Երևան
19 °C
searchclose
today
menuclose
Երևան
19 °C
ՌԴ Պետդուման մարտի 10-ին կողմ քվեարկեց «Եդինայա Ռոսիա» խմբակցության պատգամավոր Վալենտինա Տերեշկովայի նախաձեռնությանը՝ Վլադիմիր Պուտինի նախագահական ժամկետները «զրոյացնելու» դրույթը սահմանադրական փոփոխությունների մեջ ներառելուն: Դեմ էր հանդես եկել միայն կոմունիստական կուսակցությունը:
Տերեշկովան իր առաջարկը ներկայացրեց թղթից կարդալով: «Ինքնաբուխ» առաջարկից շուրջ մեկ ժամ անց անձամբ Պուտինը հանկարծակի ժամանեց Դումա: Օրենսդիր մարմնի ամբիոնից նա, նույնպես ընթերցելով, հավանություն տվեց այդ գաղափարին՝ նշելով, որ դեմ չի ժամկետների «զրոյացմանը», եթե Սահմանադրական դատարանը եւս հավանություն տա այդ առաջարկին: Մարտի 16-ին ՍԴ-ն տվեց հավանությունը:
Այդպիսով Սահմանադրության խմբագրումն ավարտվեց երկու ամսում. Պուտինն առաջարկել էր զբաղվել դրանով հունվարի 15-ին՝ Դաշնային ժողովի պատգամավորներին եւ սենատորներին ուղերձում: Վերջնականապես դրանք ուժի մեջ կմտնեն ապրիլի 22-ին նշանակված համաժողովրդական քվեարկությունից հետո, որի հեռանկարը փոքր ինչ մշուշոտ է թվում կորոնավիրուսի տարածման ֆոնին:
Փոփոխությունները Պուտինին հնարավորություն կտան 2024թ.՝ ընթացիկ նախագահական ժամկետի ավարտից հետո առաջադրվել նախագահի պաշտոնում երրորդ անընդմեջ, իսկ ընդհանուր առմամբ հինգերորդ անգամ եւ պաշտոնավարել մինչեւ 2030թ., իսկ վեցերորդ անգամ առաջադրվելու պարագայում մինչեւ 2036թ.: Ավելի վաղ՝ հունվարի 15-ին Պուտինը հրապարակայնորեն բացառել էր երրորդ անգամ անընդմեջ ընտրվելու տարբերակը:
Որպես ժամկետները «զրոյացնելու» հիմնավորւմ ի թիվս այլոց նշվում են արտաքին քաղաքական իրավիճակը, հակամարտությունները, կորոնավիրուսի հետ կապված իրավիճակը, նավթի գների անկումը: Պուտինի խոսնակ Դմիտրի Պեսկովի խոսքով՝ Պուտինի առաջադրումը 2024թ. կախված կլինի «տարբեր գործոններից», ինչպիսիք են համաշխարհային տնտեսության վիճակը, քաղաքական հարցերը եւ հակամարտությունների կարգավիճակը:
Գործնականում որեւէ կասկած չկա, որ սահմանադրական փոփոխությունները նախաձեռնվել էին Պուտինի իշխանությունը երկարաձգելու համար: Ավելի վաղ՝ հունվարի 15-ին նա հրապարակայնորեն բացառել էր երրորդ անգամ անընդմեջ ընտրվելու տարբերակը: Այդ ժամանակ լայն տարածում մի քանի վարկածներ, որոնք թույլ կտային Պուտինին իշխանության մնալ այլ պաշտոնում: Փոփոխությունների հապշտապությունը եւ հախուռն ընթացքը հուշում են, որ իշխանությունում եւս մինչեւ վերջ չգիտեին, թե կոնկրետ որ սցենարով են շարժվելու:
Տարբերակները մի քանիսն էին. ղազախական սցենարը՝ Պետխորհրդի դերի բարձրացման միջոցով, «ժառանգորդ» գործողությունը եւ հենց տեղի ունեցած «զրոյացումը»:
Ղազախական սցենարը ենթադրում էր նախագահի պաշտոնից վեր պաշտոնի ստեղծում, որը եւ պետք է զբաղեցներ Պուտինը նախագահական ժամկետը լրանալուց հետո: Որպես նման պաշտոն դիտարկվում էր Պետխորհրդի նախագահի պաշտոնը, որի լիազորությունների ընդլայնման արդյունքում նա դառնալու էր երկրի փաստացի ստվերային ղեկավարը: Սակայն այդ դեպքում անհրաժեշտ էր լինելու առանցքային պաշտոններում նշանակել հեղինակություն վայելող եւ հավատարիմ գործիչների, ինչը, ժամանակի ընթացքում ապակենտրոնանալով, կարող էր հանգեցնել ներիշխանական պայքարի եւ իշխանության կորստի կամ պետականության թուլացման:
«Ժառանգորդ» գործողությունը, ամենայն հավանականությամբ, տապալվեց «արժանի թեկնածուի» բացակայության պատճառով: Այս պահի դրությամբ Ռուսաստանի քաղաքական դաշտում չկա որեւէ գործիչ որին կարելի է համեմատել 1999թ. Պուտինին: Նման գործչի բացակայության պայմաններում, թերեւս, «ժառանգորդի» սցենարը ռիսկային է պետության միասնության, իշխանության կայունության եւ, ինչու ոչ, անձնական անվտանգության տեսանկյունից: Մյուս կողմից չի բացառվում, որ մինչեւ 2024թ. նման գործիչ հայտնվի եւ ներկայիս սցենարը փոխարինվի:
Այդպիսով ստացվում է, որ ժամկետների «զրոյացումը» ինչ-որ առումով հարկադրված որոշում է: Վերջին ելույթում Պուտինը ոչ թե պնդեց, այլ չբացառեց 2024թ. առաջադրվելու հավանականությունը: Պեսկովի նշած «տարբեր գործոնները» եւս խոսում են նրա մասին, որ «զրոյացման» տարբերակը չարյաց փոքրագույնն է, եւ մինչեւ 2024թ. նոր տարբերակների փնտրտուքը կշարունակվի:
Ամեն դեպքում լուրջ փոփոխություններ ՌԴ քաղաքականության մեջ չեն սպասվում: Փոփոխությունները հնարավոր են սոցիալական քաղաքականության մեջ, սակայն գլոբալ առումով եւ, առավել եւս արտաքին քաղաքականությունում հնարավոր են միայն կտրուկ տեղաշարժերի արդյունքում: Այս առիթով ուշագրավ են Պուտինի խոսքերը Պետդումայում այն մասին, որ «Ռուսաստանը սպառել է հեղափոխությունների իր լիմիտը»:
Ոսկեպարի շրջանում ադրբեջանական ստորաբաժանումների առաջխաղացման մասին լուրը կեղծ է
Փաշինյանն ու Բլինքենը քննարկել են Հայաստան-Ադրբեջան սահմանազատման գործընթացն ու «Խաղաղության խաչմերուկ» նախագիծը
Էկոնոմիկայի նախարարը մասնագետների հետ քննարկել է խաղողագործության և գինեգործության ոլորտում առկա մարտահրավերները
Կա՞ր հոգևորական, որ ծպտուն հանեց Հոկտեմբերի 27-ին կամ Մարտի 1-ին, ուժեղ տղերք են դարձել, դասեր են տալիս. Մկրտչյան
«Վարչապետի գավաթն» ավելի ու ավելի շատ պետք է կապված լինի կրթության, դպրոցի հետ. Նիկոլ Փաշինյան (լուսանկարներ)
Ֆրանսիան Աթենքում հանդիսավոր արարողությամբ ստացել է օլիմպիական կրակը (լուսանկարներ)
Սյունիքի փոխմարզպետը ավտոբուսի վթարից տուժած իրանցիներին նվերներ ու ծաղիկներ է տարել
Պահեստազորի գնդապետ Միհրան Մախսուդյանի որդին 2 ամսով կալանավորվել է
Կատարում Վահան Կոստանյանը ներկայացրել է Հայաստանի տնտեսական գրավչությանը նպաստող գործոնները
