Երևան
12 °C
Նոյեմբերի 19-ի երեկոյան Երեւանի «Չաո բամբինո» մանկական սրճարանում կազմակերպված ծննդյան տոնի արարողությունն ուղեկցվել է փուչիկի պայթյունով:
Երեխաներից մեկը՝ 10-ամյա Արեգը, դեմքի ու պարանոցի շրջանում ստացել է առաջին եւ երկրորդ աստիճանի այրվածքներ: Արեգի հորեղբայր Նաիրի Բարսեղյանը երեկ մեր զրույցում պատմեց. «Մեր երեխաները հյուր էին հրավիրված. «Չաո բամբինո» մանկական սրճարանում ծննդյան տարեդարձ էր: Ժամը 20-ի սահմաններում փուչիկները, որոնք իմ կարծիքով պետք է լիցքավորված լինեին հելիում գազով, բայց լցված են եղել սովորական մեքենայի պրոպան-բութան, թե պրոպան-մեթան գազով, այրվել են, ու երեխաները ստացել են վնասվածք: Ավելի շատ եղբորս տղան է վնասվել, առաջին-երկրորդ կարգի այրվածքներ է ստացել: Մնացած երկու երեխաները թեթեւ այրվածքներով են՝ մազերի խանձվածք եւ այլն»: Երեխային տեղափոխել են «Արաբկիր» բժշկական համալիր, որտեղից էլ շտապ օգնության մեքենայով ուղարկել են այրվածքաբանության հանրապետական կենտրոն: Անհրաժեշտ բուժօգնությունն այստեղ ստանալուց, այրվածքները մշակվելուց հետո փոքրիկին տուն են տարել: Նաիրի Բարսեղյանի փոխանցմամբ, սրահի՝ փուչիկներով ձեւավորումը եղել է սրճարանինը, եւ դրանք բերված չեն եղել դրսից:
«Չաո բամբինո» սրճարանի տնօրեն Գրիշա Հարությունյանը, իր հերթին, վստահեցրեց, որ իրենք այդ փուչիկները ձեռք են բերել այլ կազմակերպությունից եւ չէին կարող իմանալ՝ դրանք ինչով են լիցքավորված: «Պարզապես եղել է խնդիր, որը պետք է չլիներ, բայց մեր մեղավորությունը, ճիշտն ասած, ես այստեղ չեմ տեսնում»,- ասաց նա: Հարությունյանի փոխանցմամբ, սրճարանին ծառայություն առաջարկած կազմակերպությունն իրեն անվանել է «Փուչիկների աշխարհ» ու նաեւ ցույց է տվել հելիում գազով լիցքավորելու իրավունքը հավաստող փաստաթուղթ: Իրենք համարել են, որ տոնական միջոցառումն իրականացնելու համար ձեռք են բերել հելիումով լիցքավորված փուչիկներ եւ վճարել են համարժեք: Այսինքն՝ թանկ: «Չաո բամբինոյի» տնօրենը նաեւ հայտարարեց, որ այսուհետ սրճարանում գազով փուչիկներ չեն լինի: Ասաց, որ գրություն են փակցնելու սրճարանի պատին այն մասին, որ արգելվում է ներս տանել ցանկացած տիպի գազով փուչիկներ, որովհետեւ, ըստ նրա, հաճախ է պատահում, որ այցելուները դրանք իրենց հետ բերում են դրսից: Գրիշա Հարությունյանը, ի դեպ, տարակուսանք հայտնեց, որ բողոքներ ու դժգոհություններ են եղել, որովհետեւ, ինչպես նշեց, նույնիսկ միջադեպից հետո բոլոր հյուրերը մնացել են մինչեւ շոուի ավարտը, իսկ հեռանալիս շնորհակալություն հայտնել: «Ավելի շատ վախի մթնոլորտ էր ստեղծվել, քան առողջությանը վնաս էր հասցվել»,- ընդգծեց նա:
Մանկական սրճարանի տնօրենից, որը ցույց տվեց «Փուչիկների աշխարհ» կազմակերպության այցեքարտը, որտեղ միայն հեռախոսահամարներ կային, հետաքրքրվեցինք, թե իրենց կասկածելի չի՞ թվացել, որ որեւէ հասցե այնտեղ նշված չէ: «Դա մեր իրավասությունների մեջ չի մտնում, որպեսզի մենք իրավաբանորեն ճշտենք, նոր հետը աշխատենք»,- պատասխանեց նա:
