Մանվել Գրիգորյանի ունեցվածքը ինչի՞ չեք վաճառում, օգնում մայրերին․ վարչապետը՝ Գրիգորյանի նախկին օգնականին

-Դուք Մանվել Գրիգորյանի օգնականը չե՞ք։

-Եղել եմ։ 

- Բա, Մանվել Գրիգորյանի ունեցվածքը ինչի՞ չեք վաճառում եւ օգնում զոհվածների մայրերին կամ մինչեւ 2018 թվականը ինչի՞ չեք վաճառել․․․ թրերը, ոսկիները, փողերը, ինչի՞ չեք բաժանել, ի՞նչ եք եկել հիմա ինձնից ուզում։

Այսպիսի խոսակցություն այսօր տեղի ունեցավ ՀՀ վարչապետ Նիկոլ Փաշինյանի եւ Մանվել Գրիգորյանի նախկին օգնականի միջեւ կառավարության դիմաց զոհվածների մայրերի բողոքի ակցիայի ժամանակ, որին մասնակցում էր նաեւ Գրիգորյանի նախկին օգնականը։

Երբ Գրիգորյանի նախկին օգնականը հարցրեց՝ կարելի՞ է արձագանքել, Փաշինյանը կտրուկ պատասխանեց․

«Ո՛չ, ձեզ չի կարելի»,- ասաց վարչապետն ու մտավ կառավարության շենքի դռներից ներս։

Նշենք, որ Նիկոլ Փաշինյանը քիչ առաջ հանդիպեց զոհված զինծառայողների մայրերի հետ, որոնք առավոտից կառավարության շենքի մոտ բողոքի ակցիա էին իրականացնում՝ պահանջելով բոլոր զոհվածների ընտանիքներին հատկացնել 30 մլն դրամ փոխհատուցում, ինչպես Մարտի 1-ի զոհերի ընտանիքներին։

Զինծառայողների մայրերը՝ «Զինվոր» հ/կ համագործակցությունների համակարգող խորհրդի նախագահ Մարգարիտա Խաչատրյանի գլխավորությամբ, նշեցին՝ իրենք ակնկալում են, որ կառվարությունն այսօրվա նիստում որոշում կկայացնի եւ բոլոր զոհվածներին կհատկացնի 30 մլն դրամ, հակառակ դեպքում իրենք պատրաստվում են նստացույց անել կառավարության շենքի մոտ։

Փաշինյանը փորձեց մայրերին բացատրել իրավիճակը․ «Երբ 2018-ին դարձա վարչապետ, ՀՀ զինծառայողների պաշտպանության հիմնադրամը վճարում էր 2017-ի հունվարի մեկից հետո տեղի ունեցած դեպքերի համար։ Առաջին որոշումներից մեկը, որ կայացրինք, այդ հիմնադրամի գործունեության ժամկետը երկու տարով տարանք հետ՝ վճարել 2014 թվականից։ Էդ որոշումը, որ կայացրինք, նախորդ տարվա օգոստոսն էր, սեպտեմբերի 21-ի առիթով Եռաբլուրում էինք, եւ այդ օրը մեր կողմից շատ հարգված սեւազգեստ եւ զոհված զինվորների մայրեր մոտեցան մեզ եւ ինձ ասացին՝ մենք ձեզնից խորապես վիրավորված ենք, վիրավորել եք մեզ։ Ես ասացի՝ կներեք, բայց ի՞նչ եմ արել, որ վիրավորել եմ։ Իրենք պատասխանեցին, որ 1000 դրամների հիմնադրամը հետ եք տարել երեք տարի, բայց մեր երեխաները զոհվել են 2011-ին, եւ մենք խորապես վիրավորված ենք։ Ես ասացի՝ մեր հարգելի՛ մայրեր, բոլորիդ առաջ խոնարհվում եմ, բայց էդ որոշման մեջ դուք ոչ թե վիրավորանք պիտի տեսնեք ձեր հասցեին, այլ պետք է քաջալերվեք՝ տեսնելով, որ կառավարությունն այս պահին քայլ է արել եւ այդ ուղղությամբ է գնում։ Դրանից մոտ 7 ամիս հետո նույն հիմնադրամի հետ կապված որոշում կայացվեց, որ սկսենք վճարել 2008 թվի հունվարի 1-ից հետո տեղի ունեցած դեպքերի համար։ Այսինքն՝ մի տարվա մեջ մենք վճարման դեպքերն ինը տարով հետ ենք տարել։ Ես մի քանի անգամ հայտարարել եմ, որ հիմնադրամը պետք է հետ գնա մինչեւ իննսունականներ»,- պարզաբանեց վարչապետը։

