Երևան
15 °C
searchclose
today
menuclose
Երևան
15 °C
Նոր Ընտրական օրենսգրքի եւ նոր ընտրակարգի կիրառման արդյունքում ապրիլյան ընտրությունների քվեարկության օրը ընտրատեղամասերում յուրաքանչյուր ընտրողի տալու են այնքան քվեաթերթիկ, որքան կուսակցություն կամ դաշինք է մասնակցելու ընտրություններին: Հայտնի է, որ ընտրություններին մասնակցելու համար Կենտրոնական ընտրական հանձնաժողով են դիմել հինգ կուսակցություն եւ չորս դաշինք: Այսինքն՝ քվեարկության օրը ընտրողին տրվելու է 9 քվեաթերթիկ: Ընտրողը դրանց միջից ընտրելու է այն մի քվեաթերթիկը, որի վրա նշված է իր նախընտրած ուժի անունը: Մնացած 8 քվեաթերթիկները նա շպրտելու է քվեախցում տեղադրված աղբաման-տուփի մեջ: Իսկ իր նախընտրած ուժի քվեաթերթիկի վրա համապատասխան նշան պիտի դնի որեւէ թեկնածուի անվան դիմաց, քվեաթերթիկը դնի ծրարի մեջ եւ գցի քվեատուփի մեջ:
Նկատենք, սակայն, որ քվեարկելու ընթացքում խցիկում տեղադրված այդ աղբաման-տուփի միջից ընտրողը կարող է վերցնել մի որեւէ կուսակցություն կամ դաշինք պատկերող քվեաթերթիկ, գաղտնի դուրս հանել ու այդպիսով կազմակերպել ընտրական գործընթացներում հայտնի «կարուսելի» մեխանիզմը: Այսինքն՝ դուրս հանված մաքուր քվեաթերթիկն արդեն ինչ-ինչ ազդեցության լծակներով արդեն քվեարկած վիճակում կարող է տրվել որեւէ ընտրողի, որպեսզի նա դա գցի քվեատուփի մեջ, փոխարենը նույն ուժին պատկանող մաքուր քվեաթերթիկը դուրս հանի: Ու այդպես շարունակ դրսից ավելացնելով իր նախընտրած ուժի օգտին կատարված քվեարկությունները: Այսինքն՝ այդ հնարավորությունն ավելի կհեշտացնի նախորդ ընտրություններից մեզ հայտնի ընտրակեղծիք անելու «կարուսելի» մեխանիզմը:
Կենտրոնական ընտրական հանձնաժողովի նախագահ Տիգրան Մուկուչյանը հավատացնում է, որ դեն շպրտված քվեաթերթիկները վերցնելով՝ հակառակը, ընտրողը կարող է խուսափել այդ ազդեցությունից: Նա դրսից ներս բերած քվեաթերթիկը կարող է շպրտել այդ ավելորդ քվեաթերթիկներով տուփի մեջ, այնտեղից հանել իր նախընտրած ուժին պատկանող քվեաթերթիկը, քվեարկել, այն դնել ծրարի մեջ ու գցել քվեատուփը: «Այդ դեպքում դրսից որեւէ մեկը չի կարող իմանալ, թե դու որ թեկնածուի կամ որ կուսակցության կամ դաշինքի օգտին ես քվեարկել: Այս մեխանիզմը հենց ձեր ասած այդ վտանգից խուսափելու համար է: Եվ այս դեպքում անիմաստ է դառնում դրսից որեւէ վերահսկողություն»,- մեզ հետ զրույցում վստահեցնում է ԿԸՀ նախագահը:
- Կարծում եք` ամբողջությամբ աշխատելո՞ւ է ձեր նկարագրած այդ մեխանիզմը, թե, այնուամենայնիվ, ընտրողը դրսից բերած քվեաթերթիկն է գցելու քվեատուփի մեջ: Հատկապես որ այս նոր ընտրական մեխանիզմը բավականին բարդ է, եւ շարքային ընտրողը դեռ ամբողջությամբ չի տիրապետում դրան:
- Նորից եմ կրկնում, եթե ինչ-ինչ պատճառներով կա կաշկանդվածություն եւ ես չեմ կարողանում ձեզ առարկել եւ վերցնում եմ քվեարկած քվեաթերթիկը, բայց քվեախցում արդեն հնարավորություն կա ավելորդ քվեաթերթիկների տուփից վերցնել իմ ցանկացած կուսակցության կամ դաշինքի քվեաթերթիկը եւ դրսից բերածը շպրտել այնտեղ: Եվ ինձ վերահսկողը որեւէ կերպ չի իմանա, թե ներսում ես ինչ արեցի:
- Իսկ հնարավոր չէ՞ր ավելի տնտեսող պարզ մեխանիզմ գտնել, որ ամեն մի ընտրողի հաշվով 8 քվեաթերթիկ դեն չշպրտվեր:
- Ես չեմ կարող ասել, մենք Ընտրական օրենսգրքով ենք առաջնորդվում:
- Այսինքն՝ մնում է դրսում ընտրողի վրա տարբեր՝ վարչական, թաղային, ընտրակաշառքի լծակներով ազդելու տարբերակը:
- Դա արդեն ընտրողների իրավագիտակցության խնդիրն է, որի մասին բոլորն են բարձրաձայնում: Համենայնդեպս, կարող եմ միանշանակ պնդել, որ տեղամասային ընտրական հանձնաժողովներում լիակատար թափանցիկություն է ապահովված:
- Պարոն Մուկուչյան, վերջին 4-5 համապետական ընտրությունների ժամանակ ընդդիմությունը պնդում է, որ իշխանությունները հաղթել են` Հայաստանից բացակայող մոտ 500 քաղաքացիների փոխարեն քվեարկություն ապահովելով: Փաստորեն, եթե նոր ընտրակարգն ընտրատեղամասերում լիակատար թափանցիկություն է ապահովում, ինչպես դուք եք հավաստիացնում, ուրեմն, այս ընտրություններին մասնակցող քաղաքացիների թիվը պետք է հենց այդքանով էլ պակաս լինի:
- Քանի որ ես ձեր նշած այդ տեսակետն անվերապահորեն չեմ ընդունում, դրա համար ես չեմ կարող այն մեկնաբանել:
Նարեկ Մանասյանը հաղթել է Ադրբեջանը ներկայացնող բռնցքամարտիկին
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ Նիկոլ Փաշինյանը հանդես է եկել զեկույցով
Հրդեհ է բռնկվել ռեստորաններից մեկի ծխատարում
ԼՂ-ից բռնի տեղահանված ուսուցիչների օժանդակության ծրագրի գործողության ժամկետը երկարաձգվել է
ԱԳՆ-ում քննարկվել են Բրյուսելի եռակողմ հանդիպման ընթացքում ձեռք բերված պայմանավորվածություններին վերաբերող հարցերը
«Ակադեմիական քաղաք» ծրագիրը քննարկվել է մարզերում գործող ՀՀ պետական բուհերի ռեկտորների հետ
Բռնցքամարտի ԵԱ․ Բարեղամ Հարությունյանը եզրափակչում է
Կստեղծվի և կներդրվի թանգարանների Էլեկտրոնային տոմսերի միասնական ավտոմատացված համակարգ
Այն ինչ տեղի ունեցավ 1915-ին, չկանխվեց և պատճառ դարձավ նմանատիպ իրադարձությունների կրկնությանը շատ երկրներում․ նախագահ
Մենք «ՈՒԱԶ»-ով չենք մտել ժողովրդի մեջ, չորս տարեկան թևը կոտրած երեխա էր սպասում. հարցազրույց Տավուշի ԵԿՄ նախագահի հետ
Եգիպտոսն Իսրայելին է փոխանցել մեկ տարով հրադադարի մասին ՀԱՄԱՍ-ի առաջարկը
Երևան-Գյումրի ճանապարհին բեռնատարներ են բախվել․ «ԶԻԼ»-ը կողաշրջվել է
2․5 գյուղի ավերակների վերադարձը միակողմանի չէ, քանի որ դրա դիմաց մենք Ադրբեջանից լուրջ խաղաքարտ ենք ստանում․ Իոաննիսյան
Ազգային ժողովը Ռուսաստանի Դաշնությունից նամակ չի ստացել
Դանիական պատվիրակությունը Գորիսում ԵՄ դիտորդական առաքելության հետ պարեկություն է իրականացրել
