Երևան
13 °C
ՏԻՄ ընտրություններից երկու ամիս անց Շիրակի մարզում դեռևս ամբողջությամբ ձևավորված չեն ընտրական գործընթացի մասնակից համայնքների աշխատակազմերը, նշանակված չեն խոշորացված համայնքների վարչական ղեկավարները: Ավելին՝ Ամասիա խոշորացված համայնքի կազմում գտնվող Արփիի նախկին համայնքապետ Մերգել Ղարիբյանը հրաժարվում է նորընտիր համայնքապետ Ջեմմա Հարությունյանին հանձնել համայնքի փաստաթղթերն ու գույքը:
«Հայկական ժամանակ»-ի հետ զրույցում Ղարիբյանն ասաց, որ ունի նման իրավունք. նախ, Արփիի բնակիչներն են այդպես պահանջում և նոր ընտրություն են ցանկանում, հետո էլ սպասում է վերաքննիչ դատարանի որոշմանը: «Պատասխանը գա, եթե վերաքննիչ դատարանն ասաց, որ մենք նոր ընտրության չենք գնալու, կկանչենք, կհանձնեք գույքը էդ մարդկանց»,- ասաց Ղարիբյանը:
Հարցին՝ ե՞րբ կլինի պատասխանը, Ղարիբյանը նշեց, որ ինքն էլ հստակ չգիտի. «Էս շաբաթ որ չեղավ, մյուս շաբաթ կլինի: Ամեն դեպքում, բնակչությունը բողոքում է ու չի թողնում՝ համայնքը հանձնենք»:
Խնդրից Շիրակի մարզպետարանը տեղյակ է: Ըստ կառույցի տեղական ինքնակառավարման և հանրապետական գործադիր մարմինների հարցերով վարչության պետ Արամ Անտոնյանի՝ Մերգել Ղարիբյանը ոչ միայն փաստաթղթերն ու գույքը չի հանձնում, այլ օրենքով չթույլատրված այլ քայլ է կատարել. աշխատանքից ազատել է Արփիի համայնքապետարանի աշխատակազմի բոլոր անդամներին՝ բացի հաշվապահից:
«Ինքը սխալ է եղել, որ ազատել է աշխատանքից: Նրանք մինչև փետրվարի վերջ աշխատելու էին, մինչև վարչական ղեկավար նշանակվեր, որպեսզի այդ գործընթացը միանգամից չդադարեր: Բնակչին եթե հարց է հետաքրքրում, կամ տեղեկանք է պետք, նրա համար միևնույնն է, թե դա ումից կստանա, կարևորն իր խնդրի լուծումն է: Հիմա այդ ամենով հաշվապահն է զբաղվում»,- նշեց նա:
Արփիում նաև պարբերաբար բողոքի ակցիաներ են կազմակերպվում ընդդեմ ընտրության արդյունքի:
Հիշեցնենք, որ 2021 թվականի դեկտեմբերի 5-ին կայացած ՏԻՄ ընտրություններում 3 քաղաքական ուժ էր պայքարել՝ «Քաղաքացիական պայմանագիր» կուսակցությունը, Հայաստանի հանրապետական կուսակցությունը և «Արփի-Ամասիա» դաշինքը: Համայնքն այսօր ղեկավարում է «Արփի-Ամասիա» դաշինքը գլխավորած Ջեմմա Հարությունյանը:
ՏԻՄ ընրություններում «Քաղաքացիական պայմանագիր» կուսակցության ընտրացուցակը գլխավորած Մերգել Ղարիբյանը, սակայն, նոր ընտրություն է պահանջում: Բողոքարկման հերթական քայլը հասել է վերաքննիչ դատարան, սպասում է որոշմանը:
Քանի դեռ նրանք սպասում են, Ամասիայի համայնքապետը դիմել է իրավապահների օգնությանը: Մեզ հետ զրույցում Ջեմմա Հարությունյանն ասաց, որ փետրվարի 3-ին ունեցել են պայմանավորվածություն, որ իրականացնեն ընդունման-հանձնման գործընթաց: Նկատի ունենալով, որ Մերգել Ղարիբյանի համակիրները բողոքի ակցիաներ են անցկացնում, հավաքվում են՝ դիմել է ոստիկանություն, որպեսզի հասարակական կարգը պահպանվի:
«Միջադեպ չեղավ, մեր աշխատակիցները գնացին, ոստիկանների ներկայությամբ մտան համայնքապետարան, բայց ինքը հրաժարվեց փաստաթղթերը հանձնելուց: Հիմա թող արդեն միջոցներ ձեռնարկի ոստիկանությունը, ես էլ չգիտեմ»,- ասաց Ամասիայի համայնքապետը:
Ջեմմա Հարությունյանը նաև նշեց, որ այդ պայմաններում աշխատանքային լուրջ դժվարություններ են առաջանում բյուջեի կազմման և այլ հարցերում:
Արփիի ֆինանսական փաստաթղթաշրջանառությունը Հարությունյանը տեսնում է, քանի որ իր լիազորությունների ստանձնումից հետո՝ սկսած դեկտեմբերի 23-ից, դրանք Ամասիա խոշորացված համայնքով են ձևակերպվում: Բայց կան չկարգավորվող հարցեր՝ կապված համայնքի տնօրինած գույքի, հողի և գույքահարկի հավաքագրումների հետ:
«Սեփական եկամուտ հունվարին չենք կարողացել հավաքել Արփիից, քանի որ աշխատակից չկա, չգիտենք՝ ումից ընդունենք, ոնց անենք»,- մտահոգվեց Ամասիայի համայնքապետը:
Մարզպետարանի պատասխանատուն էլ նկատեց՝ պետք չէ կենտրոնանալ այս համայնքում առկա խնդրի վրա, բայց նաև համամիտ է, որ խնդրին հստակ լուծում է անհրաժեշտ: Ըստ Անտոնյանի՝ մարզպետը Մերգել Ղարիբյանի հետ չի հանդիպել, անհրաժեշտություն չկա, բայց իրենք հանդիպել, զրուցել են:
«Շատ ողբերգական վիճակ չէ, բայց փոխադարձ հասկացողության խնդիր կա: Հետը խոսել ենք որպես մարդու, ոչ որպես Արփիի նախկին ղեկավարի: Հորդորել ենք, ասել, որ իր լիազորություններն արդեն դադարեցված են օրենքի ուժով, իրավասու չէ համայնքի գույք տնօրինելու, բացատրվել են հետագա բոլոր խնդիրները, որոնք կարող են առաջանալ: Դրանից բացի, այլ իրավասություն մենք չունենք: Կա համայնքի ղեկավար, նա էլ կարող է իրավապահներին դիմել հետագա հարցերի կարգավորման համար: Իրենք պետք է հասկանան, որ ընտրությունները կայացած են, ղեկավարն ընտրված է»,- ասաց տեղական ինքնակառավարման և հանրապետական գործադիր մարմինների հարցերով վարչության պետը:
Ընդհանուր առմամբ Շիրակի մարզը խոշորացված 6 համայնք ունի: Միայն Անիում ՏԻՄ ընտրություններ չեն կայացել:
Սամսոն Մատինյան
Առաջին անգամ Լոռու մարզում հայտնաբերվել է հազվագյուտ սև արագիլի բույն (լուսանկար)
Հայկական բժշկական ասոցիացիան չի միացել Բագրատ սրբազանի շարժմանը. հայտարարություն
Շինհրապարակներում հայտնաբերվել են սահմանված չափորոշիչների խախտումներ (տեսանյութ)
ՄԱԿ-ի գլխավոր քարտուղարը դիմել է Իսրայելին
Եթե գյուղապետերը չեն գտնում, որ փրկության խնդիր կա, ի՞նչ են կասեցնում և ո՞ւմ են փրկում. Սաֆարյան
Հայտնաբերվել է հրազենային վնասվածքով պայմանագրային զինծառայողի դի
Բախվել են մեքենաներ, կան տուժածներ (լուսանկար)
Չի բացառվում, որ մայիսի 9-ին Ռոբերտ Քոչարյանը՝ կաթողիկոսի ուղեկցությամբ, գա հրապարակ. Անի Խաչատրյան
Երկրաշարժ Հայաստանի տարածքում
Բելառուսն ակնթարթորեն կպատասխանի իր դեմ ցանկացած ռազմական ագրեսիայի. Լուկաշենկո
22-ամյա երիտասարդը մարմնական վնասվածքներ է հասցրել շտապօգնության բժշկին և վարորդին
