Յուրաքանչյուր ընտրատեղամաս մեկ օր ինտերնետ կապով ապահովելու համար պահանջում են 300 եվրո

Երեկ երեկոյան վերջապես ընդդիմության եւ իշխանության ներկայացուցիչներից կազմված հանձնաժողովը համաձայնության է եկել ապրիլյան խորհրդարանական ընտրությունների ժամանակ տեսանկարահանող սարքավորումներ տեղադրելու հարցի շուրջ:

Հիշեցնենք, որ սեպտեմբերին Ընտրական օրենսգրքում կատարված արդեն երկրորդ փոփոխությունների եւ ընդդիմության ու իշխանության միջեւ կայացած համաձայնության արդյունքում ապրիլի 2-ի ընտրություններին Հայաստանի բոլոր ընտրատեղամասերում պետք է տեսանկարահանող սարքեր տեղադրվեն եւ ընտրական ողջ գործընթացը, սկսած քվեարկությունից մինչեւ ուշ գիշեր՝ հաշվարկման ավարտը պետք է ուղիղ հեռարձակվի: Այդ սարքերը պետք է տեղադրվեին ոչ միայն ընտրատեղամասի ներսում, այլ նաեւ դրսում: Այսինքն անհրաժեշտ էր մոտ 4000 տեսանկարահանող սարք:

Մինչդեռ երեկոյան ձեռք բերված պայմանավորվածության համաձայն՝ սույն սարքերը տեղադրվելու են միայն ներսում, այն էլ ՀՀ ոչ բոլոր ընտրատեղամասերում՝ ընդամենը 1500-ում: Ընդ որում, երեկ մինչեւ օրվա կեսը հանձնաժողովից ստացված տեղեկություններն այնպիսին էին, որ այդ պայմանավորվածությունն էլ է ձախողվելու, քանի որ գումարը չի բավականացնում բոլոր ընտրատեղամասերում անգամ մեկական տեսանկարահանող սարքավորում տեղադրելու համար: Մինչ երեկ այդ ընկերությունը եւ իշխանական կողմը, որը երբեմն ներկայացել է նաեւ կառավարության աշխատակազմի ղեկավար-նախարար Դավիթ Հարությունյանի եւ նրա խորհրդական, ինչպես նաեւ «Էկենգ» ընկերության տնօրեն Արթուր Թունյանի դեմքով, առանց որեւէ փոխզիջման առաջարկել են տեսախցիկներ տեղադրել ընդամենը 1000-ից քիչ ավելի ընտրատեղամասերում: Ընդդիմությունը չի համաձայնել՝ ասելով, որ այդ տարբերակն ընդամենը ծրագրի իրականացման իմիտացիա կլինի: Բայց կեսօրից հետո, պարզվում է, իրավիճակ եւ որոշակի պայմաններ են փոխվել:

Բանն այն է, որ այդ սարքավորումները ձեռք բերելու, ընտրությունների օրը դրանք տեղադրելու ու ողջ օրը սպասարկելու եւ ուղիղ հեռարձակում ապահովելու համար հանձնաժողովի հայտարարած մրցույթին ընդամենը մեկ ընկերություն էր դիմել՝ հայ-կանադական ինչ-որ Ի ԱՅ ՍԻ Տելեկոմ, որը գործընթացն ապահովելու համար 3,8 միլիոն եվրոյի բյուջե էր ներկայացրել: Ծրագրի ֆինանսավորումը ստանձնած Եվրամիությունը 1,6 միլիոն եվրո էր հատկացրել: Եվ ստացվում էր, որ գործընթացը ձախողվում է բավարար չափի ֆինանսական միջոցներ չլինելու պատճառով: Հայաստանում ԵՄ պատվիրակության ղեկավար, դեսպան Պյոտր Սվիտալսկին նախօրեին հույս էր հայտնել, որ փոխզիջումների գնալով, այնուամենայնիվ, հնարավոր է գտնել հարցի լուծումը: Նա նաեւ կոչ էր արել ՀՀ կառավարությանը, որպես իր կողմից ներդրում, չեղյալ համարել սարքավորումների ներկրման համար գանձվող հարկերը: ԵՄ դեսպանը տրամադրված չէր հավելյալ գումար հատկացնել: «Ես չափավոր լավատես եմ եւ կարծում եմ, որ բոլոր կողմերին հարմար լուծում կգտնվի: Մենք կոչ կանենք, որ փոխզիջումային մթնոլորտ ձեւավորվի, այն դեպքում, երբ բոլորս էլ գիտենք՝ դա խիստ դժվար է: Բացի այդ՝ հույս ունեմ, որ տեխնոլոգիան կհասնի եւ կփորձարկվի Հայաստանում»,- ասել էր ԵՄ դեսպանը:

