Պետրոս Ավետիսյանը պատասխանել է Չելոյանցի խոսքերին, թե ինքը 150 դոլարի համար «Փյունիկ» է տեղափոխվել

ՀՀ ֆուտբոլի ազգային հավաքականի եւ «Արարատ-Արմենիա»-ի կիսապաշտպան Պետրոս Ավետիսյանը պատասխանել է «Ուրարտու»-ի (նախկինում՝ «Բանանց») սեփականատեր Ջեւան Չելոյանցի խոսքերին: Վերջինս այսօր՝ հոկտեմբերի 1-ին, լրագրողների հետ հանդիպման ժամանակ պատմեց, որ իր ակումբի ակադեմիայի խաղացողներից մեկին բուժման է ուղարկել, որը ֆուտբոլային գիտելիքներ է ստացել իր ակումբում, սակայն 150 դոլար ավելի ստանալու համար տեղափոխվել է այլ ակումբ: Լրագրողների դիտարկմանը՝ խոսքն Ավետիսյանի մասին է, որը ժամանակին «Բանանց»-ից գնացել է «Փյունիկ», Չելոյանցը չառարկեց: Րոպեներ առաջ էլ ֆուտբոլիստը սոցցանցերում հայտարարեց, որ հեռանալու պատճառն այլ է եղել:   

«Հարգելի ֆուտբոլասերներ,

Ցանկանում եմ անդրադառնալ «Ուրարտու» ֆուտբոլային ակումբի սեփականատիրոջ՝ իմ հասցեին արված վիրավորական արտահայտություններին։ Ցավում եմ, որ նա մինչեւ հիմա տեղյակ չէ, թե որն է եղել մեկ ակումբից մյուսը տեղափոխվելու իմ մոտիվացիան, ինչի հետեւանքով ոչինչ չի փոխվում իր ակումբում։

Ուզում եմ՝ բոլորդ իմանաք, որ ոչ «Բանանց»-ից «Փյունիկ», ոչ էլ «Փյունիկ»-ից »Արարատ-Արմենիա» տեղափոխվելիս իմ աշխատավարձը գրեթե չի փոխվել։ Երկու տեղափոխությունների ժամանակ էլ գումարային հարցեր ես նույնիսկ չեմ քննարկել եւ թե ինչքան եմ ստանալու, իմացել եմ միայն ամենավերջին պահին՝ պայմանագիրը ստորագրելիս։

Իմ միակ մոտիվացիան եղել է ֆուտբոլ խաղալու երազանքս, որից ես գրեթե զրկված էի «Բանանց»-ում՝ Տիտո Ռամալյոյի գլխավորությամբ, երբ ինձ ուղիղ տեքստով ասում էին, որ հույսեր չեն կապում ինձ հետ։ Այնպես, ինչպես իրենց ֆուտբոլային երազանքն իրագործելու հնարավորությունից մինչեւ հիմա զրկված են «Բանանց»-ի (այժմ՝ «Ուրարտու»-ի) շատ տաղանդավոր հայ ֆուտբոլիստներ, որոնք աճ գրանցելու համար իրենց լավագույն տարիներն անցկացնում են լավագույն դեպքում պահեստայինների նստարանին։

Ի՞նչ էր մնում ինձ անել, երբ մարզիչներն ինձ հետ հույսեր չէին կապում, բայց նաեւ թույլ չէին տալիս հեռանալ։ Ես միշտ երախտապարտ կլինեմ «Բանանց»-ին այն կրթության համար, որն այնտեղ ստացել եմ, բայց այս իրավիճակում մնում էր միայն ամեն ինչ անել, որպեսզի փախչեմ այդ՝ Չ տառով սկսվող մարդու ակումբից եւ փրկել կարիերաս։ Ամեն ինչ անել, որպեսզի գնալ այլ՝ ավելի լավ ակումբ, որտեղ ինձ հավատում ու վստահում են, գոլեր խփել, հաղթել ինձ հետ հույսեր չկապող մարզչի թիմին, չեմպիոն դառնալ, հրավիրվել հավաքական եւ ապացուցել, որ ես արժանի եմ կանաչ խաղադաշտում տեղ ունենալուն, ինչը եւ ես արել եմ եւ ինչը, ինչպես փորձն է ցույց տալիս, չի հաջողվում անել «Բանանց»-ում մնացած գրեթե ոչ մի խաղացողի»,- գրել է ֆուտբոլիստը։

