Հայաստանյան շուկա մուտք գործող «Ryanair» ընկերության ամենաէժան ավիատոմսը 4 եվրո 99 ցենտ է

Ուզում եմ խրախուսել բոլորին, որպեսզի հնարավորություն ունենան ճամփորդելու, նույնիսկ նրանք, որոնք երբեւէ այդ հնարավորությունը չեն ունեցել: Այս մասին այսօր՝ «Ryanair» իռլանդական ավիաընկերության հետ համագործակցության մասին խոսելիս, ասաց Հայաստանի Քաղաքացիական ավիացիայի կոմիտեի նախագահ Տաթեւիկ Ռեւազյանը:

«Ինձ համար սա շատ կարեւոր նպատակ էր: Երբ մի քանի տարի առաջ Դանիայից տեղափոխվեցի Հայաստան, նպատակս էր արտաքին աշխարհի հետ կապն ավելի մեծացնել՝ քաջ գիտակցելով, թե դա տնտեսական ինչ մեծ ազդեցություն կարող է ունենալ: Մեծ թվով աշխատատեղեր կբացվեն մեր երկրի համար»,- ասաց Տաթեւիկ Ռեւազյանը:

«Ryanair» ընկերության կոմերցիոն ղեկավար Դեյվիդ Օ՛Բրայանը, պատասխանելով ընկերության ամենաէժան եւ ամենաթանկ տոմսերի մասին հարցին, նշեց, որ ամենաէժան գինը 4 եվրո 99 ցենտն է: Ամենաբարձր արժեքի մասին խոսելիս ընկերության կոմերցիոն ղեկավարը օրինակ բերեց Լոնդոնից Մալագա ուրբաթ երեկոներին իրականացվող չվերթները: Նա նկատեց, որ եթե նախապես տոմսեր չի ամրագրվել, արժեքը բարձր կլինի, բայց մրցակիցների համեմատ կես գինն է:

«Մենք այլեւս չենք աշխատում սովետական համակարգով, երբ ավիաընկերության գները որոշվում էին, ասենք, 5 տարվա կտրվածքով: Իրականում մեր գները որոշում են մեր հաճախորդները: Տարվա կտրվածքով «Ryanair»-ի միջին գինը 35 եվրոյին համարժեք գումար է»,- ասաց ընկերության կոմերցիոն տնօրենը: Դեյվիդ Օ՛Բրայանը հայտնեց, որ որոշակի ժամանակ կպահանջվի եւ իրենք կունենան նաեւ հայկական կայք:

Ընկերության կոմերցիոն տնօրենը շեշտեց, որ ե՛ւ հարեւան Վրաստանում, ե՛ւ Հայաստանում զարգանալու ներուժ կա: «Ryanair»-ը Վրաստանում արդեն ներկայացված է: 2018 թվականի օգոստոսի 21-ին Վրաստանի օդանավակայանների միավորումն ու իռլանդական լոուքոսթերը համագործակցության մասին պայմանագիր են կնքել: Հայտնի բյուջետային ավիաընկերությունը, որը նաեւ ամենախոշորներից է, ուղիղ չվերթներ է իրականացնում դեպի Եվրոպա ինչպես Քութայիսի, այնպես էլ Թբիլիսիի միջազգային օդանավակայաններից: Արդեն իսկ սահմանված են ժամկետներ: Թբիլիսի-Միլան առաջին չվերթն ավիաընկերությունը կատարել է նոյեմբերի 6-ին:

Հատկանշական է, որ «Ryanair» ընկերությունն ու Վրաստանի իշխանությունները չվերթներ սկսելու մասին բանակցել էին դեռ 2013 թվականին։ Այն ժամանակ, սակայն, գործարքը չի կայացել «Ryanair»-ի, վրացական կողմի բնորոշմամբ, անհամաչափ պահանջների պատճառով։

«Ryanair»-ի՝ Հայաստան հնարավոր մուտքի մասին Տաթեւիկ Ռեւազյանը հայտարարել էր 2018 թվականին: Շատերն իրատեսական չէին համարում, որ համագործակցությունը կհաջողվի քաղավիացիայի նախագահին կամ որ 2020-ին «Ryanair»-ը Երեւանից արդեն թռիչքներ կիրականացնի։ Ռեւազյանն ավելի վաղ ինքն էլ էր հայտարարել, որ իրականում, երբ բանակցում ես ավիաընկերության հետ, դա կարող է մի տարի տեւել կամ ձգվել մինչեւ 10 տարի:

Այսօր արդեն եվրոպական  խոշորագույն խաղացողներից մեկը վստահում է զբոսաշրջության զարգացման ոլորտում Հայաստանի հեռանկարին եւ ոլորտի զարգացմանն ուղղված քայլերին: «Մենք ընդհանրություններ շատ ունենք, երկուսս էլ գտնվում ենք Եվրոպայի սահմանին, երկուսս էլ փոքր երկրներ ենք, բայց ակնհայտ տարբերությունը եղանակն է, ինչը պիտի որ դրական ազդեցություն ունենա զբոսաշրջության համար»,- նկատեց իռլանդական բյուջետային «Ryanair» ավիաընկերության տնօրենը:

Քաղաքացիական ավիացիայի կոմիտեի նախագահը հայտնեց, որ «Ryanair»-ից բացի, այս պահին բանակցություններ են վարում հունգարական «Wizz air» ավիաընկերության հետ:

Տպել
23117 դիտում

Փոխվարչապետ Մհեր Գրիգորյանն ընդունել է Միջազգային ֆինանսական կորպորացիայի տարածաշրջանային ղեկավարին

Հայաստանի և Ռուսաստանի քննչական կոմիտեների նախագահների հանդիպման ընթացքում ստորագրվել է 2 փաստաթուղթ

Արայիկ Հարությունյանը կմասնակցի ՅՈՒՆԵՍԿՕ-ի գլխավոր համաժողովի 40-րդ նստաշրջանին

16 տարում Եվրադատարանը Թուրքիային պարտավորեցրել է 51․2 մլն դոլար փոխհատուցում վճարել

Նորավան գյուղում այրվել են մոտ 20 հա խոտածածկույթ և պտղատու ծառեր

Խաշմանյանի օգնականներն ազգային թիմում հայտնի են

Գողացել էին Եղվարդում գտնվող, վարելահողով անցնող մի քանի հարյուր մետրանոց խողովակաշարը

Փարիզյան սելֆի. վարչապետը, Ֆրանսիայի նախագահն ու Ֆրանկոֆոնիայի ՄԿ գլխավոր քարտուղարը

Վարչապետի հերթական սելֆին՝ Ֆրանսիայից. այս անգամ՝ ՄԱԿ-ի գլխավոր քարտուղարի հետ

Նիդերլանդների Թագավորության նորանշանակ դեսպանն իր հավատարմագրերի պատճենը հանձնեց ԱԳ նախարարի տեղակալին

Հրշեջ-փրկարարները մարել են խոտածածկ տարածքներում բռնկված հրդեհները՝ ընդհանուր ընդգրկելով մոտ 32 հա տարածք

Վրաստանը կստանձնի Եվրոպայի խորհրդի նախագահությունը

Վարչապետ Նիկոլ Փաշինյանը մասնակցել է Էմանուել Մակրոնի անունից տրված պաշտոնական ընդունելությանը (լուսանկարներ)

Վարչապետի որոշմամբ Աննա Վարդապետյանն ազատվել է փոխնախարարի պաշտոնից

Անձրեւի ժամանակ ասֆալտապատված ճանապարհի վրա արդեն փոսեր են առաջացել

Ըմբիշ, չեմպիոն եւ ԱԺ պատգամավոր Արսեն Ջուլֆալակյանը 4 գոտեմարտում 4 հաղթանակ է տարել

Արվեստի ու երաժշտական դպրոցների, ինչպես նաեւ մարզադպրոցների աշխատողների աշխատավարձը կբարձրանա. Երեւանի բյուջե-2020

Վանաձոր քաղաքի 37-ամյա մի բնակչի տանը ոստիկանները 4 կգ մարիխուանա են հայտաբերել (տեսանյութ)

Բարձր մակարդակով ընդգծվել է՝  ԱՄՆ-ն շահագրգռված է հայկական սահմանների անվտանգությամբ. Մանվել Սարգսյան

15-ամյա Էրիկ Սահակյանը որոնվում է որպես անհետ կորած