Հայաստանի ֆուտբոլի ազգային հավաքականի եւ «Փյունիկ»-ի կիսապաշտպան Էրիկ Վարդանյանը որակազրկվել է 6 ամսով: Այս մասին հայտնում է Հայաստանի ֆուտբոլի ֆեդերացիան: Որոշումը կայացվել է երեկ՝ հոկտեմբերի 31-ին, կարգապահական կոմիտեի նիստի ժամանակ:

Որակազրկումը կտեւի մինչեւ 2020թ. ապրիլի 30-ը: Բացի այդ՝ պատժվել է նաեւ ֆուտբոլիստի ակումբը: «Փյունիկ»-ը 600.000 դրամ տուգանք կվճարի:

Պատիժների պատճառը ՀՀ ֆուտբոլի Բարձրագույն խմբի 2019-20 առաջնության 12-րդ տուրի «Արարատ» - «Փյունիկ» հանդիպման ընթացքում Վարդանյանի ոչ մարզական պահվածքն է: Հոկտեմբերի 27-ին տեղի ունեցած խաղի ժամանակ նրա քայլերը հետեւյալ կերպ են արձանագրվել ՀՖՖ-ի կողմից. «մրցավարին հայհոյելու եւ հրելու, մարզադաշտը լքելիս հանդերձարան տանող ճանապարհի դռանը հարվածելու եւ կոտրելու, անվայել վարքագծի ու ոչ մարզական պահվածքի համար»:

Իր հանդեպ կակոններից դուրս պայքարող մրցակցի, ինչպես նաեւ գլխավոր մրցավարի նկատմամբ ոչ մարզական պահվածք դրսեւորելուց ու կարմիր քարտ ստանալուց հետո՝ խաղադաշտից հեռանալիս, նա միջնամատ էր ցույց տվել «Արարատ»-ի երկրպագուներին, ինչը թեժացրել էր մթնոլորտը նաեւ տրիբունաներում: 2 կողմի երկրպագուների միջեւ վիճաբանություն էր տեղի ունեցել, որին մասնակցել էր նաեւ նրա հայրը: Բացի այդ՝ ֆուտբոլիստը ոչ մարզական պահվածք էր դրսեւորել սոցցանցերում: Ինստագրամում՝ խաղի վերաբերյալ «Փյունիկ»-ի հրապարակման մեկնաբանություններում, նա հեռախոսահամար էր պահանջել իրեն քննադատող երկրպագուից: «Story» բաժնում էլ հայհոյանք պարունակող գրառում էր կատարել ու գրել իր հեռախոսահամարը: Քիչ անց նրա գրառումները հեռացվել էին:

Հետագայում ակումբն այս կապակցությամբ պաշտոնական հայտարարությամբ հանդես չի եկել: Միայն «Արարատ»-ի դեմ խաղից հետո տեղի ունեցած մամուլի ասուլիսի ընթացքում մարզիչ Սուրեն Չախանյան ասել է, որ չի գովաբանում 21-ամյա կիսապաշտպանի պահվածքը: Իր արարքին չի անդրադարձել նաեւ ֆուտբոլիստը:

ՀՖՖ-ն կարգապահական նիստի արձանագրությունում հիշեցրել էր, որ 2018-19 մրցաշրջանում Վարդանյանը որակազրկվել է 5 խաղով: Դրանցից 3-ը մարվել են 2018-19 մրցաշրջանում, իսկ մնացած 2 խաղ որակազրկումը տեղափոխվել է 2019-20 մրցաշրջան, որը, սակայն, կասեցվել է, եւ ֆուտբոլիստը մինչեւ վերջ չի կրել որակազրկումը:

Տպել
1365 դիտում

Կրակոցներ Երևանում. դեպքի վայրում հայտնաբերվել են կրակոցի բազմաթիվ հետքեր, վնասված Toyota, 24 հատ կրակված պարկուճներ

Աշխարհի հզորագույն երկրի Սենատը պետք է ճանաչի Հայոց ցեղասպանությունը. Մենենդես

Դիարբեքիրի կիսավեր հայկական եկեղեցին ոչնչանալու վտանգի տակ է (լուսանկարներ)

Գեղամա լեռներում կորած արշավականին գտել են

Լանջիկ գյուղում այրվել է մոտ 200 հա անասնակեր

13 տարի առաջ. միայն մեկը` բարեփոխումներից

Ինչպես կինոյում. փողն ի՞նչ է, որ չունենամ

Ոստիկանների կողմից բռնություն գործադրելու տեսանյութի հիման վրա Ոստիկանությունում ստուգումներ են սկսվել

Աճող ձնագնդի էֆեկտը. ՍԴ-ի որոշման հետեւանքներից մեկը

Կորած ակտիվիստի որոնումներին մասնակցել են 10 փրկարար-ծառայող և 15 քաղաքացի. շարունակում են փնտրել

Մոսկվայում հայտնաբերվել և ձերբակալվել է «Ալրաղացի Լյովիկ» մականվամբ հայտնի Լևոն Սարգսյանը

Գեղամա լեռներում կորած ակտիվիստ Գեղամ Օհանյանի որոնողական աշխատանքներին ուղղաթիռ է միացել

Գորիս-Կապան ավտոճանապարհին և Դիլիջանի ոլորաններում առկա է մառախուղ. ճանապարհները բաց են եւ անցանելի

Այս պահին հիմնական կենտրոնացումը Խոսրովի Արգելոցն է. պատգամավորը՝ անհետացած արշավականի մասին

Ամսվա վերջին Ադրբեջանի նախագահը կայցելի Թուրքիա

Ոստիկանության տարածքային բաժիններում ապօրինի զենք-զինամթերք է կամավոր հանձնվել (տեսանյութ)

Գեղամա լեռներում կորել է ակտիվիստ, «Խարույկ» արշավական ակումբի ղեկավար Գեղամ Օհանյանը

Վթար Դավիթ Բեկի փողոցում. վարորդը տեղում մահացել է

Արայիկ Հարությունյանը ելույթ է ունեցել Շանհայի համագործակցության կազմակերպության նախարարական 5-րդ խորհրդակցությանը

Իտալիայի Սենատի նախագահը նշել է, որ հետաքրքրությամբ հետևում է Հայաստանի բարեփոխումների գործընթացին (լուսանկարներ)