Մինչդեռ երեկ երեկոյան նիստի ավարտից հետո հանձնաժողովում «Ժառանգություն» կուսակցության ներկայացուցիչ Սյուզաննա Ալեքսանյանը մեզ հետ զրույցում նշեց, որ ԵՄ-ն որոշել է եւս 400 հազար եվրո ավելացնել: Այսպիսով, ԵՄ-ի կողմից հատկացվելիք ողջ գումարը կազմեց 2 միլիոն եվրո: ՀՀ կառավարությունն էլ, անսալով ընդդիմության ու ԵՄ-ի կոչերին, իր հերթին եւս 300 հազար եվրո կհատկացնի որպես հարկերի փոխհատուցում: Արդյունքում բոլոր կողմերը փոխհամաձայնության են եկել: Նշենք նաեւ, որ հանձնաժողովի վերջին նիստերին ինտենսիվորեն մասնակցել է նաեւ ԵՄ պատվիրակության ներկայացուցիչը՝ հասկանալու համար խնդիրները եւ այն հարցը, թե այդ խնդիրները հատկապես որ կողմից են հարուցվում կամ հատկապես որ կողմը կոմպրոմիսի չի գնում:

Ստացվում է, որ ԵՄ-ն ավելացնում է ֆինանսավորումը՝ ՀՀ իշխանությանը կանգնեցնելով փակուղու առաջ, որ այլեւս ծրագիրը տապալելու հնարավորություն չունենա. հատկապես որ մինչեւ երկկողմ այդ հանձնաժողովի ձեւավորումը ընդդիմությունը մտահոգություն էր հայտնում, թե իշխանությունը սա նույնպես կձախողի: Դեռեւս այն ժամանակ կանխատեսվում էր, որ իշխանությունը կարող է այնպես կազմակերպել, որ այդ մրցույթին ընդամենը մի ընկերություն դիմի եւ այնպիսի պայմաններ ներկայացնի, որոնք հնարավոր չլինի կատարել: Ու քիչ էր մնում այդ կանխատեսումն իրականանար, բայց ԵՄ դեսպանն այն կանխեց՝ ավելացնելով ֆինանսավորումը եւ իշխանություններին հասկացնելով, որ այս ընտրությունների ընթացքը խիստ կարեւոր է:

Ինչ վերաբերում է 1500 ընտրատեղամասերին, ապա հանձնաժողովում ՀՅԴ ներկայացուցիչ Համլետ Աբրահամյանի տեղեկացմամբ, հավանաբար, կընտրվեն այնպիսիները, որոնք առավել մեծաքանակ ընտրողներ կունենան եւ կապուղիների ու հեռարձակման խնդիր չեն ունենա: «Եվ դրանք ըստ էության կծածկեն էլեկտորատի 93 տոկոսը»,- հավելեց նա:

Իսկ թե Ի ԱՅ ՍԻ Տելեկոմ ընկերությունն ընտրությունների ընթացքը տեսանկարահանելու եւ ուղիղ հեռարձակելու համար ինչպես է ստացել նման ուռճացված բյուջե՝ 3,8 մլն եվրո, կարելի է հասկանալ մի քանի հետաքրքիր թվերից: Պարզվում է՝ ընկերությունը մեկ տեսախցիկ ձեռք բերելու համար պահանջել է մոտ 600 եվրո, մեկ ընտրատարածքում ընդամենը մեկ օրով հեռարձակմա ինտերնետ կապի համար՝ 300 եվրո, ուղիղ հեռարձակման համար անհրաժեշտ տեխնոլոգիայի համար 300.000 եվրո: Այդպիսով՝ այդ 1500 ընտրատեղամասերի միայն տեսախցիկների համար պահանջել է մոտ 907.500 եվրո, ինտերնետ կապի համար՝ 450 հազար եվրո, եւ այս երեքը միասին կազմել են մոտ 1 մլն 657 հազար եվրո: Գումարի մնացած մասը 2 մլն 142 հազար եվրոն էլ այդ գործընթացի սպասարկման գումարն է, որը յուրաքանչյուր տեղամասի համար կազմում է մոտ 1400 եվրո: Այսինքն, ընդամենը մեկ օրվա աշխատանքի համար՝ 1400 եվրո, որին անգամ ամենահարուստ երկրներում կերազեին: Այսքանից հետո մնում է պարզել, թե ում է պատկանում այդ ընկերությունը, եւ արդյոք Դ. Հարությունյանն ու Ա. Թունյանը որեւէ առնչություն չունեն դրա հետ:

Տպել
6792 դիտում

«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին

«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը

Թուրքիայում 5․6 մագնիտուդ ուժգնությամբ երկրաշարժ է տեղի ունեցել

ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող

ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները

Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե

ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին

Վարչապետն ընդունել է Մարտին Շտիկելին․ ՀՀ կառավարության և «Fichtner»-ի միջև փոխգործակցությանն առնչվող հարցեր են քննարկվել

