Երևան
16 °C
Հայաստանի Հանրապետության նախագահ, «Հայաստան» համահայկական հիմնադրամի հոգաբարձուների խորհրդի նախագահ Արմեն Սարգսյանը հանդես եկել ուղերձով:
Այն ձեզ ենք ներկայացնում՝ ստորեւ.
«Սիրելի՛ հայրենակիցներ,
Ավելի քան մեկ ամիս է Արցախը, Հայաստանը, ողջ հայ ժողովուրդը հայրենական պատերազմ են մղում,
Պատերազմ՝ սանձազերծված Ադրբեջանի և Թուրքիայի կողմից,
Պատերազմ՝ նաև միջազգային ահաբեկչության դեմ:
Մեր քաջ զինվորականը և կամավորականը կռվում են անձնուրաց, առանց իրենց կյանքը խնայելու:
Կռվում են հանուն ազատության և արժանապատվության, հանուն Հայրենիքի:
Խոնարհվում ենք մեր զոհված հերոսների ու նրանց ընտանիքների առջև:
Իմ ցավակցությունն եմ հայտնում բոլոր որդեկորույս մայրերին ու հայրերին,
իրենց ամուսիններին կորցրած կանանց,
եղբայրներին կորցրած քույրերին,
թոռներին կորցրած տատիկներին ու պապիկներին...
Այս պատերազմում հաղթանակը մեզ համար նշանակում է պաշտպանել մեր տունը, մեր մշակույթը, մեր արժեքները, մեր հավատքը,
նշանակում է նաև ամեն ինչ անել, որ չլինի երկրորդ ցեղասպանություն,
նշանակում է նաև պատերազմ հանուն մեր հերոսների, մեր նահատակված քաջերի հիշատակի...
Շուրջ 30 տարի առաջ սկսված հայրենական պատերազմը շարունակվում է:
Ինձ հաճախ հարցրել են, թե ինչպե՞ս ենք կարողացել երկրաշարժից չբուժված վերքերով, ավերված տնտեսությամբ ու գրեթե անզեն վիճակով 30 տարի առաջ հաղթել:
Գուցե ոմանց մեր հաղթանակը իսկապես անհնար էր թվում: Բայց ո՛չ մեզ:
30 տարի առաջ մենք չունեինք ուժեղ տնտեսություն, ճանապարհներ, վառելիք, չունեինք բավարար քանակությամբ զենք:
Սակայն հաղթեցինք, որովհետև մենք ունեինք ամենահզոր զենքը՝ մեզ, մեր միասնությունը:
Այսօր էլ ոմանք ինձ հարցնում են, թե ո՞րն է մեր այսօրվա հաղթանակի երաշխիքը:
Իմ պատասխանը չի փոխվել՝ մեր միասնությունը:
Ուզում եմ հորդորել մեր քաղաքական ուժերին, քաղաքական և հասարակական գործիչներին՝
եղե՛ք ժողովրդի պես միասնական ու համախմբված,
հետևե՛ք ժողովրդի օրինակին...
Սիրելի՛ հայրենակիցներ,
Արցախի վրա հարձակված թշնամուց բացի մենք ունենք ևս մեկ թշնամի` կորոնավիրուսի համավարակը, որն ամեն օր կյանքեր է խլում:
Ցավակցում եմ համավարակին զոհ գնացած մեր հայրենակիցների ընտանիքներին ու հարազատներին:
Կորոնավիրուսի դեմ պայքարում նույնպես, հաղթանակը կախված է մեզնից՝
թե որքան միասնական և համախմբված, կազմակերպված և կարգապահ կլինենք...
Ցանկանում եմ իմ առանձնահատուկ շնորհակալությունը հայտնել այդ պայքարի առաջամարտիկներին՝ առողջապահության համակարգի բոլոր, բոլոր աշխատակիցներին՝ բժշկից մինչև բուժքույր ու բուժեղբայր, մայրապետ ու սանիտար, շտապօգնության վարորդ և տեխնիկական աշխատակիցներ, որոնք օր ու գիշեր անձնվիրաբար պայքարում են կորոնավիրուսի դեմ:
Նրանք մեկ ուրիշ ճակատի առաջին գծում են...
