Երևան
13 °C
Ամփոփելով 2022 թվականը՝ երգիչ Մասիս Հունանյանն ասում է՝ տարին հաջողված էր. իրագործել է այն ամենը, ինչ տարեսկզբին ծրագրել էր:
«2022 թվականից շնորհակալ եմ, որովհետև ունեցա բազում հաջողություններ, որոնք կշարունակեմ նաև գալիք տարի: Այն ևս բուռն ու հագեցած է լինելու ստեղծագործական տեսանկյունից՝ համերգային ծրագրեր, շրջագայություններ, շնորհանդեսներ արտերկրում, նոր երգեր ու տեսահոլովակներ, սակայն փակագծերը դեռ չեմ կարող բացել: Մի խոսքով, շատ հագեցած օրակարգ ունենք, միայն թող երկրում խաղաղություն լինի, մնացածը փոքր քայլերով կիրագործենք»,- «Հայկական ժամանակ»-ի հետ զրույցում ասում է երգիչը:
Գրեթե երկու ամիս առաջ նա ներկայացրել է նոր երգ և տեսահոլովակ, որը նկարահանվել է Վիեննա քաղաքում: Անդրադառնալով դրան՝ ասում է. «Շատ գեղեցիկ տեսահոլովակ եղավ, հետևորդների արձագանքներից էլ հասկացա, որ շատ են հավանել: Գրում են, որ շատ գեղեցիկ երգ է, տեսահոլովակ: Կարելի է ասել՝ այն սիրվեց և դեռ շարունակում է սիրվել»:
Այժմ ևս Մասիսը գտնվում է Վիեննայում, անկեղծանում է՝ սիրում է այդ քաղաքը, հաճախ է լինում այնտեղ: «Նույնիսկ մարդիկ կան՝ մտածում են՝ տեղափոխվել եմ, սակայն շատ լավ առիթ է, որ ասեմ՝ ես ընդամենը շրջագայության եմ գնում արտերկիր: Միշտ Երևանում եմ և չեմ պատրաստվում լքել այն»,- շեշտում է նա:
Երգչի խոսքով՝ տարբեր երկրներում շատ գեղեցիկ տեսարժան վայրեր կան, և չի բացառում, որ առաջիկայում էլի կունենա արտերկրում նկարահանված տեսահոլովակներ: Սակայն իր համար ամենահոգեհարազատը Հայաստանում՝ Երևանում նկարահանված տեսահոլովակներն են, քանի որ դրանք փոխանցում են ամբողջ ջերմությունը, կոլորիտն ու հայկականությունը:
Վերջինիս համար տարին հատկանշական էր նաև, քանի որ ձևավորվեց «Hunanyan Band»-ը, որը, երգչի խոսքով, նոր ասելիք ունի:
«Ընդհանրապես հիմա շատ ակտուալ է բենդ ստեղծելը: Բենդեր են հավաքվում, որպեսզի տարբեր տեղերում և կոմերցիոն միջոցառումների ժամանակ հանդես գան համերգներով, բայց մեր նպատակը բոլորովին դա չէ: Եթե լսեք, կհասկանաք, որ շատ է տարբերվում մնացած բենդերից՝ ծրագրային և գործիքակազմի առումով՝ ներառված երաժիշտների ու երաժշտական գործիքների առատությամբ»,- ասում է նա ու մանրամասնում, թե ինչ են անում իրենք.