Բայց որքան էլ սրճարանի տնօրինությանը փոխանցված այցեքարտի վրա ոչ մի հասցե չի նշվում, «Չաո բամբինոյում» գիտեն՝ որտեղ է աշխատում իրենց մատակարարը: Խոսքը Լեփսիուսի փողոցի բնակելի շենքերից մեկի մասին է: Այցելելով նշված հասցե՝ մեզ դիմավորեց «Փուչիկների աշխարհի» տնօրեն ներկայացած Արթուրի մայրը՝ վստահեցնելով, թե ինքը գաղափար անգամ չունի, որ որդին փուչիկներ է լիցքավորում: Նա, ըստ կնոջ, աշխատում է որպես տաքսու վարորդ: Տիկինն առաջարկեց մտնել բնակարան ու համոզվել, որ այնտեղ չկա փուչիկներ լիցքավորելու ոչ մի հարմարություն: Բացեց նաեւ ավտոտնակի դուռը, որտեղ, ըստ որդու, ինքը լիցքավորել է փուչիկները: Ավտոտնակում նույնպես կատարվող այդօրինակ աշխատանքի մասին վկայություններ չկային: Ինքը՝ Արթուրը, հեռախոսազանգին պատասխանելով, սկզբում չցանկացավ կատարվածի վերաբերյալ մեկնաբանություններ տալ, հետո նրա հետ կապ հաստատելը դարձավ անհնար: Իմիջիայլոց, նրա ընտանիքը ապրում էր նկատելիորեն ոչ այնքան բարվոք բնակարանային ու կենցաղային պայմաններում:
ՀՀ ոստիկանության լրատվական ծառայությունից երեկ մեզ փոխանցեցին, որ կատարվածի առիթով նախապատրաստվում են նյութեր: Ոստիկանությունում, սակայն, տրամադրվածություն էր նկատվում, որ կատարվածը մի լուրջ բան չէ՝ առանձնապես ուշադրության արժանի: Իսկ այդ տպավորությունները հաստատվում են նրանով, որ երեկ դեռեւս իրավապահներից եւ ոչ մեկը չէր այցելել դեպքի վայր:
Եւ եթե 2012-ին Հանրապետության հրապարակում տեղի ունեցած փուչիկների զանգվածային պայթյունից հետո որոշ լավատեսների կարող էր թվալ, թե խնդրին պատշաճ ուշադրություն է դարձվում ու այլեւս հազիվ թե Հայաստանում այդպիսի դեպքեր գրանցվեն, փորձը ցույց է տալիս, որ այսրոպեական նյութական շահը միշտ խցկվում, հայտնվում է առաջին տեղում: Հելիումը, ինչպես հայտնի է, պայթյունավտանգ չէ եւ շատ ավելի թանկ է, քան գազի մյուս տեսակները:
Լուրերը, թե ադրբեջանական կողմից Տավուշի հատվածում կրակոցներ են հնչել, կեղծ են
«Հզոր ամպրոպային ամպ»․ Գագիկ Սուրենյանը լուսանկարներ է հրապարակել
Ամիօ բանկը թողարկում է պարտատոմսեր
ՌԴ-ն նույն խաղն է անում Հայաստանում, ինչ՝ ԼՂ-ում, սահմանազատմանը դեմ ուժերը հովանավորվում են 1 կենտրոնից․ Արամ Սարգսյան
Վիճաբանություն, ծեծկռտուք, կրակոց՝ Ամերիկյան համալսարանի մոտ․ հայտնաբերվել են արնանման հետքեր, կրակված գնդակ, կա վիրավոր
Հայտնի է Երևանում մեկնարկած ֆուտզալի Չեմպիոնների լիգայի եզրափակչի առաջին մասնակիցը
Թուրքիան մտադիր չէ ռուսական S-400-ները փոխանցել Ուկրաինային
Տավուշում ակցիա իրականացնողները չունեն աջակցություն, նրանց գործողությունները կդադարեն. Էդգար Առաքելյան
Գնել Սանոսյանը ծանոթացել է Մեծամոր-ՀԱԷԿ հանրապետական նշանակության ավտոճանապարհի հիմնանորոգման աշխատանքներին
Երևան-Արմավիր ճանապարհին բախվել են «Վազ 2106»-ն ու «ԿԻԱ»-ն․ տուժածները հոսպիտալացվել են
Քելբաջարում վթարի հետևանքով մեկ զինծառայող է մահացել․ կան տուժածներ
Բեռլինում այրվում է պաշտպանական-արդյունաբերական ընկերության գործարանը. ծխի թունավոր ամպ է տարածվում (տեսանյութ)
