Երևան
14 °C
Ադրբեջանցիների գործողությունները հասկանալի են, նրանք ամեն մի պատրվակ փորձելու են օգտագործել՝ հայկական կողմի վրա հոգեբանական ճնշում գործադրելու, ինչպես նաև՝ քաղաքական գործընթացներում առավելության հասնելու և իրենց օրակարգը թելադրելու համար:
«Հայկական ժամանակ»-ի հետ զրույցում նման տեսակետ է հայտնում «Արդար Հայաստան» կուսակցության ղեկավար Նորայր Նորիկյանը՝ անդրադառնալով շաբաթ օրը ադրբեջանցիների իրականացրած սադրանքներին, երբ վերջիններս բնապահպանական պատճառաբանությամբ փակել էին Ստեփանակերտ-Գորիս մայրուղին:
Նորիկյանի խոսքով՝ ադրբեջանցիների քայլերի պատճառներն ակնհայտ են՝ ստացել են հնարավորություն՝ վիժեցնելու Ստեփանակերտ-Երևան հաղորդակցության գործունեությունը, ինչը, վերջինիս կարծիքով, տարակուսանք է առաջացնում, քանի որ 2020 թվականի նոյեմբերի 9-ի եռակողմ հայտարարության 6-րդ կետի համաձայն՝ Լաչինի միջանցքը ամբողջովին գտնվում է ռուսական խաղաղապահ զորամիավորումների իրավասության ներքո:
«Պետք է արձանագրել՝ ադրբեջանցիները կլինեն քաղաքացիական անձի՞նք, թե՞ զինված ուժերի ստորաբաժանումներից, որևէ ձևով որևէ ազդեցության հնարավորություն չպետք է ունենան Լաչինի միջանցքի նկատմամբ: Հետևաբար հարց է առաջանում՝ ինչպե՞ս է ստացվում, որ Ադրբեջանի, այսպես կոչված, բնապահպան ակտիվիստները հնարավորություն են ունենում հայտնվել Լաչինի միջանցքում և պարալիզացնել Ստեփանակերտ-Երևան ճանապարհը: Սա հերթական անգամ ցույց է տալիս, որ Ադրբեջանը յուրաքանչյուր պահի կարող է կաթվածահար անել հաղորդակցությունը Ստեփանակերտի և Երևանի միջև»,- նկատում է նա:
Քաղաքական գործիչը ընդգծում է՝ ռուսական խաղաղապահ զորակազմի հրամանատարությունը միջադեպի վերաբերյալ ոչ թե պատշաճ տեղեկացված պետք է լինի, այլ այդ հրամանատարությունը պետք է պարզաբանումներ ներկայացնի, թե ինչպես է իր իրավազորության ներքո գտնվող տարածքում որևէ ակցիա իրականացվում. «Նրանք պարտավոր են ապահովել այդ միջանցքի բնականոն գործունեությունը: Հայկական կողմը հստակ քայլեր պետք է իրագործի՝ զրկելու ադրբեջանցիներին Լաչինի միջանցքը որպես գործիք օգտագործելու հարցում»:
Հարցադրմանը՝ ի՞նչ կարծիք ունի այն պնդումների վերաբերյալ, ըստ որոնց՝ ռուս խաղաղապահների ներկայությունն այդ տարածքում ձևական բնույթ է կարում, Նորիկյանն ասում է՝ կարող ենք այդպես արձանագրել:
«Խաղաղապահների լիազորությունների շրջանակը հստակեցված չէ կամ առնվազն հայկական կողմի համար հասանելի չէ, որովհետև բացի եռակողմ հայտարարության 6-րդ կետից, այլ նորմատիվ իրավական ակտ, որով կսահմանվեն խաղաղապահ առաքելության իրավասությունները, մեզ հայտնի չեն: Պետք է հասկանանք՝ կոնկրետ դեպքերում խաղաղապահներն ի՞նչ գործառույթ են իրականացնելու. պետք է կրակի՞, զգուշացնի՞, ձերբակալի՞ կամ ի՞նչ անի: Անհասկանալի է, թե խաղաղապահներն ի՞նչ իրավասություններ ունեն ու ի՞նչ են կարողանալու անել կամ չանել»,- նշում է զրուցակիցը:
Զրուցակցի խոսքով՝ ի պատասխան Ադրբեջանի սադրիչ գործողությունների՝ չպետք է «մռութին տալու» ռազմավարություն ունենալ, այլ պետք է ռազմական հավասարակշռությունը վերականգնելու քաղաքականություն վարել. «Մեր խնդիրը որևէ սադրանքի տուրք չտալն է, չպետք է սադրանքին սադրանքով պատասխանել: Մենք պետք է ստեղծենք այնպիսի անվտանգային միջավայր, որ Ադրբեջանը, մեր պաշտպանական համակարգով պայմանավորված, զսպված քաղաքականություն վարի»:
Բայրամով-Լավրով հանդիպմանն էլ անդրադառնալիս քաղաքական գործիչը շեշտում է՝ ակնհայտ է, որ Ադրբեջանի ու ՌԴ-ի հարաբերություններն է՛լ ավելի են ջերմացել:
«Ըստ էության՝ մենք գործ ունենք ռազմավարական սինխրոնացման հետ: ՌԴ-ն տարածաշրջանում, ի դեմ Ադրբեջանի, ձեռք է բերել ռազմավարական գործընկերոջ, և պատահական չէ, որ այս տարվա փետրվար ամսին՝ Ուկրաինայի հետ ռազմական բախման նախօրեին, Ադրբեջանի հետ կնքվեց ռազմական բնույթի պայմանագիր, ինչը ենթադրում է, որ այլ հարթություն են տեղափոխվել Ռուսաստան-Ադրբեջան հարաբերությունները: Լավրովը հայտարարեց, որ աջակցում է Հայաստանի և Ադրբեջանի միջև խաղաղության պայմանագրի կնքմանը: Իսկ ես հարց եմ տալիս՝ ինչո՞ւ պետք է խաղաղության պայմանագիր կնքվի: Հայաստանն ու Ադրբեջանը երբեք պաշտոնապես պատերազմական հարաբերությունների մեջ չեն եղել: Պետք է քննարկվի Հայաստան և Ադրբեջանի միջև հարաբերությունների կարգավորման միտված պայմանագիրը»,- ասում է նա:
Նորիկյանը վստահ է՝ մինչև այս տարվա վերջ խաղաղության պայմանագիր չի կնքվելու, քանի որ Ադրբեջանի վարած քաղաքականությունը մեկն է՝ կորզել Հայաստանից ինչ հնարավոր է:
«Եթե այդ պայմանագիրը լինելու է ՀՀ-ի համար պարտադրված, ապա այն երկար կյանք չի ունենա: Պետք է ստեղծել այնպիսի միջավայր, որ այդ պայմանագիրը բխի նաև Հայաստանի շահերից»,- ընդգծում է նա:
Ադրբեջանն ու Հայաստանը մինչև տարեվերջ կարող են ապացուցել, որ միջազգային միջնորդության ձևը հնացել է․ Le Figaro
Օդի ջերմաստիճանի նորմայից շեղման արժեքով Հայաստանն աշխարհում երկրորդ ամենատաք երկիրն է
Ինչ նպատակ ունի «Խաղաղության խաչմերուկ» նախագիծը․ վարչապետի ելույթը Եվրասիական բարձրագույն խորհրդի նիստում (տեսանյութ)
Հայաստանի և Ադրբեջանի միջև խաղաղության համաձայնագրի շուտափույթ ստորագրումը կարևոր է․ Էրդողանը՝ Ասադովին
Միայն փոխադարձ հարգանքով և կառուցողական լուծումներով կպահպանվի ԵԱՏՄ-ի արդյունավետությունը․ Փաշինյան (տեսանյութ)
Միքայել արքեպիսկոպոս Աջապահյանի առաջնորդությամբ Գյումրիից եկած խումբը միացել է Գալստանյանի երթին
Տավուշում մեքենաներ են բախվել․ տուժած 3 քաղաքացի է տեղափոխվել հիվանդանոց
Որպես ՀՀ իշխանության ներկայացուցիչներ մեծ պարտավորություն ունենք մեր պետականությունը պահպանել և ամրապնդել․ ՀՀ նախագահ
ՀԱՊԿ-ն արձագանքել է ՀՀ-ի՝ կազմակերպության գործունեության ֆինանսավորմանը չմասնակցելու որոշմանը