Պետրոս Ավետիսյանը համարվում է Հայաստանի ամենահեռանկարային ֆուտբոլիստներից մեկը: Կարեւոր խաղացող է «Արարատ-Արմենիա»-ի համար: Պարբերաբար հրավիրվում է հավաքական:

Տպել
1102 դիտում

Պետական եկամուտների կոմիտեում պարգեւավճարներ վճարվել, վճարվում եւ վճարվելու են. Անանյան

Երբ առաջին անգամ պարեցի իմ մահը, այլևս վախ չունեմ մահվանից

Մթության մեջ հարձակվել է մեր 2-րդ ոստիկանի վրա եւ փորձել ազատել ընկերոջը. ոստիկանապետը մանրամասներ է պատմում (տեսանյութ)

Աշխատանքային քննարկումների ժամանակ վարչապետի հնչեցրած դժգոհությունները եղել են գործառույթների վերաբերյալ. Անանյան

Կանադան եւս դադարեցնում է զենքի վաճառքը Թուրքիային

Երեւանում մաքսային ձեւակերպումներ չեն լինելու, Արարատյան մաքսատուն չի լինելու. ՊԵԿ նախագահ

Խոշոր հրդեհ Լոռիում. այրվել է շուրջ 50 հա տարածք, կրակի մուտքն անտառ կանխվել է (լուսանկարներ)

Եվրոպայի խոշոր և էժան ավիաընկերություններից Ryanair-ը 2020 թ.-ից թռիչքներ կիրականացնի Երեւանից դեպի Հռոմ, Միլան և Բեռլին

Երեւանի գործարաններից մեկից ծուխ է նկատվել. փրկարարները մեկնել են հրդեհի բարդության «1-ԲԻՍ» կանչով

Առավոտից վերահսկողություն է սկսվել Արտաշատի բոլոր դպրոցներում. ստուգվում է վաճառվող սնունդը

Քննչական կոմիտեի նախագահը ցավակցել է ոստիկանի մահվան կապակցությամբ

6 թիմեր ժամանակից շուտ հայտնվեցին Եվրո 2020-ում

2019 թվականի ինն ամիսների ընթացքում տպվել է 312 մլն 386 հազար 974 ՀԴՄ կտրոն. Անանյան

Բակո Սահակյանը Երեւանում մասնակցել է «Բարեփոխելով աշխարհը» կինոփառատոնի շրջանակներում միջոցառմանը

Փրկարարները մարել են Կապանի տներից մեկում բռնկված հրդեհը. տուժածներ չկան

Անցկացվել են մարտական կրակի կառավարման գործնական պարապմունքներ

2019 թվականի ինն ամիսների ընթացքում ՊԵԿ-ը հավաքագրել է 1 տրլն 79.2 մլրդ դրամ հարկային եկամուտներ․ Դավիթ Անանյան

Ոստիկանին սպանելու, մյուսին վնասվածք հասցնելու կասկածանքով ձերբակալվածները եղբայրներ են, որոնցից մեկը անչափահաս է

Ռուստամ Բադասյանը ԵԽ գլխավոր քարտուղարի հետ քննարկել է դատաիրավական բարեփոխումներին վերաբերող մի շարք հարցեր

Արտաշատի դպրոցում թունավորված աշակերտները դուրս են գրվել, բացի մեկից. նա պիցցան ամբողջն էր կերել եւ վիճակն ավելի վատ էր