«Վերցնում ենք ժողովրդական և ազգային երգերը և դրանք նորովի՝ նոր գործիքավորմամբ ներկայացնում հանդիսատեսին: Մեր ծրագիրը շատ եզակի է, և դա պատահական չէ. բենդում ներառված են փողային, հարվածային, ստեղնաշարային գործիքներ, դհոլ, կիթառ և բազկիթառ, ինչն ավելի գունեղ ու լիարժեք է դարձնում մեր մշակումներն ու կատարումները»:
Նա հավաստիացնում է, որ 2023-ին բենդի կազմով առաջին քայլերից մեկը Երևանում նոր տեսահոլովակ նկարահանելն է լինելու:
Խոսելով բենդի անվանման՝ իր ազգանունը կրելու մասին՝ Մասիսը նկատում է. «Քանի որ իմ համերգային ծրագրով ենք շարժվում, հետո, երբ ինձ է հրավեր լինում, հանդես ենք գալիս նաև բենդով, որոշեցինք այն «Հունանյան բենդ» անվանել: Հիմա աշխատում ենք բենդի տեսանելիությունը բարձրացնելու ուղղությամբ, որպեսզի ոչ միայն ես, այլև բենդն էլ տարբեր միջոցառումների մասնակցելու հրավերներ ու առաջարկներ ստանա»:
Մասիս Հունանյանը Ջավախքից է, և իր տեսահոլովակներով ու երգերով հաճախ է անդրադառնում ջավախքցու կերպարին ու տեսակին, ներկայացնում՝ տեղանքն ու կենցաղը: Անդրադառնալով արմատներին՝ ասում է. «Միշտ մտածել եմ, որ Ջավախքի տեսարժան վայրերը, միևնույն է, բացահայտված չեն: Ինձ համար շատ կարևոր է, որ մարդիկ տեսնեն, թե Ջավախքում ինչքա՜ն գեղեցիկ տեղեր կան, և իմ գործունեությամբ ուզում եմ հասանելի դարձնել այդ ամենը՝ Ջավախքի գեղեցիկ վայրերը: Պետք է ոչ միայն Հայաստանում, այլև Սփյուռքում ապրող հայերն էլ տեսնեն Ջավախքի կոլորիտն ու գեղեցկությունը»:
Երգչի մեծ ցանկությունն է ունենալ Ջավախքի բարբառով երգ ու տեսահոլովակ, քանի որ, նրա խոսքով, Ջավախքի բարբառն այնքա՜ն գեղեցիկ է. «Նաև՝ ռիսկային, քանի որ թուրքական ծագմամբ բառերն են շատ: Սակայն հիմա էլ եթե գտնեմ երգահան, որը բարբառով գեղեցիկ երգ կգրի Ջավախքի, ջավախքցի աղջկա, կոլորիտի մասին, մեծ սիրով կերգեմ»:
Դեկտեմբերի 31-ին Մասիսը համերգային ծրագրով հանդես կգա Համբուրգի հայ հանդիսատեսի համար, սակայն սրտնեղում է, որ Ամանորն այս տարի ընտանիքի հետ՝ Ջավախքում չի դիմավորելու:
«Նոր տարին, որպես կանոն, միշտ տանն եմ նշել՝ Ջավախքում, ծնողներս այնտեղ են ապրում, և նրանց համար շատ ցավալի ու անընդունելի փաստ է, որ իրենց հետ չեմ լինելու: Ինձ համար միակ սփոփանքն այն է, որ իմ սիրած գործով եմ այստեղ, և, կարծում եմ, մայրիկս ինձ ճիշտ կհասկանա»,- նկատում է նա:
2023-ի հետ էլ երաժիշտը բազմաթիվ նպատակներ և ծրագրեր է կապում:
«Առաջիկայում պլանավորում ենք տեսահոլովակներ, տարբեր նախագծեր ունենք՝ համերգային շրջագայություններ: Այս ամենը, իհարկե, իրագործելի նպատակներ են, միայն թե մեր երկիրը խաղաղ տեսնենք: Եթե երկրում խաղաղ չլինի, մեր երազանքներն էլ լիարժեք չեն լինի: Երաժշտի համար շատ դժվար է հանդես գալ համերգային ծրագրով, եթե երկիրը դժվարին ու հատկապես պատերազմական վիճակում է»,- անկեղծանում է նա:
Վերջինս ցանկանում է, որ 2023 թվականը լինի հաղթական տարի բոլոր իմաստներով:
Հերմինե Կարապետյան
Լուրերը, թե ադրբեջանական կողմից Տավուշի հատվածում կրակոցներ են հնչել, կեղծ են
«Հզոր ամպրոպային ամպ»․ Գագիկ Սուրենյանը լուսանկարներ է հրապարակել
Ամիօ բանկը թողարկում է պարտատոմսեր
ՌԴ-ն նույն խաղն է անում Հայաստանում, ինչ՝ ԼՂ-ում, սահմանազատմանը դեմ ուժերը հովանավորվում են 1 կենտրոնից․ Արամ Սարգսյան
Վիճաբանություն, ծեծկռտուք, կրակոց՝ Ամերիկյան համալսարանի մոտ․ հայտնաբերվել են արնանման հետքեր, կրակված գնդակ, կա վիրավոր
Հայտնի է Երևանում մեկնարկած ֆուտզալի Չեմպիոնների լիգայի եզրափակչի առաջին մասնակիցը
Թուրքիան մտադիր չէ ռուսական S-400-ները փոխանցել Ուկրաինային