Արարատի մարզում բենզալցակայանի գործունեություն է դադարեցվել, այն ապամոնտաժվել է

Մինչև 1% cashback Wildberries-ում IDBank-ի քարտով վճարելիս

Նիկոլ Փաշինյանն ու Բրիս Ռոքֆոն Հայաստան-ԵՄ համագործակցությանը վերաբերող հարցեր են քննարկել

Բրյուսելյան հանդիպմանը գաղտնի օրակարգ չի եղել, Ադրբեջանական լրատվամիջոցներում հրապարակված թուղթը կեղծ է․ ԱԳՆ խոսնակ

Երևանում հաստաբուն ծառը կոտրվել և ընկել է ավտոմեքենաների վրա

ԵՄ-ն մեկնաբանել է Լեռնային Ղարաբաղից ռուս խաղաղապահ զորքի դուրսբերման գործընթացը

Amio Visa Signature Business քարտ. երբ հնարավորությունները սահմաններ չունեն

Հայտնի է՝ Գեղարքունիքում ովքեր են բռնաբարել 13-այա աղջկան. նրանք 74 և 66 տարեկան տղամարդիկ են

Բացահայտվել է ավելի քան 13 կգ թմրամիջոցի մաքսանենգության դեպք․ հետախուզվողը հայտնաբերվել է, խմբի 2 անդամ կալանավորված է

Հայաստանում ԵՄ դիտորդական առաքելությունը ոչ մի օգուտ չի բերում Հարավային Կովկասին. Զախարովա

Դավիթ Տոնոյանի խափանման միջոցը փոխելու միջնորդությունը մերժվել է

Հայաստանին պետք է ռազմական օգնություն ցուցաբերել․ Ֆրենկ Փալոնը կոչով դիմել է ԱՄՆ-ին

13-ամյա երեխայի նկատմամբ սեքսուալ բնույթի գործողություններ են կատարվել․ 2 տղամարդ է կալանավորվել

«Խաղաղության խաչմերուկ»-ը կարող է ներդաշնակորեն համադրվել բոլոր ենթակառուցվածքային ծրագրերին. Հայկ Կոնջորյան

Դոլարը կրկին էժանացել է․ ինչ փոփոխություններ է արձանագրել տարադրամի շուկան ապրիլի 18-ին

«Դինամո»-ում «Թաեքվոնդոյի» մարզիչը հայհոյել է ֆեդերացիայի նախագահին, ապա՝ ծեծի ենթարկել

Հայաստանն ու Չինաստանը համագործակցում են միջազգային հարթակներում. Հակոբ Արշակյան

Վենետիկի արվեստի միջազգային 60-րդ բիենալեին Հայաստանը կներկայանա պաշտոնական տաղավարով

16-ամյա տղան դանակահարել է 43-ամյա ոչ սթափ տղամարդուն. ձերբակալելիս պատանու մոտ թմրամիջոց է հայտնաբերվել

Ադրբեջանն էթնիկ զտումներ է իրականացրել Լեռնային Ղարաբաղի հայերի նկատմամբ․ Ջուդի Չու

ԼՂ-ում տեղակայված ռուս-թուրքական համատեղ մշտադիտարկման կենտրոնն ավարտում է իր գործունեությունը

ՔԿ զինվորական քննչական գլխավոր վարչության չորրորդ կայազորային բաժինը նոր ղեկավար ունի

Հայ ժողովուրդը կրկին ոտքի կկանգնի, ինչպես դա արեց Ցեղասպանությունից հետո․ ԱՄՆ կոնգրեսական

«Լունապարկում» 1 տարեկան երեխան ընկել է ատրակցիոնից, ծնողը մեղադրում է, որ նրան չեն ամրակապել

Ռուսաստանը Հայաստանից հստակ արձագանք է ակնկալում. Զախարովա

ԱՄՆ-ի կողմից Հայոց ցեղասպանության ճանաչմանն ու դատապարտմանը պետք է հետևեն իրական հետևանքներ․ Ադամ Շիֆ

«Ուշ ա». Լիլիթ Հովհաննիսյանն ու GASOIIA-ն ներկայացրել են տեսահոլովակի պրեմիերա

Խոշոր ավտովթար Կոտայքի մարզում. ուղևորը մահացել է, վարորդը՝ հոսպիտալացվել (լուսանկարներ)

Սամվել Վարդանյանը ճանաչվել է տուժող. վերջինիս բռնության ենթարկելու հաղորդման հիման վրա նախաձեռնվել է վարույթ

Մահվան ելքով վրաերթի հեղինակ դարձած և փախուստի դիմած վարորդը հայտնաբերվել է

Եղանակը կտաքանա ևս 2-3 աստիճանով. սպասվում է կարճատև անձրև և ամպրոպ

«Նուբարաշեն» ՔԿՀ տեսակցության եկած անձը մարիխուանայով փաթեթ է բերել