Արգելակները «չեն պահել», ավտոբուսը կոտրել է պատնեշն ու գլորվել ձորը, բոլոր զոհերն իրանցիներ են. ձերբակալվել է վարորդը
Արևշատ գյուղի կամրջից ավտոմեքենան ընկել է Ազատ գետը. կա տուժած
Ավինյանի որոշմամբ՝ Արման Տեր-Թովմասյանն ազատվել է «Ջրային Կառույցներ» ընկերության տնօրենի պաշտոնից
Վանաձորում վրաերթի է ենթարկվել 13-ամյա երեխա
Միրզոյանը Կատարի գործընկերոջը ներկայացրել է Հայաստան-Ադրբեջան կարգավորման գործընթացի զարգացումները
Աղդամում ականի պայթյունից ադրբեջանցի է վիրավորում ստացել
Ավտովթար Ջերմուկ-Գնդեվազ ճանապարհին. ծանր վիճակում հոսպիտալացվել է 2 տուժած
Երևանում փակ ճանապարհներ չկան, դեպի Գյումրի ուղղությամբ երթևեկությունը վերականգնվել է
Քիմ Քարդաշյանն այցելել է Սպիտակ տուն և հանդիպել ԱՄՆ փոխնախագահին (լուսանկարներ)
Մեկնարկել է ՀՀ ԱԳ նախարար Արարատ Միրզոյանի պաշտոնական այցը Կատար
Ալեն Սիմոնյանը մեկնում է արձակուրդ
Շվեդիայում կրկին հրապարակայնորեն այրել են Ղուրանը (լուսանկարներ)
Կիևը գերմանական ընկերությունից պահանջել է ավելի քան 800 Vector անօդաչու թռչող սարք
Սպասվում է անձրև, ամպրոպ, առանձին հատվածներում՝ կարկուտ և քամու ուժգնացում. կցրտի 7-9 աստիճանով
Սյունիքի մարզպետը և Կապանում Իրանի գլխավոր հյուպատոսը տեսակցել են ավտոբուսի վթարի հետևանքով տուժած քաղաքացիներին
Հայաստանը շուտով Թուրքիային կփոխանցի Անիի կամրջի վերականգնման շուրջ իր մոտեցումները. ԱԳՆ
Մեկնարկել է «ՀՀ վարչապետի գավաթ» սեղանի թենիսի սիրողական մրցաշարի եզրափակիչ փուլը
Սպորտային մարմնամարզության ԵԱ. Արթուր Դավթյանն արծաթե մեդալ է նվաճել
Բլինքենն ուղևորվելու է Մերձավոր Արևելք
Քաղաքացին Գութանասար բարձրանալիս կոտրել է ոտքը. փրկարարները մոտ 6 կմ-ից իջեցրել են, օգնել հոսպիտալացվել
Վրաստանից էլեկտրաէներգիայի արտահանումն աճել է 14 անգամ. որքան է վաճառվել Հայաստանին
Գետափնյա գյուղի մոտակա կամրջով երթևեկությունը դեռևս փակ է
Մահացել է ազատամարտի մասին երգեր կատարող Սահակ Սահակյանը
Պահեստազորի գնդապետ Միհրան Մախսուդյանի որդուն մեղադրանք է առաջադրվել
Սուրենյանը հայտնել է Երևանում սպասվող գրեթե ռեկորդային տաքության մասին
Մահացել է Պարույր Սևակի որդին` ոստիկանության գնդապետ Արմեն Ղազարյանը
Նիկոլ Փաշինյանը տիկնոջ հետ հանդիպել է «ՀՀ վարչապետի գավաթ» սեղանի թենիսի մրցաշարի եզրափակիչ փուլի մասնակիցներին
Սյունիքում ձորն ընկած ավտոբուսի վթարի հետևանքով զոհերի թիվը հասել է 5-ի
Հենց գալիս են՝ ապրանքը հավաքում, շենքերի բակ ենք փախչում». քաղաքապետարանի և փողոցային առևտրականների «հակամարտությունը»
Գյումրու պատմական «Վառեմ-մարեմի շենքի» փրկության հերթական ծրագիրը․ ով է այս անգամ պատրաստվում վառել Սիրանուշի տան լույսը
4 զոհ և 9 տուժած․ Սյունիքում ձորն ընկած ավտոբուսի վթարի հետևանքով զոհերի թիվն աճել է
