Հայաստանի ֆուտբոլի ազգային հավաքականը երկնքից ցած իջեցրեց երկրպագուներին: Եվրո 2020-ի ընտրական փուլի Լիխտենշտեյնի ու Ֆինլանդիայի դեմ խաղերով սպանեց խոշոր մրցաշարի եզրափակչում հայտնվելու հնարավորությունները: Լիխտենշտեյնի ու Հունաստանի նկատմամբ հունիսին տոնած կարեւոր հաղթանակներից, սեպտեմբերին Իտալիայի հետ արժանապատիվ խաղ ցուցադրելուց ու Բոսնիա եւ Հերցեգովինային տպավորիչ ֆուտբոլով շանսեր չթողնելուց հետո վերադարձավ իր համար սովորական վիճակին:

Այնպես չէ, որ Ազգերի լիգայում ձախողվելուց հետո Եվրոյի որակավորման փուլից առաջ Հայաստանից հրաշքներ էին սպասում, ու առաջին 2 խաղերի պարտություններն ամրապնդեցին այդ տրամադրությունը: Բայց հետագայում ստացած հնարավորությունն այսպես վատնելուն էլ ոչ ոք չէր սպասում: Ընտրական փուլը դասավորվեց այնպես, որ 3 հաղթանակները բացի երկրպագուներին հաճելի ժամանց ապահովելուց, մրցաշարային առումով բարենպաստ պայմաններ ստեղծեցին Հայաստանի համար: Վերջին 2 խաղերից առաջ հասկանալի էր, որ մնացած տուրերում միակ հեշտ հանդիպումը Լիխտենշտեյնի հետ է հնարավոր, իսկ մյուս թիմերի դեմ խաղերում (այդ թվում՝ ՀՀ-ին պարտված Հունաստանի) միավորներ վաստակելը որոշ դեպքերում խիստ բարդ կլինի, որոշ դեպքերում էլ, ավելի կոնկրետ՝ Իտալիայի դեմ խաղում, անհնար:

Ուղեգրի պայքարի մեջ մնալու ու 2 անընդմեջ պարտություն կրած ֆիններին նյարդայնացնելու համար պետք էր պարզապես հաղթել Լիխտենշտեյնին. առաջադրանք, որը կատարելը ՀՀ հավաքականի ուժերի սահմաններում է՝ անկախ նրանից, թե ինչ հոգեվիճակում կամ մարզավիճակում է թիմը, անկախ նրանից, թե ով է բացակայում: Բայց խաղը, որը հոկտեմբերի 12-ին ընտրանին ցույց տվեց, հուսադրող չէր: Որքան էլ ցավալի էր ոչ-ոքին (1:1), ավելի ցավալի էր ֆուտբոլի որակը: Դրանից հետո բարդ էր պատկերացնել՝ ինչ են անելու ուղեգրի համար պայքարող գերմոտիվացված Ֆինլանդիայի դեմ: Եվ չնայած հանդիպումից առաջ Տիգրան Բարսեղյանի ու գլխավոր մարզիչ Արմեն Գյուլբուդաղյանցի ինքնավստահ հայտարարություններին՝ ոչինչ էլ չարեցին (պարտվեցին՝ 0:3):

Այժմ երկրպագուները մեղավորներ են փնտրում, ու հատկապես հարվածի տակ են դարպասապահ Արամ Հայրապետյանը, որի սխալներից հավաքականը տուժեց եւ գլխավոր մարզիչը: Վերջինիս ընտրած մարտավարությունն ու կատարած փոփոխություններն այս 2 խաղերում համացանցում քննադատությունների պատճառ են դարձել: Գյուլբուդաղյանցն իր հերթին բացատրություններ ունի: Լիխտենշտեյնի դեմ խաղում, ըստ նրա, ինչ-որ բաներ թիմի մոտ այնուամենայնիվ ստացվել են, իսկ Ֆինլանդիայում գոլ ընդունելուց հետո փորձել են առաջ գնալ, բացվել են ու 2-րդ գոլը բաց թողել, որից հետո խաղային կարգապահությունը կորցրել են: Բացակայող ֆուտբոլիստների մասին հարցին պատասխանելով էլ նա նշում է, որ Կամո Հովհաննիսյանի, Կարլեն Մկրտչյանի ու Հենրիխ Մխիթարյանի կարիքն զգացվել է: Այսպիսի խաղերից հետո նա նույնիսկ ասում է, որ Եվրոպայի չեմպիոն Հունաստանի ու Եվրոպայի չեմպիոն, աշխարհի քառակի չեմպիոն Իտալիայի դեմ իր թիմը խաղադաշտ է դուրս գալու հաղթանակի համար:

