Երևան
10 °C
searchclose
today
menuclose
Երևան
10 °C
Երևանի էներգաարդյունավետության ծրագրի շրջանակում համայնքային ևս 6 մանկապարտեզ ամբողջությամբ կհիմնանորոգվի: Քաղաքապետ Հայկ Մարությանը մրցույթում հաղթած կապալառու կազմակերպությունների հետ ստորագրել է վեց նախակրթարանների հիմնանորոգման պայմանագրերը:
Այս մասին հաղորդագրություն է տարածել Երևանի քաղաքապետարանի աշխատակազմի լրատվության վարչությունը:
Երևանի թիվ 135, 138, 109, 110, 81 և 161 մանկապարտեզներում ծրագրի շրջանակում կտեղադրվեն էներգաարդյունավետությանը միտված սարքավորումներ, LED լուսատուներ, կիրականացվի շենքերի սեյսմիկ վերազինում, դռների և լուսամուտների փոխարինում և արևային ֆոտովոլտային վահանների տեղադրում, տանիքի պատերի ջերմամեկուսացում, որոնց արդյունքում կկրճատվեն հանրային շենքերի էներգետիկ սպասարկման ֆինանսական ծախսերը, ինչպես նաև տեղի կունենա արտանետվող CO2 գազի նվազեցում:
Շնորհակալություն հայտնելով ծրագրի աջակից ու գործընկեր կառույցներին՝ քաղաքապետ Մարությանը նշել է, որ առանց կատարված դրամաշնորհային ներդրումների Երևան համայնքը հնարավորություն չէր ունենա իրականացնելու մանկապարտեզների սեյսմիկ ամրացման և հիմնանորոգման նման ծավալուն աշխատանքներ:
«Ուզում եմ նշել այս ծրագրի կարևորությունը Երևան համայնքի համար՝ պայմանավորված մի քանի հանգամանքով. նախ՝ այս ծրագրի հիմնական շահառուն մեր մանուկներն են, որոնք այս ծրագրի արդյունքում հնարավորություն կունենան հաճախելու բարեկարգ և անվտանգ շենքային պայմաններով ապահովված մանկապարտեզներ, երկրորդը՝ այս ծրագրի շրջանակներում մենք կունենանք սեյսմիկ առումով ամուր, էներգաարդյունավետ և մատչելի մանկապարտեզներ և կապահովենք մանկապարտեզների համապատասխանությունը սանիտարական չափորոշիչներին, ինչը հատկապես կարևորվում է ներկա համաճարակի պայմաններում, և երրորդ՝ էներգաարդյունավետության ծրագիրը Երևան համայնքի կողմից առաջին ոչ սուվերեն վարկն է, ինչի արդյունավետ կյանքի կոչման շնորհիվ մենք կունենանք հնարավորություն՝ նմանատիպ հաջորդող ոչ սուվերեն վարկերի ստացման և նոր ծրագրերի իրականացման համար»,- նշել է քաղաքապետը։
Գոհունակություն հայտնելով ծրագրի ընթացքից՝ դոնոր կազմակերպությունների ներկայացուցիչներն իրենց հերթին համոզմունք են հայտնել, որ համատեղ ջանքերի շնորհիվ արդյունքները կլինեն տեսանելի:
«Սա այն բազմաթիվ նախագծերից մեկն է, որն իր շուրջն է համախմբել Երևանի քաղաքապետարանին, Եվրոպական Միությանը և, իհարկե, Եվրոպական ներդրումային բանկին: Այս նախագիծը երկու հետաքրքիր կողմ ունի. առաջինը էներգաարդյունավետության ապահովումն է և բարելավումը, ինչպես նաև էներգիայի սպառման նվազեցումը, և երկրորդը՝ այս համատեքստը շատ կարևոր է Եվրոպական ներդրումային բանկի համար, քանի որ այն հանդիսանում է եվրոպական կլիմայի բանկ»,- նշել է Եվրոպական ներդրումային բանկի (ԵՆԲ) ներկայացուցիչ Ռաֆալ Ռիբացկին:
Ծրագրի ընդհանուր արժեքը կազմում է 15 մլն եվրո, որից 7 մլն եվրո վարկ` Եվրոպական ներդրումային բանկից, 5 մլն եվրո դրամաշնորհ՝ Արևելյան Եվրոպայի էներգախնայողության և շրջակա միջավայրի գործընկերության հիմնադրամից (E5P), 1 մլն եվրո դրամաշնորհ Կանաչ կլիմայի հիմնադրամից, որը տնօրինվում է Միավորված ազգերի զարգացման ծրագրի (ՄԱԶԾ) կողմից և 2 մլն եվրո՝ Երևան համայնքի բյուջեից: Ծրագրի շրջանակներում հարկերը համաֆինանսավորվում են ՀՀ պետական բյուջեից։
Նույն ծրագրի առաջին փուլով համայնքային 8 մանկապարտեզներում (թիվ 36, 49, 22, 23, 71, 74, 47,48) այս պահին աշխատանքները լայն թափով ընթացքի մեջ են: Նշված մանկապարտեզների պայմանագրերը ստորագրվել էին դեռևս 2020թ. սեպտեմբերին և 2021թ. ապրիլին:
Երևանի էներգաարդյունավետության ծրագրից բացի, նախակրթարաններում նաև Երևանի քաղաքապետարանի տարեկան ծրագրերով են հիմնանորոգման աշխատանքներ իրականացվում:
«Մենք շատ ենք կարևորում մանկապարտեզների հենց հիմնանորոգումը, ոչ թե պարզապես նորոգումները: Նախորդ տարի 12 մանկապարտեզ հիմնանորոգած մենք հանձնել ենք, այս տարի քաղաքապետարանի ծրագրով 8 մանկապարտեզ այս պահին հիմնանորոգվում է և, կարծում եմ, մեծամասնությունն այս տարի շահագործման կհանձնենք, ևս 8 մանկապարտեզ մեր դոնոր կառույցների հետ ենք հիմնանորոգում, որոնցից մեկը այս տարի կհանձնենք, մնացած 7-ը՝ մյուս տարի և քիչ առաջ ստորագրեցինք ևս 6 մանկապարտեզների հիմնանորոգման պայմանագրերը»,- նշել է Հայկ Մարությանը:
Մոսկվայի և Երևանի հարաբերություններում իսկապես կան որոշակի դժվարություններ, բայց դրանք չպետք է ուռճացվեն․ Պեսկով
Վերջին անգամ հանդիպել ենք դեկտեմբերին, դրանից հետո կուտակվել են հարցեր․ ինչ է առաջարկել Փաշինյանը Պուտինին (տեսանյութ)
Կրեմլում կայացել է Նիկոլ Փաշինյանի և Վլադիմիր Պուտինի հանդիպումը (տեսանյութ)
Հայաստանում նոր ընտրություններ անցկացնելու հանրային հասարակական պահանջ չկա, ինչի՞ վրա է ձեր հույսը․ Արման Բաբաջանյան
Ինչպես քվեարկել «Լադանիվա» խմբի օգտին․ ներկայացվել է կարգը
Արարատ Միրզոյանը Մելանի Ժոլիին է ներկայացրել Հայաստանի և Ադրբեջանի միջև սահմանազատման գործընթացի վերջին զարգացումները
ՀԱՊԿ-ը ԵԱՏՄ-ի թեման չէ, Հայաստանի անդամակցության հետ կապված հարցեր չեն քննարկվել․ Օվերչուկ
Ադրբեջանն ու Հայաստանը մինչև տարեվերջ կարող են ապացուցել, որ միջազգային միջնորդության ձևը հնացել է․ Le Figaro
Օդի ջերմաստիճանի նորմայից շեղման արժեքով Հայաստանն աշխարհում երկրորդ ամենատաք երկիրն է
Ինչ նպատակ ունի «Խաղաղության խաչմերուկ» նախագիծը․ վարչապետի ելույթը Եվրասիական բարձրագույն խորհրդի նիստում (տեսանյութ)
Հայաստանի և Ադրբեջանի միջև խաղաղության համաձայնագրի շուտափույթ ստորագրումը կարևոր է․ Էրդողանը՝ Ասադովին
