Երևան
10 °C
«Պարբերաբար ասել եմ, որ Ռուբեն Վարդանյանի նշանակումը սխալ է և լուրջ հարված է հասցնելու թե՛ Արցախին, թե՛ Հայաստանին և Հայաստանի ու Արցախի փոխհարաբերություններին»:
Այս մասին «Հայկական ժամանակ»-ի հետ զրույցում ասում է քաղաքագետ Էդվարդ Անտինյանը՝ հավելելով, որ Վարդանյանի ազատումը Արցախի պետնախարարի պաշտոնից օրինաչափ է:
«Ուղղակի նա չպետք է նշանակվեր, ոչ թե այսօր մտածեինք՝ հանելը ճի՞շտ է, թե՞ սխալ: Սխալն ի սկզբանե է կատարվել: Նրան ազատելու օրը ևս սխալ էր ընտրված, որովհետև Արդարադատության միջազգային դատարանի որոշումից հետո Ադրբեջանին չպետք է տայինք հնարավորություն՝ համարելու, որ իր պահանջը կատարված է, էլ ի՞նչ խնդիր կա»,- ասում է Անտինյանը:
Վերջինս նկատում է, որ երբ Հայաստանը ջանքեր էր գործադրում միջազգայնացնելու Լաչինի միջանցքի փակվելը, 120 հազար մարդու հումանիտար աղետի առաջ կանգնած լինելու փաստը, Վարդանյանը փորձում էր արժեզրկել դա:
«Դա փորձեց անել նաև Ռուսաստանը. ՄԱԿ-ում նրանց ներկայացուցիչը ելույթ ունեցավ և ասաց, որ՝ այո՛, հանքերի հարց է, և որոշ վիճահարույց հարցեր կան: Նույն բանը նաև Ադրբեջանն էր ասում, թե հանքերի խնդիր է: Նաև Արցախից, հատկապես նախկին պետնախարարն ասաց, որ՝ այո՛, հանքերի խնդիր կա: Բացի դրանից՝ ասաց, որ ճանապարհը փակ չէ: Հետո գնացին Մոսկվա և եկան՝ սրանով ցույց տալով, որ փակ չէ, իսկ սա նշանակում է, որ նրանց այցը համաձայնեցված է եղել թե՛ Ադրբեջանի, թե՛ ռուս խաղաղապահների հետ: Սա է իրավիճակը. Ռուբեն Վարդանյանն իր պաշտոնավարման ընթացքում առավելագույն հարված հասցրեց Արցախին»,- ընդգծում է Անտինյանը:
Քաղաքագետի խոսքով՝ Ռուբեն Վարդանյանը եկել էր հատուկ հանձնարարությունով, որպեսզի ընդհուպ մինչև թշնամանքը խորացնի Հայաստանի և Արցախի միջև, և դա ընդգծված երևում էր:
«Հանքերի հետ կապված մոնիթորինգի նախնական պայմանավորվածություն կար, բայց Ռուբեն Վարդանյանի գալով՝ դա չեղարկվեց, որից հետո Ադրբեջանը ճանապարհը փակեց, և անմիջապես մեղադրեցին Հայաստանին, հատկապես՝ Ռուբեն Վարդանյանը, որ ինքը չէր սպասում հայ ժողովրդից ու Հայաստանի իշխանություններից նման վերաբերմունք: Սրանք նպատակային քայլեր էին, որպեսզի Հայաստանին և Արցախին թշնամացնեն: Դա արվում էր նաև նրա համար, որպեսզի Հայաստանը ձեռք քաշեր Արցախից, և Արցախը մնար Ռուսաստանի տիրույթում, իսկ մնալով Ռուսաստանի տիրույթում՝ հայտնվելու էր Ադրբեջանի կազմում»,- ասում է Անտինյանն ու մանրամասնում. «Ինչո՞ւ, որովհետև Ռուսաստանը լուրջ խնդիրներ ունի ռուս-ուկրաինական պատերազմի հետևանքով, և նրա համար Ադրբեջանը շատ կարևոր է որպես գործընկեր: Եվ նա ամեն ինչ անում է, որ իր գերակայությունը մեծացնի Արցախում, որից հետո Ադրբեջանին առաջարկի գործարք՝ «դու օգնում ես ինձ, ես Արցախը հանձնում եմ քեզ»»:
Ըստ քաղաքագետի՝ Հայաստանն ընտրեց այլ ճանապարհ՝ միջազգային հանրությանը և հատկապես արևմտյան կառույցներին ներկայացրեց խնդիրը, և, բարեբախտաբար, Միջազգային արդարադատության դատարանը ճանաչեց, որ վերջինիս դիրքորոշումը ճիշտ է:
«Հայաստանի հաղթանակը միանշանակ էր ու շատ դրական, բայց ասել, որ դրանից հետո անմիջապես այդ որոշումը ի կատար է ածվելու, այդքան էլ այդպես չէ: Ադրբեջանը փորձելու է շրջանցելու ճանապարհներ փնտրել: Բայց ի՜նչ կարիք կա դրա մասին մտածելու, եթե Արցախի ղեկավարությունը նույն օրը որոշում կայացրեց և ասաց, որ՝ Ադրբեջա՛ն, քո պահանջը մենք կատարում ենք, այսինքն՝ դու որևէ խնդիր չունես դատարանի վճիռը կատարելու հարցում, ճանապարհը կարող է բացվել»,- ասում է Անտինյանը:
Վարդանյանի այն հայտարարությունը, որ մնում է Արցախում և դեռ անելիքներ ունի, վերջինս որակում է այսպես. «Ապակայունացման ինչ-որ անելիքներ ունի, բայց այլևս այնքան մեծ չեն նրա լիազորությունները: Եթե ի սկզբանե այդքան էրվում-խորովվում էր Արցախով, կարող էր գնալ որպես շարքային քաղաքացի, ազդեցիկ միջազգային գործիչ և ծառայեր: Բացարձակ պետք չէր, որ գնար, պաշտոն ստանձներ և ցույց տար, որ Ռուսաստանն իր դրածոյին ուղարկել է Արցախ՝ ապակայունացնելու նպատակով: Պետնախարարի պաշտոն զբաղեցնելով՝ նա դարձել էր շարքային միտինգ անող»:
Քաղաքագետը նաև բացառում է Վարդանյանի՝ Հայաստանում գործունեություն ծավալելը և որևէ դերակատարություն ունենալը:
«Ռուբեն Վարդանյանը, այնուամենայնիվ, զոհի կարգավիճակով կարող է որոշակի դերակատարություն ստանձնել, հետո ասել՝ այնքան են ճնշում՝ չեմ կարող մնալ Արցախում, քանի որ ՀՀ քաղաքացի եմ, տեղափոխվեմ Հայաստան և Հայաստանում գործունեություն ծավալեմ: Նման երազանք ուներ մեր խորհրդարանական ընդդիմությունը, որոնք հասկացան, որ որպես Ռուսաստանի գործընկեր մեր հասարակության համար այնքան ատելի են, որ Ռուսաստանն այլևս իրենց վրա խաղադրույք չի կատարում: Նրանք էին ակնարկում, որ Ռուբեն Վարդանյանը կգա Հայաստան և դերակատարություն կստանձնի: Առիթ եղել է, ասել եմ, որ 2018 թվականի հեղափոխությունից հետո Արցախից Հայաստան տրամպլինը ջախջախված է, և որևէ շանս չկա, որ ոչ միայն Ռուբեն Վարդանյանը, այլ որևէ մեկը, որը կլինի ղարաբաղյան կլանի ներկայացուցիչ, առաջիկա 40 տարում Հայաստանում իշխանության գա»,- ասում է նա:
Ըստ Անտինյանի՝ մեր հասարակությունը դա թույլ չի տա, քանի որ այլևս առաջվանը չէ. «Մեր հասարակությունը երկրորդ անգամ նման շանս չի տա: Ռուբեն Վարդանյանը, եթե նույնիսկ նման ցանկություններ ունի, ես համարում եմ բացառված՝ ֆանտաստիկայի ժանրից: Ես տասնյակ հրապարակումներ եմ ունեցել մինչև իր նշանակումը և նշանակումից հետո էլ, որ իրեն «մատաղ» են անելու»»:
Վերջինս, անդրադառնալով Արցախի նախագահ Արայիկ Հարությունյանի այն հայտարարությանը, թե Ռուբեն Վարդանյանին պետական նախարարի պաշտոնում նշանակել էր իր որոշմամբ, որը հավանության էր արժանացել, նկատում է, որ պետք չէ սխալը դնել ժողովրդի ուսին:
«Պետք չէ ներքաշել ժողովրդին դրա մեջ և ասել, թե ժողովուրդն էր մեղավոր, ուզեց, բերեցի, ժողովուրդն էր մեղավոր, ուզեց, հանեցի: Չի լինում այդպես: Ժողովուրդն իր համար հանգիստ Արցախում նստած, ոնց հասարակական պահանջ ձևավորվեց: Ի՞նչ ձևով է ժողովրդի տրամադրությունները Արայիկ Հարությունյանն ուսումնասիրել, որ հանգել է այդ եզրակացությանը: Ուղղակի անպատվաբեր է երկրի ղեկավարի համար նման հայտարարություն անելը»,- ասում է Անտինյանը:
Հաջորդ հարցը, որի վրա քաղաքագետը ուշադրություն է հրավիրում, այն է, որ երբ Արայիկ Հարությունյանը հայտարարության մեջ նշել էր՝ գոյատևման խնդիր ունեն, այլևս չեն կարողանում դիմակայել, նույնն էլ Ռուբեն Վարդանյանն է ցույց տալիս, որ ճնշում կա, հարց է ծագում, թե ո՞վ է ճնշողը. «Եթե Ադրբեջանի կողմից է, դա նշանակում է, որ Ադրբեջանը ճնշելով՝ կարող է Արցախում նշանակել կամ ազատել որևէ պաշտոնյայի, և դրան համաձայնելը նշանակում է, որ Արցախի իշխանությունը պատրաստ է ուղիղ բանակցել Ադրբեջանի իշխանության հետ, և խոչընդոտը վերացված է»:
Քաղաքագետը բացառում է այն, որ այս պարագայում Հայաստանը կարող է ճնշում գործադրել Արցախի վրա՝ նկատելով՝ Հայաստանի իշխանությունները պարբերաբար ասել են, որ չեն միջամտում Արցախի ներքին գործերին:
«Արցախի ղեկավարությունը պարբերաբար ասում է՝ իրենք ինքնորոշ պետություն են, Հայաստանի մարզ չեն: Հայաստանը հարգում է դա, չի միջամտում ներքին գործերին, բայց պարտավոր է Արցախի քաղաքացու իրավունքները պաշտպանել, որովհետև այդ քաղաքացին ՀՀ քաղաքացի է, և Հայաստանից ոչ ոք այդ իրավասությունը վերցնել չի կարող»,- կարծում է զրուցակիցը:
Էդվարդ Անտինյանը մատնանշում է՝ Արցախը պետք է հասկանա մի բան՝ եթե ռուս-ուկրաինական պատերազմի արդյունքում նոր աշխարհակարգ ձևավորվի, հավանականությունը շատ ավելի մեծ է, որ Ռուսաստանին դուրս մղեն թե՛ Աբխազիայից, թե՛ Հարավային Օսիայից, թե՛ Հայաստանից և թե՛ Արցախից. «Այս պարագայում Արցախը փոխանակ պատվիրակի Հայաստանին Արևմուտքի հետ իր անունից բանակցել, փորձում է ամեն ինչ անել, որ ՀՀ-ին դուրս թողնի բանակցություններից՝ ասելով, որ իրենք աշխատում ենք Ռուսաստանի հետ»:
Հերմինե Կարապետյան
Հայտնի են «Եվրատեսիլի» եզրափակիչ անցած առաջին 10 երկրները. Ադրբեջանը չի անցել եզրափակիչ
Գևորգ Պապոյանը կգործուղվի ԱՄՆ
Առաջին անգամ Լոռու մարզում հայտնաբերվել է հազվագյուտ սև արագիլի բույն (լուսանկար)
Հայկական բժշկական ասոցիացիան չի միացել Բագրատ սրբազանի շարժմանը. հայտարարություն
Շինհրապարակներում հայտնաբերվել են սահմանված չափորոշիչների խախտումներ (տեսանյութ)
ՄԱԿ-ի գլխավոր քարտուղարը դիմել է Իսրայելին
Եթե գյուղապետերը չեն գտնում, որ փրկության խնդիր կա, ի՞նչ են կասեցնում և ո՞ւմ են փրկում. Սաֆարյան
Հայտնաբերվել է հրազենային վնասվածքով պայմանագրային զինծառայողի դի
Բախվել են մեքենաներ, կան տուժածներ (լուսանկար)
Չի բացառվում, որ մայիսի 9-ին Ռոբերտ Քոչարյանը՝ կաթողիկոսի ուղեկցությամբ, գա հրապարակ. Անի Խաչատրյան
Երկրաշարժ Հայաստանի տարածքում