Ժողովուրդը շատ լավ է հասկանում, թե իր շուրջն ինչ է տեղի ունենում, փողոցում գտնվողները արդյունքի չեն հասնելու. Մկրտչյան
«Օրենքով գող»-ը ակումբներից մեկում վիճաբանել, հայհոյել է, հարվածներ հասցրել մեկ անձի․ նրան մեղադրանք է ներկայացվել
Աբովյանի կամրջի հարևանությամբ մեքենաներ են բախվել
Ռուբեն Վարդանյանը դժկամությամբ, բայց համաձայնել է ընդհատել հացադուլը․ նրան թույլ են տվել խոսել կնոջ հետ
Սանոսյանն ու Կոպիրկինը ԱԷԿ-ի 2-րդ էներգաբլոկի շահագործման երկարաձգման աշխատանքների վերաբերյալ հարցեր են քննարկել
Ալեն Սիմոնյանն ու Դըվինազը մտքեր են փոխանակել անվտանգային և տնտեսական դիվերսիֆիկացման հնարավորությունների շուրջ
Ալագյազում Մալխաս և Ռոման Ամոյանների անվան նոր մարզադպրոց կկառուցվի
Փոխվարչապետն ու Իրանի դեսպանն անդրադարձել են սահմանազատման գործընթացի վերջին զարգացումներին
Նոյեմբերյան-Բագրատաշեն ճանապարհը փակած ակցիայի մասնակիցը ձերբակալվել է․ վերջինս հետախուզման մեջ է եղել
Զինծառայողը ականապայթյունային վնասվածք է ստացել
Միրզոյանը Սերբիայի ԱԳ նախարարի հետ հեռախոսազրույցում ընդգծել է Հարավային Կովկասում հարատև խաղաղության կարևորությունը
Կորոնավիրուսի ժամանակ 829 կեղծ պատմագրի հիման վրա Առողջապահության նախարարությունից հափշտակվել է 263 մլն 480 հազար դրամ
Ռեստորանի մոտ մեքենաներ են բախվել․ դրանցից մեկը դուրս է եկել երթևեկելի գոտուց, բախվել օբյեկտներից մեկի պատին
Հիմա հեշտ է պառկել ասֆալտին ու ցույց տալ, թե փրկում եք հայրենիքը․ Սաֆարյանը՝ ԱԺ նախկին գործընկերներին
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 20 սահմանային սյուն է տեղադրվել
ԱԺԲ-ի հանրահավաքի ժամանակ բռունցքով ոստիկանության ծառայողի գլխին հարվածած կինը ձերբակալվել է
Հակոբ Արշակյանը Սիրիայի Ժողովրդական ժողովի փոխնախագահին է ներկայացրել «Խաղաղության խաչմերուկ» նախագիծը
Պապոյանն ու ՌԴ դեսպանը քննարկել են Վերին Լարսով Վրաստանից Ռուսաստան տանող ճանապարհով բեռնափոխադրումների խնդիրները
Տաքսու մեջ ծխելու հետ կապված վեճի ժամանակ ուղևորը քիմիական նյութ է փչել վարորդի դեմքին․ վերջինս այրվածքներ է ստացել
Հնդկաստանի ԱԳՆ-ն արձագանքել է Հայաստանին զենք մատակարարելու վերաբերյալ Ադրբեջանի քննադատությանը
ՄԻՊ արագ արձագանքման խմբեր են մեկնել Ոստիկանության բաժիններ՝ այսօր բերման ենթարկված անձանց տեսակցելու համար
Դոլարն էժանացել է․ ինչ փոփոխություններ է արձանագրել տարադրամի շուկան ապրիլի 25-ին
«Խաղաղության խաչմերուկը» Հայաստանի տեսլականն է դեպի խաղաղություն. Սիմոնյանը՝ Սիրիայի խորհրդարանի փոխխոսնակին
Ռուսաստանի, Հայաստանի և Ադրբեջանի միջև եռակողմ պայմանավորվածությունները շարունակում են մնալ արդիական. Զախարովա
Կարծում եմ՝ պետք է քննարկենք այդ հարցը․ Ալեն Սիմոնյանը՝ Ադրբեջանից Հայաստան գազ ներկրելու՝ Իլհամ Ալիևի առաջարկի մասին
