Երբեմն թվում է՝ ամեն անկյունից Հրայր Թովմասյանի սանիկ կպատահի, որ կզարմացնի իր ճարպիկ գործողություններով․ Արփի Դավոյան

Ինչպես Հրայր Թովմասյանի բոլոր ասածները, այնպես էլ ՍԴ նախագահի պաշտոնում ընտրվելիս ներկայացրած իր տեսլականը մնաց օդից կախված։ Այս մասին այսօր Ազգային ժողովում՝ Հրայր Թովմասյանի լիազորությունները դադարեցնելու ԱԺ որոշման նախագծի քննարկման ժամանակ, ասաց «Իմ քայլը» խմբակցության պատգամավոր Արփի Դավոյանը։

Նա իր ելույթը սկսեց՝ դեռեւս 2018 թվականին տեղի ունեցած իրադարձությունների հիշատակումից․

«2018 թվականը լավ էր սկսվել․ ՍԴ նախագահ Գագիկ Հարությունյանն արագ հրաժարական տվեց, ընտրվեց ԲԴԽ նախագահ։ Մարտին այս դահլիճում մեծ արագությամբ տեղի ունեցան ՍԴ նախագահի ընտրությունները, եւ Հրայր Թովմասյանը մինչեւ 2035 թվականը դարձավ ՍԴ նախագահ՝ այն խորին համոզմամբ, որ մինչեւ 2035-ը՝ իրեն եւ ՀՀԿ-ին՝ իրեն նշանակողին, կապահովագրի բոլոր տեսակի արհավիրքներից եւ կատակլիզմերից։ Սակայն շատ անհարմար բան ստացվեց 2018-ին։ Տեղի ունեցան մեծ փոփոխություններ։ Նույն օրը՝ մարտի 20-ին, Հրայր Թովմասյանն այս ամբիոնից ներկայացրեց իր տեսլականը՝ ՍԴ նախագահի գործունեության վերաբերյալ, օրինակ՝ ՍԴ բանավոր դատաքննությունների ուղիղ հեռարձակում, դատարանի որոշումներից հետո զեկուցող դատավորի հարցազրույց լրագրողների հետ, եւ այլն։ Բայց, ինչպես պարոն Թովմասյանի բոլոր ասածները, այս ամենը մնաց օդից կախված»,- ասաց Դավոյանը, ապա շարունակեց, որ մի պահ մտածում է ու հանգում այն մտքին, որ «դե, մարդը մինչեւ 2035-ը ժամանակ ունի. 2026-ի կողմերը մի դատավարություն կլուսաբանեն, 2035-ի կողմերն էլ մի դաս կկազմակերպվի ուսանողների հետ, առաքելությունն էլ կհամարի ատարտված»։

Թովմասյանի չիրականացված տեսլականից զատ, պատգամավորը խոսեց նաեւ նրա սանիկների «առատության» մասին․

«Ինձ զարմացնում է նաեւ Հրայր Թովմասյանի սանիկների առատությունը, որոնք, ամենայն հավանականությամբ, նրա բարձր հովանու ներքո ինչ ուզել արել են. մեկն ԱԺ-ում մեդալների կեղծումով է զբաղվել, մեկը՝ նոտարական գրասենյակների հանցավոր առուվաճառքով, մյուսը Ռոբերտ Քոչարյանի պաշտպանն է, որը դիմում էր ներկայացրել ՍԴ։ Ինձ երբեմն թվում է, թե ամեն անկյունից Հրայր Թովմասյանի սանիկ կպատահի, որ կզարմացնի իր ճարպիկ գործողություններով»,- իր ելույթում ասաց Արփի Դավոյանը։

Նրա խոսքով՝ ցավալի է, որ Հրայր Թովմասյանը, որն իր պաշտոնը նվեր է ստացել, հիմա էլ ատամներով պաշտպանում է այն, չի շփվում քաղաքացիների հետ ու չգիտի, թե ինչ կարծիք ունեն իր մասին․

«Հրայր Թովմասյանը երեկ շարունակեց իր քաղաքական հոր գործելաոճը՝ տաքուկ հարցազրույց տալով կոնկրետ լրատվամիջոցի, կոնկրետ հարցերով, բայց կարող էր ասուլիս տալ, պարտավոր էր ներկա գտնվել այսօր ԱԺ-ում, պատասխանել հարցերին, հակադարձել, ոչ թե քաղաքական հայտարարություն անել՝ ասելով, որ չի գա ԱԺ եւ ներողություն խնդրեր միայն ԲՀԿ-ից։ Նա պարտավոր էր ներողություն խնդրել բոլոր պատգամավորներից ու խմբակցություններից»։