Բելառուսն ակնթարթորեն կպատասխանի իր դեմ ցանկացած ռազմական ագրեսիայի. Լուկաշենկո
22-ամյա երիտասարդը մարմնական վնասվածքներ է հասցրել շտապօգնության բժշկին և վարորդին
Ինչպես է Բագրատ արքեպիսկոպոսի աջակից Վանեցյանը մեկնում Հայաստանից
Ֆինանսների նախարարի գլխավորած պատվիրակությունը շարունակել է հանդիպումները ԱԶԲ 57-րդ տարեկան հանդիպման շրջանակներում
Վերընտրվելուց հետո Պուտինը ստորագրել է ավանդական դարձած առաջին հրամանագրերը
Երևանում ավտոբուս է հրդեհվել
Որդին բութ գործիքով հարվածներ է հասցրել 83-ամյա մորը, որը հիվանդանոցում մահացել է
Ոստիկանները հեռացել են Կիրանցից
Կիրանցի և Ոսկեպարի վարչական ղեկավարները մանրամասներ են հայտնել սահմանազատման գործընթացի մասին
Ալիևն ու Ռայիսին կմասնակցեն Իրանի և Ադրբեջանի սահմանին կառուցված ամբարտակի բացմանը
Լարսը բեռնատարների համար փակ է
Հայաստանի պետական սիմֆոնիկ նվագախումբը հյուրախաղերով հանդես կգա ԱՄՆ-ում
Միրզոյանը Հունգարիայի ԱԺ փոխխոսնակի հետ մտքեր է փոխանակել տարածաշրջանային անվտանգային հարցերի շուրջ
ԱԱՏՄ-ն ստացել է տեղեկություններ, որ որոշ գործատուներ աշխատողներին պարտադրում են մասնակցել երթերի. ինչ պետք է իմանալ
Ոսկեպարի եկեղեցին գտնվում է ՀՀ ինքնիշխան տարածքում. Փաշինյանը՝ սահմանազատման արդյունքների մասին
Վարչապետը IWF նախագահին վստահեցրել է՝ կարվի ամեն ինչ՝ ծանրամարտի առաջնությունը բարձր մակարդակով կազմակերպելու համար
Խոշոր ավտովթար Շիրակի մարզում. հոսպիտալացվել է 6 քաղաքացի
Թուրքիայում ավելի քան 6 տարի ժամկետով 13 քուրդ քաղաքական գործիչ է դատապարտվել
Սրբազանի գլխավորած քարավանը 2 տարի առաջ «ցրցամ են տվել», հիմա կոորդինացնում են «նախկինները». Հարություն Մկրտչյան
Վեհափառն ասաց՝ գործող վարչապետը պետք է հեռանա, Ռոբերտ Քոչարյանը՝ ստանձնի պաշտոնը. Բաբաջանյանը զրույց է բացահայտել
Հայտնի են 4-րդ, 9-րդ և 12-րդ դասարանների աշակերտների ավարտական քննությունների օրերը
Վենետիկի հանձնաժողովի ներկայացուցիչների հետ քննարկվել է «Ազգային փոքրամասնությունների մասին» օրենքի նախագիծը
Ծանրամարտի աշխարհի 2027-ի առաջնությունն առաջինն է օլիմպիական մարզաձևից, որն անցկացվելու է Հայաստանում. Հարությունյան
Այո՛, ասել եմ՝ ձեռքերս կկտրեմ, այդ վերսիայով փաստաթուղթը չեմ ստորագրի, հիմա շատ կարևոր՝ էական բան է փոխվել. Փաշինյան
Զենքի գործադրմամբ խուլիգանություն Ամերիկյան համալսարանի մոտ. նախաձեռնվել է քրեական վարույթ, հայտնի է մեղադրվողը
Մհեր Գրիգորյանը և Իվանա Ժիվկովիչը քննարկել են Հայաստանում ՄԱԶԾ կողմից իրականացվող ծրագրերը
Մենք որդեգրել ենք Հայաստանում ինստիտուցիոնալ բարեփոխումների քաղաքականություն. Սիմոնյանը՝ Իվանա Ժիվկովիչին
ՀՀ-ում ԵՄ դիտորդական առաքելության կարգավիճակի մասին համաձայնագիրը մտել է ուժի մեջ
Պուտինը հինգերորդ անգամ պաշտոնապես ստանձնեց Ռուսաստանի Դաշնության նախագահի պաշտոնը (լուսանկարներ)
© 2024 Հայկական ժամանակ