Մաշտոցի պողոտայից դեպի Հաղթանակի կամուրջ և հակառակ ուղղությամբ ճանապարհահատվածը առանձին ժամերի փակ կլինի
ԱՄՆ դեսպանը ընդդիմադիր պատգամավորների հետ հանդիպմանը ողջունել է ՀՀ-ի և Ադրբեջանի միջև ձեռք բերված համաձայնությունը
Հայաստանի Հանրապետությունը չի մասնակցի ՀԱՊԿ գործունեության ֆինանսավորմանը. ԱԳՆ խոսնակ
Ինչ իրավիճակ է Լարսի ճանապարհին
Հանրապետական կուսակցության երիտթևը միացել է Բագրատ արքեպիսկոպոս Գալստանյանի գլխավորած շարժմանը
Նիկոլ Փաշինյանի նախագահությամբ Մոսկվայում մեկնարկել է ԵԱՏՄ 10-րդ գագաթնաժողովը (տեսանյութ)
Ռեստորանային համալիրի մոտ՝ կիսախարխուլ փայտե տնակում, տղամարդու դի է հայտնաբերվել
236 մլն եվրոյի վարկային համաձայնագիր կստորագրվի. ներկայացվել է Հյուսիս-հարավի Սիսիան-Քաջարան հատվածի ծրագիրը (տեսանյութ)
Մայիսի 9-ին ՄԻՊ-ն արտակարգ ռեժիմով կաշխատի
Հուսամ՝ շարժումը հրապարակ հասնելուց հետո Քոչարյանի խմբակցությունը կպատասխանի տվածս պարզ հարցին. Ալեքսանյան
ԲԿ-ներից մեկում բուժում ստացող կալանավորի սենյակից կասկածելի իրեր են հայտնաբերվել, վերելակի աթոռի տակից՝ թմրանյութ
Նախագահը Սան Ֆրանցիսկոյի և հարակից շրջանների հայ համայնքին է ներկայացրել ՀՀ-ում տեղի ունեցող իրադարձությունները
Նոր նշանակում ՀՀ քննչական կոմիտեում
Մեծ Բրիտանիան կարտաքսի ՌԴ ռազմական կցորդին․ ռուսների համար դիվանագիտական վիզաների նոր սահմանափակում կգործի
Նորագյուղում Իվան Պասկևիչի հուշարձանի մոտից հեռացրել են հայկական դրոշը՝ թողնելով միայն ռուսականը. տելեգրամ ալիքներ
Կիրանցում այսօր սահմանազատում չի կատարվում
Կալանավայրում գտնվող քաղաքացին իր ծանոթի հետ կատարել է 152 դրվագ համակարգչային հափշտակություն․ վնասի չափը 102 մլն դրամ է
Եկեղեցին ՀՀ սահմանադրական կարգը տապալելու հայտարարություններ է անում, պետք է իրավական գնահատական տրվի. Առաքելյան
Աղետալի կարկտահարության հետևանքները․ Սուրենյանը տեսանյութ է հրապարակել Կարբիից
Դոլարը թանկացել է․ ինչ փոփոխություններ է արձանագրել տարադրամի շուկան մայիսի 8-ին
Երևանում առանց պետհամարանիշի ռուսական դրոշներով մեքենաներ են շրջում
«Ամիօ ժամանակաշրջան». կրթությունը հնարավորություն է, որը փոխում է կյանքը
Յունիբանկը բիզնեսին առաջարկում է «Պարզեցված» վարկ` առանց վերլուծության
Կոնվերս Բանկը ՎԶԵԲ տարեկան ժողովի գլխավոր հովանավորն է
Քննարկվել են պարենային անվտանգության ոլորտում փոխադարձ հետաքրքրության հարցեր. հանդիպում ՆԳՆ ոստիկանությունում
Ucom-ի ֆիքսված ցանցը արդեն գործում է Արտաշատում
Հրդեհ մայրաքաղաքի Աբովյան փողոցում
Զախարովան մանրամասնել է՝ ինչ են քննարկելու Պուտինն ու Փաշինյանը
Վիտալի Բալասանյանը միացել է Բագրատ սրբազանի գլխավորած շարժմանը
Հայաստանի և այլ երկրների համար ԵԱՏՄ-ին մասնակցությունը լի է առաջին հերթին իրենց համար օգուտներով. Կրեմլ
ՌԴ ԱԳՆ-ն ողջունել է Ադրբեջանի և Հայաստանի արտգործնախարարների առաջիկա հանդիպումը Ղազախստանում
© 2024 Հայկական ժամանակ