Երևան
19 °C
Հայաստանում թմրամիջոցների յուրացման և օգտագործման դեպքերի ու դրանց վտանգների մասին վերջին ամիսներին ահազանգում են տարբեր կառույցներ։ Նույնիսկ 2023 թվականը ՆԳՆ ոստիկանությունը հայտարարել է թմրամիջոցների դեմ պայքարի տարի։ Հարցն այնքան լուրջ է, որ այն պարբերաբար քննարկվում է անգամ ՀՀ անվտանգության խորհրդի նիստերում:
Պաշտոնական տվյալների համաձայն՝ 2021-ի համեմատ 2022-ին բացահայտվել է թմրանյութերի ապօրինի շրջանառության 743 դեպք, մեկ տարվա ընթացքում թիվն աճել է ավելի քան 76 տոկոսով (76,3 տոկոս): 95 տոկոսով էլ աճել է թմրանյութերի իրացման բացահայտման դեպքերի թիվը։ Այս տարվա առաջին եռամսյակում արդեն թմրամիջոցների ապօրինի շրջանառության ավելի քան 300 դեպք է արձանագրվել, փակվել է դրանց վաճառքով զբաղվող շուրջ 15 տելեգրամյան ալիք։
Այս ամենին զուգահեռ ՀՀ առողջապահության նախարարության Կախվածությունների բուժման ազգային կենտրոնում, որը թմրանյութերի կախվածության դեմ բուժում տրամադրող միակ մասնագիտացված կենտրոնն է Երևանում, նկատվում է պացիենտների թվի աճ։ Կենտրոնի տնօրեն Սուրեն Նազինյանի խոսքով՝ թմրամիջոցների և հոգեներգործուն նյութերի գործածմամբ պայմանավորված՝ հաշվառված անձանց թիվը 2023 թվականի հունվարի 1-ի դրությամբ կազմել է 7854, որից 200-ի սահմաններում կանայք են։
Կենտրոնի տնօրենը նկատում է՝ կախվածություն ունեցող անձանց թվի աճին նպաստել է այն հանգամանքը, որ այժմ թմրամիջոցները շատ ավելի դյուրին և արագ են ձեռք բերվում սոցիալական ցանցերից, հատկապես՝ «Տելեգրամ» ալիքների միջոցով, որը իրավապահ համակարգի համար դժվար վերահսկելի ցանց է:
«Թմրամիջոցներով պայմանավորված հիվանդություններով և խանգարումներով պացիենտների թիվն աճել է, նաև՝ երիտասարդացել, ցավոք։ Վերջին շրջանում նկատում ենք, որ ավելի շատ կանայք են դիմում, ինչը նախկինում շատ չնչին էր լինում կամ առհասարակ չէր հանդիպում։ Նկատելի է նաև, որ թմրամիջոցները հասանելի են դարձել անչափահասներին: Այս տարի կենտրոնում բուժում է ստացել 16 տարեկան մեթաֆետամինային կախվածությամբ աղջիկ: Երիտասարների՝ թմրամիջոցների չարաշահման աճին նպաստել է նաև մեր տարածաշրջանի համար նոր՝ «ոչ ավանդական» թմրամիջոցների տարածումը: Խոսքն առաջնահերթ վերաբերում է սինթետիկ ծագման հոգեխթանիչներին: Եթե մեր երկրում ավանդաբար տարածված էին երկու խմբի՝ կաննաբինոիդային (ամենահայտնի ներկայացուցիչն է մարիխուանան) և օփիոիդային (ամենահայտնի ներկայացուցիչն է հերոինը) խմբերի թմրամիջոցներ, ապա ներկայումս մեծ տարածում են գտել նաև սինթետիկ հոգեխթանիչները, մասնավորապես՝ մեթամֆետամինը և հոգեխթանիչ ազդեցությամբ այլ խիստ վտանգավոր թմրամիջոցներ, որոնք առավելապես պահանջարկ ունեն գիշերային ակտիվ ժամանցի սիրահար երիտասարդների շրջանում»,- «Հայկական ժամանակ»-ի հետ զրույցում ասում է Սուրեն Նազինյանը։
Հոգեխթանիների գործածմամբ պայմանավորված՝ հաշվառված անձանց թիվը 2023 թվականի հունվարի 1-ի դրությամբ կազմել է ավելի քան 200։ Հաստատության ղեկավարն ընդգծում է՝ հատկապես մեթամֆետամինը, որն ավելի հայտնի է ոչ գրական «կրիստալ» անվանումով և վաճառվում է տելեգրամյան ալիքներով, առաջին իսկ օգտագործումից է ախտահարում մարդու կենտրոնական նյարդային համակարգը՝ առաջացնելով հիվանդագին հակում թմրամիջոցի նկատմամբ, արագորեն ձևավորելով ծանր կախվածության համախտանիշ:
Խոսելով օգտագործման պատճառների մասին՝ Նազինյանը նկատում է՝ դրանք տարբեր են, հիմնականում անձը այդ քայլին գնում է մեկ ուրիշի խորհրդով՝ որպես պատճառ նշելով, թե տրամադրություն է բարձրացնում:
«Օգտագործման առաջարկը կարող է «փորձառու» ընկերն անել, որն ավելի երկար ժամանակ է օգտագործում: Սակայն հարկ է հատուկ ընդգծել, որ թմրամիջոցների օգտագործումը կարող է ճակատագրական լինել, հնարավոր է՝ առաջին իսկ գործածումից գերդոզավորում՝ հավանական մահվան ելքով: Բացի այդ, հոգեխթանիչների գործածման հետևանքով առաջանում են ծանր հոգեախտաբանական խնդիրներ՝ ընկալման, մտածողության, գիտակցության ոլորտների խանգարումներ, տրամադրության խանգարումներ, սուիցիդալ մտքեր, որի դեպքում հնարավոր է անգամ ինքնասպանություն։ Նոր տարածում գտած թմրամիջոցների դեպքում բազմաթիվ պացիենտների մոտ հաճախ առաջանում են այնպիսի հոգեկան խանգարումներ, որ անհրաժեշտ է լինում ոչ միայն նարկոլոգիական օգնության, այլ նաև հոգեբուժական օգնության տրամադրում»,- շեշտում է տնօրենը:
Կախվածություն ունեցող անձինք չեն կարող կենտրոն ընդունվել հարկադրաբար, ասում է նա: Վերջինիս խոսքով՝ անձը կենտրոն հիմնականում ընդունվում է ընկերների, հարազատների ուղեկցությամբ և գրավոր համաձայնությամբ դիմում բուժման նպատակով։ Սակայն լինում են քիչ դեպքեր, երբ բուժման ողջ գործընթացը չեն ավարտում և իրենց ցանկությամբ դադարեցնում են այն. «Լինում է՝ բուժվելուց և կենտրոնից դուրս գրվելուց որոշ ժամանակ անց պացիենտը վերսկսում է թմրամիջոցների գործածումը և կրկին անցնում թմրամիջոցների մշտական գործածման։ Դրա պատճառն այն է, որ թմրամիջոցներից կախվածությունները քրոնիկ հիվանդություններ են, և բուժմանը հաջորդող՝ ախտադադարի շրջանում անգամ մեկ անգամ գործածումը կրկին առաջ է բերում հիվանդագին հակում, թմրամիջոց գործածելու անհաղթահարելի պահանջ, արդյունքում՝ հիվանդության սրացում:»։
Վերջին տարիներին կենտրոնը ՀՀ առողջապահության նախարարության աջակցությամբ հիմնանորոգվել և լավագույն կերպով կահավորվել է, նոր ծառայություններ են ներդրվել, ինչի շնորհիվ էականորեն բարձրացել է տրամադրվող բժշկական օգնության որակն ու արդյունավետությունը: Արդյունքում նվազել են ինչպես բուժումը կիսատ թողնելու դեպքերը, այնպես էլ բուժմանը հաջորդող շրջանում թմրամիջոցների գործածման վերսկսումը։ Կենտրոնի տնօրենը նշում է, որ նարկոլոգիական բուժումը ՀՀ քաղաքացիների համար անվճար է, իրականացվում է պետության կողմից երաշխավորված անվճար բժշկական օգնության և սպասարկման շրջանակներում, իսկ այլ երկրների քաղաքացիների համար այն իրականացվում է վճարովի պայմաններով:
Հայաստանում առավել տարածված են թմրամիջոցների հետևյալ խմբատեսակները՝ կաննաբինոիդային թմրամիջոցներ, ափիոնատիպ նյութեր կամ օփիոիդներ և սինթետիկ հոգեխթանիչներ՝ մեթամֆետամին, ամֆետամին: Հարկ է հատուկ նշել, որ բոլոր թմրամիջոցները խիստ վտանգավոր են մարդու առողջության և կյանքի համար:
Կալանավայրում գտնվող քաղաքացին իր ծանոթի հետ կատարել է 152 դրվագ համակարգչային հափշտակություն․ վնասի չափը 102 մլն դրամ է
Եկեղեցին ՀՀ սահմանադրական կարգը տապալելու հայտարարություններ է անում, պետք է իրավական գնահատական տրվի. Առաքելյան
Աղետալի կարկտահարության հետևանքները․ Սուրենյանը տեսանյութ է հրապարակել Կարբիից
Դոլարը թանկացել է․ ինչ փոփոխություններ է արձանագրել տարադրամի շուկան մայիսի 8-ին
