Լիխտենշտեյնի ֆուտբոլի ազգային հավաքականի դեմ խաղալու հեռանկարն ինքն իրենով ՀՀ հավաքականի ու նրա երկրպագուների համար չի կարող լարվածության առիթ լինել, սակայն ընդհանուր առմամբ հայերի համար պահը ճակատագրական է: Եվրո 2020-ի ընտրական J խմբում Իտալիային առաջին տեղից ոչ ոք չի հանի, սակայն 2-րդ տեղը Ֆինլանդիայից խլելու իրական հնարավորություն է ստեղծվել: Հայաստանը պարտավոր է օգտվել դրանից։

Եվրո 2012-ի «իռլանդական դժբախտությունից» հետո Հայաստանը կրկին խոշոր մրցաշարի եզրափակչում հայտնվելու իրական հնարավորություն է ստացել, նույնիսկ ավելի իրատեսական, քան այն ժամանակ, քանի որ ՈՒԵՖԱ-ի ձեւաչափն ավելի հարմար է: Այն ժամանակ 2-րդ տեղը գրավելուց հետո ՀՀ-ն դեռ պետք է փլեյ-օֆ փուլի մասնակցեր ուղեգիր նվաճելու համար, իսկ հիմա դրա կարիքը չկա: Եվրո 2020-ի որակավորման փուլում խմբերում առաջին ու 2-րդ տեղերը գրաված ընտրանիներն անմիջապես հայտնվում են եզրափակիչ փուլում:

Այս իրավիճակում, բացի այն, որ նախորդ հանդիպումներից՝ Իտալիայի դեմ արժանի խաղից ու Բոսնիա եւ Հերցեգովինայի նկատմամբ տպավորիչ հաղթանակից հետո (4:2) Հայաստանը հոգեբանորեն վերելք է ապրում, հանգամանքներն էլ բավական հարմար են դասավորվել: Խումբն ունի հետեւյալ տեսքը.

1.Իտալիա 18 միավոր

2.Ֆինլանդիա 12 միավոր

3.Հայաստան 9 միավոր

4.Բոսնիա եւ Հերցեգովինա 7 միավոր

5.Հունաստան 5 միավոր

6.Լիխտենշտեյն 1 միավոր

Հոկտեմբերի 12-ին ընտրական 7-րդ տուրի շրջանակներում Հայաստանը հյուրընկալվում է Լիխտենշտեյնին: Նույն օրը 2-րդ տեղի համար պայքարում նրա մրցակիցները՝ Բոսնիա եւ Հերցեգովինան ու Ֆինլանդիան խաղում են միմյանց դեմ: Անցած տուրում բոսնիացիներին հաղթելով՝ Հայաստանը ստիպել է նրանց, որ պայքարի մեջ մնալու համար Ֆինալանդիայի դեմ խաղում կաշվից դուրս գան, եւ նրանց հաղթանակը թերեւս հայերի համար ամենահարմար տարբերակը կլինի: Եթե այդպես լինի, անհույս հետնապահին հաղթելու դեպքում Հայաստանն 8-րդ տուրում ֆիններին հյուր կգնա նրանց հետ հավասար՝ 12 միավորով: Չնայած բոսնիացիների ու ֆինների ոչ-ոքին էլ վատ տարբերակ չէ, քանի որ այդպես կստացվի, որ 2 հակառակորդներն էլ միավորներ են կորցնում: Եթե ամեն դեպքում ՀՀ հիմնական մրցակից Ֆինլանդիան մրցակցի հարկի տակ առավելության հասնի, դրանից էլ օգուտ կա. Բոսնիա եւ Հերցեգովինայի շանսերն ավելի կնվազեն, ու Հայաստանի համար բոսնիացիների կողմից եղած փոքր վտանգն էլ գործանակում կվերանա:

Լիխտենշտեյնի դեմ խաղից առաջ տրամադրությունը մի փոքր փչացնում են վնասվածքները: Հավաքականին առաջիկա խաղերում չի օգնի գլխավոր աստղն ու ավագը՝ «Ռոմայի» կիսապաշտպան Հենրիխ Մխիթարյանը: Թիմի հետ չի մեկնել նաեւ պաշտպան Կամո Հովհաննիսյանը, որն օգտակար գործողություններով աչքի էր ընկել Իտալիայի ու Բոսնիա եւ Հերցեգովինայի դեմ խաղերում:

Ամեն դեպքում թիմում հարցեր լուծող տղաներ կան: Այնտեղ են կիսպաշտպան Գեւորգ Ղազարյանը եւ Ալեքսանդր Կարապետյանը: Վերադարձել է վնասվածքների պատճառով տեւական ժամանակ բացակայած կիսապաշտպան Մարկոս Պիզելին, որը թիմի առանցքային խաղացողներից է: Նորից թիմի հետ է եւս մեկ կարեւոր խաղացող՝ կիսապաշտպան Արաս Օզբիլիսը, որը «Փյունիկ» տեղափոխվելուց հետո աստիճանաբար բարելավում է մարզավիճակը: Բարձր տրամադրությամբ է ընտրանուն միացել կիսապաշտպան Տիգրան Բարսեղյանը: Օրերս նա «Կայսար»-ի կազմում դարձել է Ղազախստանի գավաթակիր: Եզրափակչի հաղթական գնդակը 123-րդ րոպեին խփվել է հենց նրա փոխանցումից հետո:

Ոչ պակաս բարձր տրամադրությամբ է եկել նաեւ ՀՀ հավաքականի նոր աստղը՝ Գերմանիայի Բունդեսլիգայի անցած հանգստյան օրերի հերոս Սարգիս Ադամյանը, որի 2 գոլերի շնորհիվ «Հոֆենհայմը» պատմության մեջ առաջին անգամ կարողացավ մրցակցի հարկի տակ՝  «Ալյանց Արենա»-ում, հաղթել «Բավարիա»-ին (2:1): Այդ խաղից հետո նա ճանաչվեց 7-րդ տուրի լավագույն խաղացող: Բունդեսլիգայի պաշտոնական կայքը ծավալուն անդրադարձ կատարեց նրան: Մանրամասն ներկայացրեց 26-ամյա խաղացողի կենսագրությունը, համեմատեց նրան Գերմանիայի հավաքականի կազմում աշխարհի չեմպիոն, աշխարհի առաջնությունների լավագույն ռմբարկու Միրոսլավ Քլոզեի հետ: Առաջիկա խաղում եւ այսուհետ նա պետք է համակերպվի այն մտքի հետ, որ իրենից երկրպագուների պահանջներն ավելի մեծ են լինելու, քան նախկինում:

Վաղը Լիխտենշտեյն-Հայաստան հանդիպումը կսկսվի, Երեւանի ժամանակով, 22:45-ին: Թիմը ֆինլանդիային կհյուրընկալվի հոկտեմբերի 15-ին: Այդ հանդիպումը կմեկնարկի 20:00-ին: Խաղերը կցուցադրվեն Արմենիա TV-ի եթերում:

Տպել
1271 դիտում

Մայիսի 9-ի փողոցի տներից մեկում հրդեհ է բռնկվել. տուժածներ չկան

Ինֆարկտ տարած գյուղապետը հետ է վերցրել փաստաթղթերը. նախընտրական կրքեր գյուղերում

ԱԻՆ-ը կոչ է անում երթեւեկել բացառապես ձմեռային անվադողերով. սպասվում են տեղումներ ձյան տեսքով

Արշակունյաց պողոտայում ավտոմեքենա է այրվել. տուժածներ չկան

Արմեն Գրիգորյանը կմասնակցի ԱՊՀ անդամ երկրների ԱԽ քարտուղարների յոթերորդ ամենամյա հանդիպմանը

Էրդողանն անդրադարձել է ԱՄՆ Սենատում Հայոց ցեղասպանության բանաձևի վրա դրված վետոյին

Մ-2 ավտոճանապարհի Գորիս-Սիսիան հատվածում՝ դեպի Իշխանասար լեռ, բռնկված հրդեհն ինքնամարվել է (տեսանյութ)

Քաղաքապետը դեռեւս չի ստորագրել կենդանաբանական այգու տնօրենի ազատման դիմումը

Երևանի կենտրոնում կրակել են շան վրա. փամփուշտը դիպել է անմիջապես ողնաշարին

Ներկայացվել է «Հայաստանի էներգետիկ համակարգի նվազագույն ծախսերով 2020 – 2036 թվականների զարգացման պլան» հաշվետվությունը

ԱՄՆ կոնգրեսականները կոչ են արել վերանայել Ադրբեջանին հատկացվող ռազմական օգնության քաղաքականությունը

Հայաստան Մ-19 - Չեռնոգորիա Մ-19 հանդիպումն ավարտվեց ոչ-ոքի՝ 3:3 հաշվով. ՀՖՖ

Արթուր Դանիելյանը միացել է Հայաստանի Մ-21 հավաքականին. ՀՖՖ

Գյումրու դեպոյի մեքենավարները դիմել են ԱԱԾ, դատախազություն, ոստիկանություն (լուսանկարներ, տեսանյութ)

Փոխվարչապետ Տիգրան Ավինյանն ընդունել է Միջազգային գիտատեխնիկական կենտրոնի պատվիրակությանը

Խորհրդարանն առաջին ընթերցմամբ ընդունեց «օրենքով գողերին» քրեական պատասխանատվության ենթարկելու նախագիծը

Մաթեմատիկա, հայոց լեզու եւ պատմություն առարկաների ուսուցիչները աշխատանքի ընդունվելուց առաջ քննություն կհանձնեն

Շվեդ ուսանողները շրջել են խորհրդարանի շենքում. ԱԺ

Դպրոցում 6 քննություն հանձնելով՝ ընդունելության քննությունները, ըստ էության, վերանալու են. նախարարը՝ նոր նախագծի մասին

Վարչապետը հանդիպում է ունեցել ռուսական առաջատար ԶԼՄ-ների ներկայացուցիչների հետ