Արփի Դավոյանը հիշեցրեց Թովմասյանի՝ նախկինում ասված երկու միտք․

«2018-ի մարտի 21-ին Հրայր Թովմասյանը շատ երազկոտ դեմքով ասաց․ «Ես կլինեմ ՍԴ լավ նախագահ կամ լավ Սահմանադրական դատարանի նախագահ»։ Դուք արդեն ձախողել եք, Դուք չեք կարող լինել ՍԴ լավ նախագահ»,- ասաց պատգամավորը, ապա հիշեց Թովմասյանի մյուս միտքը, որ ինքն ամեն ինչ կանի՝ հայ ազգը լինի ազատ ու երջանիկ․

«Ձեր պատկերացումներն ընդհանրապես կապ չունեն հայ ժողովրդի պատկերացումների հետ: Դուք այդ ուղղությամբ անելիք ընդհանրապես չունեք»,- դիմելով Հրայր Թովմասյանին՝ եզրափակեց պատգամավորը։

Հիշեցնենք, որ Հայաստանի խորհրդարանում մեկնարկել է «Իմ քայլը» խմբակցության ներկայացրած Սահմանադրական դատարանի նախագահ Հրայր Թովմասյանի լիազորությունները դադարեցնելու մասին ԱԺ որոշման նախագծի քննարկումը։ Ինչպես արդեն հայտնել ենք, Թովմասյանը նպատակահարմար չի համարել մասնակցել նախագծի քննարկմանը․ նա պատշաճ ծանուցումից հետո ԱԺ չի եկել։

Տպել
591 դիտում

Հայաստանում եղանակը կցրտի մինչև 8 աստիճանով, սպասվում է անձրև և ամպրոպ

Հրդեհ Վարդենիս քաղաքում. այրվել է տան փայտյա տանիքը

«Ավրորա» ֆորումի մասնակիցներն այցելել են Ծիծեռնակաբերդ. Իրականացվել է «Հիշատակի ծառատունկ»

Փոխվարչապետ Մհեր Գրիգորյանը հանդիպել է ԱՄՀ հոլանդաբելգիական ենթախմբի գործադիր տնօրենի հետ

Հայկ Մարությանն ընդունել է Ստեփանակերտի նորընտիր քաղաքապետին

Այսօր կանցկացվի Խնձորի առաջին փառատոնը

Մեր սիրած կիրակին. Նիկոլ Փաշինյանն ընտանիքի հետ պիկնիկ է անում (տեսանյութ)

Արտաշատում հարազատների գերեզմանի մոտից հրազենային վնասվածքով հիվանդանոց է տեղափոխվել 35-ամյա տղամարդ

Մեր սիրած կիրակին. Աննա Հակոբյանը լուսանկար է հրապարակել

«Ավրորա»-ն դարձել է մեր՝ «Խաղաղության համար շնորհվող Նոբելյան Մրցանակը». Նիկոլ Փաշինյան

Հայկ Մարությանն ու Էրմիտաժի գլխավոր տնօրենն այցելել են Կարմիր բլուր հնավայր

Երևանի բոլոր վարչական շրջաններում գիշերը տոնական միաժամանակյա հրավառություն է եղել

Հրդեհ է բռնկվել Արագածոտնի մարզի Աղձք գյուղի մշակույթի նախկին տանը

Տեղեկությունները, թե «Գյումրու տուն-ինտերնատ»ի տարեց խնամյալները դուրս են հանվելու, կեղտոտ մանիպուլյացիա են. նախարար

Սյունիքի մարզում ՈւԱԶ-ը դուրս է եկել երթևեկելի գոտուց և հայտնվել ձորում. վարորդը հոսպիտալացվել է

Լիբանանում ՀՀ դեսպանությունը հորդորում է Բեյրութ այցելած ՀՀ քաղաքացիներին հեռու մնալ մարդաշատ վայրերից

Բանջարաբոստանային կրքեր. նախընտրական կմախքներ ՀՀԿ-ից

Երևանի տոնին նվիրված հրավառությունից հետո հրդեհ է բռնկվել Մատենադարանի հետնամասում. այրվել է մոտ 4000 քմ խոտածածկույթ

Ձայներ առնեմ ցորենով. իրավախախտ «բարեգործները»

Բենդերը, բայց ոչ՝ օստապ. ո՞ւր են կորել դպրոցի փողերը