Երևան
15 °C
Տպագրվել է «Հայկական Ժամանակ» օրաթերթի՝ 2006 թվականի սեպտեմբերի 16-ի համարում
Մոտեցեք Երեւանի փողոցով քայլող ցանկացած քաղաքացու եւ հարցրեք, թե ինչ արժե հողը Հայաստանի Հանրապետության մայրաքաղաքում: Նա ձեզ անպայման կասի, որ հողի գինը Երեւանում հասել է աստղաբաշխական թվերի, ու կսկսի վերլուծել, թե ինչու է այդպես: Բայց դուք մի հավատացեք: Երեւանում հողը գին չունի: Համենայն դեպս, Երեւանի քաղաքապետարանի համար Երեւանի հողը մի քանի կիլոգրամ պոմիդորի գին ունի: Հենց այդպիսի գնով էլ քաղաքապետարանը վաճառում է մեր մայրաքաղաքի հողը: Ավելի ճիշտ, չի վաճառում, այլ բիրիքով հանձնում է: Օրինակ, այս տարվա ընթացքում քաղաքապետարանը իբր աճուրդով վաճառել է մայրաքաղաքի տարբեր համայնքներում գտնվող ավելի քան 40 հազար քառակուսի մետր ընդհանուր մակերեսով հողակտորներ: Այս մասին են վկայում այդ աճուրդների մասին հայտարարությունները: Եւ ի՞նչ եք կարծում, որքա՞ն գումար է ստացել քաղաքապետարանը այդ հողերի վաճառքից:
Պինդ բռնվեք: 40 հազար քմ տարածքի վաճառքից իսկի մեկ միլիոն արժեզրկված դոլար էլ չի ստացվել: Այդքան հողը վաճառվել է ընդամենը մոտ 335 մլն դրամով կամ 840 հազար դոլարով: Այսինքն, ավելի քան 4 հեկտար հողը Երեւանում արժե այնքան, որքան որեւէ «էլիտար» շենքում կարժենա երեք հատ միջին չափի բնակարանը: Իսկ իրականում որքանո՞վ կարող էին վաճառվել այդ հողակտորները: Այլ կերպ ասած, որքա՞ն է այդ հողակտորների իսկական գնի ու քաղաքապետարանի սահմանած «բիրիքի» գնի տարբերությունը: Աճուրդների արդյունքների մասին մեր հայթայթած մի քանի տվյալներից հետո պատկերը դառնում է սահմռկեցուցիչ: Այսպես, օրինակ, Դավթաշենի 1-ին եւ 2-րդ փողոցներին հարող տարածքում գտնվող հողակտորը քաղաքապետարանը այս տարի վաճառել է մեկ քառակուսի մետրը 7 հազար դրամով: Այստեղ հողի շուկայական գինը սկսվում է 20 հազար դրամից:
Այսինքն, քաղաքապետարանը իր, իսկ ավելի ճիշտ` մեր բոլորի` հանրության սեփականությունը հանդիսացող հողը վաճառել է շուկայականից մոտ 3 անգամ էժան գնով: Սա չի նշանակում վաճառել: Սա նշանակում է մսխել: Իսկ ի՞նչ կասեք, եթե պնդենք, որ սա ամենաանմեղ օրինակներից մեկն է: Նույն Դավթաշենում կա դեպք, երբ էլի մի 20 հազար դրամանոց հողը վաճառվել է մեկ քմ-ն 5 հազար դրամով: Այսինքն՝ 4 անգամ էժան: Նոր Նորքում էլ այդպիսի պատկեր է. մեկ քմ-ն առնվազն 30 հազար դրամ շուկայական արժեք ունեցող հողակտորը վաճառվել է մոտ 7 հազար դրամով: Իսկ կան դեպքեր, որ ամենաքիչը 32 հազար դրամ շուկայական արժեքով հողը 6 հազարով է մսխվել: Ընդհանուր առմամբ, երբ նայում ես ամբողջական պատկերին, ստացվում է, որ քաղաքապետարան կոչվող «բիրիքնոցը» Երեւանի հողը վաճառել է շուկայականից 3-4 անգամ էժան գնով:
Իհարկե, այս պնդումներին կարող են հակադարձել, թե աճուրդ է տեղի ունեցել, ինչ գին տվել են, այդ գնով էլ վաճառել են: Բայց այդ հեքիաթները կարելի է պատմել շատ փոքր երեխաներին, թե չէ` մի քիչ մեծերի մոտ դա միայն քմծիծաղ կառաջացնի: Այն մասին, թե ինչպես են Հայաստանում անցկացվում նմանատիպ աճուրդներն ու մրցույթները, մի անգամ նույնիսկ Ռոբերտ Քոչարյանն է կարծիք հայտնել: Դե իհարկե, այստեղ ավելորդ է խոսել այն մասին, որ այդ հողակտորների դիմաց գնորդները շատ ավելի մեծ գումար են վճարել, բայց փաստաթղթերում այլ թվեր են գրվել, մնացածը գնացել է խիստ որոշակի անձանց գրպաններ եւ այլն: Այս մասին այլեւս կարիք չկա խոսել ու էներգիա վատնել: Բայց արդյո՞ք միայն քաղաքապետարանն է իրականացնում «բիրիքնոցի» գործառույթ: Շատ ավելի սարսափելի թվերի հետ է խաղ անում ՀՀ կառավարությունը, որն ունի Երեւանի հողերը առանց աճուրդի` ուղղակի վաճառքով ծախելու իրավունք: Եւ, բառիս բուն իմաստով, ծախում է աջ ու ձախ:
Օրինակ, ձեր կարծիքով` ի՞նչ արժե հողը Արշակունյաց պողոտայի վրա: Կասեք` մի երեք հարյուր դոլա՞ր: Լավ, ասենք` 250 դոլար: Բայց դա ձեր կարծիքն է: Իսկ կառավարության կարծիքով` հողն այդտեղ 60 դոլարից ավելի չէ: Կամ` ի՞նչ արժե հողը Խորենացու փողոցում: Կասեք` մի 500-600 դոլա՞ր: Կրկին սխալվեցիք: Կառավարությունն այն գնահատել է ընդամենը 95 դոլար: Պարոնյան փողոցում հողը, կառավարության կարծիքով, արժե 65 դոլար: Ընդհանրացնելով կառավարության կողմից ուղիղ վաճառքով ծախած հողերի ընդհանուր գները՝ ստացվում է ավելի սարսափելի պատկեր: Կառավարությունը Երեւանի կենտրոնում 1 քմ հողը վաճառում է ընդամենը 27 հազար դրամով կամ 65 դոլարով: Ընդամենը ավելացնենք, որ մեր նշած բոլոր գործարքները մի քանի տարի առաջվա առանձին պատմություններ չեն:
Այս ամբողջը այս տարվա առաջին կիսամյակի իրադարձություններ են: Եւ ուրեմն` ի՞նչ: Եւ ուրեմն՝ ոչինչ: Նույն այս պատկերը եղել է անցած տարի, նախանցած տարի: Որեւէ մեկը պատժվե՞լ է: Որեւէ մեկը պաշտոնանկ արվե՞լ է: Երեւանի քաղաքապետ Երվանդ Զախարյանը շարունակում է մնալ Երեւանի քաղաքապետ: Անգամ ընդգրկվել է Հանրապետական կուսակցության խորհրդի կազմում եւ իր պաշտոնից հեռանալու մտադրություն չունի: Առանց փոփոխությունների իր տեղում է նաեւ ՀՀ կառավարությունը, որը ուղղակիորեն ծախում է մեր Երեւանը: Այնինչ բերված թվերը ոչ թե պաշտոնանկության պետք է հանգեցնեին, այլ մի մեծ, շատ մեծ քրեական գործի:
Հայկ Գեւորգյան
Հայաստանի Հանրապետությունը չի մասնակցի ՀԱՊԿ գործունեության ֆինանսավորմանը. ԱԳՆ խոսնակ
Ինչ իրավիճակ է Լարսի ճանապարհին
Հանրապետական կուսակցության երիտթևը միացել է Բագրատ արքեպիսկոպոս Գալստանյանի գլխավորած շարժմանը
Նիկոլ Փաշինյանի նախագահությամբ Մոսկվայում մեկնարկել է ԵԱՏՄ 10-րդ գագաթնաժողովը (տեսանյութ)
Ռեստորանային համալիրի մոտ՝ կիսախարխուլ փայտե տնակում, տղամարդու դի է հայտնաբերվել
236 մլն եվրոյի վարկային համաձայնագիր կստորագրվի. ներկայացվել է Հյուսիս-հարավի Սիսիան-Քաջարան հատվածի ծրագիրը (տեսանյութ)
Մայիսի 9-ին ՄԻՊ-ն արտակարգ ռեժիմով կաշխատի
Հուսամ՝ շարժումը հրապարակ հասնելուց հետո Քոչարյանի խմբակցությունը կպատասխանի տվածս պարզ հարցին. Ալեքսանյան