Սիրելի՛ հայրենակիցներ Արցախում, Հայաստանում և Սփյուռքում,
Շնորհակալ եմ ձեր յուրաքանչյուր ջանքի ու ձգտումի, ձեր սրտացավության ու ջերմության, ձեր համախմբվածության ու կազմակերպվածության համար, ձեր օգնության համար:
Օգնություն, որ ցուցաբերում եք տարբեր ձևերով ու միջոցներով:
Շարունակե՛ք Ձեր աջակցությունը՝ նյութապես ու բարոյապես, նվիրատվությամբ ու բարեգործությամբ, կապերով ու գիտելիքով, ձեր անմիջական մասնակցությամբ կամ հեռավոր ներկայությամբ:
Ողջ հայությունը, գիտակցելով պահի լրջությունը և հայրենիքի շուրջ համախմբվելու հրատապությունը, անմիջապես լծվեց Համահայկական հիմնադրամի աշխատանքներին, որը վերածվել է համազգային շարժման։ Ցանկանում եմ շնորհակալություն հայտնել բոլոր նվիրատուներին՝ Սփյուռքից և Հայաստանից։
Նվիրատվություն անելով «Հայաստան» համահայկական հիմնադրամին՝ դուք աջակցում եք Հայաստանում ապաստանած արցախցի ընտանիքների, փախստականների խնդիրների լուծմանը, ավերված դպրոցների ու տների վերականգնմանը:
Կոչ եմ անում Հայաստանում և համայն սփյուռքում բնակվող բոլոր հայ գործարարներին, բարերարներին, միություններին, կազմակերպություններին, անհատներին` անել առավելագույնը հանուն հայ ժողովրդի անվտանգության։
Մեր հույսը մենք ենք և մեր իրական բարեկամները:
Միասի՛ն ենք կերտելու մեր հաղթանակը:
Աստված պահապան Արցախին, Հայաստանին և մեր ողջ ժողովրդին»:
Նորք Մարաշում՝ ամբողջությամբ, ևս 2 վարչական շրջանում՝ մասամբ, 24 ժամով կդադարեցվի ջրամատակարարումը
Հայաստանի մանկական քաղցկեղի և արյան հիվանդությունների կենտրոնի ղեկավարը աշխատանքից ազատման դիմում է գրել
Բլինքենը նվագել և երգել է Կիևի բարերից մեկում (տեսանյութ)
Յոլյանի անվան արյունաբանական կենտրոնի տնօրեն Սամվել Դանիելյանը ազատվել է աշխատանքից
ՀՀ ֆինանսների նախարարը հանդիպել է Կոսովոյի պատվիրակության հետ
Մեր խաղաղապահներն արել են ամենակարևորը, որի մասին չպետք է մոռանալ. Գալուզին
Վազգեն Մանուկյանին վարչապետի թեկնածու առաջադրելու առաջարկը ուժի մեջ է, գոնե քաղաքական հիշատակը վառ կպահվի. Չախոյան
Հայաստանում ԵՄ առաքելությունը վնասում է ողջ Հարավային Կովկասին, աշխատում հարևանների դեմ. ՌԴ ԱԳՆ
Փակ են լինելու փողոցներ. ՆԳՆ ոստիկանություն
Ալմաթիում Միրզոյանի և Բայրամովի հանդիպումը մի քայլով առաջընթաց է խաղաղության ճանապարհին. Գալուզին
Եկեղեցին դրեցին քաղաքական կյանքի մսաղացի տակ, զարմանում են, որ «աղում է», հարսի հնազանդությո՞ւն էիք սպասում. Սաֆարյան
Ձերբակալվել է Գալստանյանի գլխավորած շարժման 5 ակտիվիստ
ԱՄՆ կառավարությունն աջակցում է Հայաստանի պետական հաստատությունների զարգացմանը
Էրդողանը գիշերով շտապ խորհրդակցություն է հրավիրել. նրան հայտնել են պետական հեղաշրջում ծրագրելու փորձի մասին
