«Ուրարտու» (նախկինում՝ «Բանանց») ակումբի սեփականատեր Ջեւան Չելոյանցը կարծում է, որ այս պահին հայկական ֆուտբոլում գոյություն ունեն այնպիսի խնդիրներ, որոնք չլուծելու դեպքում ֆուտբոլը երկրում կվերանա: Այդ մասին նա նշեց այսօր՝ հոկտեմբերի 1-ին, լրագրողների հետ հանդիպման ժամանակ: Կարեւորներից մեկը, ըստ նրա, պատանի տաղանդների համար փոխհատուցում սահմանելու անհրաժեշտությունն է: Այժմ գործող օրենքների պայմաններում որոշ ակումբներ հեշտությամբ մյուսների ակադեմիաներից խաղացողներ են տանում:

«Առաջին հարցը մինչեւ 16 տարեկան ֆուտբոլիստների փոխհատուցումն է, նրանց, ում հետ դեռ չի կարելի պրոֆեսիոնալ պայմանագիր ստորագրել: Սա այնպիսի հարց է, որն իր հետեւից բազմաթիվ խնդիրներ է բերում: Իմ կարծիքն է, որ, եթե շարունակենք ձգձգել այս հարցը, վախենամ՝ ՀՀ-ում ֆուտբոլ չի լինի»,- ասաց նա:

Չելոյանցը բերեց 1 օրինակ, երբ իր ակումբը գումարներ է ծախսել երիտասարդ ֆուտբոլիստներից մեկի վրա: Նրան ֆուտբոլային գիտելիքներ է տվել, հոգացել վնասվածքները բուժելու խնդիրը: Հետագայում, սակայն, խաղացողը հեշտությամբ տեղափոխվել է այլ ակումբ՝ մի փոքր ավելի աշխատավարձի համար:

«Գնաց, բուժվեց, եկավ, վերականգնվեց, մարզավիճակ հավաքեց: Միջմրցաշրջանը եկավ, նրան այլ ակումբում առաջարկեցին, կարծեմ, 150 դոլարով ավելի: Եկավ, ասաց, որ ուզում է գնալ, քանի որ այնտեղ 150 դոլարով ավելի են տալիս: Երբ ինձ տեղյակ պահեցին, ասացի՝ թող գնա: Այդ ակումբը նույնիսկ գումար էր առաջարկում, քանի որ մեզ հետ պայմանագիր ուներ. դա այն ժամանակվա համար անհավանական երեւույթ էր, բայց ասացի՝ ոչ, թող անվճար գնա»,- ասաց նա:

Չելոյանցը խոստովանեց, որ գուցե իրենք են թերացել այդ մարզիկին որպես մարդ դաստիարակելու հարցում, բայց, ամեն դեպքում, վստահություն հայտնեց, որ պատանիների համար փոխհատուցում սահմանելու դեպքում նման խնդիրների առաջ ակադեմիա ունեցող ակումբները չեն կանգնի: Նա ընդգծեց, որ դա ոչ միայն իրենց է վնասում, այլեւ ընդհանրապես հայկական ֆուտբոլին: Ըստ նրա՝ այն ակումբները, որոնք ակադեմիա չունեն, այլ ունեն միայն գումար, որով կարող են այս կամ այլ թիմերից ուժեղների գնել, երկար չեն գոյատեւի: Նշեց, որ այդպես է եղել, օրինակ, ռուսական «Անժի»-ի դեպքում, որին հարուստ սեփականատերը կարճ ժամանակում հասցրել է եվրագավաթների, սակայն հիմա այն ռուսական 2-րդ լիգայի մրցաշարային աղյուսակի ներքեւում է:

«Ամբողջական ակադեմիա միայն «Բանանց»-ն ունի: Ակադեմիայի նման բան ունի «Փյունիկ»-ը, թող չնեղանան. նրանք համապատասխան ենթակառուցվածքներ չունեն, եւ նմանատիպ բան ունի «Արարատ-Արմենիա»-ն: Այդ բառը ճիշտ ընտրեցի՝ նմանատիպ ինչ-որ բան: Մնացածը ոչինչ չունեն ու չեն ունենա, եթե փոխհատուցում չսահմանենք: Եթե ակումբն ակադեմիա չունենա, ակումբն էլ չի լինի»,- ասաց նա:

Չելոյանցը նաեւ նշեց, որ խնդրով դիմել է Հայաստանի ֆուտբոլի ֆեդերացիակին: Ասաց, որ առաջարկություն է արել գլխավոր քարտուղար Արմեն Մելիքբեկյանին: Վերջինս, «Ուրարտու»-ի սեփականատիրոջ խոսքով, ուշադրություն չի դարձրել դրան:

«Մեր առաջարկը տվել ենք ֆեդերացիային, եւ տվել ենք վաղուց: Ֆեդերացիային չեմ ասի, ազգանուններ կտամ, որ մարդիկ իմանան՝ մենք դա հիշում ենք, որ ով է խոստացել ու չի արել: Տվել ենք պարոն Մելիքբեկյանին, ոչինչ չի արել, զրո»,- ասաց նա:

Երեկ՝ լրագրողների հետ հանդիպման ժամանակ, փոխհատուցում սահմանելու մասին խոսել էր նաեւ «Փյունիկ»-ի սեփականատեր Արթուր Սողոմոնյանը: Նա պատմել էր, որ ՀՀ չեմպիոն «Արարատ-Արմենիա»-ն իրենց ակադեմիայից 6 տաղանդավոր երիտասարդ է տարել, իսկ այսօրվա օրենքներով փոխհատուցումը 1 ֆուտբոլիստի համար տարեկան 60 դոլար է, ինչը նրա կարծիքով ծիծաղելի թիվ է:

Տպել
1120 դիտում

Խոշոր հրդեհ Լոռիում. այրվել է շուրջ 50 հա տարածք, կրակի մուտքն անտառ կանխվել է (լուսանկարներ)

Եվրոպայի խոշոր և էժան ավիաընկերություններից Ryanair-ը 2020 թ.-ից թռիչքներ կիրականացնի Երեւանից դեպի Հռոմ, Միլան և Բեռլին

Երեւանի գործարաններից մեկից ծուխ է նկատվել. փրկարարները մեկնել են հրդեհի բարդության «1-ԲԻՍ» կանչով

Առավոտից վերահսկողություն է սկսվել Արտաշատի բոլոր դպրոցներում. ստուգվում է վաճառվող սնունդը

Քննչական կոմիտեի նախագահը ցավակցել է ոստիկանի մահվան կապակցությամբ

6 թիմեր ժամանակից շուտ հայտնվեցին Եվրո 2020-ում

2019 թվականի ինն ամիսների ընթացքում տպվել է 312 մլն 386 հազար 974 ՀԴՄ կտրոն. Անանյան

Բակո Սահակյանը Երեւանում մասնակցել է «Բարեփոխելով աշխարհը» կինոփառատոնի շրջանակներում միջոցառմանը

Փրկարարները մարել են Կապանի տներից մեկում բռնկված հրդեհը. տուժածներ չկան

Անցկացվել են մարտական կրակի կառավարման գործնական պարապմունքներ

2019 թվականի ինն ամիսների ընթացքում ՊԵԿ-ը հավաքագրել է 1 տրլն 79.2 մլրդ դրամ հարկային եկամուտներ․ Դավիթ Անանյան

Ոստիկանին սպանելու, մյուսին վնասվածք հասցնելու կասկածանքով ձերբակալվածները եղբայրներ են, որոնցից մեկը անչափահաս է

Ռուստամ Բադասյանը ԵԽ գլխավոր քարտուղարի հետ քննարկել է դատաիրավական բարեփոխումներին վերաբերող մի շարք հարցեր

Արտաշատի դպրոցում թունավորված աշակերտները դուրս են գրվել, բացի մեկից. նա պիցցան ամբողջն էր կերել եւ վիճակն ավելի վատ էր

Արցախի Հանրապետության Նախագահն ընդունել է ԵԱՀԿ Մինսկի խմբի համանախագահներին

ՀՀ ոստիկանությունը հրապարակել է ծառայության ընթացքում զոհված ոստիկանի լուսանկարը

Վարչապետը ելույթ է ունենում «Գլոբալ ինովացիոն ֆորում 2019. Փոխակերպելով բանականությունը» համաժողովի բացմանը

Գիշերվա միջադեպից տուժած ոստիկանը գլխուղեղի ցնցում ունի. նա հիվանդանոցում է

Մի ոստիկանին սպանելու, մյուսին վնասվածք հասցնելու մեջ կասկածվող 2 անձինք հայտնաբերվել են. Ահարոնյան

25-ամյա ոստիկանը գլխի շրջանում պատռվածքներ ունի, 38-ամյա ոստիկանը տեղափոխվել է արդեն մահացած. ՔԿ