ԲԿ-ներից մեկում բուժում ստացող կալանավորի սենյակից կասկածելի իրեր են հայտնաբերվել, վերելակի աթոռի տակից՝ թմրանյութ
Նախագահը Սան Ֆրանցիսկոյի և հարակից շրջանների հայ համայնքին է ներկայացրել ՀՀ-ում տեղի ունեցող իրադարձությունները
Նոր նշանակում ՀՀ քննչական կոմիտեում
Մեծ Բրիտանիան կարտաքսի ՌԴ ռազմական կցորդին․ ռուսների համար դիվանագիտական վիզաների նոր սահմանափակում կգործի
Նորագյուղում Իվան Պասկևիչի հուշարձանի մոտից հեռացրել են հայկական դրոշը՝ թողնելով միայն ռուսականը. տելեգրամ ալիքներ
Կիրանցում այսօր սահմանազատում չի կատարվում
Կալանավայրում գտնվող քաղաքացին իր ծանոթի հետ կատարել է 152 դրվագ համակարգչային հափշտակություն․ վնասի չափը 102 մլն դրամ է
Եկեղեցին ՀՀ սահմանադրական կարգը տապալելու հայտարարություններ է անում, պետք է իրավական գնահատական տրվի. Առաքելյան
Աղետալի կարկտահարության հետևանքները․ Սուրենյանը տեսանյութ է հրապարակել Կարբիից
Դոլարը թանկացել է․ ինչ փոփոխություններ է արձանագրել տարադրամի շուկան մայիսի 8-ին
Երևանում առանց պետհամարանիշի ռուսական դրոշներով մեքենաներ են շրջում
«Ամիօ ժամանակաշրջան». կրթությունը հնարավորություն է, որը փոխում է կյանքը
Յունիբանկը բիզնեսին առաջարկում է «Պարզեցված» վարկ` առանց վերլուծության
Կոնվերս Բանկը ՎԶԵԲ տարեկան ժողովի գլխավոր հովանավորն է
Քննարկվել են պարենային անվտանգության ոլորտում փոխադարձ հետաքրքրության հարցեր. հանդիպում ՆԳՆ ոստիկանությունում
Ucom-ի ֆիքսված ցանցը արդեն գործում է Արտաշատում
Հրդեհ մայրաքաղաքի Աբովյան փողոցում
Զախարովան մանրամասնել է՝ ինչ են քննարկելու Պուտինն ու Փաշինյանը
Վիտալի Բալասանյանը միացել է Բագրատ սրբազանի գլխավորած շարժմանը
Հայաստանի և այլ երկրների համար ԵԱՏՄ-ին մասնակցությունը լի է առաջին հերթին իրենց համար օգուտներով. Կրեմլ
ՌԴ ԱԳՆ-ն ողջունել է Ադրբեջանի և Հայաստանի արտգործնախարարների առաջիկա հանդիպումը Ղազախստանում
Անթույլատրելի է Եկեղեցու՝ ինքնիշխանության դեմ քաղաքական պայքարի «թամադայությունը» ստանձնելու կարգավիճակը. Վարդապետյան
Նիկոլ Փաշինյանը ժամանել է Մոսկվա (տեսանյութ)
Կրեմլում անհրաժեշտ և սպասված են անվանել Պուտինի և Փաշինյանի առաջիկա բանակցությունները
Մայր Աթոռում քանի՞սն են պատրաստ բարոյական պատասխանատվություն կրել հակապետական քաղաքականության համար. Չախոյան
Ստամբուլի օդանավակայանում արտակարգ դեպք է գրանցվել (տեսանյութ)
«Անկախություն» ու «ազատություն» բառերը քանի՞ անգամ են օգտագործվել. Բաբաջանյանը՝ Գերագույն հոգևոր խորհրդին
Սերբիայի ԱԳ նախարարը լավատես է Հայաստանի հետ համագործակցության հեռանկարների առումով
Ռուսաստանի և Վրաստանի սահմանին անբարենպաստ եղանակի պատճառով մի քանի հարյուր բեռնատար է կուտակվել
Աստծո անունը քաղաքական կապիտալի վերածելը աստվածահաճո գործ չէ. Ռուբեն Ռուբինյանը՝ Միքայել արքեպիսկոպոս Աջապահյանին
Որոշ շրջաններում կդիտվի -1, -2 աստիճան ցուրտ, անձրևն ու ամպրոպը ՀՀ մի հատվածում կվերածվի կարկուտի
Պուտինը շնորհավորական ուղերձ է հղել Նիկոլ Փաշինյանին
© 2024 Հայկական ժամանակ