Տավուշում ակցիա իրականացնողները չունեն աջակցություն, նրանց գործողությունները կդադարեն. Էդգար Առաքելյան
Գնել Սանոսյանը ծանոթացել է Մեծամոր-ՀԱԷԿ հանրապետական նշանակության ավտոճանապարհի հիմնանորոգման աշխատանքներին
Երևան-Արմավիր ճանապարհին բախվել են «Վազ 2106»-ն ու «ԿԻԱ»-ն․ տուժածները հոսպիտալացվել են
Քելբաջարում վթարի հետևանքով մեկ զինծառայող է մահացել․ կան տուժածներ
Բեռլինում այրվում է պաշտպանական-արդյունաբերական ընկերության գործարանը. ծխի թունավոր ամպ է տարածվում (տեսանյութ)
Սա ժողովրդավարություն չէ, այլանդակություն է, որը պետք է ամենակոշտ ձևով իշխանությունը կասեցնի. Ռուբեն Մեհրաբյան
Ծաղկահովիտ-Ալագյազ ճանապարհին մեքենաներ են բախվել․ կան տուժածներ
Փաշինյանի գլխավորությամբ քննարկվել են ջրային ոլորտի խնդիրներն ու դրանց լուծման քայլերը․ ինչ է հանձնարարել վարչապետը
Կիրանց տանող ճանապարհը բացվել է․ «Ազատություն»
Ինչքան ուժ ունեն, այլանդակում են քաղաքական ընդդիմախոսությունը, սահմաններ կան, որոնք անցնել չի կարելի․ Սաֆարյան
Վաշինգտոնում արձանագրվել է՝ վերջին տարիներին Հայաստանն էական առաջընթաց է գրանցել ժողովրդավարության ամրապնդման ոլորտում
Եթե հարկ լինի՝ հրապարակավ կմեկնաբանենք․ ՌԴ-ն սպասում է ՀՀ ԱԺ պատասխանին՝ Ալեն Սիմոնյանի հայտարարության հետ կապված
Միրզոյանը Մալթայի ԱԳ նախարարին է ներկայացրել հայ-ադրբեջանական հարաբերությունների կարգավորման գործընթացը
Կոնվերս բանկը մեկնարկել է ՓՄՁ վերաֆինանսավորման արշավ
ՌԴ-ն կասկածի տակ չի դնում Հայաստանի ինքնիշխան իրավունքը. Զախարովան՝ ՀԱՊԿ-ից ՀՀ-ի դուրս գալու հավանականության հարցի մասին
Ucom-ի գլխավոր տնօրենը դասախոսություն է կարդացել Ֆրանսիական համալսարանում
«Երեքնուկ» կամրջի մոտ մեքենաներ են բախվել․ կա 1 զոհ և 2 վիրավոր
Հոգեբանական բռնություն էր․ Վարդապետյանը՝ Ծիծեռնակաբերդում Աննա Հակոբյանի և դստեր հետ կապված դեպքի մասին
Հանցանքի մոտիվը լրագրողական գործունեությունն է․ դատախազը՝ Լևոն Քոչարյանի օգնականի գործի մասին
Երևանում մեկնարկում է ՈՒԵՖԱ-ի ֆուտզալի Չեմպիոնների լիգայի եզրափակիչը․ Արայիկ Հարությունյան (լուսանկար)
Ժամը 18:20-ին Տավուշի մարզի Կիրանց բնակավայրից 2500 մ հյուսիս տեղի է ունենալու պայթեցման աշխատանք․ ՊՆ
Արմեն Դանիելյանը ընտրվել է ԲԴԽ դատավոր անդամ
14–ամյա տղան գտել է ԼՂ-ից հանգուցյալ պապի բերած նռնակի պայթուցիչը և ցանկացել է հանել օղակը․ մանրամասներ պայթյունի դեպքից
Հեռախոսով հայհոյել են իրար, հետո վիճաբանել, որի ժամանակ 42-ամյա տղամարդը առարկայով հարվածել, սպանել է համաքաղաքացուն
44-օրյա պատերազմը ամենալուրջ և դաժան դասն էր ինձ համար, որից 3 գլխավոր հետևություն ենք արել․ ՀՀ գլխավոր դատախազ
Կարեն Ջալավյանը որպես վկա հարցաքննվում է Հակակոռուպցիոն դատարանում
Օվերչուկն ու Մուստաֆաևը վերահաստատել են ռուս-ադրբեջանական կառուցողական երկխոսությունը շարունակելու պատրաստակամությունը
Կիևը նոր հարձակում է նախապատրաստում Ղրիմի կամրջի վրա․ ինչ է զգուշացրել Զախարովան Վաշինգտոնին, Լոնդոնին և Բրյուսելին
Ինչ աշխատանք է տարվում Ադրբեջանում պահվող գերիների և ԼՂ ղեկավարության վերադարձի մասով․ Վարդապետյանը մանրամասնել է
Դոլարը կրկին էժանացել է, եվրոն՝ թանկացել․ ինչ փոփոխություններ է արձանագրել տարադրամի շուկան մայիսի 3-ին
Հանրային հեռուստաընկերության մոտ «դրիֆտ» արած երիտասարդը ձերբակալվել է (տեսանյութ)
Կարմիր հրապարակում Հաղթանակի շքերթին կմասնակցի ավելի քան 9 հազար զինվորական. Շոյգու
Մեքենան դուրս է եկել ճանապարհից ու բախվել հողաթմբին. կան տուժածներ
© 2024 Հայկական ժամանակ