Այդ գումարը ես պետք է ինչ-որ մի տեղից վերցնեմ, ես կյանքում պարտքեր չեմ արել. Ռոբերտ Քոչարյան

«Դատախազության աշխատակիցների համար դժվար է հասկանալ ընդհանրապես, որ ես այն մարդը չեմ, որ կարող եմ ինչ-որ բանից փախչել: Հասկանում եմ, որ իրոք դժվար է սա իրենց համար պատկերացնել եւ շատ-շատերի»:

Նման հայտարարություն արեց Մարտի 1-ի գործով ամբաստանյալ Ռոբերտ Քոչարյանը՝ խոսելով իրեն գրավով ազատելու վերաբերյալ պաշտպանի միջնորդության մասին:

«Եթե փախչող լինեի, այսօր Ստեփանակերտում ադրբեջանցիք թեյ խմելիս կլինեին: Ինձ համար իրոք նույնիսկ վիրավորական է, որ ես ստիպված եմ դա ասել, որովհետեւ մարդու կենսագրությունը երեւի շատ ավելի լավ է խոսում մարդու մասին»,- շարունակեց Քոչարյանը:

Անդրադառնալով կալանավորման հիմքերին՝ քննության վրա ազդելու եւ խոչընդոտելու վերաբեյալ, Քոչարյանը ասաց, որ չկան այդպիսի փաստեր, որ ինքը կարող է ազդել քննության վրա, խոչընդոտել քննությանը: Նա հավելեց՝ քանի որ բավական լավ ծանոթ են քրեական գործին, նաեւ, ըստ նրա, չկա այն սուբյեկտը, որի վրա պետք է ազդի ինչ-որ բան փոխելու համար: «Հարգելի՛ դատավոր, դուք էլ ունեք քրեական գործը, ամբողջ գործում ընդամենը կա իմ հետ կապված երկու-երեք դրվագ. առաջինը՝ դա փետրվարի 23-ին նախագահականում բարձրագույն զինվորական կազմի հետ հանդիպումն է. ներկա է եղել մոտ 25 մարդ, հարցաքննվել է 12-13 հոգի: Այդ ժամանակ քննարկում չի եղել, ուղղակի, ես ելույթ եմ ունեցել, եւ կան 13 հոգու ցուցմունքները: Ձեզնից 40-50 րոպե կպահանջվի դրանց ծանոթանալու համար, համոզվելու համար՝ այստեղ որեւէ բան փոխելու մոտիվացիա ես պե՞տք է ունենամ, թե՞ չպետք է ունենամ: Կա եւս 3-4 մարդու ցումցունք, որոնք այդ շաբաթվա ընթացքում ընդհանրապես իմ հետ շփում են ունեցել հեռախոսով, թե անմիջապես: 850 վկայից միայն սրանք են, որոնք  ինձ տեսել են ֆիզիկապես կամ ինձ հետ շփվել են: Այս 3- 4 հոգուց մեկը Տիգրան Թորոսյանն է (2008-ին զբաղեցրել է ԱԺ նախագահի պաշտոնը), որի հետ ես համաձայնեցրել, քննարկել եմ արտակարգ դրության հրամանագիրը: Սերժ Սարգսյանը՝ նաեւ որպես վարչապետ, զանգել, համաձայնեցրել եմ այդ հրամանագիրը, Հայկ Հարությունյանն է (2008-ին եղել է ՀՀ ոստիկանապետը), որն իր ցուցմունքում ասում է, որ ինձ տեղյակ է պահել ինչ-որ գործողությունների մասին եւ Արմեն Գեւորգյանն է (2008-ին զբաղեցրել է ԱԱԽ քարտուղարի պաշտոնը), որին հանձնարարվել է արտակարգ դրության մասին հրամանագիրը պատրաստել: Վերջ, ամբողջ այն հատորների մեջ չկա մի մարդ, որն ինձ տեսած լիներ, որ ինձ հետ շփված լիներ՝ ողղակի, անուղղակի, հեռախոսով, միջնորդված եւ այլն»,- հայտարարեց Քոչարյանը: Վերջինս ասաց, որ այդ բոլոր ցուցմունքների հետ ինքը համաձայն է, բացի Արշակ Կարապետյանի ցուցմունքից: «Նա, ճիշտ նկարագրելով այդ հանդիպումը, ընդամենը մեկ նախադասություն է ասել, որը իրականությանը չի համապատասխանում եւ որը չեն հաստատում 12 ուրիշ ցուցմունքներով: Կարապետյանն ասել է, թե իբրեւ ես փետրվարի 23-ին բանավոր հայտարարել եմ արտակարգ դրություն հայտարարելու մասին: Սա, ուղղակի, աբսուրդ է, բանավոր արտակարգ դրություն չի լինում: Դուք, այդ նյութերին ծանոթանալով, կարող եք պատկերացնել, թե այդ ինչի վրա ես պետք է ազդեմ, կամ որ ի՞նչ փոխվի: Այդ ցուցմունքներով չկա այդպիսի բան, եթե կա նման ցուցմունքներ՝ կապված մարդկանց հետ, ուղղակի ինձ հետ շփում ունեցող, թող դատախազությունը ասի՝ ովքեր են»,- ասաց ամբաստանյալ Քոչարյանը:

Խոսելով գրավի չափի մասին՝ Քոչարյանն ասաց. «Եթե ապասառեցնեք իմ հաշիվները, ուրիշ իրավիճակ է, եթե չեք ապասառեցնում, մեկ ուրիշ իրավիճակ է: Ես չգիտեմ՝ դուք ինչ եք մտադրված անել: Փաստը նա է, որ ե՛ւ իմ, ե՛ւ իմ ընտանիքի անդամների հաշիվները սառեցված են. ակնհայտ է, որ այդ գումարը ես պետք է ինչ-որ մի տեղից, մեկից վերցնեմ, ես կյանքում պարտքեր չեմ արել, էդ տեսակը չեմ»:

Հիշեցնենք, որ Քոչարյանին ՍԴ հիմքով չազատելու դատարանի որոշումից հետո նրա պաշտպաններից Հովհաննես Խուդոյանը գրավի միջնորդություն ներկայացրեց:

Խուդոյանի միջնորդությունը՝ այս հղումով

Տպել
3587 դիտում

Կրակոցներ Երևանում. հայտնաբերվել է «Մակարով» ատրճանակի 3 պարկուճ, 1 գնդակ, 2 ավտոմեքենաների վրա՝ կրակոցների հետքեր

Ա. Հարությունյանը Վրաստանի գործընկերոջ հետ քննարկել է Վրաստանի դպրոցներում հայոց լեզվի դասագրքեր ունենալու հարցը

Մրգաշենի նախկին ղեկավարը բնակիչների անուններով գումարներ է դուրս գրել եւ յուրացրել՝ կեղծելով ստորագրությունները

ԱԳ նախարարն ընդունել է ԱՄՆ-ից ժամանած ռեժիսորների և պրոդյուսերների պատվիրակությանը

ԱՄՆ-ը եւ Թուրքիան Սիրիայում կրակը դադարեցնելու մասին պայմանավորվածություն են ձեռք բերել

Եթե Սերժ Սարգսյանը հրաժարվի գալ Ապրիլյան պատերազմի քննիչ հանձնաժողով, դա կլինի քաղաքական ինքնասպանություն. Ա. Քոչարյան

Գյումրիում կրկին տոն էր, իսկ քաղաքի փողոցներով քայլում էին «Ավրորայի» հերոսները, բարերարներ, Ազնավուրի որդին

1-ին զորամիավորման ուսումնական կենտրոնում անցկացվել են հավաքներ

Մխիթար Հայրապետյանն ընտրվել է Երևանի շախմատի ֆեդերացիայի նախագահ՝ փոխարինելով Տարոն Մարգարյանին

Վարչապետը ներկա է գտնվել արցախյան թեմային նվիրված «Դրախտի դարպասը» ֆիլմի պրեմիերային

Հրդեհ «Դիլիջան ազգային պարկ» ՊՈԱԿ-ի տարածքում. 60 ծառի կոճղ է այրվել, ջերմահարվել՝ 20 հաճարենի

Կառավարությունը «Ryanair»-ին ոչ մի 5 միլիոն էլ չի տալու. ինչո՞վ է պայմանավորված ավիատոմսերի էժան գինը

Քաղաքապետ Հայկ Մարությանը հանդիպել է Մեծ Բրիտանիայի լորդերի պալատի անդամ Արա Դարզիի հետ

Դավիթ Տոնոյանը և ԵՄ հատուկ ներկայացուցիչը քննարկել են ԼՂ հակամարտության հետ կապված հարցեր

Փաշինյանը և Ճապոնիայի վարչապետի հատուկ խորհրդականը քննարկել են ենթակառուցվածքների զարգացման ծրագրերը

Սա մեր երկրի նկատմամբ միջազգային հանրության մեծ վստահության վկայություն է. վարչապետը ՀՀ-ի՝ ՄԱԿ-ում ընտրվելու մասին

Հայաստանը 144 ձայնով ընտրվել է ՄԱԿ Մարդու իրավունքների խորհրդի անդամ 2020-2022 թթ. համար. ԱԳՆ

Նոյեմբերյանի ոստիկանները ապօրինի ծառահատումներ են բացահայտել (տեսանյութ)

Թուրքերի ռազմական օպերացիան Փայլանը որակել է որպես տեղահանություն և ցեղասպանության փորձ

Երեւանի բժշկական քոլեջում տեղի ունեցած հանելուկը. մեկ տուժած շմոլ գազից թունավորմամբ տեղափոխվել է հիվանդանոց