Այս իրավիճակում նման արդարացումներն ու խոստումները երկրպագուներին ավելի շատ զայրացնում են, քան մխիթարում: Այսպիսի տրամադրվածությամբ Մխիթարյանի ու մյուսների ներկայության պարագայում դժվար թե լուրջ տարբերություն լիներ, ընդամենը մի քանի հոգի ավելի կքննադատվեին: Իսկ Լիխտենշտեյնին պետք էր պարզապես հաղթել, ոչ թե գոհանալ նրանով, որ ինչ-որ օգուտ քաղել են: Գուցե նախորդ հաջող խաղերը ստիպել էին մտածել, որ կարող են կես ոտքով, ավելի բարձր կարգի հաշվին առավելության հասնել թույլ մրցակցի նկատմամբ, այդ պատճառով էլ պատժվեցին, գուցե չբավարարեց նվիրվածությունն ու պրոֆեսիոնալիզմը, ինչպես ասում են որոշ երկրպագուներ: Ամեն դեպքում Լիխտենշտեյնի դեմ խաղում 3 միավոր վաստակելը լիովին հնարավոր էր: Եթե հաղթեին, կնշանակեր, որ արել են իրենցից կախված ամեն ինչ, իսկ մնացած խաղերում, հաշվի առնելով հակառակորդներին, ուղեգիր չնվաճելը գուցե կտխրեցներ, սակայն հասկանալի կլիներ:   

Կար լավ հնարավորություն, սակայն ընտրական փուլի վերջին 2 խաղերից առաջ Հայաստանին միայն մաթեմատիկական հաշվարկներն են հույս տալիս: J խմբում այսպիսի պատկեր է.

J խումբ

1.Իտալիա 24 միավոր

2.Ֆինլանդիա 15 միավոր

3.Հայաստան 10 միավոր

4.Բոսնիա եւ Հերցեգովինա 10 միավոր

5.Հունաստան 8 միավոր

6.Լիխտենշտեյն 2 միավոր

Նախավերջին տուրում Հայաստանը Երեւանի Վազգեն Սարգսյանի անվան «Հանրապետական» մարզադաշտում կընդունի Հունաստանին: 3 օր անց Պալերմոյում կհյուրընկալվի Իտալիային:

Տպել
849 դիտում

Մայիսի 9-ի փողոցի տներից մեկում հրդեհ է բռնկվել. տուժածներ չկան

Ինֆարկտ տարած գյուղապետը հետ է վերցրել փաստաթղթերը. նախընտրական կրքեր գյուղերում

ԱԻՆ-ը կոչ է անում երթեւեկել բացառապես ձմեռային անվադողերով. սպասվում են տեղումներ ձյան տեսքով

Արշակունյաց պողոտայում ավտոմեքենա է այրվել. տուժածներ չկան

Արմեն Գրիգորյանը կմասնակցի ԱՊՀ անդամ երկրների ԱԽ քարտուղարների յոթերորդ ամենամյա հանդիպմանը

Էրդողանն անդրադարձել է ԱՄՆ Սենատում Հայոց ցեղասպանության բանաձևի վրա դրված վետոյին

Մ-2 ավտոճանապարհի Գորիս-Սիսիան հատվածում՝ դեպի Իշխանասար լեռ, բռնկված հրդեհն ինքնամարվել է (տեսանյութ)

Քաղաքապետը դեռեւս չի ստորագրել կենդանաբանական այգու տնօրենի ազատման դիմումը

Երևանի կենտրոնում կրակել են շան վրա. փամփուշտը դիպել է անմիջապես ողնաշարին

Ներկայացվել է «Հայաստանի էներգետիկ համակարգի նվազագույն ծախսերով 2020 – 2036 թվականների զարգացման պլան» հաշվետվությունը

ԱՄՆ կոնգրեսականները կոչ են արել վերանայել Ադրբեջանին հատկացվող ռազմական օգնության քաղաքականությունը

Հայաստան Մ-19 - Չեռնոգորիա Մ-19 հանդիպումն ավարտվեց ոչ-ոքի՝ 3:3 հաշվով. ՀՖՖ

Արթուր Դանիելյանը միացել է Հայաստանի Մ-21 հավաքականին. ՀՖՖ

Գյումրու դեպոյի մեքենավարները դիմել են ԱԱԾ, դատախազություն, ոստիկանություն (լուսանկարներ, տեսանյութ)

Փոխվարչապետ Տիգրան Ավինյանն ընդունել է Միջազգային գիտատեխնիկական կենտրոնի պատվիրակությանը

Խորհրդարանն առաջին ընթերցմամբ ընդունեց «օրենքով գողերին» քրեական պատասխանատվության ենթարկելու նախագիծը

Մաթեմատիկա, հայոց լեզու եւ պատմություն առարկաների ուսուցիչները աշխատանքի ընդունվելուց առաջ քննություն կհանձնեն

Շվեդ ուսանողները շրջել են խորհրդարանի շենքում. ԱԺ

Դպրոցում 6 քննություն հանձնելով՝ ընդունելության քննությունները, ըստ էության, վերանալու են. նախարարը՝ նոր նախագծի մասին

Վարչապետը հանդիպում է ունեցել ռուսական առաջատար ԶԼՄ-ների ներկայացուցիչների հետ