Պորտուգալական ֆուտբոլի ակադեմիայի առաջին հավաքից հետո 2 հայ երեխա կմեկնի Պորտուգալիա՝ մարզվելու. շուտով 2-րդ հավաքն է

Պորտուգալական «Bsports» ֆուտբոլի ակադեմիան շուտով մանկապատանեկան 2-րդ հավաքը կանցկացնի Երեւանում: Այն կսկսվի մարտի 23-ին, կավարտվի 1 շաբաթ անց: Անցած տարվա նոյեմբերին կայացած հավաքին մասնակցել է 25 հոգի: «Հայկական ժամանակ»-ի հետ զրույցում նախաձեռնության հեղինակ, նախկին ֆուտբոլիստ Լեւոն Ղասաբօղլյանն ասաց, որ հետաքրքրությունը դեռ այն ժամանակ մեծ է եղել, ինչն էլ պատճառ է դարձել, որ 2-րդ ճամբարը նախատեսածից շուտ սկսեն:

«Մենք պլանավորել էինք 2-րդն անել ամռանը, բայց քանի որ այսպիսի ուժեղ ռեզոնանս եղավ, որոշեցինք ավելի շուտ ու մարտին անում ենք»,- ասաց նա:

Այս անգամ որոշել են 60 երեխա ընդգրկել: Եթե ցանկացողներն ավելի շատ լինեն, կազմակերպիչները կմտածեն 2 փուլով անցկացնելու մասին: Հավաքին կարող են մասնակցել 9-16 տարեկան երեխաները, ու պարտադիր չէ, որ ֆուտբոլով զբաղվող լինեն: Ղասաբօղլյանի խոսքով՝ նրանց համար հատուկ ծրագիր է պատրաստված:

«Երեխաներն ապրում են 4-աստղանի հյուրանոցում: Այնտեղ 3 անգամվա բարձորակ սնունդ է, 24-ժամյա հագեցած ծրագիր, լինում է հոգեբանների հետ աշխատանք, գործնական, տեսական պարապմունքներ, գալ-գնալով չէ, մնում են հյուրանոցում, ամբողջական հավաք են անում»,- ներկայացրեց նա:

Մարզումներն անցկացնելու են «Bsports»-ի մասնագետները՝ գործադիր տնօրեն Պեդրո Լեիտիսն իր մարզչական շտաբով: Այստեղ նրանց միանալու են հայ մարզիչներ: Այս անգամ նույնպես լավագույն 2 երեխաները Պորտուգալիայում 1 ամիս «Bspօrts»-ի ակադեմիայում անվճար մարզվելու հնարավորություն են ստանալու: Անցած անգամ ընտրվել են Արա Ջոլաքյանը եւ Արման Առաքելյանը: Նրանց ծնողների որոշմամբ՝ երեխաները մեկնելու են այս ամռանը, որպեսզի ուսմանը չխանգարի:

Ղասաբօլղյանն ընդգծում է, որ, «Bsports»-ի հիմնական նպատակը հենց արտասահմանից տաղանդներ գտնել է, ու նշում, որ, եթե այս երեխաներն իրենց լավ դրսեւորեն Պորտուգալիայում, կարող են «Bsports»-ի ֆուտբոլիստներ դառնալ, որտեղ ուսումն անվճար կլինի: Նա շեշտում է, որ ակադեմիայում աշխատում են բարձրակարգ մասնագետներ, իսկ ֆուտբոլիստները դառնում են պրոֆեսիոնալներ, որոնք իրենց նկատած գործակալների միջոցով հետագայում կարող են հարթել իրենց ճանապարհը: Ըստ Ղասաբօղլյանի՝ չընտրված երեխաների համար նույնպես երեւանյան ճամբարը կարեւոր փորձություն է եւ նրանք նույնպես շատ ուրախ են:

«Բոլորն ստանում են իրենց անվանական միջազգային սերտիֆիկատը եւ թերթիկ են ստանում, որում նշված են իրենց ուժեղ ու թույլ կողմերը, օրինակ, ուժեղ ոտք, թույլ ոտք, գնդակի տիրապետում, գնդակի հետ վարվելու ունակություններ... բոլոր մանրամասները: Այն երեխաների մոտ էլ, որոնք չեն գնալու Պորտուգալիա, մեծ ոգեւորություն է տիրում»,- ասաց նա՝ ավելացնելով, որ ոգեւորության մասին կփաստեն նաեւ ծնողները:

Անցած անգամ ճամբարն անցկացվել է «Փյունիկ» ֆուտբոլային ակումբի մարզաբազայում, ինչի համար Ղասաբօղլյանը շնորհակալություն է հայտնում ակումբի սեփականատիրոջը: Այս անգամ դեռ հայտնի չէ՝ որտեղ է լինելու: Պարզ կդառնա առաջիկա օրերին, եւ մանրամասների մասին հնարավոր է տեղեկանալ նախաձեռնողների նշած կոնտակտներով (091463570): Ըստ Ղասաբօղլյանի՝ կազմակերպչական հարցերը հարթ են ընթանում, եւ խնդիրներ չեն առաջանում:

Տպել
1423 դիտում

Դատարկ մետրո, սուպերմարկետներ, ժամանցի վայրեր. ի՞նչ է պատմում հայազգի Մերին Միլանի մասին՝ կորոնավիրուսը տարածվելուց հետո

«Թաքնվելու տեղ չկա». անկում են ապրում ընկերությունների և նավթի գները, կորոնավիրուսի ազդեցությունը երկարաժամկետ է լինելու

Երգեցին քիչ, պարեցին կարճատեւ. Գյումրու Վարդանանց հրապարակի շատրվանները կրկին կհիմնանորոգվեն, բայց եռապատիկ թանկ

Փարիզում այրվում է Լիոնի կայարանը. Կոնգոյի ակտիվիստները կասկածվում են կայարանում կրակ բացելու մեջ. BBC

ՊՎԾ-ն Մանկավարժական համալսարանում գնումների գործընթացում 315 մլն. դրամի խախտումներ է արձանագրել

Վարչական տույժ է կիրառվել «Վոլտեն Արմ» ՍՊԸ-ի նկատմամբ

Բնապահպանության եւ ընդերքի տեսչական մարմնի թեժ գծին 2019 թվականին 119 ահազանգ է ստացվել

Կոտայքի մարզպետարանում ԿԳՄՍ նախարարության նախաձեռնությամբ տեղի է ունեցել քննարկում-իրազեկում

Կոթի գյուղի ուղղությամբ հակառակորդը կրակոցներ է արձակել

Մեզ տալիս են շորեր ու կոշիկներ, որոնցից հոտ է գալիս, հիմա էլ տեսախցիկներ են տեղադրել. հերթական բողոքը Օպերային թատրոնում

Ներսես Աշտարակեցու 250-ամյակի առթիվ Ամենայն Հայոց Կաթողիկոսի ծննդավայրում տեղի է ունեցել գիտաժողով

Աշտարակի քրեական հետախույզները ապօրինի թմրաշրջանառության դեպք են բացահայտել. բերման է ենթարկվել Արթիկի երկու բնակիչ

Մեծ Բրիտանիան ՄԱԿ-ի անվտանգության խորհրդի նիստ է հրավիրել՝ Իդլիբի իրավիճակով պայմանավորված

Հանրաքվեի պատշաճ նախապատրաստման եւ անցկացման համար ոստիկանությունում ստեղծվել է օպերատիվ շտաբ

Գուցե «առանձին կենտրոն մնալու» մոտիվի տակ ոչ թե մասնագիտական խիստ դիրքորոշումն է, այլ հենց նեղ անձնային շահը. Թորոսյան

Պուտինն ու Էրդողանը Իդլիբի հարցով կհանդիպեն մարտի 5-ին կամ 6-ին

Սպանության փորձի մեղադրանքով հետախուզվողը վնասազերծվել է. բերման ենթարկելու ընթացքում նա կրակոցներ է արձակել (տեսանյութ)

Թեհրանից ժամանեց հերթական և կարծես թե այս պահին վերջին ինքնաթիռը՝ մեր 82 քաղաքացիներով. Արսեն Թորոսյան

Արդարադատության փոխնախարարն ընդունել է Ժողովրդավարությունների համայնքի բարձրաստիճան պատվիրակությանը

200 միլիոն դոլարի ներդրումների պատմություն. ինչո՞ւ չի կարողանում 4-րդ օպերատորը դաշտ մտնել