Ինչպես է Բագրատ արքեպիսկոպոսի աջակից Վանեցյանը մեկնում Հայաստանից
Ֆինանսների նախարարի գլխավորած պատվիրակությունը շարունակել է հանդիպումները ԱԶԲ 57-րդ տարեկան հանդիպման շրջանակներում
Վերընտրվելուց հետո Պուտինը ստորագրել է ավանդական դարձած առաջին հրամանագրերը
Երևանում ավտոբուս է հրդեհվել
Որդին բութ գործիքով հարվածներ է հասցրել 83-ամյա մորը, որը հիվանդանոցում մահացել է
Ոստիկանները հեռացել են Կիրանցից
Կիրանցի և Ոսկեպարի վարչական ղեկավարները մանրամասներ են հայտնել սահմանազատման գործընթացի մասին
Ալիևն ու Ռայիսին կմասնակցեն Իրանի և Ադրբեջանի սահմանին կառուցված ամբարտակի բացմանը
Լարսը բեռնատարների համար փակ է
Հայաստանի պետական սիմֆոնիկ նվագախումբը հյուրախաղերով հանդես կգա ԱՄՆ-ում
Միրզոյանը Հունգարիայի ԱԺ փոխխոսնակի հետ մտքեր է փոխանակել տարածաշրջանային անվտանգային հարցերի շուրջ
ԱԱՏՄ-ն ստացել է տեղեկություններ, որ որոշ գործատուներ աշխատողներին պարտադրում են մասնակցել երթերի. ինչ պետք է իմանալ
Ոսկեպարի եկեղեցին գտնվում է ՀՀ ինքնիշխան տարածքում. Փաշինյանը՝ սահմանազատման արդյունքների մասին
Վարչապետը IWF նախագահին վստահեցրել է՝ կարվի ամեն ինչ՝ ծանրամարտի առաջնությունը բարձր մակարդակով կազմակերպելու համար
Խոշոր ավտովթար Շիրակի մարզում. հոսպիտալացվել է 6 քաղաքացի
Թուրքիայում ավելի քան 6 տարի ժամկետով 13 քուրդ քաղաքական գործիչ է դատապարտվել
Սրբազանի գլխավորած քարավանը 2 տարի առաջ «ցրցամ են տվել», հիմա կոորդինացնում են «նախկինները». Հարություն Մկրտչյան
Վեհափառն ասաց՝ գործող վարչապետը պետք է հեռանա, Ռոբերտ Քոչարյանը՝ ստանձնի պաշտոնը. Բաբաջանյանը զրույց է բացահայտել
Հայտնի են 4-րդ, 9-րդ և 12-րդ դասարանների աշակերտների ավարտական քննությունների օրերը
Վենետիկի հանձնաժողովի ներկայացուցիչների հետ քննարկվել է «Ազգային փոքրամասնությունների մասին» օրենքի նախագիծը
Ծանրամարտի աշխարհի 2027-ի առաջնությունն առաջինն է օլիմպիական մարզաձևից, որն անցկացվելու է Հայաստանում. Հարությունյան
Այո՛, ասել եմ՝ ձեռքերս կկտրեմ, այդ վերսիայով փաստաթուղթը չեմ ստորագրի, հիմա շատ կարևոր՝ էական բան է փոխվել. Փաշինյան
Զենքի գործադրմամբ խուլիգանություն Ամերիկյան համալսարանի մոտ. նախաձեռնվել է քրեական վարույթ, հայտնի է մեղադրվողը
Մհեր Գրիգորյանը և Իվանա Ժիվկովիչը քննարկել են Հայաստանում ՄԱԶԾ կողմից իրականացվող ծրագրերը
Մենք որդեգրել ենք Հայաստանում ինստիտուցիոնալ բարեփոխումների քաղաքականություն. Սիմոնյանը՝ Իվանա Ժիվկովիչին
ՀՀ-ում ԵՄ դիտորդական առաքելության կարգավիճակի մասին համաձայնագիրը մտել է ուժի մեջ
Պուտինը հինգերորդ անգամ պաշտոնապես ստանձնեց Ռուսաստանի Դաշնության նախագահի պաշտոնը (լուսանկարներ)
Սահմանագծման արդյունքում հայկական կողմին է անցնում 3 հեկտար տարածք. Կիրանցի վարչական ղեկավարը մանրամասներ է հայտնել
Շարժման առաջնորդը կաթողիկոսն է, թիվ մեկ շահառուն՝ Ռոբերտ Քոչարյանը. վարչապետ
© 2024 Հայկական ժամանակ