Փակ փողոցներ ու ճանապարհներ չկան. ՆԳՆ-ն հայտնել է 2 բերման ենթարկվածի մասին
Պետք է կարողանանք հարգել դիմացինի առանձնահատկությունը ու հանդուրժող լինել. ՄԻՊ-ն այցելել է «ՍՕՍ մանկական գյուղեր»
Լավագույն ապագայի հեռանկարը. Վարդապետյանը՝ ԵՄ անդամակցության վերաբերյալ անկեղծ պատասխանի մասին
4 աղբաման, 5 ցուցարար. Գալստանյանի աջակիցների ակցիան Երևանի երկու փողոցում
Գ. Զաքարյան. Կապիտալի շուկայի զարգացումը կարևորագույն նշանակություն ունի տնտեսության զարգացման համար
Տիգրան Ավինյանի գլխավորած պատվիրակությունը ուղևորվում է Փարիզ
Ucom-ի գլխավոր տնօրենը մասնակցել է Բարձր տեխնոլոգիաների զարգացմանը նվիրված միջոցառմանը
Գեներատորային բաժանիչի մատակարարման և տեղադրման աշխատանքների ձեռքբերման բաց մրցույթ
Անձրևաջրերը հեղեղել են ավտոկայանատեղին ու սննդի կետը. հեռացվել է 350 տոննա ջուր
Վրաստանի նախագահը հայտարարել է, որ վետո կկիրառի օտարերկրյա գործակալների մասին օրինագծի հանդեպ
Անդրեյ Բելոուսովը նշանակվել է ՌԴ պաշտպանության նախարար
Սլովակիան Հայաստանի կարևոր գործընկերներից մեկն է․ Հակոբ Արշակյանը՝ Մարիան Քերիին
Հյուրանոցային համալիրի մոտ վիճաբանել, հայհոյել, ծեծել են իրար․ կան բերման ենթարկվածներ
«Ազգային Բևեռ»-ի հանրահավաքի ժամանակ ոստիկանի գլխին բռունցքով հարվածած կնոջը մեղադրանք է ներկայացվել
ՀՀ կառավարությունը լավագույնս գիտակցում է իր անելիքների ու պատասխանատվության չափաբաժինը․ Մխիթար Հայրապետյան
Իսրայելի ռազմաօդային ուժերը հարվածել են ՀԱՄԱՍ-ի կենտրոնակայանին
Լիտվայի ոստիկանությունը կաջակցի ՀՀ Քրեական ոստիկանության ծառայողների կրթության և վերապատրաստման աշխատանքներին
Խնդիրը Փաշինյանի հրաժարականը չէ, այլ երկրում անկայունություն ստեղծելն է, պարտվածության զգացումը խորացնելը. Միսկարյան
Թալանել են դպրոցներից մեկի զինղեկի բնակարանը․ հափշտակել են ոսկեղեն և գումար
Նոր բան մտածեք մաեստրո, մեսիայի քաղտեխնոլոգները մոռացել են, որ այդ խաղաքարտն արդեն խաղացել են․ Թորոսյանը՝ Գալստանյանին
Եկեղեցու բակում նորածնին լքած մայրը հայտնաբերվել է
ԲԿ-ներից մեկի բժիշկ-ստոմատոլոգի վարած մեքենան կողաշրջվել, ընկել է առուն
Գուցե սադրանքի գնան, մի բան պայթի, ասեն՝ «էսպես եղավ, գնում ենք տուն», որ շարժման ձախողումը արդարացնեն այդպես. Խաչատրյան
Հաստատվել է Հայաստանի և Հնդկաստանի պաշտպանության նախարարությունների միջև 2024-25 թթ. համագործակցության պլանը
Նախագահն ասաց, որ վետոյի իրավունք ունի․ Շառլ Միշելը հիասթափված է Վրաստանում ընթացող զարգացումներից
Գալստանյանը հանդիպել է «Պատիվ ունեմ» դաշինքի, «Հանրապետական» կուսակցության ներկայացուցիչների և նախկին վարչապետների հետ
© 2024 Հայկական ժամանակ