Նա նշեց, որ արդեն շրջանառվում է մի փաստաթուղթ, որով մարտական հերթապահության ժամանակ զոհված կհամարվեն ոչ միայն այն զինվորները, որոնք զոհվել են հենց սահմանին՝ ավտոմատն ուսին, այլ նաեւ նրանք, որոնք զոհվել են թիկունքում, օրինակ՝ դիրքերից հետ դառնալիս։

Տպել
5779 դիտում

«Ավրորա»-ն դարձել է մեր՝ «Խաղաղության համար շնորհվող Նոբելյան Մրցանակը». Նիկոլ Փաշինյան

Հայկ Մարությանն ու Էրմիտաժի գլխավոր տնօրենն այցելել են Կարմիր բլուր հնավայր

Երևանի բոլոր վարչական շրջաններում գիշերը տոնական միաժամանակյա հրավառություն է եղել

Հրդեհ է բռնկվել Արագածոտնի մարզի Աղձք գյուղի մշակույթի նախկին տանը

Տեղեկությունները, թե «Գյումրու տուն-ինտերնատ»ի տարեց խնամյալները դուրս են հանվելու, կեղտոտ մանիպուլյացիա են. նախարար

Սյունիքի մարզում ՈւԱԶ-ը դուրս է եկել երթևեկելի գոտուց և հայտնվել ձորում. վարորդը հոսպիտալացվել է

Լիբանանում ՀՀ դեսպանությունը հորդորում է Բեյրութ այցելած ՀՀ քաղաքացիներին հեռու մնալ մարդաշատ վայրերից

Բանջարաբոստանային կրքեր. նախընտրական կմախքներ ՀՀԿ-ից

Երևանի տոնին նվիրված հրավառությունից հետո հրդեհ է բռնկվել Մատենադարանի հետնամասում. այրվել է մոտ 4000 քմ խոտածածկույթ

Ձայներ առնեմ ցորենով. իրավախախտ «բարեգործները»

Բենդերը, բայց ոչ՝ օստապ. ո՞ւր են կորել դպրոցի փողերը

Հրդեհ՝ Երևանի Բատիկյան փողոցում. տանը հայտնաբերվել է բնակչի դին

Նիկոլ Փաշինյանը՝ մեծ կտավի մեկ մասնիկի առաջին գնորդն ու կտավն ամբողջացնող վերջին այցելուն Գյումրիում

Աննա Հակոբյանը մասնակցել է Ararat challange փառատոնի բացման արարողությանը

Բաքվում չարտոնված ցույցի պատճառով փակել են մետրոյի երեք կայարան

Աննա Հակոբյանը մասնակցել է «Առողջ ապրելակերպը՝ բոլորի համար» խորագրով սպորտային տոնին

Ուկրաինայի խորհրդարանում Հայաստանի հետ միջխորհրդարանական կապերի պատգամավորական խումբ է ստեղծվել

Հյուսիսային մաքսատունը Գյումրիում կբացվի այս տարի. հստակ ժամկետ, սակայն, չկա

«Էրեբունի-Երեւան» միջոցառումների շրջանակներում սպասվում է անակնկալ. Հայկ Մարության

Ապօրինի գույքի «քաղհալածյալ» սեփականատերերը․ նախկին իշխանություններին խիստ մտահոգել է օրենքի նախագիծը