Հետքայլ չի լինելու սահմանադրական արդարադատության հաստատումից․ Վլադիմիր Վարդանյանը՝ ՍԴ-ի շուրջ ստեղծված իրավիճակի մասին

ՍԴ-ն պետք է լուծի սահմանադրական ճգնաժամերը, ոչ թե խորացնի ճգնաժամեր: Այս մասին այսօր Ազգային ժողովում՝ լրագրողների հետ զրույցում, ասաց պետական-իրավական հարցերի մշտական հանձնաժողովի նախագահ Վլադիմիր Վարդանյանը՝ անդրադառնալով Սահմանադրական դատարանի՝ Հրայր Թովմասյանի լիազորությունները դադարեցնելու վերաբերյալ ԱԺ «Իմ քայլը» խմբակցության դիմումը վարույթ ընդունելը մերժելու որոշմանը։

Վարդանյանը նշեց, որ ԱԺ-ն շարունակելու է իր լիազորությունների շրջանակում իրականացնել իր գործունեությունը եւ անպայման անդրադառնալու է այս որոշմանը։

Հանձնաժողովի նախագահն ասաց, որ բոլորն էլ ակնկալում էին, որ ՍԴ-ն կարող է մերժել հարցի բովանդակային առումով քննությունը, բայց աշխատակարգային նման որոշումը որոշակի առումով զարմանալի էր։ Վարդանյանի պնդմամբ՝ ՍԴ-ն իր որոշմամբ զրկել է ԱԺ-ին իր լիազորություններից մեկից․

«Օրենքի լեզուն որեւէ տեղ չի ասում, որ կարող ես դիմել ՍԴ միայն այն պարագայում, երբ արդեն իսկ առկա է ՍԴ որոշումը դատավորին կարգապահական պատասխանատվության կանչելու»։

Ինչ վերաբերում է ՍԴ դատավոր-անդամ խնդրի ուսումնասիրմանը, Վլադիմիր Վարդանյանն ասաց, որ ՍԴ-ն կարող է քննել գործ, եթե առկա է համապատասխան դիմում․

«Ցույց տվեք որեւէ տեղ, որեւէ հատված ԱԺ-ի կողմից ներկայացված դիմումի մեջ, որտեղ խոսվում է այն մասին, որ խորհրդարանը խնդրում կամ հայցում է ՍԴ-ից՝ մեկնաբանել ՍԴ անդամ-դատավոր հասկացությունների միջեւ հարաբերակցությունը: Այն պարագայում, երբ դիմումն ուներ որոշման հավելվածի կարգավիճակ, այն դիտվում էր որպես ԱԺ որոշման անբաժան մաս։ Հավելվածում հստակ գրված է, որ մեզ համար այս պահի դրությամբ ՍԴ դատավոր-անդամ վեճը կարեւոր չէ, եզրույթները որպես հոմանիշ են գործածվում: Բայց ՍԴ-ն առանց դիմումի անդրադարձել է դրան»:

Լրագրողի հիշեցմանը, որ «Իմ քայլ»-ի պատգամավորները նշել են, որ հետքայլ չի լինելու, Վարդանյանն արձագանքեց.

«Հետքայլ չի լինելու սահմանադրական արդարադատության հաստատումից: Հետքայլ չի լինելու նրանից, որ պետական մարմինները պարտավոր են իրականացնել միայն այնպիսի գործողություններ, որոնց համար լիազորված են օրենսդրությամբ: ՍԴ-ն, չունենալով վերադաս մարմին, այդուհանդերձ, ունի պարտավորություն չշեղվել իր սահմանադրական առաքելությունից»,- ասաց պատգամավորը՝ նշելով, որ ՍԴ-ն պետք է լուծի սահմանադրական ճգնաժամերը, ոչ թե խորացնի ճգնաժամեր։

Վարդանյանը խորապես մտահոգված է այն մեկնաբանությամբ, որ տրվել է ՍԴ-ի կողմից կապված այն հարցի հետ, որ մինչեւ ՍԴ-ն համապատասխան որոշում չկայացնի, ԱԺ-ն չի կարող էական կարգապահական խախտման հիմքով դիմել ՍԴ․

«Սա նշանակում է, որ ՍԴ-ն, ըստ էության, առանց համապատասխան խնդրանքի մեկնաբանել է օրենքը եւ այնպիսի մեկնաբանություն է տվել, որ այդ օրենքը դարձել է հակասող Սահմանադրությանը: Այսինքն՝ ՍԴ-ն այս որոշմամբ առնվազն զրկել է ԱԺ-ին իր լիազորություններից մեկից: Մենք գործ ունենք իրավիճակի հետ, երբ սահմանադրական անվտանգությունը, սահմանադրական արդարադատության վիճակը եւ սահմանադրական անվտանգությունը կարող են խաթարված լինել»:

Իսկ թե որն է լինելու «Իմ քայլը» խմբակցության հաջորդ քայլը, ԱԺ հանձնաժողովի նախագահն ասաց, որ «Իմ քայլը», առաջնորդվելով իր իրավասություններով, իրականացնելու է համապատասխան գործողություններ։ Նա ենթադրում է, որ կլինեն հայտարարություններ, հետագա գործընթացներ՝ կապված երկրում սահմանադրական անվտանգության այս կարեւորագույն տարրերի պահպանման հետ․

«Շատ վտանգավոր է իրավիճակը, երբ պետական որեւէ մարմին շեղվում է իր սահմանադրական առաքելությունից: Այդ շեղվելու դեպքերի համար ստեղծված է ՍԴ-ն, որպեսզի թույլ չտա նման իրավիճակ, իսկ եթե ՍԴ-ն է շեղվում իր սահմանադրական առաքելությունից, ի՞նչ անես: Սա լրջագույն խնդիր է, որը, հավատացնում եմ, որեւէ իրավազորության շրջանակներում, որեւէ երկրում չունի միանշանակ լուծում: ԱԺ-ն էլ պետք է արձագանքի սրան՝ հաշվի առնելով այն կարեւոր հանգամանքը, որ մենք գործ ունենք սահմանադրական հավասար ինստիտուտների հետ եւ որեւէ մեկը չի կարող վերցնել գործառույթ մյուսին զրկել իր սահմանադրական գործառույթները կատարելուց»,- եզրափակեց Վլադիմիր Վարդանյանը:

Տպել
833 դիտում

Միհրան Ծառուկյանը բեմում ամուսնության առաջարկ արեց Արփի Գաբրիելյանին (տեսանյութ)

Գնալ խանութ եւ հանդիպել... Հայաստանի Ազգային հերոս Հովհաննես Չեքիջյանին. վարչապետը լուսանկար է հրապարակել

Արմեն Սարգսյանը պաշտոնական այցով ժամանել է Կատարի Պետություն (լուսանկարներ, տեսանյութ)

Հրաժարվում ենք պոլիէթիլենային տոպրակներից և վերցնում կտորե տոպրակներ. վարչապետն ու տիկինը գնումներ են կատարում

Նոր-Հաճնում՝ իրենց բնակարանում շմոլ գազից մահացածներից երկուսը հանդես էին գալիս «Արարատ» ՖԱ-ի կանանց թիմում

Ապօրինի ծառահատում Փամբակ գյուղի տարածքում. փայտանյութի համար փաստաթուղթ չի ներկայացվել

Հրդեհ Մեծ Մանթաշ գյուղում. 2 տների բակերում այրվել է 800 հակ անասնակեր

Առաջիկա շաբաթը կանցնի առանց տեղումների, եղանակը կտաքանա 2-3 աստիճանով

Երևանում անցկացվում է սուսերամարտի միջազգային մրցաշար

Երեւանի 5-հարկանի շենքի տանիքում բռնկված հրդեհը մեկուսացվել է

Նիկոլ Փաշինյանը ծանոթացել է Հյուսիսային ավտոկայանում իրականացվող աշխատանքներին (տեսանյութ)

Սուրբ Հովհաննես եկեղեցում մոմ վառեցինք երեկվա ողբերգության 5 զոհերի հոգիների հանգստության համար. վարչապետ (տեսանյութ)

Վիճաբանություն-ծեծկռտուք՝ Վ. Սարգսյանի անվան մարզադաշտի տարածքում. կա վիրավոր եւ բերման ենթարկվածներ

Ուկրաինայի հայ երիտասարդները հավաքվել էին մեկ հարթակում. Զարեհ Սինանյանը մասնակցել է ֆորումի

Նոր Հաճնում սուբվենցիոն ծրագրով նորոգվում է մարզադպրոց. վարչապետի շրջայցը շարունակվում է (տեսանյութ)

Ուսանողությունը մեր երկրի զարգացման գլխավոր գրավականն է. ԵՊԲՀ ռեկտոր Արմեն Մուրադյանի ուղերձը

Առողջապահության նախարար Արսեն Թորոսյանն ուղերձ է հղել ռազմական բժիշկներին

Մահճակալից կախված վիճակում հայտնաբերվել է կալանավորված անձի դին

Վարչապետը Նոր Երզնկայում է, ծանոթանում է գազաֆիկացման ծրագրին (տեսանյութ)

Արայիկ Հարությունյանը ուղերձ է հղել Ուսանողության միջազգային օրվա կապակցությամբ