և Սյունիքի մարզերում (տեսանյութ)

2020 թվականին պրոթեզավորվել է Արցախի և Հայաստանի գրեթե 850 քաղաքացի

Ջերմային ռեժիմը դպրոցներում և մանկապարտեզներում. այց կրթօջախներ՝ առանց նախազգուշացման

Երեւանցիները բողոքում են նոր տեղադրված վերելակների աշխատանքից, քաղաքապետարանը պարզաբանում է

Նախօրոք հայտարարված 100 վերելակի փոխարեն Երեւանում 2021-ին կտեղադրվի 300-ը

ԱԳ նախարարը Լավրովի հետ քննարկել է ռազմագերիների, պատանդների և պահվող այլ անձանց անհապաղ, անվտանգ հայրենադարձման հարցերը

Փոխվարչապետ Տիգրան Ավինյանի գրասենյակը պարզաբանել է գերիների թվական տվյալները չհրապարակելը. «Արմենպրես»

Ասեց գնում ենք Ղարաբաղ, արդեն տան տղեն դու ես, լավ կնայես տանեցիներին.ոստիկանության մայոր Վահե Ղազարյանը զոհվեց Շուշիում

«Այբ» կրթական հիմնադրամը երկու հայցադիմում է ներկայացրել վարչական դատարան

Ոստիկանության կրթահամալիրում տրվել է ապագա պարեկների ուսուցման մեկնարկը (տեսանյութ)

«Ո՞վ էր ուզում հաշիվները մաքրել փողոցում». Թովմասյանի գործով դատախազին բացարկ հայտնելու միջնորդությունը մերժվեց

Հայաստանի և Ռուսաստանի ՍԴ նախագահները քննարկել են պաշտոնական հարաբերությունների հետագա ամրապնդման հարցերը

Հաստատվել է ուսանողների ՄՈԳ-ի նվազագույն շեմը և ընդունելության մրցութային քննությունների արդյունքներով անցողիկ միավորը

Բնակարան Երեւանի Կենտրոնում, հողամաս, 2 ավտոմեքենա․ Էդուարդ Աղաջանյանի հայտարարագիրը

Մեղրիի Ազատ տնտեսական գոտում քննարկել ենք շուտափույթ գործարկման հնարավորությունները. Վահան Քերոբյան

Գրահրատարակչության ոլորտում առաքման նոր սակագներ կգործեն. քննարկում ԿԳՄՍՆ-ում

Ինչ ունեցվածք ունի առողջապահության նորանշանակ նախարար Անահիտ Ավանեսյանը

Հակակոռուպցիոն կոմիտեի տնօրենին նշանակելու է վարչապետը, սա մեզ համար անընդունելի է. Անի Սամսոնյան

Իրականացվել է մարտական հերթապահության հերթափոխ (լուսանկարներ)

Գյումրիում, Իջևանում, Վանաձորում մտահոգիչ պատկեր է արձանագրվել. ԱԱՏՄ

Արցախի ԱԺ-ում մշտական հանձնաժողովները քննարկել են 2021 թվականի ծրագրերն ու անելիքները

«Հարսանիք թիկունքում» ներկայացման էկրանավորման երեւանյան առաջին ցուցադրությունը կկայանա հունվարի 28-ին

Առողջապահության նորանշանակ նախարարի կենսագրությունը

Կիրականացվի ԶՈՒ պատվո պահակային վաշտի զորակոչիկների ընտրություն. ցանկացողները պետք է դիմեն զինկոմիսարիատներ

2021-ին Երեւանում հնարավոր կլինի գործարկել 250 մեգավատտ հզորությամբ գազային վառելիքով կոմբինացված ցիկլով էլեկտրակայան

Արթուր Աբրահամի կարիերայի 10 հիշարժան դրվագները․ նա հայտարարել է մարզական կարիերան ավարտելու մասին

COVID-19 պատվաստանյութերի անհավասար բաշխման պատճառով աշխարհը գտնվում է բարոյական անդունդի եզրին

Այսօրվանից դադարում եմ իրականացնել առողջապահության նախարարի մամուլի քարտուղարի պարտականությունները․ Ալինա Նիկողոսյան

Դուք շարունակում եք կատարել դեկորատիվ բարեփոխումներ․ ԱԺ-ում քննարկվեց հակակոռուպցիոն դատարաններ ստեղծելու նախագիծը

Վարորդ-սանիտար Հովիկ Մուսայելյանը, բարդ իրադրությունում վտանգելով կյանքը, տեղափոխել է վիրավոր զինծառայողներին