Սա ժողովրդավարություն չէ, այլանդակություն է, որը պետք է ամենակոշտ ձևով իշխանությունը կասեցնի. Ռուբեն Մեհրաբյան
Ծաղկահովիտ-Ալագյազ ճանապարհին մեքենաներ են բախվել․ կան տուժածներ
Փաշինյանի գլխավորությամբ քննարկվել են ջրային ոլորտի խնդիրներն ու դրանց լուծման քայլերը․ ինչ է հանձնարարել վարչապետը
Կիրանց տանող ճանապարհը բացվել է․ «Ազատություն»
Ինչքան ուժ ունեն, այլանդակում են քաղաքական ընդդիմախոսությունը, սահմաններ կան, որոնք անցնել չի կարելի․ Սաֆարյան
Վաշինգտոնում արձանագրվել է՝ վերջին տարիներին Հայաստանն էական առաջընթաց է գրանցել ժողովրդավարության ամրապնդման ոլորտում
Եթե հարկ լինի՝ հրապարակավ կմեկնաբանենք․ ՌԴ-ն սպասում է ՀՀ ԱԺ պատասխանին՝ Ալեն Սիմոնյանի հայտարարության հետ կապված
Միրզոյանը Մալթայի ԱԳ նախարարին է ներկայացրել հայ-ադրբեջանական հարաբերությունների կարգավորման գործընթացը
Կոնվերս բանկը մեկնարկել է ՓՄՁ վերաֆինանսավորման արշավ
ՌԴ-ն կասկածի տակ չի դնում Հայաստանի ինքնիշխան իրավունքը. Զախարովան՝ ՀԱՊԿ-ից ՀՀ-ի դուրս գալու հավանականության հարցի մասին
Ucom-ի գլխավոր տնօրենը դասախոսություն է կարդացել Ֆրանսիական համալսարանում
«Երեքնուկ» կամրջի մոտ մեքենաներ են բախվել․ կա 1 զոհ և 2 վիրավոր
Հոգեբանական բռնություն էր․ Վարդապետյանը՝ Ծիծեռնակաբերդում Աննա Հակոբյանի և դստեր հետ կապված դեպքի մասին
Հանցանքի մոտիվը լրագրողական գործունեությունն է․ դատախազը՝ Լևոն Քոչարյանի օգնականի գործի մասին
Երևանում մեկնարկում է ՈՒԵՖԱ-ի ֆուտզալի Չեմպիոնների լիգայի եզրափակիչը․ Արայիկ Հարությունյան (լուսանկար)
Ժամը 18:20-ին Տավուշի մարզի Կիրանց բնակավայրից 2500 մ հյուսիս տեղի է ունենալու պայթեցման աշխատանք․ ՊՆ
Արմեն Դանիելյանը ընտրվել է ԲԴԽ դատավոր անդամ
14–ամյա տղան գտել է ԼՂ-ից հանգուցյալ պապի բերած նռնակի պայթուցիչը և ցանկացել է հանել օղակը․ մանրամասներ պայթյունի դեպքից
Հեռախոսով հայհոյել են իրար, հետո վիճաբանել, որի ժամանակ 42-ամյա տղամարդը առարկայով հարվածել, սպանել է համաքաղաքացուն
44-օրյա պատերազմը ամենալուրջ և դաժան դասն էր ինձ համար, որից 3 գլխավոր հետևություն ենք արել․ ՀՀ գլխավոր դատախազ
Կարեն Ջալավյանը որպես վկա հարցաքննվում է Հակակոռուպցիոն դատարանում
Օվերչուկն ու Մուստաֆաևը վերահաստատել են ռուս-ադրբեջանական կառուցողական երկխոսությունը շարունակելու պատրաստակամությունը
Կիևը նոր հարձակում է նախապատրաստում Ղրիմի կամրջի վրա․ ինչ է զգուշացրել Զախարովան Վաշինգտոնին, Լոնդոնին և Բրյուսելին
Ինչ աշխատանք է տարվում Ադրբեջանում պահվող գերիների և ԼՂ ղեկավարության վերադարձի մասով․ Վարդապետյանը մանրամասնել է
Դոլարը կրկին էժանացել է, եվրոն՝ թանկացել․ ինչ փոփոխություններ է արձանագրել տարադրամի շուկան մայիսի 3-ին
Հանրային հեռուստաընկերության մոտ «դրիֆտ» արած երիտասարդը ձերբակալվել է (տեսանյութ)
Կարմիր հրապարակում Հաղթանակի շքերթին կմասնակցի ավելի քան 9 հազար զինվորական. Շոյգու
Մեքենան դուրս է եկել ճանապարհից ու բախվել հողաթմբին. կան տուժածներ
© 2024 Հայկական ժամանակ