Միայն փոխադարձ հարգանքով և կառուցողական լուծումներով կպահպանվի ԵԱՏՄ-ի արդյունավետությունը․ Փաշինյան (տեսանյութ)
Միքայել արքեպիսկոպոս Աջապահյանի առաջնորդությամբ Գյումրիից եկած խումբը միացել է Գալստանյանի երթին
Տավուշում մեքենաներ են բախվել․ տուժած 3 քաղաքացի է տեղափոխվել հիվանդանոց
Որպես ՀՀ իշխանության ներկայացուցիչներ մեծ պարտավորություն ունենք մեր պետականությունը պահպանել և ամրապնդել․ ՀՀ նախագահ
ՀԱՊԿ-ն արձագանքել է ՀՀ-ի՝ կազմակերպության գործունեության ֆինանսավորմանը չմասնակցելու որոշմանը
Մաշտոցի պողոտայից դեպի Հաղթանակի կամուրջ և հակառակ ուղղությամբ ճանապարհահատվածը առանձին ժամերի փակ կլինի
ԱՄՆ դեսպանը ընդդիմադիր պատգամավորների հետ հանդիպմանը ողջունել է ՀՀ-ի և Ադրբեջանի միջև ձեռք բերված համաձայնությունը
Հայաստանի Հանրապետությունը չի մասնակցի ՀԱՊԿ գործունեության ֆինանսավորմանը. ԱԳՆ խոսնակ
Ինչ իրավիճակ է Լարսի ճանապարհին
Հանրապետական կուսակցության երիտթևը միացել է Բագրատ արքեպիսկոպոս Գալստանյանի գլխավորած շարժմանը
Նիկոլ Փաշինյանի նախագահությամբ Մոսկվայում մեկնարկել է ԵԱՏՄ 10-րդ գագաթնաժողովը (տեսանյութ)
Ռեստորանային համալիրի մոտ՝ կիսախարխուլ փայտե տնակում, տղամարդու դի է հայտնաբերվել
236 մլն եվրոյի վարկային համաձայնագիր կստորագրվի. ներկայացվել է Հյուսիս-հարավի Սիսիան-Քաջարան հատվածի ծրագիրը (տեսանյութ)
Մայիսի 9-ին ՄԻՊ-ն արտակարգ ռեժիմով կաշխատի
Հուսամ՝ շարժումը հրապարակ հասնելուց հետո Քոչարյանի խմբակցությունը կպատասխանի տվածս պարզ հարցին. Ալեքսանյան
ԲԿ-ներից մեկում բուժում ստացող կալանավորի սենյակից կասկածելի իրեր են հայտնաբերվել, վերելակի աթոռի տակից՝ թմրանյութ
Նախագահը Սան Ֆրանցիսկոյի և հարակից շրջանների հայ համայնքին է ներկայացրել ՀՀ-ում տեղի ունեցող իրադարձությունները
Նոր նշանակում ՀՀ քննչական կոմիտեում
Մեծ Բրիտանիան կարտաքսի ՌԴ ռազմական կցորդին․ ռուսների համար դիվանագիտական վիզաների նոր սահմանափակում կգործի
Նորագյուղում Իվան Պասկևիչի հուշարձանի մոտից հեռացրել են հայկական դրոշը՝ թողնելով միայն ռուսականը. տելեգրամ ալիքներ
Կիրանցում այսօր սահմանազատում չի կատարվում
Կալանավայրում գտնվող քաղաքացին իր ծանոթի հետ կատարել է 152 դրվագ համակարգչային հափշտակություն․ վնասի չափը 102 մլն դրամ է
Եկեղեցին ՀՀ սահմանադրական կարգը տապալելու հայտարարություններ է անում, պետք է իրավական գնահատական տրվի. Առաքելյան
Աղետալի կարկտահարության հետևանքները․ Սուրենյանը տեսանյութ է հրապարակել Կարբիից
Դոլարը թանկացել է․ ինչ փոփոխություններ է արձանագրել տարադրամի շուկան մայիսի 8-ին
Երևանում առանց պետհամարանիշի ռուսական դրոշներով մեքենաներ են շրջում
«Ամիօ ժամանակաշրջան». կրթությունը հնարավորություն է, որը փոխում է կյանքը
Յունիբանկը բիզնեսին առաջարկում է «Պարզեցված» վարկ` առանց վերլուծության
Կոնվերս Բանկը ՎԶԵԲ տարեկան ժողովի գլխավոր հովանավորն է