Երևանում առանց պետհամարանիշի ռուսական դրոշներով մեքենաներ են շրջում
«Ամիօ ժամանակաշրջան». կրթությունը հնարավորություն է, որը փոխում է կյանքը
Յունիբանկը բիզնեսին առաջարկում է «Պարզեցված» վարկ` առանց վերլուծության
Կոնվերս Բանկը ՎԶԵԲ տարեկան ժողովի գլխավոր հովանավորն է
Քննարկվել են պարենային անվտանգության ոլորտում փոխադարձ հետաքրքրության հարցեր. հանդիպում ՆԳՆ ոստիկանությունում
Ucom-ի ֆիքսված ցանցը արդեն գործում է Արտաշատում
Հրդեհ մայրաքաղաքի Աբովյան փողոցում
Զախարովան մանրամասնել է՝ ինչ են քննարկելու Պուտինն ու Փաշինյանը
Վիտալի Բալասանյանը միացել է Բագրատ սրբազանի գլխավորած շարժմանը
Հայաստանի և այլ երկրների համար ԵԱՏՄ-ին մասնակցությունը լի է առաջին հերթին իրենց համար օգուտներով. Կրեմլ
ՌԴ ԱԳՆ-ն ողջունել է Ադրբեջանի և Հայաստանի արտգործնախարարների առաջիկա հանդիպումը Ղազախստանում
Անթույլատրելի է Եկեղեցու՝ ինքնիշխանության դեմ քաղաքական պայքարի «թամադայությունը» ստանձնելու կարգավիճակը. Վարդապետյան
Նիկոլ Փաշինյանը ժամանել է Մոսկվա (տեսանյութ)
Կրեմլում անհրաժեշտ և սպասված են անվանել Պուտինի և Փաշինյանի առաջիկա բանակցությունները
Մայր Աթոռում քանի՞սն են պատրաստ բարոյական պատասխանատվություն կրել հակապետական քաղաքականության համար. Չախոյան
Ստամբուլի օդանավակայանում արտակարգ դեպք է գրանցվել (տեսանյութ)
«Անկախություն» ու «ազատություն» բառերը քանի՞ անգամ են օգտագործվել. Բաբաջանյանը՝ Գերագույն հոգևոր խորհրդին
Սերբիայի ԱԳ նախարարը լավատես է Հայաստանի հետ համագործակցության հեռանկարների առումով
Ռուսաստանի և Վրաստանի սահմանին անբարենպաստ եղանակի պատճառով մի քանի հարյուր բեռնատար է կուտակվել
Աստծո անունը քաղաքական կապիտալի վերածելը աստվածահաճո գործ չէ. Ռուբեն Ռուբինյանը՝ Միքայել արքեպիսկոպոս Աջապահյանին
Որոշ շրջաններում կդիտվի -1, -2 աստիճան ցուրտ, անձրևն ու ամպրոպը ՀՀ մի հատվածում կվերածվի կարկուտի
Պուտինը շնորհավորական ուղերձ է հղել Նիկոլ Փաշինյանին
Շվեդիայի եկեղեցու Վեստերիսի եպիսկոպոսն այցելել է Հայոց ցեղասպանության հուշահամալիր
17-ամյա անչափահասին դանակահարել են, հափշտակել ոսկյա թևնոցը. կալանավորվել է նրա համադասարանցին
Միասնական ջանքերով կարող ենք զարգացնել համագործակցությունը․ Միրզոյանը՝ Սերբիայի ԱԳ նախարարին
Փոփոխություններ երեխաներին հանրակրթության մեջ ընդգրկելու և տեղափոխելու կարգում. ԿԳՄՍՆ
Դատախազության կողմից պետությանը վերադարձված 1 հա մակերեսով երկու հողամասն ամրացվել է Պետգույքի կառավարման կոմիտեին
Գողացել է փողոցում նվագողի՝ մետաղադրամներով լցված արկղը և դիմել փախուստի
Վրաստանի պետական անվտանգության ծառայությունը նախազգուշացրել է՝ ցուցարարների շարքում կան «վճարվող սադրիչներ»
Մայիսյան հաղթանակներով ոգեշնչված՝ մենք կրկին կապրենք ազգային վերելքներ․ Սասուն Միքայելյան
Կառավարությունը 1 միլիարդ 12 միլիոն դրամ գումար հատկացրեց 21 սուբվենցիոն ծրագրերի իրականացման համար
Ժաննա Անդրեասյանը մեկնել է Իսպանիա
Զինծառայողը մահացու վիրավորումը ստացել է կզակի հատվածում, հարցաքննվել են բոլորը, նախաձեռնվել է վարույթ
1 օրում ՀՀ տարածքում արձանագրվել է 10 տրանսպորտային պատահար. տուժել է 17 մարդ
Քաջարանից Սիսիան 118 կիլոմետր ճանապարհը կկրճատվի, այն կդառնա 60 կիլոմետր. Սանոսյան
Որքան զբոսաշրջիկ է ապրիլին այցելել Հայաստան
© 2024 Հայկական ժամանակ